ಶ್ರೀಮದ್ವಾಲ್ಮೀಕೀಯ ರಾಮಾಯಣೇ ಯುದ್ಧಕಾಣ್ಡಮ್ ।
ಅಥ ಏಕಾಶೀತಿತಮಸ್ಸರ್ಗಃ ।
ವಿಜ್ಞಾಯತುಮನಸ್ತಸ್ಯರಾಘವಸ್ಯಮಹಾತ್ಮನಃ ।
ಸ ನಿವೃತ್ಯಾಹವಾತ್ತಸ್ಮಾತ್ ಪ್ರವಿವೇಶಪುರೀನ್ತತಃ ॥ 1 ॥
ಸೋಽನುಸ್ಮೃತ್ಯವಧನ್ತೇಷಾಂರಾಕ್ಷಸಾನಾನ್ತರಸ್ವಿನಾಮ್ ।
ಕ್ರೋಧತಾಮ್ರೇಕ್ಷಣಶ್ಶೂರೋನಿರ್ಜಗಾಮಾಹಾದ್ಯುತಿಃ ॥ 2 ॥
ಸ ಪಶ್ಚಿಮೇವದ್ವಾರೇಣನಿರ್ಯಯೌರಾಕ್ಷಸೈರ್ವೃತಃ ।
ಇನ್ದ್ರಜಿತ್ಸುಮಹಾವೀರ್ಯಃಪೌಲಸ್ತ್ಯೋದೇವಕಣ್ಟಕಃ ॥ 3 ॥
ಇನ್ದ್ರಜಿತ್ತುತತೋದೃಷ್ಟವಾಭ್ರಾತರೌರಾಮಲಕ್ಷ್ಮಣೌ ।
ರಣಾಯಾಭ್ಯುದ್ಯತೌವೀರೌಮಾಯಾಮ್ಪ್ರಾದುಷ್ಕರೋತ್ತದಾ ॥ 4 ॥
ಇನ್ದ್ರಜಿತ್ತುರಥೇಸ್ಥಾಪ್ಯಸೀತಾಮ್ಮಾಯಾಮಯೀನ್ತದಾ ।
ಬಲೇನಮಹತಾವೃತ್ಯತಸ್ಯಾವಧಮರೋಚಯತ್ ॥ 5 ॥
ಮೋಹನಾರ್ಥನ್ತುಸರ್ವೇಷಾಮ್ಬುದ್ಧಿಙ್ಕೃತ್ವಾಸುದುರ್ಮತಿಃ ।
ಹನ್ತುಂಸೀತಾಂವ್ಯವಸಿತೋವಾನರಾಭಿಮುಖೋಯಯೌ ॥ 6 ॥
ತಮ್ದೃಷ್ಟವಾತ್ವಭಿನಿರ್ಯಾನ್ತಂಸರ್ವೇತೇಕಾನನೌಕಸಃ ।
ಉತ್ಪೇತುರಭಿಸಙ್ಕ್ರುದ್ಧಾಶ್ಶಿಲಾಹಸ್ತಾಯುಯುತ್ಸವಃ ॥ 7 ॥
ಹನೂಮಾನ್ ಪುರತಸ್ತೇಷಾಞ್ಜಗಾಮಕಪಿಕುಞ್ಜರಃ ।
ಪ್ರಗೃಹ್ಯಸುಮಹಚ್ಛೃಙ್ಗಮ್ಪರ್ವತಸ್ಯದುರಾಸದಮ್ ॥ 8 ॥
ಸ ದದರ್ಶಹತಾನನ್ದಾಂಸೀತಾಮಿನ್ದ್ರಜಿತೋರಥೇ ।
ಏಕವೇಣೀಧರಾನ್ದೀನಾಮುಪವಾಸಕೃಶಾನನಾಮ್ ॥ 9 ॥
ಪರಿಕ್ಲಿಷ್ಟೈಕವಸನಾಮಮೃಜಾಂರಾಘವಪ್ರಿಯಾಮ್ ।
ರಜೋಮಲಾಭ್ಯಾಮಾಲಿಪ್ತೈಸ್ಸರ್ವಗಾತ್ರೈರ್ವರಸ್ತ್ರಿಯಮ್ ॥ 10 ॥
ತಾನ್ನಿರೀಕ್ಷ್ಯಮುಹೂರ್ತನ್ತುಮೈಥಿಲೀತ್ಯಧ್ಯವಸ್ಯತು ।
ಬಭೂವಾಚಿರದೃಷ್ಟಾಹಿತೇನಸಾಜನಕಾತ್ಮಜಾ ॥ 11 ॥
ಅಬ್ರವೀತ್ತಾನ್ತುಶೋಕಾರ್ತಾನ್ನಿರಾನನ್ದಾನ್ತಪಸ್ವಿನೀಮ್ ।
ದೃಷ್ಟವಾರಥೋಸ್ಥಿತಾನ್ದೃಷ್ಟ್ವಾರಾಕ್ಷಸೇನ್ದ್ರಸುತಶ್ರಿತಾಮ್ ॥ 12 ॥
ಕಂಸಮರ್ಥಿತಮಸ್ಯೇತಿಚಿನ್ತಯನ್ಸಮಹಾಕಪಿಃ ।
ಸಹತೈರ್ವಾನರಶ್ರೇಷ್ಠೈರಭ್ಯಧಾವತರಾವಣಿಮ್ ॥ 13 ॥
ತದ್ವಾನರಬಲನ್ದೃಷ್ಟವಾರಾವಣಿಃಕ್ರೋಧಮೂರ್ಛಿತಃ ।
ಕೃತ್ವಾವಿಕೋಶನ್ನಿಸ್ತ್ರಿಂಶಮ್ಮೂರ್ಧ್ನಿಸೀತಾಮಕರ್ಷಯತ್ ॥ 14 ॥
ತಾಂಸ್ತ್ರಿಯಮ್ಪಶ್ಯತಾನ್ತೇಷಾನ್ತಾಡಯಾಮಾಸರಾವಣಿಃ ।
ಕ್ರೋಶನ್ತೀಂರಾಮರಾಮೇತಿಮಾಯಯಾಯೋಜಿತಾಂರಥೇ ॥ 15 ॥
ಗೃಹೀತಮೂರ್ಧಜಾನ್ದೃಷ್ಟವಾಹನುಮಾನ್ ದೈನ್ಯಮಾಗತಃ ।
ಶೋಕಜಂವಾರಿನೇತ್ರಾಭ್ಯಾಮುತ್ಸೃಜನ್ಮಾರುತಾತ್ಮಜಃ ॥ 16 ॥
ತಾನ್ದೃಷ್ಟವಾಚಾರುಸರ್ವಾಙ್ಗೀಂರಾಮಸ್ಯಮಹಿಷೀಮ್ಪ್ರಿಯಾಮ್ ।
ಅಬ್ರವೀತ್ಪುರುಷಂವಾಕ್ಯಙ್ಕ್ರೋಧಾದ್ರಕ್ಷೋಧಿಪಾತ್ಮಜಮ್ ॥ 17 ॥
ದುರಾತ್ಮನ್ನಾತ್ಮನಾಶಾಯಕೇಶಪಕ್ಷೇಪರಾಮೃಶಃ ।
ಬ್ರಹ್ಮರ್ಷೀಣಾಙ್ಕುಲೇಜಾತೋರಾಕ್ಷಸೀಂಯೋನಿಮಾಶ್ರಿತಃ ॥ 18 ॥
ಧಿಕ್ತ್ವಾಮ್ಪಾಪಸಮಾಚಾರಂಯಸ್ಯತೇಮತಿರಿದೃಶೀ ।
ನೃಶಂಸಾನಾರ್ಯ ದುರ್ವೃತ್ತ ಕ್ಷುದ್ರ ಪಾಪಪರಾಕ್ರಮ ॥ 19 ॥
ಅನಾರ್ಯಸ್ಯೇದೃಶಙ್ಕರ್ಮಘೃಣಾತೇನಾಸ್ತಿನಿರ್ಘೃಣ ।
ಚ್ಯುತಾಗೃಹಾಚ್ಚರಾಜ್ಯಾಚ್ಚರಾಮಹಸ್ತಾಚ್ಚಮೈಥಿಲೀ ॥ 20 ॥
ಕಿನ್ತವೈಷಾಪರಾದ್ಧಾಹಿಯದೇನಾಂಹನ್ತುಮಿಚ್ಛಸಿ ।
ಸೀತಾಂಹತ್ವಾತು ನ ಚಿರಞ್ಜೀವಿಷ್ಯಸಿಕಥಞ್ಚನ ॥ 21 ॥
ವಧಾರ್ಹಕರ್ಮಣಾನೇನಮಮಹಸ್ತಗತೋಹ್ಯಸಿ ।
ಯೇಚ ಸ್ತ್ರೀಘಾತಿನಾಂಲೋಕಾಲೋಕವಧ್ಯೈಷುಕುಸತಿತಾಃ ॥ 22 ॥
ಇಹಜೀವಿತಮುತ್ಸೃಜ್ಯಪ್ರೇತ್ಯತಾನ್ಪ್ರತಿಪತ್ಸ್ಯಸೇ ।
ತಿಬ್ರುವಾಣೋಹನುಮಾನ್ ಸಾಯುಧೈರ್ಹರಿಭಿರ್ವೃತಃ ॥ 23 ॥
ಅಭ್ಯದಾವತ್ ಸಸುಙ್ಕೃದ್ಧೋರಾಕ್ಷಸೇನ್ದ್ರಸುತಮ್ಪ್ರತಿ ।
ಪತನ್ತಮ್ಮಹಾವೀರ್ಯನ್ತದನೀಕಂವನೌಕಸಾಮ್ ॥ 24 ॥
ರಕ್ಷಸಾಮ್ಭೀಮಕೋಪಾನಾಮನೀಕನ್ತುನ್ಯವಾರಯತ್ ।
ಸಃತಾಮ್ಬಾಣಸಹಸ್ರೇಣವಿಕ್ಷೋಭ್ಯಹರಿವಾಹಿನೀಮ್ ॥ 25 ॥
ಹನೂಮನ್ತಂಹರಿಶ್ರೇಷ್ಠಮಿನ್ದ್ರಜಿತ್ ಪ್ರತ್ಯುವಾಚ ಹ ।
ಸುಗ್ರೀವಸ್ತ್ವಂ ಚ ರಾಮಶ್ಚಯನ್ನಿಮಿತ್ತಮಿಹಾಗತಾಃ ॥ 26 ॥
ತಾಂವಧಿಷ್ಯಾಮಿವೈದೇಹೀಮದ್ಯೈವತವಪಶ್ಯತಃ ।
ಇಮಾಂಹತ್ವಾತತೋರಾಮಂಲಕ್ಷ್ಮಣನ್ತ್ವಾಂ ಚ ವಾನರ ॥ 27 ॥
ಸುಗ್ರೀವಂ ಚ ವಧಿಷ್ಯಾಮಿತಞ್ಚಾನಾರ್ಯಂವಿಭೀಷಣಮ್ ।
ನ ಹನ್ತವ್ಯಾಃಸ್ತ್ರಿಯಶ್ಚೇತಿಯದ್ ಬ್ರವೀಷಿಪ್ಲವಙ್ಗಮ ॥ 28 ॥
ಪೀಡಾಕರಮಮಿತ್ರಾಣಾಂಯತ್ಸ್ಯಾತ್ಕರ್ತವ್ಯಮೇವತತ್ ।
ತಮೇವಮುಕ್ತ್ವಾರುದತೀಂಸೀತಾಮ್ಮಯಾಮಯೀಂ ಚ ತಾಮ್ ॥ 29 ॥
ಶಿತಧಾರೇಣಖಙ್ಗೇನನಿಜಘಾನೇನ್ದ್ರಜಿತ್ಸ್ವಯಮ್ ।
ಯಜ್ಞೋಪವೀತಮಾರ್ಗೇಣಭಿನ್ನಾತೇನತಪಸ್ವಿನೀ ॥ 30 ॥
ಸಾಪೃಥಿವ್ಯಾಮ್ಪೃಥುಶ್ರೋಣೀಪಪಾತಪ್ರಿಯದರ್ಶನಾ ।
ತ್ತಾಮಿನ್ದ್ರಜಿತ್ ಸ್ತ್ರಿಯಂಹತ್ವಾಹನೂಮನ್ತಮುವಾಚ ಹ ॥ 31 ॥
ಮಯಾರಾಮಸ್ಯಪಶ್ಯೇಮಾಙ್ಕೋಪೇನ ಚ ।
ಏಷಾವಿಶಸ್ತಾವೈದೇಹೀನಿಷ್ಫಲೋವಃಪರಿಶ್ರಮಃ ॥ 32 ॥
ತತಃಖಡಗೇನಮಹತಾಹತ್ವಾತಾಮಿನ್ದ್ರಜಿತ್ ಸ್ವಯಮ್ ।
ಹೃಷ್ಟಸ್ಸರಥಮಾಸ್ಥಾಯನನಾದ ಚ ಮಹಾಸ್ವನಮ್ ॥ 33 ॥
ವಾನರಾಶ್ಶುಶ್ರುವುಶ್ಶಬ್ದಮದೂರೇಪ್ರತ್ಯವಸ್ಥಿತಾಃ ।
ವ್ಯಾದಿತಾಸ್ಯಸ್ಯನದತಸ್ತದ್ದುರ್ಗಂಸಂಶ್ರಿತಸ್ಯತು ॥ 34 ॥
ತಥಾತುಸೀತಾಂವಿನಿಹತ್ಯದುರ್ಮತಿಃಪ್ರಹೃಷ್ಟಚೇತಾಸ್ಸಬಭೂವರಾವಣಿಃ ।
ತಂಹೃಷ್ಟರೂಪಂಸಮುದೀಕ್ಷ್ಯವಾನರಾವಿಷಣ್ಣರೂಪಾಸ್ಸಹಸಾಪ್ರದದುದ್ರುವುಃ ॥ 35 ॥
ಇತ್ಯಾರ್ಷೇ ಶ್ರೀಮದ್ರಾಮಾಯಣೇ ವಾಲ್ಮೀಕೀಯ ಆದಿಕಾವ್ಯೇ ಯುದ್ಧಕಾಣ್ಡೇ ಏಕಾಶೀತಿತಮಸ್ಸರ್ಗಃ ॥
