ශ්රීමද්වාල්මීකීය රාමායණේ යුද්ධකාංඩම් ।
අථ ද්වාශීතිතමස්සර්ගඃ ।
ශ්රුත්වාතුභීමනිර්හ්රාදංශක්රාශනිසමස්වනම් ।
වීක්ෂමාණාදිශස්සර්වාදුද්රුවුර්වානරර්ෂභාඃ ॥ 1 ॥
තානුවාචතතඃසර්වාන්හනුමාන් මාරුතාත්මජඃ ।
විෂණ්ණවදනාංදීනාංස්ත්රස්තාන්විද්රවතඃපෘථක් ॥ 2 ॥
කස්මාද්විෂණ්ණවදනාවිද්රවධ්වංප්ලවංගමාඃ ।
ත්යක්තයුද්ධසමුත්සාහාශ්ශූරත්වංක්වනුවෝගතම් ॥ 3 ॥
පෘෂ්ඨතෝऽනුව්රජධ්වංමාමග්රතෝයංතමාහවේ ।
ශූරෛරනිජනෝපේතෛරයුක්තංහිනිවර්තිතුම් ॥ 4 ॥
ඒවමුක්තාස්සුසංක්රුද්ධාවායුපුත්රේණධීමතා ।
ශෛලශෘංගාන් ද්රුමාංශ්චවජගෘහුර්හෘෂ්ටමානසාඃ ॥ 5 ॥
අභිපේතුශ්චගර්ජංතෝරාක්ෂසාන්වානරර්ෂභාඃ ।
පරිවාර්යහනූමංතමන්වයුශ්චමහාහවේ ॥ 6 ॥
ස තෛර්වානරමුඛ්යෛස්තු හනූමාන්සර්වතෝ වෘතඃ ।
හුතාශන ඉවාර්චිෂ්මානදහච්ඡත්රුවාහිනීම් ॥ 7 ॥
ස රාක්ෂසානාංකදනංචකාරසුමහාකපිඃ ।
වෘතෝවානරසෛන්යේනකාලාංතකයෝමෝපමඃ ॥ 8 ॥
ස තුකෝපේනචාවිෂ්ටඃශෝකේන ච මහාකපිඃ ।
හනූමාන්රාවණිරථේමහතීංපාතයච්ඡිලාම් ॥ 9 ॥
තාමාපතංතීංදෘෂ්ටවෛවරථස්සාරථිනාතදා ।
විධේයාශ්වසමායුක්තෝවිදූරමපවාහිතඃ ॥ 10 ॥
තමිංද්රජිතමප්රාප්යරථස්ථංසහසාරථිම් ।
විවේශධරණීංභිත්ත්වාසාශිලාව්යර්ථමුද්යතා ॥ 11 ॥
පතිතායාංශිලායාංතුව්යථිතාරක්ෂසාංචමූඃ ।
නිපතංත්යා ච ශිලයාරාක්ෂසාමථිතාභෘශම් ॥ 12 ॥
තමභ්යධාවන් ශතශෝනදංතඃකානනෞකසඃ ।
තේද්රුමාංශ්චමහාකායාගිරිශෘංගාණිචෝද්යතාඃ ॥ 13 ॥
ක්ෂිපනීංද්රජිතංසංඛ්යේවානරාභීමවික්රමාඃ ।
වෘක්ෂශෛලමහාවර්ෂංවිසෘජංතඃප්ලවංගමාඃ ॥ 14 ॥
ශත්රූණාංකදනංචක්රුර්නේදුශ්චවිවිධෛස්ස්වනෛඃ ।
වානරෛසෛර්මහාභීමෛර්ඝෝරරූපානිශාචරාඃ ॥ 15 ॥
වීර්යාදභිහතාවෘක්ෂෛර්ව්යචේෂ්ටංතරණක්ෂිතෞ ।
ස්වසෛන්යමභිවීක්ෂ්යාථවානරාර්දිතමිංද්රජිත් ॥ 16 ॥
ප්රගෘහීතායුධඃක්රුද්ධඃපරානභිමුඛෝයයෞ ।
සඃශරෞඝානවසෘජන්ස්වසෛන්යේනාභිසම්වෘතඃ ॥ 17 ॥
ජඝානකපිශාර්දූලාන්සුබහූංදෘෂ්ටවික්රමඃ ।
ශූලෛඃරශනිභිඃඛංගෛඃ පට්ටසෛඃ කූටමුද්ගරෛඃ ॥ 18 ॥
තේචාප්යනුචරාස්තස්යවානරාන්ජඝ්නුරාහවේ ।
ස්කංධවිටපෛශ්ශාලෛශ්ශිලාභිශ්චමහාබලඃ ॥ 19 ॥
හනූමාන්කදනංචක්රේරක්ෂසාංභීමකර්මණාම් ।
සනිවාර්යපරානීකමබ්රවීත්තාන්වනෞකසඃ ॥ 20 ॥
හනූමාන් සන්නිවර්තධ්වං න නස්සාධ්යමිදංබලම් ।
ත්යක්ත්වාප්රාණාන්විවේෂ්ටංතෝරාමප්රියචිකීර්ෂවඃ ॥ 21 ॥
යන්නිමිත්තංහියුධ්යාමෝහතාසාජනකාත්මජා ।
ඉමමර්ථංහිවිජ්ඤාප්යරාමංසුග්රීවමේව ච ॥ 22 ॥
තෞයත්ප්රතිවිධාස්යේතේතත්කරිෂ්යාමහේවයම් ।
ත්යුක්ත්වාවානරශ්රේෂ්ඨෝවාරයන්සර්වවානරාන් ॥ 23 ॥
ශනෛශ්ශනෛරසංත්රස්තස්සබලස්සන්යවර්තත ।
තතඃප්රේක්ෂ්යහනූමංතංව්රජංතංයත්රරාඝවඃ ॥ 24 ॥
ස හෝතුකාමෝදුෂ්ටාත්මාගතශ්චෛත්යංනිකුංභිලාම් ।
නිකුංභිලාමධිෂ්ඨායපාවකංජුහවේංද්රජිත් ॥ 25 ॥
යජ්ඤභූම්යාංතතෝගත්වාපාවකස්තේනරක්ෂසා ।
හූයමානඃප්රජජ්වාලමාංසශෝණිතභුක්තදා ॥ 26 ॥
අථේංද්රජිද්රාක්ෂසභූතයේ තු ।
ජුහාව හව්යං විධිනා විධානවත් ।
දෘෂ්ට්වා ව්යතිෂ්ඨංත ච රාක්ෂසාස්තේ ।
මහාසමූහේෂු නයානයජ්ඤාඃ ॥ 27 ॥
අථේංද්රජිද්රාක්ෂභූතයේතුජුහාවහව්යංවිධිනාවිධානවිත් ।
දෘෂ්ටවාව්යතිෂ්ඨංත ච රාක්ෂසාස්තේමහාසමූහේෂුසමානයජ්ඤාඃ ॥ 28 ॥
ඉත්යාර්ෂේ ශ්රීමද්රාමායණේ වාල්මීකීය ආදිකාව්යේ යුද්ධකාංඩේ ද්වාශීතිතමස්සර්ගඃ ॥
