শ্রীমদ্বাল্মীকীয় রামাযণে যুদ্ধকাংডম্ ।
অথ একপংচাশস্সর্গঃ ।
তেষাংসুতুমুলংশব্দংবানরাণাংতরস্বিনাম্ ।
নর্দতাংরাক্ষসৈস্সার্ধংতদাশুশ্রাবরাবণঃ ॥ 1 ॥
স্নিগ্ধগংভীরনির্ঘোষংশ্রুত্বাসনিনদংভৃশম্ ।
সচিবানাংততস্তেষাংমধ্য়েবচনমব্রবীত্ ॥ 2 ॥
যথাঽসৌসংপ্রহৃষ্টানাংবানরাণাংসমুত্থিতঃ ।
বহূনাংসুমহান্নাদোমেঘনামিবগর্জিতাম্ ॥ 3 ॥
ব্যক্তংসুমহতীপ্রীতিরেতেষাংনাত্রসংশয়ঃ ।
তথাহিবিপুলৈর্নাদৈশ্চুক্ষুভেবরুণালয়ঃ ॥ 4 ॥
তৌতুবদ্ধৌশরৈস্তীক্ষ্ণৈর্ভ্রাতরৌরামলক্ষ্মণৌ ।
অয়ংচসুমহান্নাদশংকাংজনযতীবমে ॥ 5 ॥
এতত্তুবচনংচোক্ত্বামংত্রিণোরাক্ষসেশ্বরঃ ।
উবাচনৈরৃতাংস্তত্রসমীপপরিবর্তিনঃ ॥ 6 ॥
জ্ঞাযতাংতূর্ণমেতেষাংসর্বেষাংচবনচারিণাম্ ।
শোককালেসমুত্পন্নহর্ষকারণমুত্থিতম্ ॥ 7 ॥
তথোক্তাস্তেনসংভ্রাংতাঃপ্রাকারমধিরুহ্যচ ।
দদৃশুঃপালিতাংসেনাংসুগ্রীবেণমহাত্মনা ॥ 8 ॥
তৌচমুক্তৌসুঘোরেণশরবংধেনরাঘবৌ ।
সমুত্থিতৌমহাভাগৌবিষেদুঃপ্রেক্ষ্যরাক্ষসাঃ ॥ 9 ॥
সংত্রস্তহৃদয়াঃসর্বেপ্রাকারাত্ বরুহ্যতে ।
বিষণ্ণবদনাঘোরারাক্ষসেংদ্রমুপস্থিতা ॥ 10 ॥
তদপ্রিয়ংদীনমুখারাবণস্যনিশাচরাঃ ।
কৃত্স্নংনিবেদয়ামাসুর্যথাবদ্বাক্যকোবিদাঃ ॥ 11 ॥
যৌতাবিংদ্রজিতায়ুদ্ধেভ্রাতরৌরামলক্ষ্মণৌ ।
নিবদ্ধৌশরবংধেননিষ্প্রকংপভুজৌকৃতৌ ॥ 12 ॥
বিমুক্তৌশরবংধেনদৃশ্য়েতেতৌরণাজিরে ।
পাশানিবগজৌছিত্বাগজেংদ্রসমবিক্রমৌ ॥ 13 ॥
তচ্ছ্রুত্বাবচনংতেষাংরাক্ষসেংদ্রোমহাবলঃ ।
চিংতারোষসমাক্রাংতোবিষণ্ণবদনোঽভবত্ ॥ 14 ॥
ঘোরৈর্দত্তবরৈর্ভদ্ধৌশরৈরাশীবিষোপমৈঃ ।
অমোঘৈস্সূর্যসংকাশৈঃপ্রমথ্য়েংদ্রজিতায়ুধি ॥ 15 ॥
তদস্ত্রবংধমাসাদ্যযদিমুক্তৌরিপূমম ।
সংশযস্থমিদংসর্বমনুপশ্য়াম্যহংবলম্ ॥ 16 ॥
নিষ্ফলাঃখলুসম্বৃত্তাশ্শরাঃবাসুকিতেজসঃ ।
অদত্তংয়ৈস্তুসংগ্রামেরিপূণাংজীবিতংমম ॥ 17 ॥
এবমুক্ত্বাতুসংক্রুদ্ধোনিশ্শ্বসন্নুরগোযথা ।
অব্রবীদ্রক্ষসাংমধ্য়েধূম্রাক্ষংনামরাক্ষসম্ ॥ 18 ॥
বলেনমহতায়ুক্তোরাক্ষসৈর্ভীমবিক্রমঃ ।
ত্বংবধায়াভিনির্য়াহিরামস্যসহবানরৈঃ ॥ 19 ॥
এবমুক্তস্তুধূম্রাক্ষোরাক্ষসেংদ্রেণধীমতা ।
কৃত্বাপ্রণামংসম্হৃষ্টোনির্জগামনৃপালযত্ ॥ 20 ॥
অভিনিষ্ক্রম্যতদদ্বারংবলাধ্যক্ষমুবাচহ ।
ত্বরযস্ববলংতূর্ণংকিংচিরেণয়ুয়ুত্সতঃ ॥ 21 ॥
ধূম্রাক্ষবচনংশ্রুত্বাবলাধ্যক্ষোবলানুগঃ ।
বলমুদ্য়োজয়ামাসরাবণস্য়াজ্ঞয়াদ্রুতম্ ॥ 22 ॥
তেবদ্ধঘংটাবলিনোঘোররূপানিশাচরাঃ ।
বিগর্জমানাস্সম্হৃষ্টাধূম্রাক্ষংপর্যবারযন্ ॥ 23 ॥
বিবিধায়ুধহস্তাশ্চশূলমুদ্গরপাণয়ঃ ।
গদাভিঃপট্টসৈর্দংডৈরাযসৈর্মুসলৈর্ভৃশম্ ॥ 24 ॥
পরিঘৈর্ভিংডিবালৈশ্চভল্লৈপ্রাসৈঃ পরশ্বথৈঃ ।
নির্যয়ূরাক্ষসাদিভ্য়োনর্ধংতোজলদাযথা ॥ 25 ॥
রথৈঃকবচিনস্ত্বন্য়েধ্বজৈশ্চসমলংকৃতৈঃ ।
সুবর্ণজালবিহিতৈঃখরৈশ্চবিবিধাননৈঃ ॥ 26 ॥
হয়ৈঃপরমশীঘ্রৈশ্চগজৈশ্চৈবমদোত্কটৈঃ ।
নির্যয়ুর্নৈরৃতব্য়াঘ্রাব্য়াঘ্রাইবদুরাসদাঃ ॥ 27 ॥
বৃকসিংহমুখৈর্য়ুক্তংখরৈঃকনকভূষণৈঃ ।
আরুরোহরথংদিব্য়ংধূম্রাক্ষঃখরনিস্স্বনঃ ॥ 28 ॥
সনির্য়াতোমহাবীর্য়োধূম্রাক্ষোরাক্ষসৈর্বৃতঃ ।
প্রহসন্পশ্চিমদ্বারংহনুমান্যত্রয়ূথপঃ ॥ 29 ॥
রথপ্রবরমাস্থাযখরয়ুক্তংখরস্বনম্ ।
প্রয়াংতংতুমহাঘোরংরাক্ষসংভীমদর্শনম্ ॥ 30 ॥
অংতরিক্ষগতাঃঘোরাশকুনাঃপ্রত্যষেধযন্ ।
রথশীর্ষেমহান্ভীমোগৃধ্রশ্চনিপপাতহ ॥ 31 ॥
ধ্বজাগ্রেগ্রথিতাশ্চৈবনিপেতুঃকুণপাশনাঃ ।
রুধিরার্দ্রোমহান্ শ্বেতঃকবংধঃপতিতোভুবি ॥ 32 ॥
বিস্বরংচোত্সৃজন্নাদংধূম্রাক্ষস্যসমীপতঃ ।
ববর্ষরুধিরংদেবস্সংচচালচমেদিনী ॥ 33 ॥
প্রতিলোমংবনৌবায়ুর্নির্ঘাতসমনিস্বনঃ ।
তিমিরৌঘবৃতাস্তত্রদিশশ্চনচকাশিরে ॥ 34 ॥
সতূত্পাতাংস্তদাদৃষ্টবারাক্ষসানাংভয়াবহান্ ।
প্রাদুর্ভূতান্সুঘোরাংশ্চধূম্রাক্ষোব্যথিতোঽভবত্ ॥ 35 ॥
মুমুহূরাক্ষসাঃসর্বেধূম্রাক্ষস্যপুরস্সরাঃ ।
ততঃসুভীমোবহুভির্নিশাচরৈর্বৃতোঽভিনিষ্ক্রম্যরণোত্সুকোবলী ।
দদর্শতাংরাঘববাহুপালিতাংমহৌঘকল্পাংবহুবানরীংচমূম্ ॥ 36 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে যুদ্ধকাংডে একপংচাশস্সর্গঃ ॥
