śrīmadvālmīkīya rāmāyaṇē yuddhakāṇḍam ।
atha saptaviṃśatyadhikaśatatamassargaḥ ।
pūrṇēchaturdaśēvarṣēpañchamyāṃlakṣmaṇāgrajaḥ ।
bharadvājāśramamprāpyavavandēniyatōmunim ॥ 1 ॥
sō'pṛchChadabhivādyainambharadvājantapōdhanam ।
śṛṇōṣikachchidbhagavansubhikṣānāyamampurē ॥ 2 ॥
kachchitsayuktōbharatōjīvantyapi cha mātaraḥ ।
ēvamuktasturāmēṇabharadvājōmahāmuniḥ ॥ 3 ॥
pratyuvācharaghuśrēṣṭhaṃsmitapūrvamprahṛṣṭavat ।
paṅkadigdhastubharatōjaṭilastvāmpratīkṣatē ॥ 4 ॥
pādukatēpuraskṛtyasarvaṃ cha kuśalaṅgṛhē ।
tvāmpurāchīravasanampraviśantammahāvanam ॥ 5 ॥
strītṛtīyañchyutaṃrājyāddharmakāmaṃ cha kēvalam ।
padātintyaktasarvasvampiturvachanakāriṇam ॥ 6 ॥
sarvabhōgaiḥparityaktaṃsvargachyutamivāmaram ।
dṛṣṭātukaruṇāpūrvammamāsītsamitiñjayaḥ ॥ 7 ॥
kaikēyīvachanēyuktaṃvanyamūlaphalāśinam ।
sāmpratantusamṛddhārthaṃsamitragaṇabāndhavam ॥ 8 ॥
samīkṣyavijitāriṃ cha samābhūpratītiruttamā ।
sarvaṃ cha sukhaduḥkhantēviditammamarāghava ।
yattvayāvipulamprāptañjanasthānnavadhādikam ॥ 9 ॥
brāhmaṇārthēniyuktasyarakṣataḥsarvatāpasān ।
rāvaṇēnahṛtābhāryābabhūvēyamanitā ॥ 10 ॥
mārīchadarśanañchaivasītōnmadhanamēva cha ।
kabandhadarśanañchaivasampābhigamanantathā ॥ 11 ॥
sugrīvēṇa cha tēsakhyaṃyathāvālīhatastvayā ।
mārgaṇañchaivavaidēhyāḥkarmavātātmajasya cha ॥ 12 ॥
viditāyāṃ cha sītāyānnalasēturyathākṛtaḥ ।
yathāchādīpitālaṅkāprahṛṣṭairhariyūthapaiḥ ॥ 13 ॥
saputrabāndavāmātyaḥsabalaḥsahāvāhanaḥ ।
yathā cha nihataḥsaṅkhyērāvaṇōbaladarpitaḥ ॥ 14 ॥
yathā cha nihatētasmin rāvaṇēdēvakaṇṭakē ।
samāgamaśchatridaśairyathādattaśchatēvaraḥ ॥ 15 ॥
sarvammamaitadviditantapasādharmavatsala ।
sampatanti cha mēśiṣyāḥpravṛttākhyāḥpurīmitaḥ ॥ 16 ॥
ahamapyadyatēdadmivaraṃśastrabhṛtāṃvara ।
arghyampratigṛhāṇēdamayōdhyāṃśvōgamiṣyasi ॥ 17 ॥
tasyatachChirasāvākyampratigṛhyanṛpātmajaḥ ।
bāḍhamityēvasamhṛṣṭaḥśrīmānvaramayāchata ॥ 18 ॥
akālaphalinōvṛkṣāssarvēchāpimadhusravāḥ ।
phalānyamṛtagandhīnibahūnivividhāni cha ॥ 19 ॥
bhavantumārgēbhagavannayōdhyāmpratigachChataḥ ।
tathēti cha pratijñātēvachanātsamanantaram ॥ 20 ॥
abhavanpādapāstatrasvargapādapasannibhāḥ ।
puṣphalāḥphalinaśchāsavanipuṣpāḥpuṣpaśālinaḥ ॥ 21 ॥
śuṣkāssamagrapatrāstēnagāśchaivamadhusravāḥ ।
sarvatōyōjanāstrisrōgachChatāmabhavaṃstadā ॥ 22 ॥
tataḥprahṛṣṭāḥplavagarṣabhāstēbahūnidivyāniphalānichaiva ।
kāmādupāśnantisahasraśastēmudāvanitāssvargajitōmudēva ॥ 23 ॥
ityārṣē śrīmadrāmāyaṇē vālmīkīya ādikāvyē yuddhakāṇḍē saptaviṃśatyadhikaśatatamassargaḥ ॥
