śrīmadvālmīkīya rāmāyaṇē yuddhakāṇḍam ।
atha ēkaviṃśassargaḥ ।
tatassāgaravēlāyāndarbhānāstīryarāghavaḥ ।
añjalimprāṅmukhaḥkṛtvāpratiśiśyēmahōdadhēḥ ॥ 1 ॥
bāhumbhujagabhōgābhamupadhāyārisūdanaḥ ।
varakāñchanakēyūramuktāpravarabhūṣaṇaiḥ ॥ 2 ॥
bhujaiḥparamanārīṇāmabhimṛṣṭamanēkadā ॥ 3 ॥
chandanāgurubhiśchaivapurastādadhivāsitam ।
bālasūryaprakāśaiśchandanairupaśōbhitam ॥ 4 ॥
śayanēchōttamāṅgēnasītāyāśśōbhitampurā ।
takṣakasyēvasambhōgagaṅgājalaniṣēchitam ॥ 5 ॥
saṃyugēyugasaṅkāśaṃśatrūṇāṃśōkavardhanam ।
suhṛdānandanandīrghaṃsāgarāntavyapāśrayam ॥ 6 ॥
asatyāchapunassavyañjyāghātavigatatvacham ।
dakṣiṇōdakṣiṇambāhummahāparighasannibham ॥ 7 ॥
gōsahasrapradārammupadhāyamahatbhujam ।
adyamēmaraṇaṃvādataraṇaṃsāgarasyavā ॥ 8 ॥
tirāmōmatiṅkṛtvāmahābāhurmahōdadhim ।
adhiśiśyēchavidhivatprayatōniyatōmuniḥ ॥ 9 ॥
tasyarāmasyasuptasyakuśāstīrṇēmahītalē ।
niyamādapramattasyaniśāstisrō'tichakramuḥ ॥ 10 ॥
satrirātrōṣitastatranayajñōdharmavatsalaḥ ।
upāsatatadārāmassāgaraṃsaritāmpatim ॥ 11 ॥
nachadarśayatērūpammandōrāmasyasāgaraḥ ।
prayatēnāpirāmēṇayathārhamabhipūjitaḥ ॥ 12 ॥
samudrasyatataḥkruddhōrāmōraktāntalōchanaḥ ।
samīpasthamuvāchēdaṃlakṣmaṇaṃśubhalakṣmaṇam ॥ 13 ॥
avalēpassamudrasyanadarśayatiyatsvayam ।
praśamaśchakṣamāchaivaārjavampriyavāditā ॥ 14 ॥
asāmarthyamphalnātyētēnirguṇēṣusatāṅguṇāḥ ।
ātmapraśaṃsinandṛṣṭandhṛṣṭaṃviparithāvakam ।
sarvatrōtsṛṣṭadaṇḍañchalōkassatkurutēnaram ॥ 15 ॥
nasāmnāśakyatēkīrtirnasāmnāśakyatēyaśaḥ ।
prāptuṃlakṣmaṇa lōkē'smin ñjayōvāraṇamūrdhani ॥ 16 ॥
adyamadbāṇanirbhagnairmakarairmakarānilayam ।
niruddhatōyaṃsaumitrēplavabhadiḥpaśyasarvataḥ ॥ 17 ॥
mahābhōgānimatsyānāṅkariṇāñchakarāha ।
bhōgināmpaśyanāgānāmmayāChinnānilakṣmaṇa ॥ 18 ॥
saśaṅkhaśuktijālaṃsamīnamakarantathā ।
adyayuddhēnamahatāsamudrampariśōṣayē ॥ 19 ॥
kṣamayāhisamāyuktammāmayammakarālayaḥ ।
asamarthaṃvijānātidhik kṣamāmīdṛśējanē ॥ 20 ॥
nadarśayatisāmnāmēsāgarōrūpamātmanaḥ ॥ 21 ॥
chāpamānayasaumitrēśarāṃśchāśīviṣōpamān ।
sāgaraṃśōṣayiṣyāmipad bhyāṃyāntuplavaṅgamāḥ ॥ 22 ॥
adyākṣōbhyamapikruddhaḥkṣōbhayiṣyāmisāgaram ।
vēlāsukṛtamaryādaṃsahasrōrmisamākulam ॥ 23 ॥
nirmaryādaṅkariṣyāmisāyāyikairvaruṇālayam ।
mahārṇavaṅkṣōbhayiṣyēmahādānavasaṅkulam ॥ 24 ॥
ēvamuktvādhanuṣpāṇiḥkrōdhavisphāritēkṣaṇaḥ ।
babhūvarāmōdurdharṣōyugāntānagirivajvalan ॥ 25 ॥
sampīḍyachadhanurghōraṅkampayitvāśarairjagat ।
mumōchaviśikhānugrānvajrānivaśatakratuḥ ॥ 26 ॥
tējvalantōmahāvēgāstējasāsāyakōttamāḥ ।
praviśantisamudrasyasalilantrastapannagam ॥ 27 ॥
tōyavēgassamudrasyasanakramakarōmahān ।
sambabhūvamahāghōrassamārutaravastadā ॥ 28 ॥
mahōrmikulāvitataśśaṅkhajālasamāvṛtaḥ ।
sadhūmaḥparivṛttōrmissahasāsīnmahōdadhiḥ ॥ 29 ॥
vyathitāḥ pannagāḥ cha āsan dīpta āsyā dīpta lōchanāḥ ।
dānavāḥ cha mahāvīryāḥ pātāla tala vāsinaḥ ॥ 30 ॥
ūrmayassindhurājasyasanakramakarāstathā ।
vindyamandarasaṅkāśāssamutpētussahasraśaḥ ॥ 31 ॥
āghūrṇitataraṅgaughassambhrāntōragarākṣasaḥ ।
udvartitamahāgrāhassaṃvṛttassalilāśayaḥ ॥ 32 ॥
tatastutaṃrāghavamugravēgamprakarṣamāṇandhanurapramēyam ।
saumitrirutpatyasamuchChavasantammāmētichōktvādanurālalambē ॥ 33 ॥
ityārṣē śrīmadrāmāyaṇē vālmīkīya ādikāvyē yuddhakāṇḍē ēkaviṃśassargaḥ ॥
