ଶ୍ରୀମଦ୍ଵାଲ୍ମୀକୀୟ ରାମାୟଣେ ୟୁଦ୍ଧକାଂଡମ୍ ।
ଅଥ ଏକାଶୀତିତମସ୍ସର୍ଗଃ ।
ଵିଜ୍ଞାୟତୁମନସ୍ତସ୍ୟରାଘଵସ୍ୟମହାତ୍ମନଃ ।
ସ ନିଵୃତ୍ୟାହଵାତ୍ତସ୍ମାତ୍ ପ୍ରଵିଵେଶପୁରୀଂତତଃ ॥ 1 ॥
ସୋଽନୁସ୍ମୃତ୍ୟଵଧଂତେଷାଂରାକ୍ଷସାନାଂତରସ୍ଵିନାମ୍ ।
କ୍ରୋଧତାମ୍ରେକ୍ଷଣଶ୍ଶୂରୋନିର୍ଜଗାମାହାଦ୍ୟୁତିଃ ॥ 2 ॥
ସ ପଶ୍ଚିମେଵଦ୍ଵାରେଣନିର୍ୟୟୌରାକ୍ଷସୈର୍ଵୃତଃ ।
ଇଂଦ୍ରଜିତ୍ସୁମହାଵୀର୍ୟଃପୌଲସ୍ତ୍ୟୋଦେଵକଂଟକଃ ॥ 3 ॥
ଇଂଦ୍ରଜିତ୍ତୁତତୋଦୃଷ୍ଟଵାଭ୍ରାତରୌରାମଲକ୍ଷ୍ମଣୌ ।
ରଣାୟାଭ୍ୟୁଦ୍ୟତୌଵୀରୌମାୟାଂପ୍ରାଦୁଷ୍କରୋତ୍ତଦା ॥ 4 ॥
ଇଂଦ୍ରଜିତ୍ତୁରଥେସ୍ଥାପ୍ୟସୀତାଂମାୟାମୟୀଂତଦା ।
ବଲେନମହତାଵୃତ୍ୟତସ୍ୟାଵଧମରୋଚୟତ୍ ॥ 5 ॥
ମୋହନାର୍ଥଂତୁସର୍ଵେଷାଂବୁଦ୍ଧିଂକୃତ୍ଵାସୁଦୁର୍ମତିଃ ।
ହଂତୁଂସୀତାଂଵ୍ୟଵସିତୋଵାନରାଭିମୁଖୋୟୟୌ ॥ 6 ॥
ତମ୍ଦୃଷ୍ଟଵାତ୍ଵଭିନିର୍ୟାଂତଂସର୍ଵେତେକାନନୌକସଃ ।
ଉତ୍ପେତୁରଭିସଂକ୍ରୁଦ୍ଧାଶ୍ଶିଲାହସ୍ତାୟୁୟୁତ୍ସଵଃ ॥ 7 ॥
ହନୂମାନ୍ ପୁରତସ୍ତେଷାଂଜଗାମକପିକୁଂଜରଃ ।
ପ୍ରଗୃହ୍ୟସୁମହଚ୍ଛୃଂଗଂପର୍ଵତସ୍ୟଦୁରାସଦମ୍ ॥ 8 ॥
ସ ଦଦର୍ଶହତାନଂଦାଂସୀତାମିଂଦ୍ରଜିତୋରଥେ ।
ଏକଵେଣୀଧରାଂଦୀନାମୁପଵାସକୃଶାନନାମ୍ ॥ 9 ॥
ପରିକ୍ଲିଷ୍ଟୈକଵସନାମମୃଜାଂରାଘଵପ୍ରିୟାମ୍ ।
ରଜୋମଲାଭ୍ୟାମାଲିପ୍ତୈସ୍ସର୍ଵଗାତ୍ରୈର୍ଵରସ୍ତ୍ରିୟମ୍ ॥ 10 ॥
ତାଂନିରୀକ୍ଷ୍ୟମୁହୂର୍ତଂତୁମୈଥିଲୀତ୍ୟଧ୍ୟଵସ୍ୟତୁ ।
ବଭୂଵାଚିରଦୃଷ୍ଟାହିତେନସାଜନକାତ୍ମଜା ॥ 11 ॥
ଅବ୍ରଵୀତ୍ତାଂତୁଶୋକାର୍ତାଂନିରାନଂଦାଂତପସ୍ଵିନୀମ୍ ।
ଦୃଷ୍ଟଵାରଥୋସ୍ଥିତାଂଦୃଷ୍ଟ୍ଵାରାକ୍ଷସେଂଦ୍ରସୁତଶ୍ରିତାମ୍ ॥ 12 ॥
କଂସମର୍ଥିତମସ୍ୟେତିଚିଂତୟନ୍ସମହାକପିଃ ।
ସହତୈର୍ଵାନରଶ୍ରେଷ୍ଠୈରଭ୍ୟଧାଵତରାଵଣିମ୍ ॥ 13 ॥
ତଦ୍ଵାନରବଲଂଦୃଷ୍ଟଵାରାଵଣିଃକ୍ରୋଧମୂର୍ଛିତଃ ।
କୃତ୍ଵାଵିକୋଶଂନିସ୍ତ୍ରିଂଶଂମୂର୍ଧ୍ନିସୀତାମକର୍ଷୟତ୍ ॥ 14 ॥
ତାଂସ୍ତ୍ରିୟଂପଶ୍ୟତାଂତେଷାଂତାଡୟାମାସରାଵଣିଃ ।
କ୍ରୋଶଂତୀଂରାମରାମେତିମାୟୟାୟୋଜିତାଂରଥେ ॥ 15 ॥
ଗୃହୀତମୂର୍ଧଜାଂଦୃଷ୍ଟଵାହନୁମାନ୍ ଦୈନ୍ୟମାଗତଃ ।
ଶୋକଜଂଵାରିନେତ୍ରାଭ୍ୟାମୁତ୍ସୃଜନ୍ମାରୁତାତ୍ମଜଃ ॥ 16 ॥
ତାଂଦୃଷ୍ଟଵାଚାରୁସର୍ଵାଂଗୀଂରାମସ୍ୟମହିଷୀଂପ୍ରିୟାମ୍ ।
ଅବ୍ରଵୀତ୍ପୁରୁଷଂଵାକ୍ୟଂକ୍ରୋଧାଦ୍ରକ୍ଷୋଧିପାତ୍ମଜମ୍ ॥ 17 ॥
ଦୁରାତ୍ମନ୍ନାତ୍ମନାଶାୟକେଶପକ୍ଷେପରାମୃଶଃ ।
ବ୍ରହ୍ମର୍ଷୀଣାଂକୁଲେଜାତୋରାକ୍ଷସୀଂୟୋନିମାଶ୍ରିତଃ ॥ 18 ॥
ଧିକ୍ତ୍ଵାଂପାପସମାଚାରଂୟସ୍ୟତେମତିରିଦୃଶୀ ।
ନୃଶଂସାନାର୍ୟ ଦୁର୍ଵୃତ୍ତ କ୍ଷୁଦ୍ର ପାପପରାକ୍ରମ ॥ 19 ॥
ଅନାର୍ୟସ୍ୟେଦୃଶଂକର୍ମଘୃଣାତେନାସ୍ତିନିର୍ଘୃଣ ।
ଚ୍ୟୁତାଗୃହାଚ୍ଚରାଜ୍ୟାଚ୍ଚରାମହସ୍ତାଚ୍ଚମୈଥିଲୀ ॥ 20 ॥
କିଂତଵୈଷାପରାଦ୍ଧାହିୟଦେନାଂହଂତୁମିଚ୍ଛସି ।
ସୀତାଂହତ୍ଵାତୁ ନ ଚିରଂଜୀଵିଷ୍ୟସିକଥଂଚନ ॥ 21 ॥
ଵଧାର୍ହକର୍ମଣାନେନମମହସ୍ତଗତୋହ୍ୟସି ।
ୟେଚ ସ୍ତ୍ରୀଘାତିନାଂଲୋକାଲୋକଵଧ୍ୟୈଷୁକୁସତିତାଃ ॥ 22 ॥
ଇହଜୀଵିତମୁତ୍ସୃଜ୍ୟପ୍ରେତ୍ୟତାନ୍ପ୍ରତିପତ୍ସ୍ୟସେ ।
ତିବ୍ରୁଵାଣୋହନୁମାନ୍ ସାୟୁଧୈର୍ହରିଭିର୍ଵୃତଃ ॥ 23 ॥
ଅଭ୍ୟଦାଵତ୍ ସସୁଂକୃଦ୍ଧୋରାକ୍ଷସେଂଦ୍ରସୁତଂପ୍ରତି ।
ପତଂତଂମହାଵୀର୍ୟଂତଦନୀକଂଵନୌକସାମ୍ ॥ 24 ॥
ରକ୍ଷସାଂଭୀମକୋପାନାମନୀକଂତୁନ୍ୟଵାରୟତ୍ ।
ସଃତାଂବାଣସହସ୍ରେଣଵିକ୍ଷୋଭ୍ୟହରିଵାହିନୀମ୍ ॥ 25 ॥
ହନୂମଂତଂହରିଶ୍ରେଷ୍ଠମିଂଦ୍ରଜିତ୍ ପ୍ରତ୍ୟୁଵାଚ ହ ।
ସୁଗ୍ରୀଵସ୍ତ୍ଵଂ ଚ ରାମଶ୍ଚୟନ୍ନିମିତ୍ତମିହାଗତାଃ ॥ 26 ॥
ତାଂଵଧିଷ୍ୟାମିଵୈଦେହୀମଦ୍ୟୈଵତଵପଶ୍ୟତଃ ।
ଇମାଂହତ୍ଵାତତୋରାମଂଲକ୍ଷ୍ମଣଂତ୍ଵାଂ ଚ ଵାନର ॥ 27 ॥
ସୁଗ୍ରୀଵଂ ଚ ଵଧିଷ୍ୟାମିତଂଚାନାର୍ୟଂଵିଭୀଷଣମ୍ ।
ନ ହଂତଵ୍ୟାଃସ୍ତ୍ରିୟଶ୍ଚେତିୟଦ୍ ବ୍ରଵୀଷିପ୍ଲଵଂଗମ ॥ 28 ॥
ପୀଡାକରମମିତ୍ରାଣାଂୟତ୍ସ୍ୟାତ୍କର୍ତଵ୍ୟମେଵତତ୍ ।
ତମେଵମୁକ୍ତ୍ଵାରୁଦତୀଂସୀତାଂମୟାମୟୀଂ ଚ ତାମ୍ ॥ 29 ॥
ଶିତଧାରେଣଖଂଗେନନିଜଘାନେଂଦ୍ରଜିତ୍ସ୍ଵୟମ୍ ।
ୟଜ୍ଞୋପଵୀତମାର୍ଗେଣଭିନ୍ନାତେନତପସ୍ଵିନୀ ॥ 30 ॥
ସାପୃଥିଵ୍ୟାଂପୃଥୁଶ୍ରୋଣୀପପାତପ୍ରିୟଦର୍ଶନା ।
ତ୍ତାମିଂଦ୍ରଜିତ୍ ସ୍ତ୍ରିୟଂହତ୍ଵାହନୂମଂତମୁଵାଚ ହ ॥ 31 ॥
ମୟାରାମସ୍ୟପଶ୍ୟେମାଂକୋପେନ ଚ ।
ଏଷାଵିଶସ୍ତାଵୈଦେହୀନିଷ୍ଫଲୋଵଃପରିଶ୍ରମଃ ॥ 32 ॥
ତତଃଖଡଗେନମହତାହତ୍ଵାତାମିଂଦ୍ରଜିତ୍ ସ୍ଵୟମ୍ ।
ହୃଷ୍ଟସ୍ସରଥମାସ୍ଥାୟନନାଦ ଚ ମହାସ୍ଵନମ୍ ॥ 33 ॥
ଵାନରାଶ୍ଶୁଶ୍ରୁଵୁଶ୍ଶବ୍ଦମଦୂରେପ୍ରତ୍ୟଵସ୍ଥିତାଃ ।
ଵ୍ୟାଦିତାସ୍ୟସ୍ୟନଦତସ୍ତଦ୍ଦୁର୍ଗଂସଂଶ୍ରିତସ୍ୟତୁ ॥ 34 ॥
ତଥାତୁସୀତାଂଵିନିହତ୍ୟଦୁର୍ମତିଃପ୍ରହୃଷ୍ଟଚେତାସ୍ସବଭୂଵରାଵଣିଃ ।
ତଂହୃଷ୍ଟରୂପଂସମୁଦୀକ୍ଷ୍ୟଵାନରାଵିଷଣ୍ଣରୂପାସ୍ସହସାପ୍ରଦଦୁଦ୍ରୁଵୁଃ ॥ 35 ॥
ଇତ୍ୟାର୍ଷେ ଶ୍ରୀମଦ୍ରାମାୟଣେ ଵାଲ୍ମୀକୀୟ ଆଦିକାଵ୍ୟେ ୟୁଦ୍ଧକାଂଡେ ଏକାଶୀତିତମସ୍ସର୍ଗଃ ॥
