શ્રીમદ્વાલ્મીકીય રામાયણે યુદ્ધકાંડમ્ ।
અથ એકાશીતિતમસ્સર્ગઃ ।
વિજ્ઞાયતુમનસ્તસ્યરાઘવસ્યમહાત્મનઃ ।
સ નિવૃત્યાહવાત્તસ્માત્ પ્રવિવેશપુરીંતતઃ ॥ 1 ॥
સોઽનુસ્મૃત્યવધંતેષાંરાક્ષસાનાંતરસ્વિનામ્ ।
ક્રોધતામ્રેક્ષણશ્શૂરોનિર્જગામાહાદ્યુતિઃ ॥ 2 ॥
સ પશ્ચિમેવદ્વારેણનિર્યયૌરાક્ષસૈર્વૃતઃ ।
ઇંદ્રજિત્સુમહાવીર્યઃપૌલસ્ત્યોદેવકંટકઃ ॥ 3 ॥
ઇંદ્રજિત્તુતતોદૃષ્ટવાભ્રાતરૌરામલક્ષ્મણૌ ।
રણાયાભ્યુદ્યતૌવીરૌમાયાંપ્રાદુષ્કરોત્તદા ॥ 4 ॥
ઇંદ્રજિત્તુરથેસ્થાપ્યસીતાંમાયામયીંતદા ।
બલેનમહતાવૃત્યતસ્યાવધમરોચયત્ ॥ 5 ॥
મોહનાર્થંતુસર્વેષાંબુદ્ધિંકૃત્વાસુદુર્મતિઃ ।
હંતુંસીતાંવ્યવસિતોવાનરાભિમુખોયયૌ ॥ 6 ॥
તમ્દૃષ્ટવાત્વભિનિર્યાંતંસર્વેતેકાનનૌકસઃ ।
ઉત્પેતુરભિસંક્રુદ્ધાશ્શિલાહસ્તાયુયુત્સવઃ ॥ 7 ॥
હનૂમાન્ પુરતસ્તેષાંજગામકપિકુંજરઃ ।
પ્રગૃહ્યસુમહચ્છૃંગંપર્વતસ્યદુરાસદમ્ ॥ 8 ॥
સ દદર્શહતાનંદાંસીતામિંદ્રજિતોરથે ।
એકવેણીધરાંદીનામુપવાસકૃશાનનામ્ ॥ 9 ॥
પરિક્લિષ્ટૈકવસનામમૃજાંરાઘવપ્રિયામ્ ।
રજોમલાભ્યામાલિપ્તૈસ્સર્વગાત્રૈર્વરસ્ત્રિયમ્ ॥ 10 ॥
તાંનિરીક્ષ્યમુહૂર્તંતુમૈથિલીત્યધ્યવસ્યતુ ।
બભૂવાચિરદૃષ્ટાહિતેનસાજનકાત્મજા ॥ 11 ॥
અબ્રવીત્તાંતુશોકાર્તાંનિરાનંદાંતપસ્વિનીમ્ ।
દૃષ્ટવારથોસ્થિતાંદૃષ્ટ્વારાક્ષસેંદ્રસુતશ્રિતામ્ ॥ 12 ॥
કંસમર્થિતમસ્યેતિચિંતયન્સમહાકપિઃ ।
સહતૈર્વાનરશ્રેષ્ઠૈરભ્યધાવતરાવણિમ્ ॥ 13 ॥
તદ્વાનરબલંદૃષ્ટવારાવણિઃક્રોધમૂર્છિતઃ ।
કૃત્વાવિકોશંનિસ્ત્રિંશંમૂર્ધ્નિસીતામકર્ષયત્ ॥ 14 ॥
તાંસ્ત્રિયંપશ્યતાંતેષાંતાડયામાસરાવણિઃ ।
ક્રોશંતીંરામરામેતિમાયયાયોજિતાંરથે ॥ 15 ॥
ગૃહીતમૂર્ધજાંદૃષ્ટવાહનુમાન્ દૈન્યમાગતઃ ।
શોકજંવારિનેત્રાભ્યામુત્સૃજન્મારુતાત્મજઃ ॥ 16 ॥
તાંદૃષ્ટવાચારુસર્વાંગીંરામસ્યમહિષીંપ્રિયામ્ ।
અબ્રવીત્પુરુષંવાક્યંક્રોધાદ્રક્ષોધિપાત્મજમ્ ॥ 17 ॥
દુરાત્મન્નાત્મનાશાયકેશપક્ષેપરામૃશઃ ।
બ્રહ્મર્ષીણાંકુલેજાતોરાક્ષસીંયોનિમાશ્રિતઃ ॥ 18 ॥
ધિક્ત્વાંપાપસમાચારંયસ્યતેમતિરિદૃશી ।
નૃશંસાનાર્ય દુર્વૃત્ત ક્ષુદ્ર પાપપરાક્રમ ॥ 19 ॥
અનાર્યસ્યેદૃશંકર્મઘૃણાતેનાસ્તિનિર્ઘૃણ ।
ચ્યુતાગૃહાચ્ચરાજ્યાચ્ચરામહસ્તાચ્ચમૈથિલી ॥ 20 ॥
કિંતવૈષાપરાદ્ધાહિયદેનાંહંતુમિચ્છસિ ।
સીતાંહત્વાતુ ન ચિરંજીવિષ્યસિકથંચન ॥ 21 ॥
વધાર્હકર્મણાનેનમમહસ્તગતોહ્યસિ ।
યેચ સ્ત્રીઘાતિનાંલોકાલોકવધ્યૈષુકુસતિતાઃ ॥ 22 ॥
ઇહજીવિતમુત્સૃજ્યપ્રેત્યતાન્પ્રતિપત્સ્યસે ।
તિબ્રુવાણોહનુમાન્ સાયુધૈર્હરિભિર્વૃતઃ ॥ 23 ॥
અભ્યદાવત્ સસુંકૃદ્ધોરાક્ષસેંદ્રસુતંપ્રતિ ।
પતંતંમહાવીર્યંતદનીકંવનૌકસામ્ ॥ 24 ॥
રક્ષસાંભીમકોપાનામનીકંતુન્યવારયત્ ।
સઃતાંબાણસહસ્રેણવિક્ષોભ્યહરિવાહિનીમ્ ॥ 25 ॥
હનૂમંતંહરિશ્રેષ્ઠમિંદ્રજિત્ પ્રત્યુવાચ હ ।
સુગ્રીવસ્ત્વં ચ રામશ્ચયન્નિમિત્તમિહાગતાઃ ॥ 26 ॥
તાંવધિષ્યામિવૈદેહીમદ્યૈવતવપશ્યતઃ ।
ઇમાંહત્વાતતોરામંલક્ષ્મણંત્વાં ચ વાનર ॥ 27 ॥
સુગ્રીવં ચ વધિષ્યામિતંચાનાર્યંવિભીષણમ્ ।
ન હંતવ્યાઃસ્ત્રિયશ્ચેતિયદ્ બ્રવીષિપ્લવંગમ ॥ 28 ॥
પીડાકરમમિત્રાણાંયત્સ્યાત્કર્તવ્યમેવતત્ ।
તમેવમુક્ત્વારુદતીંસીતાંમયામયીં ચ તામ્ ॥ 29 ॥
શિતધારેણખંગેનનિજઘાનેંદ્રજિત્સ્વયમ્ ।
યજ્ઞોપવીતમાર્ગેણભિન્નાતેનતપસ્વિની ॥ 30 ॥
સાપૃથિવ્યાંપૃથુશ્રોણીપપાતપ્રિયદર્શના ।
ત્તામિંદ્રજિત્ સ્ત્રિયંહત્વાહનૂમંતમુવાચ હ ॥ 31 ॥
મયારામસ્યપશ્યેમાંકોપેન ચ ।
એષાવિશસ્તાવૈદેહીનિષ્ફલોવઃપરિશ્રમઃ ॥ 32 ॥
તતઃખડગેનમહતાહત્વાતામિંદ્રજિત્ સ્વયમ્ ।
હૃષ્ટસ્સરથમાસ્થાયનનાદ ચ મહાસ્વનમ્ ॥ 33 ॥
વાનરાશ્શુશ્રુવુશ્શબ્દમદૂરેપ્રત્યવસ્થિતાઃ ।
વ્યાદિતાસ્યસ્યનદતસ્તદ્દુર્ગંસંશ્રિતસ્યતુ ॥ 34 ॥
તથાતુસીતાંવિનિહત્યદુર્મતિઃપ્રહૃષ્ટચેતાસ્સબભૂવરાવણિઃ ।
તંહૃષ્ટરૂપંસમુદીક્ષ્યવાનરાવિષણ્ણરૂપાસ્સહસાપ્રદદુદ્રુવુઃ ॥ 35 ॥
ઇત્યાર્ષે શ્રીમદ્રામાયણે વાલ્મીકીય આદિકાવ્યે યુદ્ધકાંડે એકાશીતિતમસ્સર્ગઃ ॥
