ශ්රීමද්වාල්මීකීය රාමායණේ යුද්ධකාංඩම් ।
අථ ඒකාශීතිතමස්සර්ගඃ ।
විජ්ඤායතුමනස්තස්යරාඝවස්යමහාත්මනඃ ।
ස නිවෘත්යාහවාත්තස්මාත් ප්රවිවේශපුරීංතතඃ ॥ 1 ॥
සෝऽනුස්මෘත්යවධංතේෂාංරාක්ෂසානාංතරස්විනාම් ।
ක්රෝධතාම්රේක්ෂණශ්ශූරෝනිර්ජගාමාහාද්යුතිඃ ॥ 2 ॥
ස පශ්චිමේවද්වාරේණනිර්යයෞරාක්ෂසෛර්වෘතඃ ।
ඉංද්රජිත්සුමහාවීර්යඃපෞලස්ත්යෝදේවකංටකඃ ॥ 3 ॥
ඉංද්රජිත්තුතතෝදෘෂ්ටවාභ්රාතරෞරාමලක්ෂ්මණෞ ।
රණායාභ්යුද්යතෞවීරෞමායාංප්රාදුෂ්කරෝත්තදා ॥ 4 ॥
ඉංද්රජිත්තුරථේස්ථාප්යසීතාංමායාමයීංතදා ।
බලේනමහතාවෘත්යතස්යාවධමරෝචයත් ॥ 5 ॥
මෝහනාර්ථංතුසර්වේෂාංබුද්ධිංකෘත්වාසුදුර්මතිඃ ।
හංතුංසීතාංව්යවසිතෝවානරාභිමුඛෝයයෞ ॥ 6 ॥
තම්දෘෂ්ටවාත්වභිනිර්යාංතංසර්වේතේකානනෞකසඃ ।
උත්පේතුරභිසංක්රුද්ධාශ්ශිලාහස්තායුයුත්සවඃ ॥ 7 ॥
හනූමාන් පුරතස්තේෂාංජගාමකපිකුංජරඃ ।
ප්රගෘහ්යසුමහච්ඡෘංගංපර්වතස්යදුරාසදම් ॥ 8 ॥
ස දදර්ශහතානංදාංසීතාමිංද්රජිතෝරථේ ।
ඒකවේණීධරාංදීනාමුපවාසකෘශානනාම් ॥ 9 ॥
පරික්ලිෂ්ටෛකවසනාමමෘජාංරාඝවප්රියාම් ।
රජෝමලාභ්යාමාලිප්තෛස්සර්වගාත්රෛර්වරස්ත්රියම් ॥ 10 ॥
තාංනිරීක්ෂ්යමුහූර්තංතුමෛථිලීත්යධ්යවස්යතු ।
බභූවාචිරදෘෂ්ටාහිතේනසාජනකාත්මජා ॥ 11 ॥
අබ්රවීත්තාංතුශෝකාර්තාංනිරානංදාංතපස්විනීම් ।
දෘෂ්ටවාරථෝස්ථිතාංදෘෂ්ට්වාරාක්ෂසේංද්රසුතශ්රිතාම් ॥ 12 ॥
කංසමර්ථිතමස්යේතිචිංතයන්සමහාකපිඃ ।
සහතෛර්වානරශ්රේෂ්ඨෛරභ්යධාවතරාවණිම් ॥ 13 ॥
තද්වානරබලංදෘෂ්ටවාරාවණිඃක්රෝධමූර්ඡිතඃ ।
කෘත්වාවිකෝශංනිස්ත්රිංශංමූර්ධ්නිසීතාමකර්ෂයත් ॥ 14 ॥
තාංස්ත්රියංපශ්යතාංතේෂාංතාඩයාමාසරාවණිඃ ।
ක්රෝශංතීංරාමරාමේතිමායයායෝජිතාංරථේ ॥ 15 ॥
ගෘහීතමූර්ධජාංදෘෂ්ටවාහනුමාන් දෛන්යමාගතඃ ।
ශෝකජංවාරිනේත්රාභ්යාමුත්සෘජන්මාරුතාත්මජඃ ॥ 16 ॥
තාංදෘෂ්ටවාචාරුසර්වාංගීංරාමස්යමහිෂීංප්රියාම් ।
අබ්රවීත්පුරුෂංවාක්යංක්රෝධාද්රක්ෂෝධිපාත්මජම් ॥ 17 ॥
දුරාත්මන්නාත්මනාශායකේශපක්ෂේපරාමෘශඃ ।
බ්රහ්මර්ෂීණාංකුලේජාතෝරාක්ෂසීංයෝනිමාශ්රිතඃ ॥ 18 ॥
ධික්ත්වාංපාපසමාචාරංයස්යතේමතිරිදෘශී ।
නෘශංසානාර්ය දුර්වෘත්ත ක්ෂුද්ර පාපපරාක්රම ॥ 19 ॥
අනාර්යස්යේදෘශංකර්මඝෘණාතේනාස්තිනිර්ඝෘණ ।
ච්යුතාගෘහාච්චරාජ්යාච්චරාමහස්තාච්චමෛථිලී ॥ 20 ॥
කිංතවෛෂාපරාද්ධාහියදේනාංහංතුමිච්ඡසි ।
සීතාංහත්වාතු න චිරංජීවිෂ්යසිකථංචන ॥ 21 ॥
වධාර්හකර්මණානේනමමහස්තගතෝහ්යසි ।
යේච ස්ත්රීඝාතිනාංලෝකාලෝකවධ්යෛෂුකුසතිතාඃ ॥ 22 ॥
ඉහජීවිතමුත්සෘජ්යප්රේත්යතාන්ප්රතිපත්ස්යසේ ।
තිබ්රුවාණෝහනුමාන් සායුධෛර්හරිභිර්වෘතඃ ॥ 23 ॥
අභ්යදාවත් සසුංකෘද්ධෝරාක්ෂසේංද්රසුතංප්රති ।
පතංතංමහාවීර්යංතදනීකංවනෞකසාම් ॥ 24 ॥
රක්ෂසාංභීමකෝපානාමනීකංතුන්යවාරයත් ।
සඃතාංබාණසහස්රේණවික්ෂෝභ්යහරිවාහිනීම් ॥ 25 ॥
හනූමංතංහරිශ්රේෂ්ඨමිංද්රජිත් ප්රත්යුවාච හ ।
සුග්රීවස්ත්වං ච රාමශ්චයන්නිමිත්තමිහාගතාඃ ॥ 26 ॥
තාංවධිෂ්යාමිවෛදේහීමද්යෛවතවපශ්යතඃ ।
ඉමාංහත්වාතතෝරාමංලක්ෂ්මණංත්වාං ච වානර ॥ 27 ॥
සුග්රීවං ච වධිෂ්යාමිතංචානාර්යංවිභීෂණම් ।
න හංතව්යාඃස්ත්රියශ්චේතියද් බ්රවීෂිප්ලවංගම ॥ 28 ॥
පීඩාකරමමිත්රාණාංයත්ස්යාත්කර්තව්යමේවතත් ।
තමේවමුක්ත්වාරුදතීංසීතාංමයාමයීං ච තාම් ॥ 29 ॥
ශිතධාරේණඛංගේනනිජඝානේංද්රජිත්ස්වයම් ।
යජ්ඤෝපවීතමාර්ගේණභින්නාතේනතපස්විනී ॥ 30 ॥
සාපෘථිව්යාංපෘථුශ්රෝණීපපාතප්රියදර්ශනා ।
ත්තාමිංද්රජිත් ස්ත්රියංහත්වාහනූමංතමුවාච හ ॥ 31 ॥
මයාරාමස්යපශ්යේමාංකෝපේන ච ।
ඒෂාවිශස්තාවෛදේහීනිෂ්ඵලෝවඃපරිශ්රමඃ ॥ 32 ॥
තතඃඛඩගේනමහතාහත්වාතාමිංද්රජිත් ස්වයම් ।
හෘෂ්ටස්සරථමාස්ථායනනාද ච මහාස්වනම් ॥ 33 ॥
වානරාශ්ශුශ්රුවුශ්ශබ්දමදූරේප්රත්යවස්ථිතාඃ ।
ව්යාදිතාස්යස්යනදතස්තද්දුර්ගංසංශ්රිතස්යතු ॥ 34 ॥
තථාතුසීතාංවිනිහත්යදුර්මතිඃප්රහෘෂ්ටචේතාස්සබභූවරාවණිඃ ।
තංහෘෂ්ටරූපංසමුදීක්ෂ්යවානරාවිෂණ්ණරූපාස්සහසාප්රදදුද්රුවුඃ ॥ 35 ॥
ඉත්යාර්ෂේ ශ්රීමද්රාමායණේ වාල්මීකීය ආදිකාව්යේ යුද්ධකාංඩේ ඒකාශීතිතමස්සර්ගඃ ॥
