ଶ୍ରୀମଦ୍ଵାଲ୍ମୀକୀୟ ରାମାୟଣେ ୟୁଦ୍ଧକାଂଡମ୍ ।
ଅଥ ଏକଵିଂଶସ୍ସର୍ଗଃ ।
ତତସ୍ସାଗରଵେଲାୟାଂଦର୍ଭାନାସ୍ତୀର୍ୟରାଘଵଃ ।
ଅଂଜଲିଂପ୍ରାଙ୍ମୁଖଃକୃତ୍ଵାପ୍ରତିଶିଶ୍ୟେମହୋଦଧେଃ ॥ 1 ॥
ବାହୁଂଭୁଜଗଭୋଗାଭମୁପଧାୟାରିସୂଦନଃ ।
ଵରକାଂଚନକେୟୂରମୁକ୍ତାପ୍ରଵରଭୂଷଣୈଃ ॥ 2 ॥
ଭୁଜୈଃପରମନାରୀଣାମଭିମୃଷ୍ଟମନେକଦା ॥ 3 ॥
ଚଂଦନାଗୁରୁଭିଶ୍ଚୈଵପୁରସ୍ତାଦଧିଵାସିତମ୍ ।
ବାଲସୂର୍ୟପ୍ରକାଶୈଶ୍ଚଂଦନୈରୁପଶୋଭିତମ୍ ॥ 4 ॥
ଶୟନେଚୋତ୍ତମାଂଗେନସୀତାୟାଶ୍ଶୋଭିତଂପୁରା ।
ତକ୍ଷକସ୍ୟେଵସଂଭୋଗଗଂଗାଜଲନିଷେଚିତମ୍ ॥ 5 ॥
ସଂୟୁଗେୟୁଗସଂକାଶଂଶତ୍ରୂଣାଂଶୋକଵର୍ଧନମ୍ ।
ସୁହୃଦାନଂଦନଂଦୀର୍ଘଂସାଗରାଂତଵ୍ୟପାଶ୍ରୟମ୍ ॥ 6 ॥
ଅସତ୍ୟାଚପୁନସ୍ସଵ୍ୟଂଜ୍ୟାଘାତଵିଗତତ୍ଵଚମ୍ ।
ଦକ୍ଷିଣୋଦକ୍ଷିଣଂବାହୁଂମହାପରିଘସନ୍ନିଭମ୍ ॥ 7 ॥
ଗୋସହସ୍ରପ୍ରଦାରଂମୁପଧାୟମହତ୍ଭୁଜମ୍ ।
ଅଦ୍ୟମେମରଣଂଵାଦତରଣଂସାଗରସ୍ୟଵା ॥ 8 ॥
ତିରାମୋମତିଂକୃତ୍ଵାମହାବାହୁର୍ମହୋଦଧିମ୍ ।
ଅଧିଶିଶ୍ୟେଚଵିଧିଵତ୍ପ୍ରୟତୋନିୟତୋମୁନିଃ ॥ 9 ॥
ତସ୍ୟରାମସ୍ୟସୁପ୍ତସ୍ୟକୁଶାସ୍ତୀର୍ଣେମହୀତଲେ ।
ନିୟମାଦପ୍ରମତ୍ତସ୍ୟନିଶାସ୍ତିସ୍ରୋଽତିଚକ୍ରମୁଃ ॥ 10 ॥
ସତ୍ରିରାତ୍ରୋଷିତସ୍ତତ୍ରନୟଜ୍ଞୋଧର୍ମଵତ୍ସଲଃ ।
ଉପାସତତଦାରାମସ୍ସାଗରଂସରିତାଂପତିମ୍ ॥ 11 ॥
ନଚଦର୍ଶୟତେରୂପଂମଂଦୋରାମସ୍ୟସାଗରଃ ।
ପ୍ରୟତେନାପିରାମେଣୟଥାର୍ହମଭିପୂଜିତଃ ॥ 12 ॥
ସମୁଦ୍ରସ୍ୟତତଃକ୍ରୁଦ୍ଧୋରାମୋରକ୍ତାଂତଲୋଚନଃ ।
ସମୀପସ୍ଥମୁଵାଚେଦଂଲକ୍ଷ୍ମଣଂଶୁଭଲକ୍ଷ୍ମଣମ୍ ॥ 13 ॥
ଅଵଲେପସ୍ସମୁଦ୍ରସ୍ୟନଦର୍ଶୟତିୟତ୍ସ୍ଵୟମ୍ ।
ପ୍ରଶମଶ୍ଚକ୍ଷମାଚୈଵଆର୍ଜଵଂପ୍ରିୟଵାଦିତା ॥ 14 ॥
ଅସାମର୍ଥ୍ୟଂଫଲ୍ନାତ୍ୟେତେନିର୍ଗୁଣେଷୁସତାଂଗୁଣାଃ ।
ଆତ୍ମପ୍ରଶଂସିନଂଦୃଷ୍ଟଂଧୃଷ୍ଟଂଵିପରିଥାଵକମ୍ ।
ସର୍ଵତ୍ରୋତ୍ସୃଷ୍ଟଦଂଡଂଚଲୋକସ୍ସତ୍କୁରୁତେନରମ୍ ॥ 15 ॥
ନସାମ୍ନାଶକ୍ୟତେକୀର୍ତିର୍ନସାମ୍ନାଶକ୍ୟତେୟଶଃ ।
ପ୍ରାପ୍ତୁଂଲକ୍ଷ୍ମଣ ଲୋକେଽସ୍ମିନ୍ ଂଜୟୋଵାରଣମୂର୍ଧନି ॥ 16 ॥
ଅଦ୍ୟମଦ୍ବାଣନିର୍ଭଗ୍ନୈର୍ମକରୈର୍ମକରାନିଲୟମ୍ ।
ନିରୁଦ୍ଧତୋୟଂସୌମିତ୍ରେପ୍ଲଵଭଦିଃପଶ୍ୟସର୍ଵତଃ ॥ 17 ॥
ମହାଭୋଗାନିମତ୍ସ୍ୟାନାଂକରିଣାଂଚକରାହ ।
ଭୋଗିନାଂପଶ୍ୟନାଗାନାଂମୟାଛିନ୍ନାନିଲକ୍ଷ୍ମଣ ॥ 18 ॥
ସଶଂଖଶୁକ୍ତିଜାଲଂସମୀନମକରଂତଥା ।
ଅଦ୍ୟୟୁଦ୍ଧେନମହତାସମୁଦ୍ରଂପରିଶୋଷୟେ ॥ 19 ॥
କ୍ଷମୟାହିସମାୟୁକ୍ତଂମାମୟଂମକରାଲୟଃ ।
ଅସମର୍ଥଂଵିଜାନାତିଧିକ୍ କ୍ଷମାମୀଦୃଶେଜନେ ॥ 20 ॥
ନଦର୍ଶୟତିସାମ୍ନାମେସାଗରୋରୂପମାତ୍ମନଃ ॥ 21 ॥
ଚାପମାନୟସୌମିତ୍ରେଶରାଂଶ୍ଚାଶୀଵିଷୋପମାନ୍ ।
ସାଗରଂଶୋଷୟିଷ୍ୟାମିପଦ୍ ଭ୍ୟାଂୟାଂତୁପ୍ଲଵଂଗମାଃ ॥ 22 ॥
ଅଦ୍ୟାକ୍ଷୋଭ୍ୟମପିକ୍ରୁଦ୍ଧଃକ୍ଷୋଭୟିଷ୍ୟାମିସାଗରମ୍ ।
ଵେଲାସୁକୃତମର୍ୟାଦଂସହସ୍ରୋର୍ମିସମାକୁଲମ୍ ॥ 23 ॥
ନିର୍ମର୍ୟାଦଂକରିଷ୍ୟାମିସାୟାୟିକୈର୍ଵରୁଣାଲୟମ୍ ।
ମହାର୍ଣଵଂକ୍ଷୋଭୟିଷ୍ୟେମହାଦାନଵସଂକୁଲମ୍ ॥ 24 ॥
ଏଵମୁକ୍ତ୍ଵାଧନୁଷ୍ପାଣିଃକ୍ରୋଧଵିସ୍ଫାରିତେକ୍ଷଣଃ ।
ବଭୂଵରାମୋଦୁର୍ଧର୍ଷୋୟୁଗାଂତାନଗିରିଵଜ୍ଵଲନ୍ ॥ 25 ॥
ସଂପୀଡ୍ୟଚଧନୁର୍ଘୋରଂକଂପୟିତ୍ଵାଶରୈର୍ଜଗତ୍ ।
ମୁମୋଚଵିଶିଖାନୁଗ୍ରାନ୍ଵଜ୍ରାନିଵଶତକ୍ରତୁଃ ॥ 26 ॥
ତେଜ୍ଵଲଂତୋମହାଵେଗାସ୍ତେଜସାସାୟକୋତ୍ତମାଃ ।
ପ୍ରଵିଶଂତିସମୁଦ୍ରସ୍ୟସଲିଲଂତ୍ରସ୍ତପନ୍ନଗମ୍ ॥ 27 ॥
ତୋୟଵେଗସ୍ସମୁଦ୍ରସ୍ୟସନକ୍ରମକରୋମହାନ୍ ।
ସଂବଭୂଵମହାଘୋରସ୍ସମାରୁତରଵସ୍ତଦା ॥ 28 ॥
ମହୋର୍ମିକୁଲାଵିତତଶ୍ଶଂଖଜାଲସମାଵୃତଃ ।
ସଧୂମଃପରିଵୃତ୍ତୋର୍ମିସ୍ସହସାସୀନ୍ମହୋଦଧିଃ ॥ 29 ॥
ଵ୍ୟଥିତାଃ ପନ୍ନଗାଃ ଚ ଆସନ୍ ଦୀପ୍ତ ଆସ୍ୟା ଦୀପ୍ତ ଲୋଚନାଃ ।
ଦାନଵାଃ ଚ ମହାଵୀର୍ୟାଃ ପାତାଲ ତଲ ଵାସିନଃ ॥ 30 ॥
ଊର୍ମୟସ୍ସିଂଧୁରାଜସ୍ୟସନକ୍ରମକରାସ୍ତଥା ।
ଵିଂଦ୍ୟମଂଦରସଂକାଶାସ୍ସମୁତ୍ପେତୁସ୍ସହସ୍ରଶଃ ॥ 31 ॥
ଆଘୂର୍ଣିତତରଂଗୌଘସ୍ସଂଭ୍ରାଂତୋରଗରାକ୍ଷସଃ ।
ଉଦ୍ଵର୍ତିତମହାଗ୍ରାହସ୍ସଂଵୃତ୍ତସ୍ସଲିଲାଶୟଃ ॥ 32 ॥
ତତସ୍ତୁତଂରାଘଵମୁଗ୍ରଵେଗଂପ୍ରକର୍ଷମାଣଂଧନୁରପ୍ରମେୟମ୍ ।
ସୌମିତ୍ରିରୁତ୍ପତ୍ୟସମୁଚ୍ଛଵସଂତଂମାମେତିଚୋକ୍ତ୍ଵାଦନୁରାଲଲଂବେ ॥ 33 ॥
ଇତ୍ୟାର୍ଷେ ଶ୍ରୀମଦ୍ରାମାୟଣେ ଵାଲ୍ମୀକୀୟ ଆଦିକାଵ୍ୟେ ୟୁଦ୍ଧକାଂଡେ ଏକଵିଂଶସ୍ସର୍ଗଃ ॥
