śrīmadvālmīkīya rāmāyaṇē yuddhakāṇḍam ।
atha dvāśītitamassargaḥ ।
śrutvātubhīmanirhrādaṃśakrāśanisamasvanam ।
vīkṣamāṇādiśassarvādudruvurvānararṣabhāḥ ॥ 1 ॥
tānuvāchatataḥsarvānhanumān mārutātmajaḥ ।
viṣaṇṇavadanāndīnāṃstrastānvidravataḥpṛthak ॥ 2 ॥
kasmādviṣaṇṇavadanāvidravadhvamplavaṅgamāḥ ।
tyaktayuddhasamutsāhāśśūratvaṅkvanuvōgatam ॥ 3 ॥
pṛṣṭhatō'nuvrajadhvammāmagratōyantamāhavē ।
śūrairanijanōpētairayuktaṃhinivartitum ॥ 4 ॥
ēvamuktāssusaṅkruddhāvāyuputrēṇadhīmatā ।
śailaśṛṅgān drumāṃśchavajagṛhurhṛṣṭamānasāḥ ॥ 5 ॥
abhipētuśchagarjantōrākṣasānvānararṣabhāḥ ।
parivāryahanūmantamanvayuśchamahāhavē ॥ 6 ॥
sa tairvānaramukhyaistu hanūmānsarvatō vṛtaḥ ।
hutāśana ivārchiṣmānadahachChatruvāhinīm ॥ 7 ॥
sa rākṣasānāṅkadanañchakārasumahākapiḥ ।
vṛtōvānarasainyēnakālāntakayōmōpamaḥ ॥ 8 ॥
sa tukōpēnachāviṣṭaḥśōkēna cha mahākapiḥ ।
hanūmānrāvaṇirathēmahatīmpātayachChilām ॥ 9 ॥
tāmāpatantīndṛṣṭavaivarathassārathinātadā ।
vidhēyāśvasamāyuktōvidūramapavāhitaḥ ॥ 10 ॥
tamindrajitamaprāpyarathasthaṃsahasārathim ।
vivēśadharaṇīmbhittvāsāśilāvyarthamudyatā ॥ 11 ॥
patitāyāṃśilāyāntuvyathitārakṣasāñchamūḥ ।
nipatantyā cha śilayārākṣasāmathitābhṛśam ॥ 12 ॥
tamabhyadhāvan śataśōnadantaḥkānanaukasaḥ ।
tēdrumāṃśchamahākāyāgiriśṛṅgāṇichōdyatāḥ ॥ 13 ॥
kṣipanīndrajitaṃsaṅkhyēvānarābhīmavikramāḥ ।
vṛkṣaśailamahāvarṣaṃvisṛjantaḥplavaṅgamāḥ ॥ 14 ॥
śatrūṇāṅkadanañchakrurnēduśchavividhaissvanaiḥ ।
vānaraisairmahābhīmairghōrarūpāniśācharāḥ ॥ 15 ॥
vīryādabhihatāvṛkṣairvyachēṣṭantaraṇakṣitau ।
svasainyamabhivīkṣyāthavānarārditamindrajit ॥ 16 ॥
pragṛhītāyudhaḥkruddhaḥparānabhimukhōyayau ।
saḥśaraughānavasṛjansvasainyēnābhisamvṛtaḥ ॥ 17 ॥
jaghānakapiśārdūlānsubahūndṛṣṭavikramaḥ ।
śūlaiḥraśanibhiḥkhaṅgaiḥ paṭṭasaiḥ kūṭamudgaraiḥ ॥ 18 ॥
tēchāpyanucharāstasyavānarānjaghnurāhavē ।
skandhaviṭapaiśśālaiśśilābhiśchamahābalaḥ ॥ 19 ॥
hanūmānkadanañchakrērakṣasāmbhīmakarmaṇām ।
sanivāryaparānīkamabravīttānvanaukasaḥ ॥ 20 ॥
hanūmān sannivartadhvaṃ na nassādhyamidambalam ।
tyaktvāprāṇānvivēṣṭantōrāmapriyachikīrṣavaḥ ॥ 21 ॥
yannimittaṃhiyudhyāmōhatāsājanakātmajā ।
imamarthaṃhivijñāpyarāmaṃsugrīvamēva cha ॥ 22 ॥
tauyatpratividhāsyētētatkariṣyāmahēvayam ।
tyuktvāvānaraśrēṣṭhōvārayansarvavānarān ॥ 23 ॥
śanaiśśanairasantrastassabalassanyavartata ।
tataḥprēkṣyahanūmantaṃvrajantaṃyatrarāghavaḥ ॥ 24 ॥
sa hōtukāmōduṣṭātmāgataśchaityannikumbhilām ।
nikumbhilāmadhiṣṭhāyapāvakañjuhavēndrajit ॥ 25 ॥
yajñabhūmyāntatōgatvāpāvakastēnarakṣasā ।
hūyamānaḥprajajvālamāṃsaśōṇitabhuktadā ॥ 26 ॥
athēndrajidrākṣasabhūtayē tu ।
juhāva havyaṃ vidhinā vidhānavat ।
dṛṣṭvā vyatiṣṭhanta cha rākṣasāstē ।
mahāsamūhēṣu nayānayajñāḥ ॥ 27 ॥
athēndrajidrākṣabhūtayētujuhāvahavyaṃvidhināvidhānavit ।
dṛṣṭavāvyatiṣṭhanta cha rākṣasāstēmahāsamūhēṣusamānayajñāḥ ॥ 28 ॥
ityārṣē śrīmadrāmāyaṇē vālmīkīya ādikāvyē yuddhakāṇḍē dvāśītitamassargaḥ ॥
