ଶ୍ରୀମଦ୍ଵାଲ୍ମୀକୀୟ ରାମାୟଣେ ୟୁଦ୍ଧକାଂଡମ୍ ।
ଅଥ ଏକପଂଚାଶସ୍ସର୍ଗଃ ।
ତେଷାଂସୁତୁମୁଲଂଶବ୍ଦଂଵାନରାଣାଂତରସ୍ଵିନାମ୍ ।
ନର୍ଦତାଂରାକ୍ଷସୈସ୍ସାର୍ଧଂତଦାଶୁଶ୍ରାଵରାଵଣଃ ॥ 1 ॥
ସ୍ନିଗ୍ଧଗଂଭୀରନିର୍ଘୋଷଂଶ୍ରୁତ୍ଵାସନିନଦଂଭୃଶମ୍ ।
ସଚିଵାନାଂତତସ୍ତେଷାଂମଧ୍ୟେଵଚନମବ୍ରଵୀତ୍ ॥ 2 ॥
ୟଥାଽସୌସଂପ୍ରହୃଷ୍ଟାନାଂଵାନରାଣାଂସମୁତ୍ଥିତଃ ।
ବହୂନାଂସୁମହାନ୍ନାଦୋମେଘନାମିଵଗର୍ଜିତାମ୍ ॥ 3 ॥
ଵ୍ୟକ୍ତଂସୁମହତୀପ୍ରୀତିରେତେଷାଂନାତ୍ରସଂଶୟଃ ।
ତଥାହିଵିପୁଲୈର୍ନାଦୈଶ୍ଚୁକ୍ଷୁଭେଵରୁଣାଲୟଃ ॥ 4 ॥
ତୌତୁବଦ୍ଧୌଶରୈସ୍ତୀକ୍ଷ୍ଣୈର୍ଭ୍ରାତରୌରାମଲକ୍ଷ୍ମଣୌ ।
ଅୟଂଚସୁମହାନ୍ନାଦଶଂକାଂଜନୟତୀଵମେ ॥ 5 ॥
ଏତତ୍ତୁଵଚନଂଚୋକ୍ତ୍ଵାମଂତ୍ରିଣୋରାକ୍ଷସେଶ୍ଵରଃ ।
ଉଵାଚନୈରୃତାଂସ୍ତତ୍ରସମୀପପରିଵର୍ତିନଃ ॥ 6 ॥
ଜ୍ଞାୟତାଂତୂର୍ଣମେତେଷାଂସର୍ଵେଷାଂଚଵନଚାରିଣାମ୍ ।
ଶୋକକାଲେସମୁତ୍ପନ୍ନହର୍ଷକାରଣମୁତ୍ଥିତମ୍ ॥ 7 ॥
ତଥୋକ୍ତାସ୍ତେନସଂଭ୍ରାଂତାଃପ୍ରାକାରମଧିରୁହ୍ୟଚ ।
ଦଦୃଶୁଃପାଲିତାଂସେନାଂସୁଗ୍ରୀଵେଣମହାତ୍ମନା ॥ 8 ॥
ତୌଚମୁକ୍ତୌସୁଘୋରେଣଶରବଂଧେନରାଘଵୌ ।
ସମୁତ୍ଥିତୌମହାଭାଗୌଵିଷେଦୁଃପ୍ରେକ୍ଷ୍ୟରାକ୍ଷସାଃ ॥ 9 ॥
ସଂତ୍ରସ୍ତହୃଦୟାଃସର୍ଵେପ୍ରାକାରାତ୍ ଵରୁହ୍ୟତେ ।
ଵିଷଣ୍ଣଵଦନାଘୋରାରାକ୍ଷସେଂଦ୍ରମୁପସ୍ଥିତା ॥ 10 ॥
ତଦପ୍ରିୟଂଦୀନମୁଖାରାଵଣସ୍ୟନିଶାଚରାଃ ।
କୃତ୍ସ୍ନଂନିଵେଦୟାମାସୁର୍ୟଥାଵଦ୍ଵାକ୍ୟକୋଵିଦାଃ ॥ 11 ॥
ୟୌତାଵିଂଦ୍ରଜିତାୟୁଦ୍ଧେଭ୍ରାତରୌରାମଲକ୍ଷ୍ମଣୌ ।
ନିବଦ୍ଧୌଶରବଂଧେନନିଷ୍ପ୍ରକଂପଭୁଜୌକୃତୌ ॥ 12 ॥
ଵିମୁକ୍ତୌଶରବଂଧେନଦୃଶ୍ୟେତେତୌରଣାଜିରେ ।
ପାଶାନିଵଗଜୌଛିତ୍ଵାଗଜେଂଦ୍ରସମଵିକ୍ରମୌ ॥ 13 ॥
ତଚ୍ଛ୍ରୁତ୍ଵାଵଚନଂତେଷାଂରାକ୍ଷସେଂଦ୍ରୋମହାବଲଃ ।
ଚିଂତାରୋଷସମାକ୍ରାଂତୋଵିଷଣ୍ଣଵଦନୋଽଭଵତ୍ ॥ 14 ॥
ଘୋରୈର୍ଦତ୍ତଵରୈର୍ଭଦ୍ଧୌଶରୈରାଶୀଵିଷୋପମୈଃ ।
ଅମୋଘୈସ୍ସୂର୍ୟସଂକାଶୈଃପ୍ରମଥ୍ୟେଂଦ୍ରଜିତାୟୁଧି ॥ 15 ॥
ତଦସ୍ତ୍ରବଂଧମାସାଦ୍ୟୟଦିମୁକ୍ତୌରିପୂମମ ।
ସଂଶୟସ୍ଥମିଦଂସର୍ଵମନୁପଶ୍ୟାମ୍ୟହଂବଲମ୍ ॥ 16 ॥
ନିଷ୍ଫଲାଃଖଲୁସମ୍ଵୃତ୍ତାଶ୍ଶରାଃଵାସୁକିତେଜସଃ ।
ଅଦତ୍ତଂୟୈସ୍ତୁସଂଗ୍ରାମେରିପୂଣାଂଜୀଵିତଂମମ ॥ 17 ॥
ଏଵମୁକ୍ତ୍ଵାତୁସଂକ୍ରୁଦ୍ଧୋନିଶ୍ଶ୍ଵସନ୍ନୁରଗୋୟଥା ।
ଅବ୍ରଵୀଦ୍ରକ୍ଷସାଂମଧ୍ୟେଧୂମ୍ରାକ୍ଷଂନାମରାକ୍ଷସମ୍ ॥ 18 ॥
ବଲେନମହତାୟୁକ୍ତୋରାକ୍ଷସୈର୍ଭୀମଵିକ୍ରମଃ ।
ତ୍ଵଂଵଧାୟାଭିନିର୍ୟାହିରାମସ୍ୟସହଵାନରୈଃ ॥ 19 ॥
ଏଵମୁକ୍ତସ୍ତୁଧୂମ୍ରାକ୍ଷୋରାକ୍ଷସେଂଦ୍ରେଣଧୀମତା ।
କୃତ୍ଵାପ୍ରଣାମଂସମ୍ହୃଷ୍ଟୋନିର୍ଜଗାମନୃପାଲୟତ୍ ॥ 20 ॥
ଅଭିନିଷ୍କ୍ରମ୍ୟତଦଦ୍ଵାରଂବଲାଧ୍ୟକ୍ଷମୁଵାଚହ ।
ତ୍ଵରୟସ୍ଵବଲଂତୂର୍ଣଂକିଂଚିରେଣୟୁୟୁତ୍ସତଃ ॥ 21 ॥
ଧୂମ୍ରାକ୍ଷଵଚନଂଶ୍ରୁତ୍ଵାବଲାଧ୍ୟକ୍ଷୋବଲାନୁଗଃ ।
ବଲମୁଦ୍ୟୋଜୟାମାସରାଵଣସ୍ୟାଜ୍ଞୟାଦ୍ରୁତମ୍ ॥ 22 ॥
ତେବଦ୍ଧଘଂଟାବଲିନୋଘୋରରୂପାନିଶାଚରାଃ ।
ଵିଗର୍ଜମାନାସ୍ସମ୍ହୃଷ୍ଟାଧୂମ୍ରାକ୍ଷଂପର୍ୟଵାରୟନ୍ ॥ 23 ॥
ଵିଵିଧାୟୁଧହସ୍ତାଶ୍ଚଶୂଲମୁଦ୍ଗରପାଣୟଃ ।
ଗଦାଭିଃପଟ୍ଟସୈର୍ଦଂଡୈରାୟସୈର୍ମୁସଲୈର୍ଭୃଶମ୍ ॥ 24 ॥
ପରିଘୈର୍ଭିଂଡିଵାଲୈଶ୍ଚଭଲ୍ଲୈପ୍ରାସୈଃ ପରଶ୍ଵଥୈଃ ।
ନିର୍ୟୟୂରାକ୍ଷସାଦିଭ୍ୟୋନର୍ଧଂତୋଜଲଦାୟଥା ॥ 25 ॥
ରଥୈଃକଵଚିନସ୍ତ୍ଵନ୍ୟେଧ୍ଵଜୈଶ୍ଚସମଲଂକୃତୈଃ ।
ସୁଵର୍ଣଜାଲଵିହିତୈଃଖରୈଶ୍ଚଵିଵିଧାନନୈଃ ॥ 26 ॥
ହୟୈଃପରମଶୀଘ୍ରୈଶ୍ଚଗଜୈଶ୍ଚୈଵମଦୋତ୍କଟୈଃ ।
ନିର୍ୟୟୁର୍ନୈରୃତଵ୍ୟାଘ୍ରାଵ୍ୟାଘ୍ରାଇଵଦୁରାସଦାଃ ॥ 27 ॥
ଵୃକସିଂହମୁଖୈର୍ୟୁକ୍ତଂଖରୈଃକନକଭୂଷଣୈଃ ।
ଆରୁରୋହରଥଂଦିଵ୍ୟଂଧୂମ୍ରାକ୍ଷଃଖରନିସ୍ସ୍ଵନଃ ॥ 28 ॥
ସନିର୍ୟାତୋମହାଵୀର୍ୟୋଧୂମ୍ରାକ୍ଷୋରାକ୍ଷସୈର୍ଵୃତଃ ।
ପ୍ରହସନ୍ପଶ୍ଚିମଦ୍ଵାରଂହନୁମାନ୍ୟତ୍ରୟୂଥପଃ ॥ 29 ॥
ରଥପ୍ରଵରମାସ୍ଥାୟଖରୟୁକ୍ତଂଖରସ୍ଵନମ୍ ।
ପ୍ରୟାଂତଂତୁମହାଘୋରଂରାକ୍ଷସଂଭୀମଦର୍ଶନମ୍ ॥ 30 ॥
ଅଂତରିକ୍ଷଗତାଃଘୋରାଶକୁନାଃପ୍ରତ୍ୟଷେଧୟନ୍ ।
ରଥଶୀର୍ଷେମହାନ୍ଭୀମୋଗୃଧ୍ରଶ୍ଚନିପପାତହ ॥ 31 ॥
ଧ୍ଵଜାଗ୍ରେଗ୍ରଥିତାଶ୍ଚୈଵନିପେତୁଃକୁଣପାଶନାଃ ।
ରୁଧିରାର୍ଦ୍ରୋମହାନ୍ ଶ୍ଵେତଃକବଂଧଃପତିତୋଭୁଵି ॥ 32 ॥
ଵିସ୍ଵରଂଚୋତ୍ସୃଜନ୍ନାଦଂଧୂମ୍ରାକ୍ଷସ୍ୟସମୀପତଃ ।
ଵଵର୍ଷରୁଧିରଂଦେଵସ୍ସଂଚଚାଲଚମେଦିନୀ ॥ 33 ॥
ପ୍ରତିଲୋମଂଵନୌଵାୟୁର୍ନିର୍ଘାତସମନିସ୍ଵନଃ ।
ତିମିରୌଘଵୃତାସ୍ତତ୍ରଦିଶଶ୍ଚନଚକାଶିରେ ॥ 34 ॥
ସତୂତ୍ପାତାଂସ୍ତଦାଦୃଷ୍ଟଵାରାକ୍ଷସାନାଂଭୟାଵହାନ୍ ।
ପ୍ରାଦୁର୍ଭୂତାନ୍ସୁଘୋରାଂଶ୍ଚଧୂମ୍ରାକ୍ଷୋଵ୍ୟଥିତୋଽଭଵତ୍ ॥ 35 ॥
ମୁମୁହୂରାକ୍ଷସାଃସର୍ଵେଧୂମ୍ରାକ୍ଷସ୍ୟପୁରସ୍ସରାଃ ।
ତତଃସୁଭୀମୋବହୁଭିର୍ନିଶାଚରୈର୍ଵୃତୋଽଭିନିଷ୍କ୍ରମ୍ୟରଣୋତ୍ସୁକୋବଲୀ ।
ଦଦର୍ଶତାଂରାଘଵବାହୁପାଲିତାଂମହୌଘକଲ୍ପାଂବହୁଵାନରୀଂଚମୂମ୍ ॥ 36 ॥
ଇତ୍ୟାର୍ଷେ ଶ୍ରୀମଦ୍ରାମାୟଣେ ଵାଲ୍ମୀକୀୟ ଆଦିକାଵ୍ୟେ ୟୁଦ୍ଧକାଂଡେ ଏକପଂଚାଶସ୍ସର୍ଗଃ ॥
