ശ്രീമദ്വാല്മീകീയ രാമായണേ യുദ്ധകാംഡമ് ।
അഥ പംചാശീതിതമസ്സര്ഗഃ ।
ത്തസ്യതദ്വചനംശ്രുത്വാരാഘവശ്ശോകകര്ശിതഃ ।
നോപധാരയതേവ്യക്തംയദുക്തംതേനരക്ഷസാ ॥ 1 ॥
തതോധൈര്യമവഷ്ടഭ്യരാമഃപരപുരംജയഃ ।
വിഭീഷണമുപാസീനമുവാചകപിസന്നിധൌ ॥ 2 ॥
നൈരൃതാധിപതേവാക്യംയദുക്തംതേവിഭീഷണ ।
ഭൂയസ്തച്ഛ്രോതുമിച്ഛാമിബ്രൂഹിയത്തേവിവക്ഷിതമ് ॥ 3 ॥
രാഘവസ്യവചഃശ്രുത്വാവാക്യംവാക്യവിശാരദ. ।
യത്തത്പുനരിദംവാക്യംബഭാഷേ സ വിഭീഷണഃ ॥ 4 ॥
യഥാജ്ഞപ്തംമഹാബാഹോത്വയാഗുല്മനിവേശനമ് ।
തത്തഥാഽനുഷ്ഠിതംവീരത്വദ്വാക്യസമനംതരമ് ॥ 5 ॥
താന്യനീകാനിസർവാണിവിഭഗ്നാനിസമംതതഃ ।
വിന്യസ്തായൂഥപാശ്ചൈവയഥാന്യായംവിഭാഗശഃ ॥ 6 ॥
ഭൂയസ്തുമമവിജ്ഞാപ്യംതച്ഛ്രുണുഷ്വമഹായശഃ ।
ത്വയ്യകാരണസംതപ്തേസംതപ്തഹൃദയാവയമ് ॥ 7 ॥
ത്യജരാജന്നിമംശോകംമിഥ്യാസംതാപമാഗതമ് ।
തദിയംത്യജ്യതാംചിംതാശത്രുഹര്ഷവിവര്ധിനീ ॥ 8 ॥
ഉദ്യമഃക്രിയതാംവീരഹര്ഷഃസമുപസേവ്യതാമ് ।
പ്രാപ്തവ്യായദിതേസീതാഹംതവ്യാശ്ചനിശാചരാഃ ॥ 9 ॥
രഘുനംദനവക്ഷ്യാമിശ്രൂയതാംമേഹിതംവചഃ ।
സാധ്വയംയാതുസൌമിത്രിര്ബലേനമഹതാവൃതഃ ॥ 10 ॥
നികുംഭിലായാംസംപ്രാപ്യഹംതുംരാവണിമാഹവേ ।
ധനുര്മംഡലനിര്മുക്തൈരാശീവിഷവിഷോപമൈഃ ॥ 11 ॥
തേനവീരേണതപസാവരദാനാത്സ്വയംഭുവഃ ।
അസ്ത്രംബ്രഹ്മശിരഃപ്രാപ്തംകാമഗാശ്ചതുരംഗമാഃ ॥ 12 ॥
സ ഏഷസഹസൈന്യേനപ്രാപ്തഃകിലനികുംഭിലാമ് ।
യദ്യുതതിഷ്ഠേത്കൃതംകര്മഹതാന്സർവാംശ്ചവിദ്ധിനഃ ॥ 13 ॥
നികുംഭിലാമസംപ്രാപ്തമഹുതാഗ്നിം ച യോരിപുഃ ।
ത്വാമാതായിനംഹന്യാദിംദ്രശത്രോസ്സതേവധഃ ॥ 14 ॥
വരോദത്തോമഹാബാഹോ സർവലോകേശ്വരേണവൈ ।
ഇത്യേവംവിഹിതോരാജന്വധസ്തസ്യൈഷധീമതഃ ॥ 15 ॥
വധായേംദ്രജിതോരാമസംദിശസ്വമഹാബല ।
ഹതേതസ്മിന്ഹതംവിദ്ധിരാവണംസസുഹൃജ്ജനമ് ॥ 16 ॥
വിഭീഷണവച്ശ്രുത്വാരാമോവാക്യമഥാബ്രവീത് ।
ജാനാമിതസ്യരൌദ്രസ്യമായാംസത്യപരാക്രമഃ ॥ 17 ॥
സ ഹിബ്രഹ്മാസ്ത്രവിത്പ്രാജ്ഞോമഹാമായോമഹാബല. ।
കരോത്യസംജ്ഞാന് സംഗ്രാമേദേവാന്സവരുണാനപി ॥ 18 ॥
തസ്യാംതരിക്ഷേചരതഃസരഥസ്യമഹായശഃ ।
ന ഗതിര്ജ്ഞായതേവീരസൂര്യസ്യേവാഭ്രസമ്ല്പവേ ॥ 19 ॥
രാഘവസ്തുരിപോര്ജ്ഞാത്വാമായാവീര്യംദുരാത്മനഃ ।
ലക്ഷ്മണംകീര്തിസംപന്നമിദംവചനമബ്രവീത് ॥ 20 ॥
യദ്വാനരേംദ്രസ്യബലംതേനസർവേണസമ്വൃതഃ ।
ഹനൂമത്പ്രമുഖൈശ്ചവയൂഥപൈസ്സഹലക്ഷ്മണ ॥ 21 ॥
ജാംബവേനാര്ക്ഷപതിനാസഹസൈന്യേനസമ്വൃതഃ ।
ജഹിതംരാക്ഷസസുതംമായാബലവിശാരദമ് ॥ 22 ॥
അയംത്വാംസചിവൈഃസാര്ഥംമഹാത്മാരജനീചരഃ ।
അഭിജ്ഞസ്തസ്യമായാനാംപൃഷ്ഠതോഽനുഗമിഷ്യതി ॥ 23 ॥
രാഘവസ്യവച്ശ്രുത്വാലക്ഷ്മണസ്സവിഭീഷണഃ ।
ജഗ്രാഹകാര്മുകശ്രേഷ്ഠമത്യദ്ഭുതപരാക്രമഃ ॥ 24 ॥
സന്നദ്ധഃകവചീഖംഗീസശരോവാമചാപഭൃത് ।
രാമപാദാവുപസ്പൃശ്യഹൃഷ്ടഃസൌമിത്രിരബ്രവീത് ॥ 25 ॥
അദ്യമത്കാര്മുകോന്മുക്താശ്ശരാനിര്ഭിദ്യരാവണിമ് ।
ലംകാമഭിതിഷ്യംതിഹംസാഃപുഷ്കരിണീമിവ ॥ 26 ॥
അദ്യൈവതസ്യരൌദ്രസ്യശരീരംമാമകാശ്ശരാഃ ।
വിധമിഷ്യംതിഭിത്ത്വാതംമഹാചാപഗുണച്യുതാഃ ॥ 27 ॥
ഏവമുക്ത്വാ സ ദ്യുതിമാന് വചനംഭ്രാതുരഗ്രതഃ ।
സ രാവണിവധാകാംക്ഷീലക്ഷ്മണസ്ത്വരിതോയയൌ ॥ 28 ॥
സോഽഭിവാദ്യഗുരോഃപാദൌകൃത്വാചാപിപ്രദക്ഷിണമ് ।
നികുംഭിലാമഭിയയൌചൈത്യംരാവണിപാലിതമ് ॥ 29 ॥
വിഭീഷണേനസഹിതോരാജപുത്രഃപ്രതാപവാന് ।
കൃതസ്വസ്ത്യയനോഭ്രാത്രാലക്ഷ്മണസ്ത്വരിതോയയൌ ॥ 30 ॥
വാനരാണാംസഹസ്രൈസ്തുഹനൂമാന് ബഹുഭിർവൃതഃ ।
വിഭീഷണശ്ചസാമാത്യോതദാലക്ഷ്മണമന്വഗാത് ॥ 31 ॥
മഹതാഹരിസൈന്യേനസവേഗമഭിസംവൃതഃ ।
ഋക്ഷരാജബലംചൈവദദര്ശപഥിവിഷ്ഠിതമ് ॥ 32 ॥
സ ഗത്വാദൂരമധ്വാനംസൌമിത്രിര്മിത്രനംദനഃ ।
രാക്ഷസേംദ്രബലംദൂരാദപശ്യദ്വ്യൂഹമാശ്രിതമ് ॥ 33 ॥
സ തംപ്രാപ്യധനുഷ്പാണിര്മായായോഗമരിംദമഃ ।
തസ്ഥൌബ്രഹ്മവിധാനേനവിജേതുംരഘുനംദനഃ ॥ 34 ॥
ഭീഷണേനസഹിതോരാജപുത്രഃപ്രതാപവാന് ।
അംഗദേന ച വീരേണതഥാനിലസുതേന ച ॥ 35 ॥
വിവിധമമലശസ്ത്രഭാസ്വരം ത ദ്ധ്വജഗഹനംവിപുലംമഹാരഥൈശ്ച ।
പ്രതിഭയതമമപ്രമേയവേഗംതിമിരമിവദ്വിഷതാംബലംവിവേശ ॥ 36 ॥
ഇത്യാര്ഷേ ശ്രീമദ്രാമായണേ വാല്മീകീയ ആദികാവ്യേ യുദ്ധകാംഡേ പംചാശീതിതമസ്സര്ഗഃ ॥
