ശ്രീമദ്വാല്മീകീയ രാമായണേ യുദ്ധകാംഡമ് ।
അഥ ദ്വാശീതിതമസ്സര്ഗഃ ।
ശ്രുത്വാതുഭീമനിര്ഹ്രാദംശക്രാശനിസമസ്വനമ് ।
വീക്ഷമാണാദിശസ്സർവാദുദ്രുവുർവാനരര്ഷഭാഃ ॥ 1 ॥
താനുവാചതതഃസർവാന്ഹനുമാന് മാരുതാത്മജഃ ।
വിഷണ്ണവദനാംദീനാംസ്ത്രസ്താന്വിദ്രവതഃപൃഥക് ॥ 2 ॥
കസ്മാദ്വിഷണ്ണവദനാവിദ്രവധ്വംപ്ലവംഗമാഃ ।
ത്യക്തയുദ്ധസമുത്സാഹാശ്ശൂരത്വംക്വനുവോഗതമ് ॥ 3 ॥
പൃഷ്ഠതോഽനുവ്രജധ്വംമാമഗ്രതോയംതമാഹവേ ।
ശൂരൈരനിജനോപേതൈരയുക്തംഹിനിവര്തിതുമ് ॥ 4 ॥
ഏവമുക്താസ്സുസംക്രുദ്ധാവായുപുത്രേണധീമതാ ।
ശൈലശൃംഗാന് ദ്രുമാംശ്ചവജഗൃഹുര്ഹൃഷ്ടമാനസാഃ ॥ 5 ॥
അഭിപേതുശ്ചഗര്ജംതോരാക്ഷസാന്വാനരര്ഷഭാഃ ।
പരിവാര്യഹനൂമംതമന്വയുശ്ചമഹാഹവേ ॥ 6 ॥
സ തൈർവാനരമുഖ്യൈസ്തു ഹനൂമാന്സർവതോ വൃതഃ ।
ഹുതാശന ഇവാര്ചിഷ്മാനദഹച്ഛത്രുവാഹിനീമ് ॥ 7 ॥
സ രാക്ഷസാനാംകദനംചകാരസുമഹാകപിഃ ।
വൃതോവാനരസൈന്യേനകാലാംതകയോമോപമഃ ॥ 8 ॥
സ തുകോപേനചാവിഷ്ടഃശോകേന ച മഹാകപിഃ ।
ഹനൂമാന്രാവണിരഥേമഹതീംപാതയച്ഛിലാമ് ॥ 9 ॥
താമാപതംതീംദൃഷ്ടവൈവരഥസ്സാരഥിനാതദാ ।
വിധേയാശ്വസമായുക്തോവിദൂരമപവാഹിതഃ ॥ 10 ॥
തമിംദ്രജിതമപ്രാപ്യരഥസ്ഥംസഹസാരഥിമ് ।
വിവേശധരണീംഭിത്ത്വാസാശിലാവ്യര്ഥമുദ്യതാ ॥ 11 ॥
പതിതായാംശിലായാംതുവ്യഥിതാരക്ഷസാംചമൂഃ ।
നിപതംത്യാ ച ശിലയാരാക്ഷസാമഥിതാഭൃശമ് ॥ 12 ॥
തമഭ്യധാവന് ശതശോനദംതഃകാനനൌകസഃ ।
തേദ്രുമാംശ്ചമഹാകായാഗിരിശൃംഗാണിചോദ്യതാഃ ॥ 13 ॥
ക്ഷിപനീംദ്രജിതംസംഖ്യേവാനരാഭീമവിക്രമാഃ ।
വൃക്ഷശൈലമഹാവര്ഷംവിസൃജംതഃപ്ലവംഗമാഃ ॥ 14 ॥
ശത്രൂണാംകദനംചക്രുര്നേദുശ്ചവിവിധൈസ്സ്വനൈഃ ।
വാനരൈസൈര്മഹാഭീമൈര്ഘോരരൂപാനിശാചരാഃ ॥ 15 ॥
വീര്യാദഭിഹതാവൃക്ഷൈർവ്യചേഷ്ടംതരണക്ഷിതൌ ।
സ്വസൈന്യമഭിവീക്ഷ്യാഥവാനരാര്ദിതമിംദ്രജിത് ॥ 16 ॥
പ്രഗൃഹീതായുധഃക്രുദ്ധഃപരാനഭിമുഖോയയൌ ।
സഃശരൌഘാനവസൃജന്സ്വസൈന്യേനാഭിസമ്വൃതഃ ॥ 17 ॥
ജഘാനകപിശാര്ദൂലാന്സുബഹൂംദൃഷ്ടവിക്രമഃ ।
ശൂലൈഃരശനിഭിഃഖംഗൈഃ പട്ടസൈഃ കൂടമുദ്ഗരൈഃ ॥ 18 ॥
തേചാപ്യനുചരാസ്തസ്യവാനരാന്ജഘ്നുരാഹവേ ।
സ്കംധവിടപൈശ്ശാലൈശ്ശിലാഭിശ്ചമഹാബലഃ ॥ 19 ॥
ഹനൂമാന്കദനംചക്രേരക്ഷസാംഭീമകര്മണാമ് ।
സനിവാര്യപരാനീകമബ്രവീത്താന്വനൌകസഃ ॥ 20 ॥
ഹനൂമാന് സന്നിവര്തധ്വം ന നസ്സാധ്യമിദംബലമ് ।
ത്യക്ത്വാപ്രാണാന്വിവേഷ്ടംതോരാമപ്രിയചികീര്ഷവഃ ॥ 21 ॥
യന്നിമിത്തംഹിയുധ്യാമോഹതാസാജനകാത്മജാ ।
ഇമമര്ഥംഹിവിജ്ഞാപ്യരാമംസുഗ്രീവമേവ ച ॥ 22 ॥
തൌയത്പ്രതിവിധാസ്യേതേതത്കരിഷ്യാമഹേവയമ് ।
ത്യുക്ത്വാവാനരശ്രേഷ്ഠോവാരയന്സർവവാനരാന് ॥ 23 ॥
ശനൈശ്ശനൈരസംത്രസ്തസ്സബലസ്സന്യവര്തത ।
തതഃപ്രേക്ഷ്യഹനൂമംതംവ്രജംതംയത്രരാഘവഃ ॥ 24 ॥
സ ഹോതുകാമോദുഷ്ടാത്മാഗതശ്ചൈത്യംനികുംഭിലാമ് ।
നികുംഭിലാമധിഷ്ഠായപാവകംജുഹവേംദ്രജിത് ॥ 25 ॥
യജ്ഞഭൂമ്യാംതതോഗത്വാപാവകസ്തേനരക്ഷസാ ।
ഹൂയമാനഃപ്രജജ്വാലമാംസശോണിതഭുക്തദാ ॥ 26 ॥
അഥേംദ്രജിദ്രാക്ഷസഭൂതയേ തു ।
ജുഹാവ ഹവ്യം വിധിനാ വിധാനവത് ।
ദൃഷ്ട്വാ വ്യതിഷ്ഠംത ച രാക്ഷസാസ്തേ ।
മഹാസമൂഹേഷു നയാനയജ്ഞാഃ ॥ 27 ॥
അഥേംദ്രജിദ്രാക്ഷഭൂതയേതുജുഹാവഹവ്യംവിധിനാവിധാനവിത് ।
ദൃഷ്ടവാവ്യതിഷ്ഠംത ച രാക്ഷസാസ്തേമഹാസമൂഹേഷുസമാനയജ്ഞാഃ ॥ 28 ॥
ഇത്യാര്ഷേ ശ്രീമദ്രാമായണേ വാല്മീകീയ ആദികാവ്യേ യുദ്ധകാംഡേ ദ്വാശീതിതമസ്സര്ഗഃ ॥
