śrīmadvālmīkīya rāmāyaṇē yuddhakāṇḍam ।
atha aṣṭāviṃśassargaḥ ।
sārāṇasyavachaśśrutvārāvaṇaṃrākṣasādhipam ।
balamādiśyatatsarvaṃśukōvākyamathābravīt ॥ 1 ॥
sthitānpaśyasiyānētānmattānivamahādvipān ।
nyagrōdhānivagāṅgēyān sālān haimavatāniva ॥ 2 ॥
ētēduṣprasahārājanbalinaḥkāmarūpiṇaḥ ।
daityadānavasaṅkāśāyuddhēdēvaparākramāḥ ॥ 3 ॥
ēṣāṅkōṭisahasrāṇinavapañchachasaptacha ।
tathāśaṅkhusahasrāṇitathābṛndaśatānicha ॥ 4 ॥
ētēsugrīvasachivāḥkiṣkindhānilayāssadā ।
harayōdēvagandharvairutpannāḥkāmarūpiṇaḥ ॥ 5 ॥
yautaupaśyasitiṣṭhantaukumāraudēvarūpiṇau ।
maindaśchadvividaśchōbhautābhyānnāstisamōyudhi ॥ 6 ॥
brāhmaṇāsamamajñātāvamṛtaprāśināpubhau ।
āśaṃsētēyuthālaṅkāmētaumarditumōjasā ॥ 7 ॥
yantupaśyasitiṣṭantamprabhinnamivakuñjaram ।
yōbalāt kṣōbhayēt kruddhassamudramapivānaraḥ ॥ 8 ॥
ēṣō'bhigantālaṅkāyāvaidēhyāstavachaprabhōḥ ।
ēnampaśyapurādṛṣṭaṃvānarampunarāgatam ॥ 9 ॥
jyēṣṭhaḥ kēsariṇaḥ putrō vāta ātmaja iti śrutaḥ ।
hanūmān iti vikhyātō langhitō yēna sāgaraḥ ॥ 10 ॥
kāmarūpīhariśrēṣṭōbalarūpasamanvitaḥ ।
anivāryagatiśchaivayathāsatatagaḥprabhuḥ ॥ 11 ॥
udyantabhāskarandṛṣṭavābālaḥkilapipāsitaḥ ।
triyōjanasahasrantuadhvānamavatīryahi ॥ 12 ॥
ādityamāhariṣyāminamēkṣutpratiyāsyati ।
itisañchintyamanasāpuraiṣabaladarpitaḥ ॥ 13 ॥
anādhṛṣyatamandēvamapidēvarṣidānavaiḥ ।
anāsāghaivapatitōbhāskarōdayanēgirau ॥ 14 ॥
patitasyakapērasyahanurēkāśilātalē ।
kiñchidbhinnādṛḍhahanōrhanūmānēṣatēnavai ॥ 15 ॥
satyamāgamayōgēnamamaiṣaviditōhariḥ ।
nāsyaśakyambalaṃrūpamprabhāvōvā'pibhāṣitam ॥ 16 ॥
ēṣaāśaṃsatēlaṅkāmēkōmarditumōjasā ।
yēvajājvalyatē'pauvaidhūmakētustavādyavai ॥ 17 ॥
laṅkāyānnihitaśchāpikathaṃvismarasēkapim ।
yaśchaiṣō'nantaraśśūraśśyāmaḥpadmanibhēkṣaṇaḥ ।
ikṣvākūṇāmatirathōlōkēvikhyātapauruṣa ॥ 18 ॥
yasminnachalatēdharmōyōdharmannātivartatē ।
yōbrāhmamastraṃvēdāṃśchavēdavēdavidāṃvaraḥ ॥ 19 ॥
yōbhindyādgaganambāṇaiḥparvatāṃśchāpidārayēt ।
yasyamṛtyōrivakrōdhaśśakrasyēvaparākramaḥ ॥ 20 ॥
yasyabhāryājanasthānātsītāchāpihṛtātvayā ।
saēṣarāmastvāṃyōddhuṃrājansamabhivartatē ॥ 21 ॥
yasyaiṣadakṣiṇēpārśvēśuddhajāmbūnadaprabhaḥ ।
viśālavakṣāstāmrākṣōnīlakuñjitamūrdhajaḥ ॥ 22 ॥
ēṣō'syalakṣmaṇōnāmabhrātāprāṇasamaḥpriyaḥ ।
nayēyuddhēchakuśalassarvaśastrabhṛtaṃvaraḥ ॥ 23 ॥
amarṣīdurjayōjētāvikrāntōbuddhimān balī ।
rāmasyadakṣiṇōbāhurnityamprāṇōbahiścharaḥ ॥ 24 ॥
nahyēṣarāghavasyārthējīvitamparirakṣati ।
ēṣaivāśaṃsatēyuddhēnihantuṃsarvarākṣasān ॥ 25 ॥
yastusavyamasaupakṣaṃrāmasyāśrityatiṣṭhati ।
rakṣōgaṇaparikṣiptōrājāhyēṣavibhīṣaṇaḥ ॥ 26 ॥
śrīmatārājarājēnalaṅkāyāmabhiṣēchitaḥ ।
tvāmēvapratisaṃrabdōyuddhāyaiṣō'bhivartatē ॥ 27 ॥
yantupasyasitiṣṭhantammadhyēgirimivāchalam ।
sarvaśākhāmṛgēndrāṇāmbhartāramamitaujasam ॥ 28 ॥
tējayaśasābud dhyājñānēnābhijanēnacha ।
yaḥkapīnatibabhrājahimavānivaparvatān ॥ 29 ॥
kiṣkindhāṃyassamadhyāstēguhāṃsagahanadrumām ।
durgāmparvatadurgastāmpradhānaissahayūthapaiḥ ॥ 30 ॥
yasyaiṣākāñchanīmālāśōbhitēśatapuṣkarā ।
kāntādēvamanuṣyāṇāṃyasyāṃlakṣmīpratiṣṭhitā ॥ 31 ॥
ētāñchamālāntārāñchakapirājyañchaśāśvatam ।
sugrīvōvālinaṃhatvārāmēṇapratipāditaḥ ॥ 32 ॥
śataṃśatasahasrāṇāṅkōṭimāhurmanīṣiṇaḥ ।
śataṅkōṭisahasrāṇāṃśaṅkuḥ ityabhidhīyatē ॥ 33 ॥
śataṃśaṅkusahasrāṇāmmahāśaṅkuḥ itismṛtaḥ ॥ 34 ॥
mahāśaṅkusahasrāṇāṃśatambṛndamihōchyatē ।
śatambṛndasahasrāṇāmmahāvṛndamitismṛtam ॥ 35 ॥
mahābṛndasahasrāṇāṃśatampadmamihōchyatē ।
śatampadmasahasrāṇāmmahāpadmamitismṛtim ॥ 36 ॥
mahāpadmasahasrāṇāṃśataṅkharvamihōchyatē ।
śataṅkharvasahasrāṇāmmahākharvamivōchyatē ॥ 37 ॥
mahākharvasahasrāṇāṃ samudramabhidhīyatē ।
śataṃ samudrasāhasramōgha ityabhidhīyatē ॥ 38 ॥
śatamōghasahasrāṇāṃ mahaugha iti viśrutaḥ ।
ēvaṃ kōṭi sahasrēṇa śankūnāṃ cha śatēna cha ॥ 39 ॥
mahāśaṅkusahasrēṇatathābṛndaśatēnacha ।
mahābṛndasahasrēṇatathāpadmaśatēnacha ॥ 40 ॥
hāpadmasahasrēṇatathākharvaśatēnacha ।
samudrēṇachatēnaivamahaughēnatathaivacha ॥ 41 ॥
ēṣakōṭimahaughēnasamudrasadṛśēnacha ।
vibhīṣaṇēnasachivaiḥrākṣasaiḥparivāritaḥ ॥ 42 ॥
sugrīvōvānarēndrastvāṃyuddhārthamamavartatē ।
mahābalavṛtōnityammahābalaparākramaḥ ॥ 43 ॥
imāmmahārājasamīkṣyavāhinīmupasthitāmprajvalitagrahōpamām ।
tataḥprayatnaḥparamōvidhīyatāṃyathājayassyānnaparaiḥparājayaḥ ॥ 44 ॥
ityārṣē śrīmadrāmāyaṇē vālmīkīya ādikāvyē yuddhakāṇḍē aṣṭāviṃśassargaḥ ॥
