শ্রীমদ্বাল্মীকীয রামাযণে যুদ্ধকাংডম্ ।
অথ একবিংশস্সর্গঃ ।
ততস্সাগরবেলাযাংদর্ভানাস্তীর্যরাঘবঃ ।
অংজলিংপ্রাঙ্মুখঃকৃত্বাপ্রতিশিশ্যেমহোদধেঃ ॥ 1 ॥
বাহুংভুজগভোগাভমুপধাযারিসূদনঃ ।
বরকাংচনকেযূরমুক্তাপ্রবরভূষণৈঃ ॥ 2 ॥
ভুজৈঃপরমনারীণামভিমৃষ্টমনেকদা ॥ 3 ॥
চংদনাগুরুভিশ্চৈবপুরস্তাদধিবাসিতম্ ।
বালসূর্যপ্রকাশৈশ্চংদনৈরুপশোভিতম্ ॥ 4 ॥
শযনেচোত্তমাংগেনসীতাযাশ্শোভিতংপুরা ।
তক্ষকস্যেবসংভোগগংগাজলনিষেচিতম্ ॥ 5 ॥
সংযুগেযুগসংকাশংশত্রূণাংশোকবর্ধনম্ ।
সুহৃদানংদনংদীর্ঘংসাগরাংতব্যপাশ্রযম্ ॥ 6 ॥
অসত্যাচপুনস্সব্যংজ্যাঘাতবিগতত্বচম্ ।
দক্ষিণোদক্ষিণংবাহুংমহাপরিঘসন্নিভম্ ॥ 7 ॥
গোসহস্রপ্রদারংমুপধাযমহত্ভুজম্ ।
অদ্যমেমরণংবাদতরণংসাগরস্যবা ॥ 8 ॥
তিরামোমতিংকৃত্বামহাবাহুর্মহোদধিম্ ।
অধিশিশ্যেচবিধিবত্প্রযতোনিযতোমুনিঃ ॥ 9 ॥
তস্যরামস্যসুপ্তস্যকুশাস্তীর্ণেমহীতলে ।
নিযমাদপ্রমত্তস্যনিশাস্তিস্রোঽতিচক্রমুঃ ॥ 10 ॥
সত্রিরাত্রোষিতস্তত্রনযজ্ঞোধর্মবত্সলঃ ।
উপাসততদারামস্সাগরংসরিতাংপতিম্ ॥ 11 ॥
নচদর্শযতেরূপংমংদোরামস্যসাগরঃ ।
প্রযতেনাপিরামেণযথার্হমভিপূজিতঃ ॥ 12 ॥
সমুদ্রস্যততঃক্রুদ্ধোরামোরক্তাংতলোচনঃ ।
সমীপস্থমুবাচেদংলক্ষ্মণংশুভলক্ষ্মণম্ ॥ 13 ॥
অবলেপস্সমুদ্রস্যনদর্শযতিযত্স্বযম্ ।
প্রশমশ্চক্ষমাচৈবআর্জবংপ্রিযবাদিতা ॥ 14 ॥
অসামর্থ্যংফল্নাত্যেতেনির্গুণেষুসতাংগুণাঃ ।
আত্মপ্রশংসিনংদৃষ্টংধৃষ্টংবিপরিথাবকম্ ।
সর্বত্রোত্সৃষ্টদংডংচলোকস্সত্কুরুতেনরম্ ॥ 15 ॥
নসাম্নাশক্যতেকীর্তির্নসাম্নাশক্যতেযশঃ ।
প্রাপ্তুংলক্ষ্মণ লোকেঽস্মিন্ ংজযোবারণমূর্ধনি ॥ 16 ॥
অদ্যমদ্বাণনির্ভগ্নৈর্মকরৈর্মকরানিলযম্ ।
নিরুদ্ধতোযংসৌমিত্রেপ্লবভদিঃপশ্যসর্বতঃ ॥ 17 ॥
মহাভোগানিমত্স্যানাংকরিণাংচকরাহ ।
ভোগিনাংপশ্যনাগানাংমযাছিন্নানিলক্ষ্মণ ॥ 18 ॥
সশংখশুক্তিজালংসমীনমকরংতথা ।
অদ্যযুদ্ধেনমহতাসমুদ্রংপরিশোষযে ॥ 19 ॥
ক্ষমযাহিসমাযুক্তংমামযংমকরালযঃ ।
অসমর্থংবিজানাতিধিক্ ক্ষমামীদৃশেজনে ॥ 20 ॥
নদর্শযতিসাম্নামেসাগরোরূপমাত্মনঃ ॥ 21 ॥
চাপমানযসৌমিত্রেশরাংশ্চাশীবিষোপমান্ ।
সাগরংশোষযিষ্যামিপদ্ ভ্যাংযাংতুপ্লবংগমাঃ ॥ 22 ॥
অদ্যাক্ষোভ্যমপিক্রুদ্ধঃক্ষোভযিষ্যামিসাগরম্ ।
বেলাসুকৃতমর্যাদংসহস্রোর্মিসমাকুলম্ ॥ 23 ॥
নির্মর্যাদংকরিষ্যামিসাযাযিকৈর্বরুণালযম্ ।
মহার্ণবংক্ষোভযিষ্যেমহাদানবসংকুলম্ ॥ 24 ॥
এবমুক্ত্বাধনুষ্পাণিঃক্রোধবিস্ফারিতেক্ষণঃ ।
বভূবরামোদুর্ধর্ষোযুগাংতানগিরিবজ্বলন্ ॥ 25 ॥
সংপীড্যচধনুর্ঘোরংকংপযিত্বাশরৈর্জগত্ ।
মুমোচবিশিখানুগ্রান্বজ্রানিবশতক্রতুঃ ॥ 26 ॥
তেজ্বলংতোমহাবেগাস্তেজসাসাযকোত্তমাঃ ।
প্রবিশংতিসমুদ্রস্যসলিলংত্রস্তপন্নগম্ ॥ 27 ॥
তোযবেগস্সমুদ্রস্যসনক্রমকরোমহান্ ।
সংবভূবমহাঘোরস্সমারুতরবস্তদা ॥ 28 ॥
মহোর্মিকুলাবিততশ্শংখজালসমাবৃতঃ ।
সধূমঃপরিবৃত্তোর্মিস্সহসাসীন্মহোদধিঃ ॥ 29 ॥
ব্যথিতাঃ পন্নগাঃ চ আসন্ দীপ্ত আস্যা দীপ্ত লোচনাঃ ।
দানবাঃ চ মহাবীর্যাঃ পাতাল তল বাসিনঃ ॥ 30 ॥
ঊর্মযস্সিংধুরাজস্যসনক্রমকরাস্তথা ।
বিংদ্যমংদরসংকাশাস্সমুত্পেতুস্সহস্রশঃ ॥ 31 ॥
আঘূর্ণিততরংগৌঘস্সংভ্রাংতোরগরাক্ষসঃ ।
উদ্বর্তিতমহাগ্রাহস্সংবৃত্তস্সলিলাশযঃ ॥ 32 ॥
ততস্তুতংরাঘবমুগ্রবেগংপ্রকর্ষমাণংধনুরপ্রমেযম্ ।
সৌমিত্রিরুত্পত্যসমুচ্ছবসংতংমামেতিচোক্ত্বাদনুরাললংবে ॥ 33 ॥
ইত্যার্ষে শ্রীমদ্রামাযণে বাল্মীকীয আদিকাব্যে যুদ্ধকাংডে একবিংশস্সর্গঃ ॥
