ശ്രീമദ്വാല്മീകീയ രാമായണേ യുദ്ധകാംഡമ് ।
അഥ അഷ്ടാവിംശസ്സര്ഗഃ ।
സാരാണസ്യവചശ്ശ്രുത്വാരാവണംരാക്ഷസാധിപമ് ।
ബലമാദിശ്യതത്സർവംശുകോവാക്യമഥാബ്രവീത് ॥ 1 ॥
സ്ഥിതാന്പശ്യസിയാനേതാന്മത്താനിവമഹാദ്വിപാന് ।
ന്യഗ്രോധാനിവഗാംഗേയാന് സാലാന് ഹൈമവതാനിവ ॥ 2 ॥
ഏതേദുഷ്പ്രസഹാരാജന്ബലിനഃകാമരൂപിണഃ ।
ദൈത്യദാനവസംകാശായുദ്ധേദേവപരാക്രമാഃ ॥ 3 ॥
ഏഷാംകോടിസഹസ്രാണിനവപംചചസപ്തച ।
തഥാശംഖുസഹസ്രാണിതഥാബൃംദശതാനിച ॥ 4 ॥
ഏതേസുഗ്രീവസചിവാഃകിഷ്കിംധാനിലയാസ്സദാ ।
ഹരയോദേവഗംധർവൈരുത്പന്നാഃകാമരൂപിണഃ ॥ 5 ॥
യൌതൌപശ്യസിതിഷ്ഠംതൌകുമാരൌദേവരൂപിണൌ ।
മൈംദശ്ചദ്വിവിദശ്ചോഭൌതാഭ്യാംനാസ്തിസമോയുധി ॥ 6 ॥
ബ്രാഹ്മണാസമമജ്ഞാതാവമൃതപ്രാശിനാപുഭൌ ।
ആശംസേതേയുഥാലംകാമേതൌമര്ദിതുമോജസാ ॥ 7 ॥
യംതുപശ്യസിതിഷ്ടംതംപ്രഭിന്നമിവകുംജരമ് ।
യോബലാത് ക്ഷോഭയേത് ക്രുദ്ധസ്സമുദ്രമപിവാനരഃ ॥ 8 ॥
ഏഷോഽഭിഗംതാലംകായാവൈദേഹ്യാസ്തവചപ്രഭോഃ ।
ഏനംപശ്യപുരാദൃഷ്ടംവാനരംപുനരാഗതമ് ॥ 9 ॥
ജ്യേഷ്ഠഃ കേസരിണഃ പുത്രോ വാത ആത്മജ ഇതി ശ്രുതഃ ।
ഹനൂമാന് ഇതി വിഖ്യാതോ ലന്ഘിതോ യേന സാഗരഃ ॥ 10 ॥
കാമരൂപീഹരിശ്രേഷ്ടോബലരൂപസമന്വിതഃ ।
അനിവാര്യഗതിശ്ചൈവയഥാസതതഗഃപ്രഭുഃ ॥ 11 ॥
ഉദ്യംതഭാസ്കരംദൃഷ്ടവാബാലഃകിലപിപാസിതഃ ।
ത്രിയോജനസഹസ്രംതുഅധ്വാനമവതീര്യഹി ॥ 12 ॥
ആദിത്യമാഹരിഷ്യാമിനമേക്ഷുത്പ്രതിയാസ്യതി ।
ഇതിസംചിംത്യമനസാപുരൈഷബലദര്പിതഃ ॥ 13 ॥
അനാധൃഷ്യതമംദേവമപിദേവര്ഷിദാനവൈഃ ।
അനാസാഘൈവപതിതോഭാസ്കരോദയനേഗിരൌ ॥ 14 ॥
പതിതസ്യകപേരസ്യഹനുരേകാശിലാതലേ ।
കിംചിദ്ഭിന്നാദൃഢഹനോര്ഹനൂമാനേഷതേനവൈ ॥ 15 ॥
സത്യമാഗമയോഗേനമമൈഷവിദിതോഹരിഃ ।
നാസ്യശക്യംബലംരൂപംപ്രഭാവോവാഽപിഭാഷിതമ് ॥ 16 ॥
ഏഷആശംസതേലംകാമേകോമര്ദിതുമോജസാ ।
യേവജാജ്വല്യതേഽപൌവൈധൂമകേതുസ്തവാദ്യവൈ ॥ 17 ॥
ലംകായാംനിഹിതശ്ചാപികഥംവിസ്മരസേകപിമ് ।
യശ്ചൈഷോഽനംതരശ്ശൂരശ്ശ്യാമഃപദ്മനിഭേക്ഷണഃ ।
ഇക്ഷ്വാകൂണാമതിരഥോലോകേവിഖ്യാതപൌരുഷ ॥ 18 ॥
യസ്മിന്നചലതേധര്മോയോധര്മംനാതിവര്തതേ ।
യോബ്രാഹ്മമസ്ത്രംവേദാംശ്ചവേദവേദവിദാംവരഃ ॥ 19 ॥
യോഭിംദ്യാദ്ഗഗനംബാണൈഃപർവതാംശ്ചാപിദാരയേത് ।
യസ്യമൃത്യോരിവക്രോധശ്ശക്രസ്യേവപരാക്രമഃ ॥ 20 ॥
യസ്യഭാര്യാജനസ്ഥാനാത്സീതാചാപിഹൃതാത്വയാ ।
സഏഷരാമസ്ത്വാംയോദ്ധുംരാജന്സമഭിവര്തതേ ॥ 21 ॥
യസ്യൈഷദക്ഷിണേപാര്ശ്വേശുദ്ധജാംബൂനദപ്രഭഃ ।
വിശാലവക്ഷാസ്താമ്രാക്ഷോനീലകുംജിതമൂര്ധജഃ ॥ 22 ॥
ഏഷോഽസ്യലക്ഷ്മണോനാമഭ്രാതാപ്രാണസമഃപ്രിയഃ ।
നയേയുദ്ധേചകുശലസ്സർവശസ്ത്രഭൃതംവരഃ ॥ 23 ॥
അമര്ഷീദുര്ജയോജേതാവിക്രാംതോബുദ്ധിമാന് ബലീ ।
രാമസ്യദക്ഷിണോബാഹുര്നിത്യംപ്രാണോബഹിശ്ചരഃ ॥ 24 ॥
നഹ്യേഷരാഘവസ്യാര്ഥേജീവിതംപരിരക്ഷതി ।
ഏഷൈവാശംസതേയുദ്ധേനിഹംതുംസർവരാക്ഷസാന് ॥ 25 ॥
യസ്തുസവ്യമസൌപക്ഷംരാമസ്യാശ്രിത്യതിഷ്ഠതി ।
രക്ഷോഗണപരിക്ഷിപ്തോരാജാഹ്യേഷവിഭീഷണഃ ॥ 26 ॥
ശ്രീമതാരാജരാജേനലംകായാമഭിഷേചിതഃ ।
ത്വാമേവപ്രതിസംരബ്ദോയുദ്ധായൈഷോഽഭിവര്തതേ ॥ 27 ॥
യംതുപസ്യസിതിഷ്ഠംതംമധ്യേഗിരിമിവാചലമ് ।
സർവശാഖാമൃഗേംദ്രാണാംഭര്താരമമിതൌജസമ് ॥ 28 ॥
തേജയശസാബുദ് ധ്യാജ്ഞാനേനാഭിജനേനച ।
യഃകപീനതിബഭ്രാജഹിമവാനിവപർവതാന് ॥ 29 ॥
കിഷ്കിംധാംയസ്സമധ്യാസ്തേഗുഹാംസഗഹനദ്രുമാമ് ।
ദുര്ഗാംപർവതദുര്ഗസ്താംപ്രധാനൈസ്സഹയൂഥപൈഃ ॥ 30 ॥
യസ്യൈഷാകാംചനീമാലാശോഭിതേശതപുഷ്കരാ ।
കാംതാദേവമനുഷ്യാണാംയസ്യാംലക്ഷ്മീപ്രതിഷ്ഠിതാ ॥ 31 ॥
ഏതാംചമാലാംതാരാംചകപിരാജ്യംചശാശ്വതമ് ।
സുഗ്രീവോവാലിനംഹത്വാരാമേണപ്രതിപാദിതഃ ॥ 32 ॥
ശതംശതസഹസ്രാണാംകോടിമാഹുര്മനീഷിണഃ ।
ശതംകോടിസഹസ്രാണാംശംകുഃ ഇത്യഭിധീയതേ ॥ 33 ॥
ശതംശംകുസഹസ്രാണാംമഹാശംകുഃ ഇതിസ്മൃതഃ ॥ 34 ॥
മഹാശംകുസഹസ്രാണാംശതംബൃംദമിഹോച്യതേ ।
ശതംബൃംദസഹസ്രാണാംമഹാവൃംദമിതിസ്മൃതമ് ॥ 35 ॥
മഹാബൃംദസഹസ്രാണാംശതംപദ്മമിഹോച്യതേ ।
ശതംപദ്മസഹസ്രാണാംമഹാപദ്മമിതിസ്മൃതിമ് ॥ 36 ॥
മഹാപദ്മസഹസ്രാണാംശതംഖർവമിഹോച്യതേ ।
ശതംഖർവസഹസ്രാണാംമഹാഖർവമിവോച്യതേ ॥ 37 ॥
മഹാഖർവസഹസ്രാണാം സമുദ്രമഭിധീയതേ ।
ശതം സമുദ്രസാഹസ്രമോഘ ഇത്യഭിധീയതേ ॥ 38 ॥
ശതമോഘസഹസ്രാണാം മഹൌഘ ഇതി വിശ്രുതഃ ।
ഏവം കോടി സഹസ്രേണ ശന്കൂനാം ച ശതേന ച ॥ 39 ॥
മഹാശംകുസഹസ്രേണതഥാബൃംദശതേനച ।
മഹാബൃംദസഹസ്രേണതഥാപദ്മശതേനച ॥ 40 ॥
ഹാപദ്മസഹസ്രേണതഥാഖർവശതേനച ।
സമുദ്രേണചതേനൈവമഹൌഘേനതഥൈവച ॥ 41 ॥
ഏഷകോടിമഹൌഘേനസമുദ്രസദൃശേനച ।
വിഭീഷണേനസചിവൈഃരാക്ഷസൈഃപരിവാരിതഃ ॥ 42 ॥
സുഗ്രീവോവാനരേംദ്രസ്ത്വാംയുദ്ധാര്ഥമമവര്തതേ ।
മഹാബലവൃതോനിത്യംമഹാബലപരാക്രമഃ ॥ 43 ॥
ഇമാംമഹാരാജസമീക്ഷ്യവാഹിനീമുപസ്ഥിതാംപ്രജ്വലിതഗ്രഹോപമാമ് ।
തതഃപ്രയത്നഃപരമോവിധീയതാംയഥാജയസ്സ്യാന്നപരൈഃപരാജയഃ ॥ 44 ॥
ഇത്യാര്ഷേ ശ്രീമദ്രാമായണേ വാല്മീകീയ ആദികാവ്യേ യുദ്ധകാംഡേ അഷ്ടാവിംശസ്സര്ഗഃ ॥
