ಶ್ರೀಮದ್ವಾಲ್ಮೀಕೀಯ ರಾಮಾಯಣೇ ಯುದ್ಧಕಾಣ್ಡಮ್ ।
ಅಥ ಏಕವಿಂಶಸ್ಸರ್ಗಃ ।
ತತಸ್ಸಾಗರವೇಲಾಯಾನ್ದರ್ಭಾನಾಸ್ತೀರ್ಯರಾಘವಃ ।
ಅಞ್ಜಲಿಮ್ಪ್ರಾಙ್ಮುಖಃಕೃತ್ವಾಪ್ರತಿಶಿಶ್ಯೇಮಹೋದಧೇಃ ॥ 1 ॥
ಬಾಹುಮ್ಭುಜಗಭೋಗಾಭಮುಪಧಾಯಾರಿಸೂದನಃ ।
ವರಕಾಞ್ಚನಕೇಯೂರಮುಕ್ತಾಪ್ರವರಭೂಷಣೈಃ ॥ 2 ॥
ಭುಜೈಃಪರಮನಾರೀಣಾಮಭಿಮೃಷ್ಟಮನೇಕದಾ ॥ 3 ॥
ಚನ್ದನಾಗುರುಭಿಶ್ಚೈವಪುರಸ್ತಾದಧಿವಾಸಿತಮ್ ।
ಬಾಲಸೂರ್ಯಪ್ರಕಾಶೈಶ್ಚನ್ದನೈರುಪಶೋಭಿತಮ್ ॥ 4 ॥
ಶಯನೇಚೋತ್ತಮಾಙ್ಗೇನಸೀತಾಯಾಶ್ಶೋಭಿತಮ್ಪುರಾ ।
ತಕ್ಷಕಸ್ಯೇವಸಮ್ಭೋಗಗಙ್ಗಾಜಲನಿಷೇಚಿತಮ್ ॥ 5 ॥
ಸಂಯುಗೇಯುಗಸಙ್ಕಾಶಂಶತ್ರೂಣಾಂಶೋಕವರ್ಧನಮ್ ।
ಸುಹೃದಾನನ್ದನನ್ದೀರ್ಘಂಸಾಗರಾನ್ತವ್ಯಪಾಶ್ರಯಮ್ ॥ 6 ॥
ಅಸತ್ಯಾಚಪುನಸ್ಸವ್ಯಞ್ಜ್ಯಾಘಾತವಿಗತತ್ವಚಮ್ ।
ದಕ್ಷಿಣೋದಕ್ಷಿಣಮ್ಬಾಹುಮ್ಮಹಾಪರಿಘಸನ್ನಿಭಮ್ ॥ 7 ॥
ಗೋಸಹಸ್ರಪ್ರದಾರಮ್ಮುಪಧಾಯಮಹತ್ಭುಜಮ್ ।
ಅದ್ಯಮೇಮರಣಂವಾದತರಣಂಸಾಗರಸ್ಯವಾ ॥ 8 ॥
ತಿರಾಮೋಮತಿಙ್ಕೃತ್ವಾಮಹಾಬಾಹುರ್ಮಹೋದಧಿಮ್ ।
ಅಧಿಶಿಶ್ಯೇಚವಿಧಿವತ್ಪ್ರಯತೋನಿಯತೋಮುನಿಃ ॥ 9 ॥
ತಸ್ಯರಾಮಸ್ಯಸುಪ್ತಸ್ಯಕುಶಾಸ್ತೀರ್ಣೇಮಹೀತಲೇ ।
ನಿಯಮಾದಪ್ರಮತ್ತಸ್ಯನಿಶಾಸ್ತಿಸ್ರೋಽತಿಚಕ್ರಮುಃ ॥ 10 ॥
ಸತ್ರಿರಾತ್ರೋಷಿತಸ್ತತ್ರನಯಜ್ಞೋಧರ್ಮವತ್ಸಲಃ ।
ಉಪಾಸತತದಾರಾಮಸ್ಸಾಗರಂಸರಿತಾಮ್ಪತಿಮ್ ॥ 11 ॥
ನಚದರ್ಶಯತೇರೂಪಮ್ಮನ್ದೋರಾಮಸ್ಯಸಾಗರಃ ।
ಪ್ರಯತೇನಾಪಿರಾಮೇಣಯಥಾರ್ಹಮಭಿಪೂಜಿತಃ ॥ 12 ॥
ಸಮುದ್ರಸ್ಯತತಃಕ್ರುದ್ಧೋರಾಮೋರಕ್ತಾನ್ತಲೋಚನಃ ।
ಸಮೀಪಸ್ಥಮುವಾಚೇದಂಲಕ್ಷ್ಮಣಂಶುಭಲಕ್ಷ್ಮಣಮ್ ॥ 13 ॥
ಅವಲೇಪಸ್ಸಮುದ್ರಸ್ಯನದರ್ಶಯತಿಯತ್ಸ್ವಯಮ್ ।
ಪ್ರಶಮಶ್ಚಕ್ಷಮಾಚೈವಆರ್ಜವಮ್ಪ್ರಿಯವಾದಿತಾ ॥ 14 ॥
ಅಸಾಮರ್ಥ್ಯಮ್ಫಲ್ನಾತ್ಯೇತೇನಿರ್ಗುಣೇಷುಸತಾಙ್ಗುಣಾಃ ।
ಆತ್ಮಪ್ರಶಂಸಿನನ್ದೃಷ್ಟನ್ಧೃಷ್ಟಂವಿಪರಿಥಾವಕಮ್ ।
ಸರ್ವತ್ರೋತ್ಸೃಷ್ಟದಣ್ಡಞ್ಚಲೋಕಸ್ಸತ್ಕುರುತೇನರಮ್ ॥ 15 ॥
ನಸಾಮ್ನಾಶಕ್ಯತೇಕೀರ್ತಿರ್ನಸಾಮ್ನಾಶಕ್ಯತೇಯಶಃ ।
ಪ್ರಾಪ್ತುಂಲಕ್ಷ್ಮಣ ಲೋಕೇಽಸ್ಮಿನ್ ಞ್ಜಯೋವಾರಣಮೂರ್ಧನಿ ॥ 16 ॥
ಅದ್ಯಮದ್ಬಾಣನಿರ್ಭಗ್ನೈರ್ಮಕರೈರ್ಮಕರಾನಿಲಯಮ್ ।
ನಿರುದ್ಧತೋಯಂಸೌಮಿತ್ರೇಪ್ಲವಭದಿಃಪಶ್ಯಸರ್ವತಃ ॥ 17 ॥
ಮಹಾಭೋಗಾನಿಮತ್ಸ್ಯಾನಾಙ್ಕರಿಣಾಞ್ಚಕರಾಹ ।
ಭೋಗಿನಾಮ್ಪಶ್ಯನಾಗಾನಾಮ್ಮಯಾಛಿನ್ನಾನಿಲಕ್ಷ್ಮಣ ॥ 18 ॥
ಸಶಙ್ಖಶುಕ್ತಿಜಾಲಂಸಮೀನಮಕರನ್ತಥಾ ।
ಅದ್ಯಯುದ್ಧೇನಮಹತಾಸಮುದ್ರಮ್ಪರಿಶೋಷಯೇ ॥ 19 ॥
ಕ್ಷಮಯಾಹಿಸಮಾಯುಕ್ತಮ್ಮಾಮಯಮ್ಮಕರಾಲಯಃ ।
ಅಸಮರ್ಥಂವಿಜಾನಾತಿಧಿಕ್ ಕ್ಷಮಾಮೀದೃಶೇಜನೇ ॥ 20 ॥
ನದರ್ಶಯತಿಸಾಮ್ನಾಮೇಸಾಗರೋರೂಪಮಾತ್ಮನಃ ॥ 21 ॥
ಚಾಪಮಾನಯಸೌಮಿತ್ರೇಶರಾಂಶ್ಚಾಶೀವಿಷೋಪಮಾನ್ ।
ಸಾಗರಂಶೋಷಯಿಷ್ಯಾಮಿಪದ್ ಭ್ಯಾಂಯಾನ್ತುಪ್ಲವಙ್ಗಮಾಃ ॥ 22 ॥
ಅದ್ಯಾಕ್ಷೋಭ್ಯಮಪಿಕ್ರುದ್ಧಃಕ್ಷೋಭಯಿಷ್ಯಾಮಿಸಾಗರಮ್ ।
ವೇಲಾಸುಕೃತಮರ್ಯಾದಂಸಹಸ್ರೋರ್ಮಿಸಮಾಕುಲಮ್ ॥ 23 ॥
ನಿರ್ಮರ್ಯಾದಙ್ಕರಿಷ್ಯಾಮಿಸಾಯಾಯಿಕೈರ್ವರುಣಾಲಯಮ್ ।
ಮಹಾರ್ಣವಙ್ಕ್ಷೋಭಯಿಷ್ಯೇಮಹಾದಾನವಸಙ್ಕುಲಮ್ ॥ 24 ॥
ಏವಮುಕ್ತ್ವಾಧನುಷ್ಪಾಣಿಃಕ್ರೋಧವಿಸ್ಫಾರಿತೇಕ್ಷಣಃ ।
ಬಭೂವರಾಮೋದುರ್ಧರ್ಷೋಯುಗಾನ್ತಾನಗಿರಿವಜ್ವಲನ್ ॥ 25 ॥
ಸಮ್ಪೀಡ್ಯಚಧನುರ್ಘೋರಙ್ಕಮ್ಪಯಿತ್ವಾಶರೈರ್ಜಗತ್ ।
ಮುಮೋಚವಿಶಿಖಾನುಗ್ರಾನ್ವಜ್ರಾನಿವಶತಕ್ರತುಃ ॥ 26 ॥
ತೇಜ್ವಲನ್ತೋಮಹಾವೇಗಾಸ್ತೇಜಸಾಸಾಯಕೋತ್ತಮಾಃ ।
ಪ್ರವಿಶನ್ತಿಸಮುದ್ರಸ್ಯಸಲಿಲನ್ತ್ರಸ್ತಪನ್ನಗಮ್ ॥ 27 ॥
ತೋಯವೇಗಸ್ಸಮುದ್ರಸ್ಯಸನಕ್ರಮಕರೋಮಹಾನ್ ।
ಸಮ್ಬಭೂವಮಹಾಘೋರಸ್ಸಮಾರುತರವಸ್ತದಾ ॥ 28 ॥
ಮಹೋರ್ಮಿಕುಲಾವಿತತಶ್ಶಙ್ಖಜಾಲಸಮಾವೃತಃ ।
ಸಧೂಮಃಪರಿವೃತ್ತೋರ್ಮಿಸ್ಸಹಸಾಸೀನ್ಮಹೋದಧಿಃ ॥ 29 ॥
ವ್ಯಥಿತಾಃ ಪನ್ನಗಾಃ ಚ ಆಸನ್ ದೀಪ್ತ ಆಸ್ಯಾ ದೀಪ್ತ ಲೋಚನಾಃ ।
ದಾನವಾಃ ಚ ಮಹಾವೀರ್ಯಾಃ ಪಾತಾಲ ತಲ ವಾಸಿನಃ ॥ 30 ॥
ಊರ್ಮಯಸ್ಸಿನ್ಧುರಾಜಸ್ಯಸನಕ್ರಮಕರಾಸ್ತಥಾ ।
ವಿನ್ದ್ಯಮನ್ದರಸಙ್ಕಾಶಾಸ್ಸಮುತ್ಪೇತುಸ್ಸಹಸ್ರಶಃ ॥ 31 ॥
ಆಘೂರ್ಣಿತತರಙ್ಗೌಘಸ್ಸಮ್ಭ್ರಾನ್ತೋರಗರಾಕ್ಷಸಃ ।
ಉದ್ವರ್ತಿತಮಹಾಗ್ರಾಹಸ್ಸಂವೃತ್ತಸ್ಸಲಿಲಾಶಯಃ ॥ 32 ॥
ತತಸ್ತುತಂರಾಘವಮುಗ್ರವೇಗಮ್ಪ್ರಕರ್ಷಮಾಣನ್ಧನುರಪ್ರಮೇಯಮ್ ।
ಸೌಮಿತ್ರಿರುತ್ಪತ್ಯಸಮುಚ್ಛವಸನ್ತಮ್ಮಾಮೇತಿಚೋಕ್ತ್ವಾದನುರಾಲಲಮ್ಬೇ ॥ 33 ॥
ಇತ್ಯಾರ್ಷೇ ಶ್ರೀಮದ್ರಾಮಾಯಣೇ ವಾಲ್ಮೀಕೀಯ ಆದಿಕಾವ್ಯೇ ಯುದ್ಧಕಾಣ್ಡೇ ಏಕವಿಂಶಸ್ಸರ್ಗಃ ॥
