śrīmadvālmīkīya rāmāyaṇē yuddhakāṇḍam ।
atha pañchāśītitamassargaḥ ।
ttasyatadvachanaṃśrutvārāghavaśśōkakarśitaḥ ।
nōpadhārayatēvyaktaṃyaduktantēnarakṣasā ॥ 1 ॥
tatōdhairyamavaṣṭabhyarāmaḥparapurañjayaḥ ।
vibhīṣaṇamupāsīnamuvāchakapisannidhau ॥ 2 ॥
nairṛtādhipatēvākyaṃyaduktantēvibhīṣaṇa ।
bhūyastachChrōtumichChāmibrūhiyattēvivakṣitam ॥ 3 ॥
rāghavasyavachaḥśrutvāvākyaṃvākyaviśārada. ।
yattatpunaridaṃvākyambabhāṣē sa vibhīṣaṇaḥ ॥ 4 ॥
yathājñaptammahābāhōtvayāgulmanivēśanam ।
tattathā'nuṣṭhitaṃvīratvadvākyasamanantaram ॥ 5 ॥
tānyanīkānisarvāṇivibhagnānisamantataḥ ।
vinyastāyūthapāśchaivayathānyāyaṃvibhāgaśaḥ ॥ 6 ॥
bhūyastumamavijñāpyantachChruṇuṣvamahāyaśaḥ ।
tvayyakāraṇasantaptēsantaptahṛdayāvayam ॥ 7 ॥
tyajarājannimaṃśōkammithyāsantāpamāgatam ।
tadiyantyajyatāñchintāśatruharṣavivardhinī ॥ 8 ॥
udyamaḥkriyatāṃvīraharṣaḥsamupasēvyatām ।
prāptavyāyaditēsītāhantavyāśchaniśācharāḥ ॥ 9 ॥
raghunandanavakṣyāmiśrūyatāmmēhitaṃvachaḥ ।
sādhvayaṃyātusaumitrirbalēnamahatāvṛtaḥ ॥ 10 ॥
nikumbhilāyāṃsamprāpyahantuṃrāvaṇimāhavē ।
dhanurmaṇḍalanirmuktairāśīviṣaviṣōpamaiḥ ॥ 11 ॥
tēnavīrēṇatapasāvaradānātsvayambhuvaḥ ।
astrambrahmaśiraḥprāptaṅkāmagāśchaturaṅgamāḥ ॥ 12 ॥
sa ēṣasahasainyēnaprāptaḥkilanikumbhilām ।
yadyutatiṣṭhētkṛtaṅkarmahatānsarvāṃśchaviddhinaḥ ॥ 13 ॥
nikumbhilāmasamprāptamahutāgniṃ cha yōripuḥ ।
tvāmātāyinaṃhanyādindraśatrōssatēvadhaḥ ॥ 14 ॥
varōdattōmahābāhō sarvalōkēśvarēṇavai ।
ityēvaṃvihitōrājanvadhastasyaiṣadhīmataḥ ॥ 15 ॥
vadhāyēndrajitōrāmasandiśasvamahābala ।
hatētasminhataṃviddhirāvaṇaṃsasuhṛjjanam ॥ 16 ॥
vibhīṣaṇavachśrutvārāmōvākyamathābravīt ।
jānāmitasyaraudrasyamāyāṃsatyaparākramaḥ ॥ 17 ॥
sa hibrahmāstravitprājñōmahāmāyōmahābala. ।
karōtyasañjñān saṅgrāmēdēvānsavaruṇānapi ॥ 18 ॥
tasyāntarikṣēcharataḥsarathasyamahāyaśaḥ ।
na gatirjñāyatēvīrasūryasyēvābhrasamlpavē ॥ 19 ॥
rāghavasturipōrjñātvāmāyāvīryandurātmanaḥ ।
lakṣmaṇaṅkīrtisampannamidaṃvachanamabravīt ॥ 20 ॥
yadvānarēndrasyabalantēnasarvēṇasamvṛtaḥ ।
hanūmatpramukhaiśchavayūthapaissahalakṣmaṇa ॥ 21 ॥
jāmbavēnārkṣapatināsahasainyēnasamvṛtaḥ ।
jahitaṃrākṣasasutammāyābalaviśāradam ॥ 22 ॥
ayantvāṃsachivaiḥsārthammahātmārajanīcharaḥ ।
abhijñastasyamāyānāmpṛṣṭhatō'nugamiṣyati ॥ 23 ॥
rāghavasyavachśrutvālakṣmaṇassavibhīṣaṇaḥ ।
jagrāhakārmukaśrēṣṭhamatyadbhutaparākramaḥ ॥ 24 ॥
sannaddhaḥkavachīkhaṅgīsaśarōvāmachāpabhṛt ।
rāmapādāvupaspṛśyahṛṣṭaḥsaumitrirabravīt ॥ 25 ॥
adyamatkārmukōnmuktāśśarānirbhidyarāvaṇim ।
laṅkāmabhitiṣyantihaṃsāḥpuṣkariṇīmiva ॥ 26 ॥
adyaivatasyaraudrasyaśarīrammāmakāśśarāḥ ।
vidhamiṣyantibhittvātammahāchāpaguṇachyutāḥ ॥ 27 ॥
ēvamuktvā sa dyutimān vachanambhrāturagrataḥ ।
sa rāvaṇivadhākāṅkṣīlakṣmaṇastvaritōyayau ॥ 28 ॥
sō'bhivādyagurōḥpādaukṛtvāchāpipradakṣiṇam ।
nikumbhilāmabhiyayauchaityaṃrāvaṇipālitam ॥ 29 ॥
vibhīṣaṇēnasahitōrājaputraḥpratāpavān ।
kṛtasvastyayanōbhrātrālakṣmaṇastvaritōyayau ॥ 30 ॥
vānarāṇāṃsahasraistuhanūmān bahubhirvṛtaḥ ।
vibhīṣaṇaśchasāmātyōtadālakṣmaṇamanvagāt ॥ 31 ॥
mahatāharisainyēnasavēgamabhisaṃvṛtaḥ ।
ṛkṣarājabalañchaivadadarśapathiviṣṭhitam ॥ 32 ॥
sa gatvādūramadhvānaṃsaumitrirmitranandanaḥ ।
rākṣasēndrabalandūrādapaśyadvyūhamāśritam ॥ 33 ॥
sa tamprāpyadhanuṣpāṇirmāyāyōgamarindamaḥ ।
tasthaubrahmavidhānēnavijētuṃraghunandanaḥ ॥ 34 ॥
bhīṣaṇēnasahitōrājaputraḥpratāpavān ।
aṅgadēna cha vīrēṇatathānilasutēna cha ॥ 35 ॥
vividhamamalaśastrabhāsvaraṃ ta ddhvajagahanaṃvipulammahārathaiścha ।
pratibhayatamamapramēyavēgantimiramivadviṣatāmbalaṃvivēśa ॥ 36 ॥
ityārṣē śrīmadrāmāyaṇē vālmīkīya ādikāvyē yuddhakāṇḍē pañchāśītitamassargaḥ ॥
