শ্রীমদ্বাল্মীকীয রামাযণে যুদ্ধকাংডম্ ।
অথ অষ্টাবিংশস্সর্গঃ ।
সারাণস্যবচশ্শ্রুত্বারাবণংরাক্ষসাধিপম্ ।
বলমাদিশ্যতত্সর্বংশুকোবাক্যমথাব্রবীত্ ॥ 1 ॥
স্থিতান্পশ্যসিযানেতান্মত্তানিবমহাদ্বিপান্ ।
ন্যগ্রোধানিবগাংগেযান্ সালান্ হৈমবতানিব ॥ 2 ॥
এতেদুষ্প্রসহারাজন্বলিনঃকামরূপিণঃ ।
দৈত্যদানবসংকাশাযুদ্ধেদেবপরাক্রমাঃ ॥ 3 ॥
এষাংকোটিসহস্রাণিনবপংচচসপ্তচ ।
তথাশংখুসহস্রাণিতথাবৃংদশতানিচ ॥ 4 ॥
এতেসুগ্রীবসচিবাঃকিষ্কিংধানিলযাস্সদা ।
হরযোদেবগংধর্বৈরুত্পন্নাঃকামরূপিণঃ ॥ 5 ॥
যৌতৌপশ্যসিতিষ্ঠংতৌকুমারৌদেবরূপিণৌ ।
মৈংদশ্চদ্বিবিদশ্চোভৌতাভ্যাংনাস্তিসমোযুধি ॥ 6 ॥
ব্রাহ্মণাসমমজ্ঞাতাবমৃতপ্রাশিনাপুভৌ ।
আশংসেতেযুথালংকামেতৌমর্দিতুমোজসা ॥ 7 ॥
যংতুপশ্যসিতিষ্টংতংপ্রভিন্নমিবকুংজরম্ ।
যোবলাত্ ক্ষোভযেত্ ক্রুদ্ধস্সমুদ্রমপিবানরঃ ॥ 8 ॥
এষোঽভিগংতালংকাযাবৈদেহ্যাস্তবচপ্রভোঃ ।
এনংপশ্যপুরাদৃষ্টংবানরংপুনরাগতম্ ॥ 9 ॥
জ্যেষ্ঠঃ কেসরিণঃ পুত্রো বাত আত্মজ ইতি শ্রুতঃ ।
হনূমান্ ইতি বিখ্যাতো লন্ঘিতো যেন সাগরঃ ॥ 10 ॥
কামরূপীহরিশ্রেষ্টোবলরূপসমন্বিতঃ ।
অনিবার্যগতিশ্চৈবযথাসততগঃপ্রভুঃ ॥ 11 ॥
উদ্যংতভাস্করংদৃষ্টবাবালঃকিলপিপাসিতঃ ।
ত্রিযোজনসহস্রংতুঅধ্বানমবতীর্যহি ॥ 12 ॥
আদিত্যমাহরিষ্যামিনমেক্ষুত্প্রতিযাস্যতি ।
ইতিসংচিংত্যমনসাপুরৈষবলদর্পিতঃ ॥ 13 ॥
অনাধৃষ্যতমংদেবমপিদেবর্ষিদানবৈঃ ।
অনাসাঘৈবপতিতোভাস্করোদযনেগিরৌ ॥ 14 ॥
পতিতস্যকপেরস্যহনুরেকাশিলাতলে ।
কিংচিদ্ভিন্নাদৃঢহনোর্হনূমানেষতেনবৈ ॥ 15 ॥
সত্যমাগমযোগেনমমৈষবিদিতোহরিঃ ।
নাস্যশক্যংবলংরূপংপ্রভাবোবাঽপিভাষিতম্ ॥ 16 ॥
এষআশংসতেলংকামেকোমর্দিতুমোজসা ।
যেবজাজ্বল্যতেঽপৌবৈধূমকেতুস্তবাদ্যবৈ ॥ 17 ॥
লংকাযাংনিহিতশ্চাপিকথংবিস্মরসেকপিম্ ।
যশ্চৈষোঽনংতরশ্শূরশ্শ্যামঃপদ্মনিভেক্ষণঃ ।
ইক্ষ্বাকূণামতিরথোলোকেবিখ্যাতপৌরুষ ॥ 18 ॥
যস্মিন্নচলতেধর্মোযোধর্মংনাতিবর্ততে ।
যোব্রাহ্মমস্ত্রংবেদাংশ্চবেদবেদবিদাংবরঃ ॥ 19 ॥
যোভিংদ্যাদ্গগনংবাণৈঃপর্বতাংশ্চাপিদারযেত্ ।
যস্যমৃত্যোরিবক্রোধশ্শক্রস্যেবপরাক্রমঃ ॥ 20 ॥
যস্যভার্যাজনস্থানাত্সীতাচাপিহৃতাত্বযা ।
সএষরামস্ত্বাংযোদ্ধুংরাজন্সমভিবর্ততে ॥ 21 ॥
যস্যৈষদক্ষিণেপার্শ্বেশুদ্ধজাংবূনদপ্রভঃ ।
বিশালবক্ষাস্তাম্রাক্ষোনীলকুংজিতমূর্ধজঃ ॥ 22 ॥
এষোঽস্যলক্ষ্মণোনামভ্রাতাপ্রাণসমঃপ্রিযঃ ।
নযেযুদ্ধেচকুশলস্সর্বশস্ত্রভৃতংবরঃ ॥ 23 ॥
অমর্ষীদুর্জযোজেতাবিক্রাংতোবুদ্ধিমান্ বলী ।
রামস্যদক্ষিণোবাহুর্নিত্যংপ্রাণোবহিশ্চরঃ ॥ 24 ॥
নহ্যেষরাঘবস্যার্থেজীবিতংপরিরক্ষতি ।
এষৈবাশংসতেযুদ্ধেনিহংতুংসর্বরাক্ষসান্ ॥ 25 ॥
যস্তুসব্যমসৌপক্ষংরামস্যাশ্রিত্যতিষ্ঠতি ।
রক্ষোগণপরিক্ষিপ্তোরাজাহ্যেষবিভীষণঃ ॥ 26 ॥
শ্রীমতারাজরাজেনলংকাযামভিষেচিতঃ ।
ত্বামেবপ্রতিসংরব্দোযুদ্ধাযৈষোঽভিবর্ততে ॥ 27 ॥
যংতুপস্যসিতিষ্ঠংতংমধ্যেগিরিমিবাচলম্ ।
সর্বশাখামৃগেংদ্রাণাংভর্তারমমিতৌজসম্ ॥ 28 ॥
তেজযশসাবুদ্ ধ্যাজ্ঞানেনাভিজনেনচ ।
যঃকপীনতিবভ্রাজহিমবানিবপর্বতান্ ॥ 29 ॥
কিষ্কিংধাংযস্সমধ্যাস্তেগুহাংসগহনদ্রুমাম্ ।
দুর্গাংপর্বতদুর্গস্তাংপ্রধানৈস্সহযূথপৈঃ ॥ 30 ॥
যস্যৈষাকাংচনীমালাশোভিতেশতপুষ্করা ।
কাংতাদেবমনুষ্যাণাংযস্যাংলক্ষ্মীপ্রতিষ্ঠিতা ॥ 31 ॥
এতাংচমালাংতারাংচকপিরাজ্যংচশাশ্বতম্ ।
সুগ্রীবোবালিনংহত্বারামেণপ্রতিপাদিতঃ ॥ 32 ॥
শতংশতসহস্রাণাংকোটিমাহুর্মনীষিণঃ ।
শতংকোটিসহস্রাণাংশংকুঃ ইত্যভিধীযতে ॥ 33 ॥
শতংশংকুসহস্রাণাংমহাশংকুঃ ইতিস্মৃতঃ ॥ 34 ॥
মহাশংকুসহস্রাণাংশতংবৃংদমিহোচ্যতে ।
শতংবৃংদসহস্রাণাংমহাবৃংদমিতিস্মৃতম্ ॥ 35 ॥
মহাবৃংদসহস্রাণাংশতংপদ্মমিহোচ্যতে ।
শতংপদ্মসহস্রাণাংমহাপদ্মমিতিস্মৃতিম্ ॥ 36 ॥
মহাপদ্মসহস্রাণাংশতংখর্বমিহোচ্যতে ।
শতংখর্বসহস্রাণাংমহাখর্বমিবোচ্যতে ॥ 37 ॥
মহাখর্বসহস্রাণাং সমুদ্রমভিধীযতে ।
শতং সমুদ্রসাহস্রমোঘ ইত্যভিধীযতে ॥ 38 ॥
শতমোঘসহস্রাণাং মহৌঘ ইতি বিশ্রুতঃ ।
এবং কোটি সহস্রেণ শন্কূনাং চ শতেন চ ॥ 39 ॥
মহাশংকুসহস্রেণতথাবৃংদশতেনচ ।
মহাবৃংদসহস্রেণতথাপদ্মশতেনচ ॥ 40 ॥
হাপদ্মসহস্রেণতথাখর্বশতেনচ ।
সমুদ্রেণচতেনৈবমহৌঘেনতথৈবচ ॥ 41 ॥
এষকোটিমহৌঘেনসমুদ্রসদৃশেনচ ।
বিভীষণেনসচিবৈঃরাক্ষসৈঃপরিবারিতঃ ॥ 42 ॥
সুগ্রীবোবানরেংদ্রস্ত্বাংযুদ্ধার্থমমবর্ততে ।
মহাবলবৃতোনিত্যংমহাবলপরাক্রমঃ ॥ 43 ॥
ইমাংমহারাজসমীক্ষ্যবাহিনীমুপস্থিতাংপ্রজ্বলিতগ্রহোপমাম্ ।
ততঃপ্রযত্নঃপরমোবিধীযতাংযথাজযস্স্যান্নপরৈঃপরাজযঃ ॥ 44 ॥
ইত্যার্ষে শ্রীমদ্রামাযণে বাল্মীকীয আদিকাব্যে যুদ্ধকাংডে অষ্টাবিংশস্সর্গঃ ॥
