ଶ୍ରୀମଦ୍ଵାଲ୍ମୀକୀୟ ରାମାୟଣେ ୟୁଦ୍ଧକାଂଡମ୍ ।
ଅଥ ଦ୍ଵାଶୀତିତମସ୍ସର୍ଗଃ ।
ଶ୍ରୁତ୍ଵାତୁଭୀମନିର୍ହ୍ରାଦଂଶକ୍ରାଶନିସମସ୍ଵନମ୍ ।
ଵୀକ୍ଷମାଣାଦିଶସ୍ସର୍ଵାଦୁଦ୍ରୁଵୁର୍ଵାନରର୍ଷଭାଃ ॥ 1 ॥
ତାନୁଵାଚତତଃସର୍ଵାନ୍ହନୁମାନ୍ ମାରୁତାତ୍ମଜଃ ।
ଵିଷଣ୍ଣଵଦନାଂଦୀନାଂସ୍ତ୍ରସ୍ତାନ୍ଵିଦ୍ରଵତଃପୃଥକ୍ ॥ 2 ॥
କସ୍ମାଦ୍ଵିଷଣ୍ଣଵଦନାଵିଦ୍ରଵଧ୍ଵଂପ୍ଲଵଂଗମାଃ ।
ତ୍ୟକ୍ତୟୁଦ୍ଧସମୁତ୍ସାହାଶ୍ଶୂରତ୍ଵଂକ୍ଵନୁଵୋଗତମ୍ ॥ 3 ॥
ପୃଷ୍ଠତୋଽନୁଵ୍ରଜଧ୍ଵଂମାମଗ୍ରତୋୟଂତମାହଵେ ।
ଶୂରୈରନିଜନୋପେତୈରୟୁକ୍ତଂହିନିଵର୍ତିତୁମ୍ ॥ 4 ॥
ଏଵମୁକ୍ତାସ୍ସୁସଂକ୍ରୁଦ୍ଧାଵାୟୁପୁତ୍ରେଣଧୀମତା ।
ଶୈଲଶୃଂଗାନ୍ ଦ୍ରୁମାଂଶ୍ଚଵଜଗୃହୁର୍ହୃଷ୍ଟମାନସାଃ ॥ 5 ॥
ଅଭିପେତୁଶ୍ଚଗର୍ଜଂତୋରାକ୍ଷସାନ୍ଵାନରର୍ଷଭାଃ ।
ପରିଵାର୍ୟହନୂମଂତମନ୍ଵୟୁଶ୍ଚମହାହଵେ ॥ 6 ॥
ସ ତୈର୍ଵାନରମୁଖ୍ୟୈସ୍ତୁ ହନୂମାନ୍ସର୍ଵତୋ ଵୃତଃ ।
ହୁତାଶନ ଇଵାର୍ଚିଷ୍ମାନଦହଚ୍ଛତ୍ରୁଵାହିନୀମ୍ ॥ 7 ॥
ସ ରାକ୍ଷସାନାଂକଦନଂଚକାରସୁମହାକପିଃ ।
ଵୃତୋଵାନରସୈନ୍ୟେନକାଲାଂତକୟୋମୋପମଃ ॥ 8 ॥
ସ ତୁକୋପେନଚାଵିଷ୍ଟଃଶୋକେନ ଚ ମହାକପିଃ ।
ହନୂମାନ୍ରାଵଣିରଥେମହତୀଂପାତୟଚ୍ଛିଲାମ୍ ॥ 9 ॥
ତାମାପତଂତୀଂଦୃଷ୍ଟଵୈଵରଥସ୍ସାରଥିନାତଦା ।
ଵିଧେୟାଶ୍ଵସମାୟୁକ୍ତୋଵିଦୂରମପଵାହିତଃ ॥ 10 ॥
ତମିଂଦ୍ରଜିତମପ୍ରାପ୍ୟରଥସ୍ଥଂସହସାରଥିମ୍ ।
ଵିଵେଶଧରଣୀଂଭିତ୍ତ୍ଵାସାଶିଲାଵ୍ୟର୍ଥମୁଦ୍ୟତା ॥ 11 ॥
ପତିତାୟାଂଶିଲାୟାଂତୁଵ୍ୟଥିତାରକ୍ଷସାଂଚମୂଃ ।
ନିପତଂତ୍ୟା ଚ ଶିଲୟାରାକ୍ଷସାମଥିତାଭୃଶମ୍ ॥ 12 ॥
ତମଭ୍ୟଧାଵନ୍ ଶତଶୋନଦଂତଃକାନନୌକସଃ ।
ତେଦ୍ରୁମାଂଶ୍ଚମହାକାୟାଗିରିଶୃଂଗାଣିଚୋଦ୍ୟତାଃ ॥ 13 ॥
କ୍ଷିପନୀଂଦ୍ରଜିତଂସଂଖ୍ୟେଵାନରାଭୀମଵିକ୍ରମାଃ ।
ଵୃକ୍ଷଶୈଲମହାଵର୍ଷଂଵିସୃଜଂତଃପ୍ଲଵଂଗମାଃ ॥ 14 ॥
ଶତ୍ରୂଣାଂକଦନଂଚକ୍ରୁର୍ନେଦୁଶ୍ଚଵିଵିଧୈସ୍ସ୍ଵନୈଃ ।
ଵାନରୈସୈର୍ମହାଭୀମୈର୍ଘୋରରୂପାନିଶାଚରାଃ ॥ 15 ॥
ଵୀର୍ୟାଦଭିହତାଵୃକ୍ଷୈର୍ଵ୍ୟଚେଷ୍ଟଂତରଣକ୍ଷିତୌ ।
ସ୍ଵସୈନ୍ୟମଭିଵୀକ୍ଷ୍ୟାଥଵାନରାର୍ଦିତମିଂଦ୍ରଜିତ୍ ॥ 16 ॥
ପ୍ରଗୃହୀତାୟୁଧଃକ୍ରୁଦ୍ଧଃପରାନଭିମୁଖୋୟୟୌ ।
ସଃଶରୌଘାନଵସୃଜନ୍ସ୍ଵସୈନ୍ୟେନାଭିସମ୍ଵୃତଃ ॥ 17 ॥
ଜଘାନକପିଶାର୍ଦୂଲାନ୍ସୁବହୂଂଦୃଷ୍ଟଵିକ୍ରମଃ ।
ଶୂଲୈଃରଶନିଭିଃଖଂଗୈଃ ପଟ୍ଟସୈଃ କୂଟମୁଦ୍ଗରୈଃ ॥ 18 ॥
ତେଚାପ୍ୟନୁଚରାସ୍ତସ୍ୟଵାନରାନ୍ଜଘ୍ନୁରାହଵେ ।
ସ୍କଂଧଵିଟପୈଶ୍ଶାଲୈଶ୍ଶିଲାଭିଶ୍ଚମହାବଲଃ ॥ 19 ॥
ହନୂମାନ୍କଦନଂଚକ୍ରେରକ୍ଷସାଂଭୀମକର୍ମଣାମ୍ ।
ସନିଵାର୍ୟପରାନୀକମବ୍ରଵୀତ୍ତାନ୍ଵନୌକସଃ ॥ 20 ॥
ହନୂମାନ୍ ସନ୍ନିଵର୍ତଧ୍ଵଂ ନ ନସ୍ସାଧ୍ୟମିଦଂବଲମ୍ ।
ତ୍ୟକ୍ତ୍ଵାପ୍ରାଣାନ୍ଵିଵେଷ୍ଟଂତୋରାମପ୍ରିୟଚିକୀର୍ଷଵଃ ॥ 21 ॥
ୟନ୍ନିମିତ୍ତଂହିୟୁଧ୍ୟାମୋହତାସାଜନକାତ୍ମଜା ।
ଇମମର୍ଥଂହିଵିଜ୍ଞାପ୍ୟରାମଂସୁଗ୍ରୀଵମେଵ ଚ ॥ 22 ॥
ତୌୟତ୍ପ୍ରତିଵିଧାସ୍ୟେତେତତ୍କରିଷ୍ୟାମହେଵୟମ୍ ।
ତ୍ୟୁକ୍ତ୍ଵାଵାନରଶ୍ରେଷ୍ଠୋଵାରୟନ୍ସର୍ଵଵାନରାନ୍ ॥ 23 ॥
ଶନୈଶ୍ଶନୈରସଂତ୍ରସ୍ତସ୍ସବଲସ୍ସନ୍ୟଵର୍ତତ ।
ତତଃପ୍ରେକ୍ଷ୍ୟହନୂମଂତଂଵ୍ରଜଂତଂୟତ୍ରରାଘଵଃ ॥ 24 ॥
ସ ହୋତୁକାମୋଦୁଷ୍ଟାତ୍ମାଗତଶ୍ଚୈତ୍ୟଂନିକୁଂଭିଲାମ୍ ।
ନିକୁଂଭିଲାମଧିଷ୍ଠାୟପାଵକଂଜୁହଵେଂଦ୍ରଜିତ୍ ॥ 25 ॥
ୟଜ୍ଞଭୂମ୍ୟାଂତତୋଗତ୍ଵାପାଵକସ୍ତେନରକ୍ଷସା ।
ହୂୟମାନଃପ୍ରଜଜ୍ଵାଲମାଂସଶୋଣିତଭୁକ୍ତଦା ॥ 26 ॥
ଅଥେଂଦ୍ରଜିଦ୍ରାକ୍ଷସଭୂତୟେ ତୁ ।
ଜୁହାଵ ହଵ୍ୟଂ ଵିଧିନା ଵିଧାନଵତ୍ ।
ଦୃଷ୍ଟ୍ଵା ଵ୍ୟତିଷ୍ଠଂତ ଚ ରାକ୍ଷସାସ୍ତେ ।
ମହାସମୂହେଷୁ ନୟାନୟଜ୍ଞାଃ ॥ 27 ॥
ଅଥେଂଦ୍ରଜିଦ୍ରାକ୍ଷଭୂତୟେତୁଜୁହାଵହଵ୍ୟଂଵିଧିନାଵିଧାନଵିତ୍ ।
ଦୃଷ୍ଟଵାଵ୍ୟତିଷ୍ଠଂତ ଚ ରାକ୍ଷସାସ୍ତେମହାସମୂହେଷୁସମାନୟଜ୍ଞାଃ ॥ 28 ॥
ଇତ୍ୟାର୍ଷେ ଶ୍ରୀମଦ୍ରାମାୟଣେ ଵାଲ୍ମୀକୀୟ ଆଦିକାଵ୍ୟେ ୟୁଦ୍ଧକାଂଡେ ଦ୍ଵାଶୀତିତମସ୍ସର୍ଗଃ ॥
