శ్రీమద్వాల్మీకీయ రామాయణే యుద్ధకాండమ్ ।
అథ ఏకవింశస్సర్గః ।
తతస్సాగరవేలాయాందర్భానాస్తీర్యరాఘవః ।
అంజలింప్రాఙ్ముఖఃకృత్వాప్రతిశిశ్యేమహోదధేః ॥ 1 ॥
బాహుంభుజగభోగాభముపధాయారిసూదనః ।
వరకాంచనకేయూరముక్తాప్రవరభూషణైః ॥ 2 ॥
భుజైఃపరమనారీణామభిమృష్టమనేకదా ॥ 3 ॥
చందనాగురుభిశ్చైవపురస్తాదధివాసితమ్ ।
బాలసూర్యప్రకాశైశ్చందనైరుపశోభితమ్ ॥ 4 ॥
శయనేచోత్తమాంగేనసీతాయాశ్శోభితంపురా ।
తక్షకస్యేవసంభోగగంగాజలనిషేచితమ్ ॥ 5 ॥
సంయుగేయుగసంకాశంశత్రూణాంశోకవర్ధనమ్ ।
సుహృదానందనందీర్ఘంసాగరాంతవ్యపాశ్రయమ్ ॥ 6 ॥
అసత్యాచపునస్సవ్యంజ్యాఘాతవిగతత్వచమ్ ।
దక్షిణోదక్షిణంబాహుంమహాపరిఘసన్నిభమ్ ॥ 7 ॥
గోసహస్రప్రదారంముపధాయమహత్భుజమ్ ।
అద్యమేమరణంవాదతరణంసాగరస్యవా ॥ 8 ॥
తిరామోమతింకృత్వామహాబాహుర్మహోదధిమ్ ।
అధిశిశ్యేచవిధివత్ప్రయతోనియతోమునిః ॥ 9 ॥
తస్యరామస్యసుప్తస్యకుశాస్తీర్ణేమహీతలే ।
నియమాదప్రమత్తస్యనిశాస్తిస్రోఽతిచక్రముః ॥ 10 ॥
సత్రిరాత్రోషితస్తత్రనయజ్ఞోధర్మవత్సలః ।
ఉపాసతతదారామస్సాగరంసరితాంపతిమ్ ॥ 11 ॥
నచదర్శయతేరూపంమందోరామస్యసాగరః ।
ప్రయతేనాపిరామేణయథార్హమభిపూజితః ॥ 12 ॥
సముద్రస్యతతఃక్రుద్ధోరామోరక్తాంతలోచనః ।
సమీపస్థమువాచేదంలక్ష్మణంశుభలక్ష్మణమ్ ॥ 13 ॥
అవలేపస్సముద్రస్యనదర్శయతియత్స్వయమ్ ।
ప్రశమశ్చక్షమాచైవఆర్జవంప్రియవాదితా ॥ 14 ॥
అసామర్థ్యంఫల్నాత్యేతేనిర్గుణేషుసతాంగుణాః ।
ఆత్మప్రశంసినందృష్టంధృష్టంవిపరిథావకమ్ ।
సర్వత్రోత్సృష్టదండంచలోకస్సత్కురుతేనరమ్ ॥ 15 ॥
నసామ్నాశక్యతేకీర్తిర్నసామ్నాశక్యతేయశః ।
ప్రాప్తుంలక్ష్మణ లోకేఽస్మిన్ ంజయోవారణమూర్ధని ॥ 16 ॥
అద్యమద్బాణనిర్భగ్నైర్మకరైర్మకరానిలయమ్ ।
నిరుద్ధతోయంసౌమిత్రేప్లవభదిఃపశ్యసర్వతః ॥ 17 ॥
మహాభోగానిమత్స్యానాంకరిణాంచకరాహ ।
భోగినాంపశ్యనాగానాంమయాఛిన్నానిలక్ష్మణ ॥ 18 ॥
సశంఖశుక్తిజాలంసమీనమకరంతథా ।
అద్యయుద్ధేనమహతాసముద్రంపరిశోషయే ॥ 19 ॥
క్షమయాహిసమాయుక్తంమామయంమకరాలయః ।
అసమర్థంవిజానాతిధిక్ క్షమామీదృశేజనే ॥ 20 ॥
నదర్శయతిసామ్నామేసాగరోరూపమాత్మనః ॥ 21 ॥
చాపమానయసౌమిత్రేశరాంశ్చాశీవిషోపమాన్ ।
సాగరంశోషయిష్యామిపద్ భ్యాంయాంతుప్లవంగమాః ॥ 22 ॥
అద్యాక్షోభ్యమపిక్రుద్ధఃక్షోభయిష్యామిసాగరమ్ ।
వేలాసుకృతమర్యాదంసహస్రోర్మిసమాకులమ్ ॥ 23 ॥
నిర్మర్యాదంకరిష్యామిసాయాయికైర్వరుణాలయమ్ ।
మహార్ణవంక్షోభయిష్యేమహాదానవసంకులమ్ ॥ 24 ॥
ఏవముక్త్వాధనుష్పాణిఃక్రోధవిస్ఫారితేక్షణః ।
బభూవరామోదుర్ధర్షోయుగాంతానగిరివజ్వలన్ ॥ 25 ॥
సంపీడ్యచధనుర్ఘోరంకంపయిత్వాశరైర్జగత్ ।
ముమోచవిశిఖానుగ్రాన్వజ్రానివశతక్రతుః ॥ 26 ॥
తేజ్వలంతోమహావేగాస్తేజసాసాయకోత్తమాః ।
ప్రవిశంతిసముద్రస్యసలిలంత్రస్తపన్నగమ్ ॥ 27 ॥
తోయవేగస్సముద్రస్యసనక్రమకరోమహాన్ ।
సంబభూవమహాఘోరస్సమారుతరవస్తదా ॥ 28 ॥
మహోర్మికులావితతశ్శంఖజాలసమావృతః ।
సధూమఃపరివృత్తోర్మిస్సహసాసీన్మహోదధిః ॥ 29 ॥
వ్యథితాః పన్నగాః చ ఆసన్ దీప్త ఆస్యా దీప్త లోచనాః ।
దానవాః చ మహావీర్యాః పాతాల తల వాసినః ॥ 30 ॥
ఊర్మయస్సింధురాజస్యసనక్రమకరాస్తథా ।
వింద్యమందరసంకాశాస్సముత్పేతుస్సహస్రశః ॥ 31 ॥
ఆఘూర్ణితతరంగౌఘస్సంభ్రాంతోరగరాక్షసః ।
ఉద్వర్తితమహాగ్రాహస్సంవృత్తస్సలిలాశయః ॥ 32 ॥
తతస్తుతంరాఘవముగ్రవేగంప్రకర్షమాణంధనురప్రమేయమ్ ।
సౌమిత్రిరుత్పత్యసముచ్ఛవసంతంమామేతిచోక్త్వాదనురాలలంబే ॥ 33 ॥
ఇత్యార్షే శ్రీమద్రామాయణే వాల్మీకీయ ఆదికావ్యే యుద్ధకాండే ఏకవింశస్సర్గః ॥
