ශ්රීමද්වාල්මීකීය රාමායණේ යුද්ධකාංඩම් ।
අථ පංචාශීතිතමස්සර්ගඃ ।
ත්තස්යතද්වචනංශ්රුත්වාරාඝවශ්ශෝකකර්ශිතඃ ।
නෝපධාරයතේව්යක්තංයදුක්තංතේනරක්ෂසා ॥ 1 ॥
තතෝධෛර්යමවෂ්ටභ්යරාමඃපරපුරංජයඃ ।
විභීෂණමුපාසීනමුවාචකපිසන්නිධෞ ॥ 2 ॥
නෛරෘතාධිපතේවාක්යංයදුක්තංතේවිභීෂණ ।
භූයස්තච්ඡ්රෝතුමිච්ඡාමිබ්රූහියත්තේවිවක්ෂිතම් ॥ 3 ॥
රාඝවස්යවචඃශ්රුත්වාවාක්යංවාක්යවිශාරද. ।
යත්තත්පුනරිදංවාක්යංබභාෂේ ස විභීෂණඃ ॥ 4 ॥
යථාජ්ඤප්තංමහාබාහෝත්වයාගුල්මනිවේශනම් ।
තත්තථාऽනුෂ්ඨිතංවීරත්වද්වාක්යසමනංතරම් ॥ 5 ॥
තාන්යනීකානිසර්වාණිවිභග්නානිසමංතතඃ ।
වින්යස්තායූථපාශ්චෛවයථාන්යායංවිභාගශඃ ॥ 6 ॥
භූයස්තුමමවිජ්ඤාප්යංතච්ඡ්රුණුෂ්වමහායශඃ ।
ත්වය්යකාරණසංතප්තේසංතප්තහෘදයාවයම් ॥ 7 ॥
ත්යජරාජන්නිමංශෝකංමිථ්යාසංතාපමාගතම් ।
තදියංත්යජ්යතාංචිංතාශත්රුහර්ෂවිවර්ධිනී ॥ 8 ॥
උද්යමඃක්රියතාංවීරහර්ෂඃසමුපසේව්යතාම් ।
ප්රාප්තව්යායදිතේසීතාහංතව්යාශ්චනිශාචරාඃ ॥ 9 ॥
රඝුනංදනවක්ෂ්යාමිශ්රූයතාංමේහිතංවචඃ ।
සාධ්වයංයාතුසෞමිත්රිර්බලේනමහතාවෘතඃ ॥ 10 ॥
නිකුංභිලායාංසංප්රාප්යහංතුංරාවණිමාහවේ ।
ධනුර්මංඩලනිර්මුක්තෛරාශීවිෂවිෂෝපමෛඃ ॥ 11 ॥
තේනවීරේණතපසාවරදානාත්ස්වයංභුවඃ ।
අස්ත්රංබ්රහ්මශිරඃප්රාප්තංකාමගාශ්චතුරංගමාඃ ॥ 12 ॥
ස ඒෂසහසෛන්යේනප්රාප්තඃකිලනිකුංභිලාම් ।
යද්යුතතිෂ්ඨේත්කෘතංකර්මහතාන්සර්වාංශ්චවිද්ධිනඃ ॥ 13 ॥
නිකුංභිලාමසංප්රාප්තමහුතාග්නිං ච යෝරිපුඃ ।
ත්වාමාතායිනංහන්යාදිංද්රශත්රෝස්සතේවධඃ ॥ 14 ॥
වරෝදත්තෝමහාබාහෝ සර්වලෝකේශ්වරේණවෛ ।
ඉත්යේවංවිහිතෝරාජන්වධස්තස්යෛෂධීමතඃ ॥ 15 ॥
වධායේංද්රජිතෝරාමසංදිශස්වමහාබල ।
හතේතස්මින්හතංවිද්ධිරාවණංසසුහෘජ්ජනම් ॥ 16 ॥
විභීෂණවච්ශ්රුත්වාරාමෝවාක්යමථාබ්රවීත් ।
ජානාමිතස්යරෞද්රස්යමායාංසත්යපරාක්රමඃ ॥ 17 ॥
ස හිබ්රහ්මාස්ත්රවිත්ප්රාජ්ඤෝමහාමායෝමහාබල. ।
කරෝත්යසංජ්ඤාන් සංග්රාමේදේවාන්සවරුණානපි ॥ 18 ॥
තස්යාංතරික්ෂේචරතඃසරථස්යමහායශඃ ।
න ගතිර්ජ්ඤායතේවීරසූර්යස්යේවාභ්රසම්ල්පවේ ॥ 19 ॥
රාඝවස්තුරිපෝර්ජ්ඤාත්වාමායාවීර්යංදුරාත්මනඃ ।
ලක්ෂ්මණංකීර්තිසංපන්නමිදංවචනමබ්රවීත් ॥ 20 ॥
යද්වානරේංද්රස්යබලංතේනසර්වේණසම්වෘතඃ ।
හනූමත්ප්රමුඛෛශ්චවයූථපෛස්සහලක්ෂ්මණ ॥ 21 ॥
ජාංබවේනාර්ක්ෂපතිනාසහසෛන්යේනසම්වෘතඃ ।
ජහිතංරාක්ෂසසුතංමායාබලවිශාරදම් ॥ 22 ॥
අයංත්වාංසචිවෛඃසාර්ථංමහාත්මාරජනීචරඃ ।
අභිජ්ඤස්තස්යමායානාංපෘෂ්ඨතෝऽනුගමිෂ්යති ॥ 23 ॥
රාඝවස්යවච්ශ්රුත්වාලක්ෂ්මණස්සවිභීෂණඃ ।
ජග්රාහකාර්මුකශ්රේෂ්ඨමත්යද්භුතපරාක්රමඃ ॥ 24 ॥
සන්නද්ධඃකවචීඛංගීසශරෝවාමචාපභෘත් ।
රාමපාදාවුපස්පෘශ්යහෘෂ්ටඃසෞමිත්රිරබ්රවීත් ॥ 25 ॥
අද්යමත්කාර්මුකෝන්මුක්තාශ්ශරානිර්භිද්යරාවණිම් ।
ලංකාමභිතිෂ්යංතිහංසාඃපුෂ්කරිණීමිව ॥ 26 ॥
අද්යෛවතස්යරෞද්රස්යශරීරංමාමකාශ්ශරාඃ ।
විධමිෂ්යංතිභිත්ත්වාතංමහාචාපගුණච්යුතාඃ ॥ 27 ॥
ඒවමුක්ත්වා ස ද්යුතිමාන් වචනංභ්රාතුරග්රතඃ ।
ස රාවණිවධාකාංක්ෂීලක්ෂ්මණස්ත්වරිතෝයයෞ ॥ 28 ॥
සෝऽභිවාද්යගුරෝඃපාදෞකෘත්වාචාපිප්රදක්ෂිණම් ।
නිකුංභිලාමභියයෞචෛත්යංරාවණිපාලිතම් ॥ 29 ॥
විභීෂණේනසහිතෝරාජපුත්රඃප්රතාපවාන් ।
කෘතස්වස්ත්යයනෝභ්රාත්රාලක්ෂ්මණස්ත්වරිතෝයයෞ ॥ 30 ॥
වානරාණාංසහස්රෛස්තුහනූමාන් බහුභිර්වෘතඃ ।
විභීෂණශ්චසාමාත්යෝතදාලක්ෂ්මණමන්වගාත් ॥ 31 ॥
මහතාහරිසෛන්යේනසවේගමභිසංවෘතඃ ।
ඍක්ෂරාජබලංචෛවදදර්ශපථිවිෂ්ඨිතම් ॥ 32 ॥
ස ගත්වාදූරමධ්වානංසෞමිත්රිර්මිත්රනංදනඃ ।
රාක්ෂසේංද්රබලංදූරාදපශ්යද්ව්යූහමාශ්රිතම් ॥ 33 ॥
ස තංප්රාප්යධනුෂ්පාණිර්මායායෝගමරිංදමඃ ।
තස්ථෞබ්රහ්මවිධානේනවිජේතුංරඝුනංදනඃ ॥ 34 ॥
භීෂණේනසහිතෝරාජපුත්රඃප්රතාපවාන් ।
අංගදේන ච වීරේණතථානිලසුතේන ච ॥ 35 ॥
විවිධමමලශස්ත්රභාස්වරං ත ද්ධ්වජගහනංවිපුලංමහාරථෛශ්ච ।
ප්රතිභයතමමප්රමේයවේගංතිමිරමිවද්විෂතාංබලංවිවේශ ॥ 36 ॥
ඉත්යාර්ෂේ ශ්රීමද්රාමායණේ වාල්මීකීය ආදිකාව්යේ යුද්ධකාංඩේ පංචාශීතිතමස්සර්ගඃ ॥
