ଶ୍ରୀମଦ୍ଵାଲ୍ମୀକୀୟ ରାମାୟଣେ ୟୁଦ୍ଧକାଂଡମ୍ ।
ଅଥ ଅଷ୍ଟାଵିଂଶସ୍ସର୍ଗଃ ।
ସାରାଣସ୍ୟଵଚଶ୍ଶ୍ରୁତ୍ଵାରାଵଣଂରାକ୍ଷସାଧିପମ୍ ।
ବଲମାଦିଶ୍ୟତତ୍ସର୍ଵଂଶୁକୋଵାକ୍ୟମଥାବ୍ରଵୀତ୍ ॥ 1 ॥
ସ୍ଥିତାନ୍ପଶ୍ୟସିୟାନେତାନ୍ମତ୍ତାନିଵମହାଦ୍ଵିପାନ୍ ।
ନ୍ୟଗ୍ରୋଧାନିଵଗାଂଗେୟାନ୍ ସାଲାନ୍ ହୈମଵତାନିଵ ॥ 2 ॥
ଏତେଦୁଷ୍ପ୍ରସହାରାଜନ୍ବଲିନଃକାମରୂପିଣଃ ।
ଦୈତ୍ୟଦାନଵସଂକାଶାୟୁଦ୍ଧେଦେଵପରାକ୍ରମାଃ ॥ 3 ॥
ଏଷାଂକୋଟିସହସ୍ରାଣିନଵପଂଚଚସପ୍ତଚ ।
ତଥାଶଂଖୁସହସ୍ରାଣିତଥାବୃଂଦଶତାନିଚ ॥ 4 ॥
ଏତେସୁଗ୍ରୀଵସଚିଵାଃକିଷ୍କିଂଧାନିଲୟାସ୍ସଦା ।
ହରୟୋଦେଵଗଂଧର୍ଵୈରୁତ୍ପନ୍ନାଃକାମରୂପିଣଃ ॥ 5 ॥
ୟୌତୌପଶ୍ୟସିତିଷ୍ଠଂତୌକୁମାରୌଦେଵରୂପିଣୌ ।
ମୈଂଦଶ୍ଚଦ୍ଵିଵିଦଶ୍ଚୋଭୌତାଭ୍ୟାଂନାସ୍ତିସମୋୟୁଧି ॥ 6 ॥
ବ୍ରାହ୍ମଣାସମମଜ୍ଞାତାଵମୃତପ୍ରାଶିନାପୁଭୌ ।
ଆଶଂସେତେୟୁଥାଲଂକାମେତୌମର୍ଦିତୁମୋଜସା ॥ 7 ॥
ୟଂତୁପଶ୍ୟସିତିଷ୍ଟଂତଂପ୍ରଭିନ୍ନମିଵକୁଂଜରମ୍ ।
ୟୋବଲାତ୍ କ୍ଷୋଭୟେତ୍ କ୍ରୁଦ୍ଧସ୍ସମୁଦ୍ରମପିଵାନରଃ ॥ 8 ॥
ଏଷୋଽଭିଗଂତାଲଂକାୟାଵୈଦେହ୍ୟାସ୍ତଵଚପ୍ରଭୋଃ ।
ଏନଂପଶ୍ୟପୁରାଦୃଷ୍ଟଂଵାନରଂପୁନରାଗତମ୍ ॥ 9 ॥
ଜ୍ୟେଷ୍ଠଃ କେସରିଣଃ ପୁତ୍ରୋ ଵାତ ଆତ୍ମଜ ଇତି ଶ୍ରୁତଃ ।
ହନୂମାନ୍ ଇତି ଵିଖ୍ୟାତୋ ଲନ୍ଘିତୋ ୟେନ ସାଗରଃ ॥ 10 ॥
କାମରୂପୀହରିଶ୍ରେଷ୍ଟୋବଲରୂପସମନ୍ଵିତଃ ।
ଅନିଵାର୍ୟଗତିଶ୍ଚୈଵୟଥାସତତଗଃପ୍ରଭୁଃ ॥ 11 ॥
ଉଦ୍ୟଂତଭାସ୍କରଂଦୃଷ୍ଟଵାବାଲଃକିଲପିପାସିତଃ ।
ତ୍ରିୟୋଜନସହସ୍ରଂତୁଅଧ୍ଵାନମଵତୀର୍ୟହି ॥ 12 ॥
ଆଦିତ୍ୟମାହରିଷ୍ୟାମିନମେକ୍ଷୁତ୍ପ୍ରତିୟାସ୍ୟତି ।
ଇତିସଂଚିଂତ୍ୟମନସାପୁରୈଷବଲଦର୍ପିତଃ ॥ 13 ॥
ଅନାଧୃଷ୍ୟତମଂଦେଵମପିଦେଵର୍ଷିଦାନଵୈଃ ।
ଅନାସାଘୈଵପତିତୋଭାସ୍କରୋଦୟନେଗିରୌ ॥ 14 ॥
ପତିତସ୍ୟକପେରସ୍ୟହନୁରେକାଶିଲାତଲେ ।
କିଂଚିଦ୍ଭିନ୍ନାଦୃଢହନୋର୍ହନୂମାନେଷତେନଵୈ ॥ 15 ॥
ସତ୍ୟମାଗମୟୋଗେନମମୈଷଵିଦିତୋହରିଃ ।
ନାସ୍ୟଶକ୍ୟଂବଲଂରୂପଂପ୍ରଭାଵୋଵାଽପିଭାଷିତମ୍ ॥ 16 ॥
ଏଷଆଶଂସତେଲଂକାମେକୋମର୍ଦିତୁମୋଜସା ।
ୟେଵଜାଜ୍ଵଲ୍ୟତେଽପୌଵୈଧୂମକେତୁସ୍ତଵାଦ୍ୟଵୈ ॥ 17 ॥
ଲଂକାୟାଂନିହିତଶ୍ଚାପିକଥଂଵିସ୍ମରସେକପିମ୍ ।
ୟଶ୍ଚୈଷୋଽନଂତରଶ୍ଶୂରଶ୍ଶ୍ୟାମଃପଦ୍ମନିଭେକ୍ଷଣଃ ।
ଇକ୍ଷ୍ଵାକୂଣାମତିରଥୋଲୋକେଵିଖ୍ୟାତପୌରୁଷ ॥ 18 ॥
ୟସ୍ମିନ୍ନଚଲତେଧର୍ମୋୟୋଧର୍ମଂନାତିଵର୍ତତେ ।
ୟୋବ୍ରାହ୍ମମସ୍ତ୍ରଂଵେଦାଂଶ୍ଚଵେଦଵେଦଵିଦାଂଵରଃ ॥ 19 ॥
ୟୋଭିଂଦ୍ୟାଦ୍ଗଗନଂବାଣୈଃପର୍ଵତାଂଶ୍ଚାପିଦାରୟେତ୍ ।
ୟସ୍ୟମୃତ୍ୟୋରିଵକ୍ରୋଧଶ୍ଶକ୍ରସ୍ୟେଵପରାକ୍ରମଃ ॥ 20 ॥
ୟସ୍ୟଭାର୍ୟାଜନସ୍ଥାନାତ୍ସୀତାଚାପିହୃତାତ୍ଵୟା ।
ସଏଷରାମସ୍ତ୍ଵାଂୟୋଦ୍ଧୁଂରାଜନ୍ସମଭିଵର୍ତତେ ॥ 21 ॥
ୟସ୍ୟୈଷଦକ୍ଷିଣେପାର୍ଶ୍ଵେଶୁଦ୍ଧଜାଂବୂନଦପ୍ରଭଃ ।
ଵିଶାଲଵକ୍ଷାସ୍ତାମ୍ରାକ୍ଷୋନୀଲକୁଂଜିତମୂର୍ଧଜଃ ॥ 22 ॥
ଏଷୋଽସ୍ୟଲକ୍ଷ୍ମଣୋନାମଭ୍ରାତାପ୍ରାଣସମଃପ୍ରିୟଃ ।
ନୟେୟୁଦ୍ଧେଚକୁଶଲସ୍ସର୍ଵଶସ୍ତ୍ରଭୃତଂଵରଃ ॥ 23 ॥
ଅମର୍ଷୀଦୁର୍ଜୟୋଜେତାଵିକ୍ରାଂତୋବୁଦ୍ଧିମାନ୍ ବଲୀ ।
ରାମସ୍ୟଦକ୍ଷିଣୋବାହୁର୍ନିତ୍ୟଂପ୍ରାଣୋବହିଶ୍ଚରଃ ॥ 24 ॥
ନହ୍ୟେଷରାଘଵସ୍ୟାର୍ଥେଜୀଵିତଂପରିରକ୍ଷତି ।
ଏଷୈଵାଶଂସତେୟୁଦ୍ଧେନିହଂତୁଂସର୍ଵରାକ୍ଷସାନ୍ ॥ 25 ॥
ୟସ୍ତୁସଵ୍ୟମସୌପକ୍ଷଂରାମସ୍ୟାଶ୍ରିତ୍ୟତିଷ୍ଠତି ।
ରକ୍ଷୋଗଣପରିକ୍ଷିପ୍ତୋରାଜାହ୍ୟେଷଵିଭୀଷଣଃ ॥ 26 ॥
ଶ୍ରୀମତାରାଜରାଜେନଲଂକାୟାମଭିଷେଚିତଃ ।
ତ୍ଵାମେଵପ୍ରତିସଂରବ୍ଦୋୟୁଦ୍ଧାୟୈଷୋଽଭିଵର୍ତତେ ॥ 27 ॥
ୟଂତୁପସ୍ୟସିତିଷ୍ଠଂତଂମଧ୍ୟେଗିରିମିଵାଚଲମ୍ ।
ସର୍ଵଶାଖାମୃଗେଂଦ୍ରାଣାଂଭର୍ତାରମମିତୌଜସମ୍ ॥ 28 ॥
ତେଜୟଶସାବୁଦ୍ ଧ୍ୟାଜ୍ଞାନେନାଭିଜନେନଚ ।
ୟଃକପୀନତିବଭ୍ରାଜହିମଵାନିଵପର୍ଵତାନ୍ ॥ 29 ॥
କିଷ୍କିଂଧାଂୟସ୍ସମଧ୍ୟାସ୍ତେଗୁହାଂସଗହନଦ୍ରୁମାମ୍ ।
ଦୁର୍ଗାଂପର୍ଵତଦୁର୍ଗସ୍ତାଂପ୍ରଧାନୈସ୍ସହୟୂଥପୈଃ ॥ 30 ॥
ୟସ୍ୟୈଷାକାଂଚନୀମାଲାଶୋଭିତେଶତପୁଷ୍କରା ।
କାଂତାଦେଵମନୁଷ୍ୟାଣାଂୟସ୍ୟାଂଲକ୍ଷ୍ମୀପ୍ରତିଷ୍ଠିତା ॥ 31 ॥
ଏତାଂଚମାଲାଂତାରାଂଚକପିରାଜ୍ୟଂଚଶାଶ୍ଵତମ୍ ।
ସୁଗ୍ରୀଵୋଵାଲିନଂହତ୍ଵାରାମେଣପ୍ରତିପାଦିତଃ ॥ 32 ॥
ଶତଂଶତସହସ୍ରାଣାଂକୋଟିମାହୁର୍ମନୀଷିଣଃ ।
ଶତଂକୋଟିସହସ୍ରାଣାଂଶଂକୁଃ ଇତ୍ୟଭିଧୀୟତେ ॥ 33 ॥
ଶତଂଶଂକୁସହସ୍ରାଣାଂମହାଶଂକୁଃ ଇତିସ୍ମୃତଃ ॥ 34 ॥
ମହାଶଂକୁସହସ୍ରାଣାଂଶତଂବୃଂଦମିହୋଚ୍ୟତେ ।
ଶତଂବୃଂଦସହସ୍ରାଣାଂମହାଵୃଂଦମିତିସ୍ମୃତମ୍ ॥ 35 ॥
ମହାବୃଂଦସହସ୍ରାଣାଂଶତଂପଦ୍ମମିହୋଚ୍ୟତେ ।
ଶତଂପଦ୍ମସହସ୍ରାଣାଂମହାପଦ୍ମମିତିସ୍ମୃତିମ୍ ॥ 36 ॥
ମହାପଦ୍ମସହସ୍ରାଣାଂଶତଂଖର୍ଵମିହୋଚ୍ୟତେ ।
ଶତଂଖର୍ଵସହସ୍ରାଣାଂମହାଖର୍ଵମିଵୋଚ୍ୟତେ ॥ 37 ॥
ମହାଖର୍ଵସହସ୍ରାଣାଂ ସମୁଦ୍ରମଭିଧୀୟତେ ।
ଶତଂ ସମୁଦ୍ରସାହସ୍ରମୋଘ ଇତ୍ୟଭିଧୀୟତେ ॥ 38 ॥
ଶତମୋଘସହସ୍ରାଣାଂ ମହୌଘ ଇତି ଵିଶ୍ରୁତଃ ।
ଏଵଂ କୋଟି ସହସ୍ରେଣ ଶନ୍କୂନାଂ ଚ ଶତେନ ଚ ॥ 39 ॥
ମହାଶଂକୁସହସ୍ରେଣତଥାବୃଂଦଶତେନଚ ।
ମହାବୃଂଦସହସ୍ରେଣତଥାପଦ୍ମଶତେନଚ ॥ 40 ॥
ହାପଦ୍ମସହସ୍ରେଣତଥାଖର୍ଵଶତେନଚ ।
ସମୁଦ୍ରେଣଚତେନୈଵମହୌଘେନତଥୈଵଚ ॥ 41 ॥
ଏଷକୋଟିମହୌଘେନସମୁଦ୍ରସଦୃଶେନଚ ।
ଵିଭୀଷଣେନସଚିଵୈଃରାକ୍ଷସୈଃପରିଵାରିତଃ ॥ 42 ॥
ସୁଗ୍ରୀଵୋଵାନରେଂଦ୍ରସ୍ତ୍ଵାଂୟୁଦ୍ଧାର୍ଥମମଵର୍ତତେ ।
ମହାବଲଵୃତୋନିତ୍ୟଂମହାବଲପରାକ୍ରମଃ ॥ 43 ॥
ଇମାଂମହାରାଜସମୀକ୍ଷ୍ୟଵାହିନୀମୁପସ୍ଥିତାଂପ୍ରଜ୍ଵଲିତଗ୍ରହୋପମାମ୍ ।
ତତଃପ୍ରୟତ୍ନଃପରମୋଵିଧୀୟତାଂୟଥାଜୟସ୍ସ୍ୟାନ୍ନପରୈଃପରାଜୟଃ ॥ 44 ॥
ଇତ୍ୟାର୍ଷେ ଶ୍ରୀମଦ୍ରାମାୟଣେ ଵାଲ୍ମୀକୀୟ ଆଦିକାଵ୍ୟେ ୟୁଦ୍ଧକାଂଡେ ଅଷ୍ଟାଵିଂଶସ୍ସର୍ଗଃ ॥
