ಶ್ರೀಮದ್ವಾಲ್ಮೀಕೀಯ ರಾಮಾಯಣೇ ಯುದ್ಧಕಾಣ್ಡಮ್ ।
ಅಥ ದ್ವಾಶೀತಿತಮಸ್ಸರ್ಗಃ ।
ಶ್ರುತ್ವಾತುಭೀಮನಿರ್ಹ್ರಾದಂಶಕ್ರಾಶನಿಸಮಸ್ವನಮ್ ।
ವೀಕ್ಷಮಾಣಾದಿಶಸ್ಸರ್ವಾದುದ್ರುವುರ್ವಾನರರ್ಷಭಾಃ ॥ 1 ॥
ತಾನುವಾಚತತಃಸರ್ವಾನ್ಹನುಮಾನ್ ಮಾರುತಾತ್ಮಜಃ ।
ವಿಷಣ್ಣವದನಾನ್ದೀನಾಂಸ್ತ್ರಸ್ತಾನ್ವಿದ್ರವತಃಪೃಥಕ್ ॥ 2 ॥
ಕಸ್ಮಾದ್ವಿಷಣ್ಣವದನಾವಿದ್ರವಧ್ವಮ್ಪ್ಲವಙ್ಗಮಾಃ ।
ತ್ಯಕ್ತಯುದ್ಧಸಮುತ್ಸಾಹಾಶ್ಶೂರತ್ವಙ್ಕ್ವನುವೋಗತಮ್ ॥ 3 ॥
ಪೃಷ್ಠತೋಽನುವ್ರಜಧ್ವಮ್ಮಾಮಗ್ರತೋಯನ್ತಮಾಹವೇ ।
ಶೂರೈರನಿಜನೋಪೇತೈರಯುಕ್ತಂಹಿನಿವರ್ತಿತುಮ್ ॥ 4 ॥
ಏವಮುಕ್ತಾಸ್ಸುಸಙ್ಕ್ರುದ್ಧಾವಾಯುಪುತ್ರೇಣಧೀಮತಾ ।
ಶೈಲಶೃಙ್ಗಾನ್ ದ್ರುಮಾಂಶ್ಚವಜಗೃಹುರ್ಹೃಷ್ಟಮಾನಸಾಃ ॥ 5 ॥
ಅಭಿಪೇತುಶ್ಚಗರ್ಜನ್ತೋರಾಕ್ಷಸಾನ್ವಾನರರ್ಷಭಾಃ ।
ಪರಿವಾರ್ಯಹನೂಮನ್ತಮನ್ವಯುಶ್ಚಮಹಾಹವೇ ॥ 6 ॥
ಸ ತೈರ್ವಾನರಮುಖ್ಯೈಸ್ತು ಹನೂಮಾನ್ಸರ್ವತೋ ವೃತಃ ।
ಹುತಾಶನ ಇವಾರ್ಚಿಷ್ಮಾನದಹಚ್ಛತ್ರುವಾಹಿನೀಮ್ ॥ 7 ॥
ಸ ರಾಕ್ಷಸಾನಾಙ್ಕದನಞ್ಚಕಾರಸುಮಹಾಕಪಿಃ ।
ವೃತೋವಾನರಸೈನ್ಯೇನಕಾಲಾನ್ತಕಯೋಮೋಪಮಃ ॥ 8 ॥
ಸ ತುಕೋಪೇನಚಾವಿಷ್ಟಃಶೋಕೇನ ಚ ಮಹಾಕಪಿಃ ।
ಹನೂಮಾನ್ರಾವಣಿರಥೇಮಹತೀಮ್ಪಾತಯಚ್ಛಿಲಾಮ್ ॥ 9 ॥
ತಾಮಾಪತನ್ತೀನ್ದೃಷ್ಟವೈವರಥಸ್ಸಾರಥಿನಾತದಾ ।
ವಿಧೇಯಾಶ್ವಸಮಾಯುಕ್ತೋವಿದೂರಮಪವಾಹಿತಃ ॥ 10 ॥
ತಮಿನ್ದ್ರಜಿತಮಪ್ರಾಪ್ಯರಥಸ್ಥಂಸಹಸಾರಥಿಮ್ ।
ವಿವೇಶಧರಣೀಮ್ಭಿತ್ತ್ವಾಸಾಶಿಲಾವ್ಯರ್ಥಮುದ್ಯತಾ ॥ 11 ॥
ಪತಿತಾಯಾಂಶಿಲಾಯಾನ್ತುವ್ಯಥಿತಾರಕ್ಷಸಾಞ್ಚಮೂಃ ।
ನಿಪತನ್ತ್ಯಾ ಚ ಶಿಲಯಾರಾಕ್ಷಸಾಮಥಿತಾಭೃಶಮ್ ॥ 12 ॥
ತಮಭ್ಯಧಾವನ್ ಶತಶೋನದನ್ತಃಕಾನನೌಕಸಃ ।
ತೇದ್ರುಮಾಂಶ್ಚಮಹಾಕಾಯಾಗಿರಿಶೃಙ್ಗಾಣಿಚೋದ್ಯತಾಃ ॥ 13 ॥
ಕ್ಷಿಪನೀನ್ದ್ರಜಿತಂಸಙ್ಖ್ಯೇವಾನರಾಭೀಮವಿಕ್ರಮಾಃ ।
ವೃಕ್ಷಶೈಲಮಹಾವರ್ಷಂವಿಸೃಜನ್ತಃಪ್ಲವಙ್ಗಮಾಃ ॥ 14 ॥
ಶತ್ರೂಣಾಙ್ಕದನಞ್ಚಕ್ರುರ್ನೇದುಶ್ಚವಿವಿಧೈಸ್ಸ್ವನೈಃ ।
ವಾನರೈಸೈರ್ಮಹಾಭೀಮೈರ್ಘೋರರೂಪಾನಿಶಾಚರಾಃ ॥ 15 ॥
ವೀರ್ಯಾದಭಿಹತಾವೃಕ್ಷೈರ್ವ್ಯಚೇಷ್ಟನ್ತರಣಕ್ಷಿತೌ ।
ಸ್ವಸೈನ್ಯಮಭಿವೀಕ್ಷ್ಯಾಥವಾನರಾರ್ದಿತಮಿನ್ದ್ರಜಿತ್ ॥ 16 ॥
ಪ್ರಗೃಹೀತಾಯುಧಃಕ್ರುದ್ಧಃಪರಾನಭಿಮುಖೋಯಯೌ ।
ಸಃಶರೌಘಾನವಸೃಜನ್ಸ್ವಸೈನ್ಯೇನಾಭಿಸಮ್ವೃತಃ ॥ 17 ॥
ಜಘಾನಕಪಿಶಾರ್ದೂಲಾನ್ಸುಬಹೂನ್ದೃಷ್ಟವಿಕ್ರಮಃ ।
ಶೂಲೈಃರಶನಿಭಿಃಖಙ್ಗೈಃ ಪಟ್ಟಸೈಃ ಕೂಟಮುದ್ಗರೈಃ ॥ 18 ॥
ತೇಚಾಪ್ಯನುಚರಾಸ್ತಸ್ಯವಾನರಾನ್ಜಘ್ನುರಾಹವೇ ।
ಸ್ಕನ್ಧವಿಟಪೈಶ್ಶಾಲೈಶ್ಶಿಲಾಭಿಶ್ಚಮಹಾಬಲಃ ॥ 19 ॥
ಹನೂಮಾನ್ಕದನಞ್ಚಕ್ರೇರಕ್ಷಸಾಮ್ಭೀಮಕರ್ಮಣಾಮ್ ।
ಸನಿವಾರ್ಯಪರಾನೀಕಮಬ್ರವೀತ್ತಾನ್ವನೌಕಸಃ ॥ 20 ॥
ಹನೂಮಾನ್ ಸನ್ನಿವರ್ತಧ್ವಂ ನ ನಸ್ಸಾಧ್ಯಮಿದಮ್ಬಲಮ್ ।
ತ್ಯಕ್ತ್ವಾಪ್ರಾಣಾನ್ವಿವೇಷ್ಟನ್ತೋರಾಮಪ್ರಿಯಚಿಕೀರ್ಷವಃ ॥ 21 ॥
ಯನ್ನಿಮಿತ್ತಂಹಿಯುಧ್ಯಾಮೋಹತಾಸಾಜನಕಾತ್ಮಜಾ ।
ಇಮಮರ್ಥಂಹಿವಿಜ್ಞಾಪ್ಯರಾಮಂಸುಗ್ರೀವಮೇವ ಚ ॥ 22 ॥
ತೌಯತ್ಪ್ರತಿವಿಧಾಸ್ಯೇತೇತತ್ಕರಿಷ್ಯಾಮಹೇವಯಮ್ ।
ತ್ಯುಕ್ತ್ವಾವಾನರಶ್ರೇಷ್ಠೋವಾರಯನ್ಸರ್ವವಾನರಾನ್ ॥ 23 ॥
ಶನೈಶ್ಶನೈರಸನ್ತ್ರಸ್ತಸ್ಸಬಲಸ್ಸನ್ಯವರ್ತತ ।
ತತಃಪ್ರೇಕ್ಷ್ಯಹನೂಮನ್ತಂವ್ರಜನ್ತಂಯತ್ರರಾಘವಃ ॥ 24 ॥
ಸ ಹೋತುಕಾಮೋದುಷ್ಟಾತ್ಮಾಗತಶ್ಚೈತ್ಯನ್ನಿಕುಮ್ಭಿಲಾಮ್ ।
ನಿಕುಮ್ಭಿಲಾಮಧಿಷ್ಠಾಯಪಾವಕಞ್ಜುಹವೇನ್ದ್ರಜಿತ್ ॥ 25 ॥
ಯಜ್ಞಭೂಮ್ಯಾನ್ತತೋಗತ್ವಾಪಾವಕಸ್ತೇನರಕ್ಷಸಾ ।
ಹೂಯಮಾನಃಪ್ರಜಜ್ವಾಲಮಾಂಸಶೋಣಿತಭುಕ್ತದಾ ॥ 26 ॥
ಅಥೇನ್ದ್ರಜಿದ್ರಾಕ್ಷಸಭೂತಯೇ ತು ।
ಜುಹಾವ ಹವ್ಯಂ ವಿಧಿನಾ ವಿಧಾನವತ್ ।
ದೃಷ್ಟ್ವಾ ವ್ಯತಿಷ್ಠನ್ತ ಚ ರಾಕ್ಷಸಾಸ್ತೇ ।
ಮಹಾಸಮೂಹೇಷು ನಯಾನಯಜ್ಞಾಃ ॥ 27 ॥
ಅಥೇನ್ದ್ರಜಿದ್ರಾಕ್ಷಭೂತಯೇತುಜುಹಾವಹವ್ಯಂವಿಧಿನಾವಿಧಾನವಿತ್ ।
ದೃಷ್ಟವಾವ್ಯತಿಷ್ಠನ್ತ ಚ ರಾಕ್ಷಸಾಸ್ತೇಮಹಾಸಮೂಹೇಷುಸಮಾನಯಜ್ಞಾಃ ॥ 28 ॥
ಇತ್ಯಾರ್ಷೇ ಶ್ರೀಮದ್ರಾಮಾಯಣೇ ವಾಲ್ಮೀಕೀಯ ಆದಿಕಾವ್ಯೇ ಯುದ್ಧಕಾಣ್ಡೇ ದ್ವಾಶೀತಿತಮಸ್ಸರ್ಗಃ ॥
