શ્રીમદ્વાલ્મીકીય રામાયણે યુદ્ધકાંડમ્ ।
અથ દ્વાશીતિતમસ્સર્ગઃ ।
શ્રુત્વાતુભીમનિર્હ્રાદંશક્રાશનિસમસ્વનમ્ ।
વીક્ષમાણાદિશસ્સર્વાદુદ્રુવુર્વાનરર્ષભાઃ ॥ 1 ॥
તાનુવાચતતઃસર્વાન્હનુમાન્ મારુતાત્મજઃ ।
વિષણ્ણવદનાંદીનાંસ્ત્રસ્તાન્વિદ્રવતઃપૃથક્ ॥ 2 ॥
કસ્માદ્વિષણ્ણવદનાવિદ્રવધ્વંપ્લવંગમાઃ ।
ત્યક્તયુદ્ધસમુત્સાહાશ્શૂરત્વંક્વનુવોગતમ્ ॥ 3 ॥
પૃષ્ઠતોઽનુવ્રજધ્વંમામગ્રતોયંતમાહવે ।
શૂરૈરનિજનોપેતૈરયુક્તંહિનિવર્તિતુમ્ ॥ 4 ॥
એવમુક્તાસ્સુસંક્રુદ્ધાવાયુપુત્રેણધીમતા ।
શૈલશૃંગાન્ દ્રુમાંશ્ચવજગૃહુર્હૃષ્ટમાનસાઃ ॥ 5 ॥
અભિપેતુશ્ચગર્જંતોરાક્ષસાન્વાનરર્ષભાઃ ।
પરિવાર્યહનૂમંતમન્વયુશ્ચમહાહવે ॥ 6 ॥
સ તૈર્વાનરમુખ્યૈસ્તુ હનૂમાન્સર્વતો વૃતઃ ।
હુતાશન ઇવાર્ચિષ્માનદહચ્છત્રુવાહિનીમ્ ॥ 7 ॥
સ રાક્ષસાનાંકદનંચકારસુમહાકપિઃ ।
વૃતોવાનરસૈન્યેનકાલાંતકયોમોપમઃ ॥ 8 ॥
સ તુકોપેનચાવિષ્ટઃશોકેન ચ મહાકપિઃ ।
હનૂમાન્રાવણિરથેમહતીંપાતયચ્છિલામ્ ॥ 9 ॥
તામાપતંતીંદૃષ્ટવૈવરથસ્સારથિનાતદા ।
વિધેયાશ્વસમાયુક્તોવિદૂરમપવાહિતઃ ॥ 10 ॥
તમિંદ્રજિતમપ્રાપ્યરથસ્થંસહસારથિમ્ ।
વિવેશધરણીંભિત્ત્વાસાશિલાવ્યર્થમુદ્યતા ॥ 11 ॥
પતિતાયાંશિલાયાંતુવ્યથિતારક્ષસાંચમૂઃ ।
નિપતંત્યા ચ શિલયારાક્ષસામથિતાભૃશમ્ ॥ 12 ॥
તમભ્યધાવન્ શતશોનદંતઃકાનનૌકસઃ ।
તેદ્રુમાંશ્ચમહાકાયાગિરિશૃંગાણિચોદ્યતાઃ ॥ 13 ॥
ક્ષિપનીંદ્રજિતંસંખ્યેવાનરાભીમવિક્રમાઃ ।
વૃક્ષશૈલમહાવર્ષંવિસૃજંતઃપ્લવંગમાઃ ॥ 14 ॥
શત્રૂણાંકદનંચક્રુર્નેદુશ્ચવિવિધૈસ્સ્વનૈઃ ।
વાનરૈસૈર્મહાભીમૈર્ઘોરરૂપાનિશાચરાઃ ॥ 15 ॥
વીર્યાદભિહતાવૃક્ષૈર્વ્યચેષ્ટંતરણક્ષિતૌ ।
સ્વસૈન્યમભિવીક્ષ્યાથવાનરાર્દિતમિંદ્રજિત્ ॥ 16 ॥
પ્રગૃહીતાયુધઃક્રુદ્ધઃપરાનભિમુખોયયૌ ।
સઃશરૌઘાનવસૃજન્સ્વસૈન્યેનાભિસમ્વૃતઃ ॥ 17 ॥
જઘાનકપિશાર્દૂલાન્સુબહૂંદૃષ્ટવિક્રમઃ ।
શૂલૈઃરશનિભિઃખંગૈઃ પટ્ટસૈઃ કૂટમુદ્ગરૈઃ ॥ 18 ॥
તેચાપ્યનુચરાસ્તસ્યવાનરાન્જઘ્નુરાહવે ।
સ્કંધવિટપૈશ્શાલૈશ્શિલાભિશ્ચમહાબલઃ ॥ 19 ॥
હનૂમાન્કદનંચક્રેરક્ષસાંભીમકર્મણામ્ ।
સનિવાર્યપરાનીકમબ્રવીત્તાન્વનૌકસઃ ॥ 20 ॥
હનૂમાન્ સન્નિવર્તધ્વં ન નસ્સાધ્યમિદંબલમ્ ।
ત્યક્ત્વાપ્રાણાન્વિવેષ્ટંતોરામપ્રિયચિકીર્ષવઃ ॥ 21 ॥
યન્નિમિત્તંહિયુધ્યામોહતાસાજનકાત્મજા ।
ઇમમર્થંહિવિજ્ઞાપ્યરામંસુગ્રીવમેવ ચ ॥ 22 ॥
તૌયત્પ્રતિવિધાસ્યેતેતત્કરિષ્યામહેવયમ્ ।
ત્યુક્ત્વાવાનરશ્રેષ્ઠોવારયન્સર્વવાનરાન્ ॥ 23 ॥
શનૈશ્શનૈરસંત્રસ્તસ્સબલસ્સન્યવર્તત ।
તતઃપ્રેક્ષ્યહનૂમંતંવ્રજંતંયત્રરાઘવઃ ॥ 24 ॥
સ હોતુકામોદુષ્ટાત્માગતશ્ચૈત્યંનિકુંભિલામ્ ।
નિકુંભિલામધિષ્ઠાયપાવકંજુહવેંદ્રજિત્ ॥ 25 ॥
યજ્ઞભૂમ્યાંતતોગત્વાપાવકસ્તેનરક્ષસા ।
હૂયમાનઃપ્રજજ્વાલમાંસશોણિતભુક્તદા ॥ 26 ॥
અથેંદ્રજિદ્રાક્ષસભૂતયે તુ ।
જુહાવ હવ્યં વિધિના વિધાનવત્ ।
દૃષ્ટ્વા વ્યતિષ્ઠંત ચ રાક્ષસાસ્તે ।
મહાસમૂહેષુ નયાનયજ્ઞાઃ ॥ 27 ॥
અથેંદ્રજિદ્રાક્ષભૂતયેતુજુહાવહવ્યંવિધિનાવિધાનવિત્ ।
દૃષ્ટવાવ્યતિષ્ઠંત ચ રાક્ષસાસ્તેમહાસમૂહેષુસમાનયજ્ઞાઃ ॥ 28 ॥
ઇત્યાર્ષે શ્રીમદ્રામાયણે વાલ્મીકીય આદિકાવ્યે યુદ્ધકાંડે દ્વાશીતિતમસ્સર્ગઃ ॥
