ശ്രീമദ്വാല്മീകീയ രാമായണേ യുദ്ധകാംഡമ് ।
അഥ ഏകപംചാശസ്സര്ഗഃ ।
തേഷാംസുതുമുലംശബ്ദംവാനരാണാംതരസ്വിനാമ് ।
നര്ദതാംരാക്ഷസൈസ്സാര്ധംതദാശുശ്രാവരാവണഃ ॥ 1 ॥
സ്നിഗ്ധഗംഭീരനിര്ഘോഷംശ്രുത്വാസനിനദംഭൃശമ് ।
സചിവാനാംതതസ്തേഷാംമധ്യേവചനമബ്രവീത് ॥ 2 ॥
യഥാഽസൌസംപ്രഹൃഷ്ടാനാംവാനരാണാംസമുത്ഥിതഃ ।
ബഹൂനാംസുമഹാന്നാദോമേഘനാമിവഗര്ജിതാമ് ॥ 3 ॥
വ്യക്തംസുമഹതീപ്രീതിരേതേഷാംനാത്രസംശയഃ ।
തഥാഹിവിപുലൈര്നാദൈശ്ചുക്ഷുഭേവരുണാലയഃ ॥ 4 ॥
തൌതുബദ്ധൌശരൈസ്തീക്ഷ്ണൈര്ഭ്രാതരൌരാമലക്ഷ്മണൌ ।
അയംചസുമഹാന്നാദശംകാംജനയതീവമേ ॥ 5 ॥
ഏതത്തുവചനംചോക്ത്വാമംത്രിണോരാക്ഷസേശ്വരഃ ।
ഉവാചനൈരൃതാംസ്തത്രസമീപപരിവര്തിനഃ ॥ 6 ॥
ജ്ഞായതാംതൂര്ണമേതേഷാംസർവേഷാംചവനചാരിണാമ് ।
ശോകകാലേസമുത്പന്നഹര്ഷകാരണമുത്ഥിതമ് ॥ 7 ॥
തഥോക്താസ്തേനസംഭ്രാംതാഃപ്രാകാരമധിരുഹ്യച ।
ദദൃശുഃപാലിതാംസേനാംസുഗ്രീവേണമഹാത്മനാ ॥ 8 ॥
തൌചമുക്തൌസുഘോരേണശരബംധേനരാഘവൌ ।
സമുത്ഥിതൌമഹാഭാഗൌവിഷേദുഃപ്രേക്ഷ്യരാക്ഷസാഃ ॥ 9 ॥
സംത്രസ്തഹൃദയാഃസർവേപ്രാകാരാത് വരുഹ്യതേ ।
വിഷണ്ണവദനാഘോരാരാക്ഷസേംദ്രമുപസ്ഥിതാ ॥ 10 ॥
തദപ്രിയംദീനമുഖാരാവണസ്യനിശാചരാഃ ।
കൃത്സ്നംനിവേദയാമാസുര്യഥാവദ്വാക്യകോവിദാഃ ॥ 11 ॥
യൌതാവിംദ്രജിതായുദ്ധേഭ്രാതരൌരാമലക്ഷ്മണൌ ।
നിബദ്ധൌശരബംധേനനിഷ്പ്രകംപഭുജൌകൃതൌ ॥ 12 ॥
വിമുക്തൌശരബംധേനദൃശ്യേതേതൌരണാജിരേ ।
പാശാനിവഗജൌഛിത്വാഗജേംദ്രസമവിക്രമൌ ॥ 13 ॥
തച്ഛ്രുത്വാവചനംതേഷാംരാക്ഷസേംദ്രോമഹാബലഃ ।
ചിംതാരോഷസമാക്രാംതോവിഷണ്ണവദനോഽഭവത് ॥ 14 ॥
ഘോരൈര്ദത്തവരൈര്ഭദ്ധൌശരൈരാശീവിഷോപമൈഃ ।
അമോഘൈസ്സൂര്യസംകാശൈഃപ്രമഥ്യേംദ്രജിതായുധി ॥ 15 ॥
തദസ്ത്രബംധമാസാദ്യയദിമുക്തൌരിപൂമമ ।
സംശയസ്ഥമിദംസർവമനുപശ്യാമ്യഹംബലമ് ॥ 16 ॥
നിഷ്ഫലാഃഖലുസമ്വൃത്താശ്ശരാഃവാസുകിതേജസഃ ।
അദത്തംയൈസ്തുസംഗ്രാമേരിപൂണാംജീവിതംമമ ॥ 17 ॥
ഏവമുക്ത്വാതുസംക്രുദ്ധോനിശ്ശ്വസന്നുരഗോയഥാ ।
അബ്രവീദ്രക്ഷസാംമധ്യേധൂമ്രാക്ഷംനാമരാക്ഷസമ് ॥ 18 ॥
ബലേനമഹതായുക്തോരാക്ഷസൈര്ഭീമവിക്രമഃ ।
ത്വംവധായാഭിനിര്യാഹിരാമസ്യസഹവാനരൈഃ ॥ 19 ॥
ഏവമുക്തസ്തുധൂമ്രാക്ഷോരാക്ഷസേംദ്രേണധീമതാ ।
കൃത്വാപ്രണാമംസമ്ഹൃഷ്ടോനിര്ജഗാമനൃപാലയത് ॥ 20 ॥
അഭിനിഷ്ക്രമ്യതദദ്വാരംബലാധ്യക്ഷമുവാചഹ ।
ത്വരയസ്വബലംതൂര്ണംകിംചിരേണയുയുത്സതഃ ॥ 21 ॥
ധൂമ്രാക്ഷവചനംശ്രുത്വാബലാധ്യക്ഷോബലാനുഗഃ ।
ബലമുദ്യോജയാമാസരാവണസ്യാജ്ഞയാദ്രുതമ് ॥ 22 ॥
തേബദ്ധഘംടാബലിനോഘോരരൂപാനിശാചരാഃ ।
വിഗര്ജമാനാസ്സമ്ഹൃഷ്ടാധൂമ്രാക്ഷംപര്യവാരയന് ॥ 23 ॥
വിവിധായുധഹസ്താശ്ചശൂലമുദ്ഗരപാണയഃ ।
ഗദാഭിഃപട്ടസൈര്ദംഡൈരായസൈര്മുസലൈര്ഭൃശമ് ॥ 24 ॥
പരിഘൈര്ഭിംഡിവാലൈശ്ചഭല്ലൈപ്രാസൈഃ പരശ്വഥൈഃ ।
നിര്യയൂരാക്ഷസാദിഭ്യോനര്ധംതോജലദായഥാ ॥ 25 ॥
രഥൈഃകവചിനസ്ത്വന്യേധ്വജൈശ്ചസമലംകൃതൈഃ ।
സുവര്ണജാലവിഹിതൈഃഖരൈശ്ചവിവിധാനനൈഃ ॥ 26 ॥
ഹയൈഃപരമശീഘ്രൈശ്ചഗജൈശ്ചൈവമദോത്കടൈഃ ।
നിര്യയുര്നൈരൃതവ്യാഘ്രാവ്യാഘ്രാഇവദുരാസദാഃ ॥ 27 ॥
വൃകസിംഹമുഖൈര്യുക്തംഖരൈഃകനകഭൂഷണൈഃ ।
ആരുരോഹരഥംദിവ്യംധൂമ്രാക്ഷഃഖരനിസ്സ്വനഃ ॥ 28 ॥
സനിര്യാതോമഹാവീര്യോധൂമ്രാക്ഷോരാക്ഷസൈർവൃതഃ ।
പ്രഹസന്പശ്ചിമദ്വാരംഹനുമാന്യത്രയൂഥപഃ ॥ 29 ॥
രഥപ്രവരമാസ്ഥായഖരയുക്തംഖരസ്വനമ് ।
പ്രയാംതംതുമഹാഘോരംരാക്ഷസംഭീമദര്ശനമ് ॥ 30 ॥
അംതരിക്ഷഗതാഃഘോരാശകുനാഃപ്രത്യഷേധയന് ।
രഥശീര്ഷേമഹാന്ഭീമോഗൃധ്രശ്ചനിപപാതഹ ॥ 31 ॥
ധ്വജാഗ്രേഗ്രഥിതാശ്ചൈവനിപേതുഃകുണപാശനാഃ ।
രുധിരാര്ദ്രോമഹാന് ശ്വേതഃകബംധഃപതിതോഭുവി ॥ 32 ॥
വിസ്വരംചോത്സൃജന്നാദംധൂമ്രാക്ഷസ്യസമീപതഃ ।
വവര്ഷരുധിരംദേവസ്സംചചാലചമേദിനീ ॥ 33 ॥
പ്രതിലോമംവനൌവായുര്നിര്ഘാതസമനിസ്വനഃ ।
തിമിരൌഘവൃതാസ്തത്രദിശശ്ചനചകാശിരേ ॥ 34 ॥
സതൂത്പാതാംസ്തദാദൃഷ്ടവാരാക്ഷസാനാംഭയാവഹാന് ।
പ്രാദുര്ഭൂതാന്സുഘോരാംശ്ചധൂമ്രാക്ഷോവ്യഥിതോഽഭവത് ॥ 35 ॥
മുമുഹൂരാക്ഷസാഃസർവേധൂമ്രാക്ഷസ്യപുരസ്സരാഃ ।
തതഃസുഭീമോബഹുഭിര്നിശാചരൈർവൃതോഽഭിനിഷ്ക്രമ്യരണോത്സുകോബലീ ।
ദദര്ശതാംരാഘവബാഹുപാലിതാംമഹൌഘകല്പാംബഹുവാനരീംചമൂമ് ॥ 36 ॥
ഇത്യാര്ഷേ ശ്രീമദ്രാമായണേ വാല്മീകീയ ആദികാവ്യേ യുദ്ധകാംഡേ ഏകപംചാശസ്സര്ഗഃ ॥
