ശ്രീമദ്വാല്മീകീയ രാമായണേ യുദ്ധകാംഡമ് ।
അഥ ഏകാശീതിതമസ്സര്ഗഃ ।
വിജ്ഞായതുമനസ്തസ്യരാഘവസ്യമഹാത്മനഃ ।
സ നിവൃത്യാഹവാത്തസ്മാത് പ്രവിവേശപുരീംതതഃ ॥ 1 ॥
സോഽനുസ്മൃത്യവധംതേഷാംരാക്ഷസാനാംതരസ്വിനാമ് ।
ക്രോധതാമ്രേക്ഷണശ്ശൂരോനിര്ജഗാമാഹാദ്യുതിഃ ॥ 2 ॥
സ പശ്ചിമേവദ്വാരേണനിര്യയൌരാക്ഷസൈർവൃതഃ ।
ഇംദ്രജിത്സുമഹാവീര്യഃപൌലസ്ത്യോദേവകംടകഃ ॥ 3 ॥
ഇംദ്രജിത്തുതതോദൃഷ്ടവാഭ്രാതരൌരാമലക്ഷ്മണൌ ।
രണായാഭ്യുദ്യതൌവീരൌമായാംപ്രാദുഷ്കരോത്തദാ ॥ 4 ॥
ഇംദ്രജിത്തുരഥേസ്ഥാപ്യസീതാംമായാമയീംതദാ ।
ബലേനമഹതാവൃത്യതസ്യാവധമരോചയത് ॥ 5 ॥
മോഹനാര്ഥംതുസർവേഷാംബുദ്ധിംകൃത്വാസുദുര്മതിഃ ।
ഹംതുംസീതാംവ്യവസിതോവാനരാഭിമുഖോയയൌ ॥ 6 ॥
തമ്ദൃഷ്ടവാത്വഭിനിര്യാംതംസർവേതേകാനനൌകസഃ ।
ഉത്പേതുരഭിസംക്രുദ്ധാശ്ശിലാഹസ്തായുയുത്സവഃ ॥ 7 ॥
ഹനൂമാന് പുരതസ്തേഷാംജഗാമകപികുംജരഃ ।
പ്രഗൃഹ്യസുമഹച്ഛൃംഗംപർവതസ്യദുരാസദമ് ॥ 8 ॥
സ ദദര്ശഹതാനംദാംസീതാമിംദ്രജിതോരഥേ ।
ഏകവേണീധരാംദീനാമുപവാസകൃശാനനാമ് ॥ 9 ॥
പരിക്ലിഷ്ടൈകവസനാമമൃജാംരാഘവപ്രിയാമ് ।
രജോമലാഭ്യാമാലിപ്തൈസ്സർവഗാത്രൈർവരസ്ത്രിയമ് ॥ 10 ॥
താംനിരീക്ഷ്യമുഹൂര്തംതുമൈഥിലീത്യധ്യവസ്യതു ।
ബഭൂവാചിരദൃഷ്ടാഹിതേനസാജനകാത്മജാ ॥ 11 ॥
അബ്രവീത്താംതുശോകാര്താംനിരാനംദാംതപസ്വിനീമ് ।
ദൃഷ്ടവാരഥോസ്ഥിതാംദൃഷ്ട്വാരാക്ഷസേംദ്രസുതശ്രിതാമ് ॥ 12 ॥
കംസമര്ഥിതമസ്യേതിചിംതയന്സമഹാകപിഃ ।
സഹതൈർവാനരശ്രേഷ്ഠൈരഭ്യധാവതരാവണിമ് ॥ 13 ॥
തദ്വാനരബലംദൃഷ്ടവാരാവണിഃക്രോധമൂര്ഛിതഃ ।
കൃത്വാവികോശംനിസ്ത്രിംശംമൂര്ധ്നിസീതാമകര്ഷയത് ॥ 14 ॥
താംസ്ത്രിയംപശ്യതാംതേഷാംതാഡയാമാസരാവണിഃ ।
ക്രോശംതീംരാമരാമേതിമായയായോജിതാംരഥേ ॥ 15 ॥
ഗൃഹീതമൂര്ധജാംദൃഷ്ടവാഹനുമാന് ദൈന്യമാഗതഃ ।
ശോകജംവാരിനേത്രാഭ്യാമുത്സൃജന്മാരുതാത്മജഃ ॥ 16 ॥
താംദൃഷ്ടവാചാരുസർവാംഗീംരാമസ്യമഹിഷീംപ്രിയാമ് ।
അബ്രവീത്പുരുഷംവാക്യംക്രോധാദ്രക്ഷോധിപാത്മജമ് ॥ 17 ॥
ദുരാത്മന്നാത്മനാശായകേശപക്ഷേപരാമൃശഃ ।
ബ്രഹ്മര്ഷീണാംകുലേജാതോരാക്ഷസീംയോനിമാശ്രിതഃ ॥ 18 ॥
ധിക്ത്വാംപാപസമാചാരംയസ്യതേമതിരിദൃശീ ।
നൃശംസാനാര്യ ദുർവൃത്ത ക്ഷുദ്ര പാപപരാക്രമ ॥ 19 ॥
അനാര്യസ്യേദൃശംകര്മഘൃണാതേനാസ്തിനിര്ഘൃണ ।
ച്യുതാഗൃഹാച്ചരാജ്യാച്ചരാമഹസ്താച്ചമൈഥിലീ ॥ 20 ॥
കിംതവൈഷാപരാദ്ധാഹിയദേനാംഹംതുമിച്ഛസി ।
സീതാംഹത്വാതു ന ചിരംജീവിഷ്യസികഥംചന ॥ 21 ॥
വധാര്ഹകര്മണാനേനമമഹസ്തഗതോഹ്യസി ।
യേച സ്ത്രീഘാതിനാംലോകാലോകവധ്യൈഷുകുസതിതാഃ ॥ 22 ॥
ഇഹജീവിതമുത്സൃജ്യപ്രേത്യതാന്പ്രതിപത്സ്യസേ ।
തിബ്രുവാണോഹനുമാന് സായുധൈര്ഹരിഭിർവൃതഃ ॥ 23 ॥
അഭ്യദാവത് സസുംകൃദ്ധോരാക്ഷസേംദ്രസുതംപ്രതി ।
പതംതംമഹാവീര്യംതദനീകംവനൌകസാമ് ॥ 24 ॥
രക്ഷസാംഭീമകോപാനാമനീകംതുന്യവാരയത് ।
സഃതാംബാണസഹസ്രേണവിക്ഷോഭ്യഹരിവാഹിനീമ് ॥ 25 ॥
ഹനൂമംതംഹരിശ്രേഷ്ഠമിംദ്രജിത് പ്രത്യുവാച ഹ ।
സുഗ്രീവസ്ത്വം ച രാമശ്ചയന്നിമിത്തമിഹാഗതാഃ ॥ 26 ॥
താംവധിഷ്യാമിവൈദേഹീമദ്യൈവതവപശ്യതഃ ।
ഇമാംഹത്വാതതോരാമംലക്ഷ്മണംത്വാം ച വാനര ॥ 27 ॥
സുഗ്രീവം ച വധിഷ്യാമിതംചാനാര്യംവിഭീഷണമ് ।
ന ഹംതവ്യാഃസ്ത്രിയശ്ചേതിയദ് ബ്രവീഷിപ്ലവംഗമ ॥ 28 ॥
പീഡാകരമമിത്രാണാംയത്സ്യാത്കര്തവ്യമേവതത് ।
തമേവമുക്ത്വാരുദതീംസീതാംമയാമയീം ച താമ് ॥ 29 ॥
ശിതധാരേണഖംഗേനനിജഘാനേംദ്രജിത്സ്വയമ് ।
യജ്ഞോപവീതമാര്ഗേണഭിന്നാതേനതപസ്വിനീ ॥ 30 ॥
സാപൃഥിവ്യാംപൃഥുശ്രോണീപപാതപ്രിയദര്ശനാ ।
ത്താമിംദ്രജിത് സ്ത്രിയംഹത്വാഹനൂമംതമുവാച ഹ ॥ 31 ॥
മയാരാമസ്യപശ്യേമാംകോപേന ച ।
ഏഷാവിശസ്താവൈദേഹീനിഷ്ഫലോവഃപരിശ്രമഃ ॥ 32 ॥
തതഃഖഡഗേനമഹതാഹത്വാതാമിംദ്രജിത് സ്വയമ് ।
ഹൃഷ്ടസ്സരഥമാസ്ഥായനനാദ ച മഹാസ്വനമ് ॥ 33 ॥
വാനരാശ്ശുശ്രുവുശ്ശബ്ദമദൂരേപ്രത്യവസ്ഥിതാഃ ।
വ്യാദിതാസ്യസ്യനദതസ്തദ്ദുര്ഗംസംശ്രിതസ്യതു ॥ 34 ॥
തഥാതുസീതാംവിനിഹത്യദുര്മതിഃപ്രഹൃഷ്ടചേതാസ്സബഭൂവരാവണിഃ ।
തംഹൃഷ്ടരൂപംസമുദീക്ഷ്യവാനരാവിഷണ്ണരൂപാസ്സഹസാപ്രദദുദ്രുവുഃ ॥ 35 ॥
ഇത്യാര്ഷേ ശ്രീമദ്രാമായണേ വാല്മീകീയ ആദികാവ്യേ യുദ്ധകാംഡേ ഏകാശീതിതമസ്സര്ഗഃ ॥
