śrīmadvālmīkīya rāmāyaṇē yuddhakāṇḍam ।
atha saptanavatitamassargaḥ ।
tathātaiḥkṛttagātraistudaśagrīvēṇamārgaṇaiḥ ।
babhūvavasudhātatraprakīrṇāharibhistadā ॥ 1 ॥
rāvaṇasyāprasahyantaṃśarasampātamēkataḥ ।
na śēkussahitundīptampataṅgājvalanaṃyathā ॥ 2 ॥
tē'rditāniśitairbāṇaiḥkrōśantōvipradudruvuḥ ।
pāvakārchissamāviṣṭādahyamānāyathāgajāḥ ॥ 3 ॥
plavaṅganāmanīkānimahābhrāṇīvamārutaḥ ।
sayayausamarētasminvidhamanrāvaṇaśśaraiḥ ॥ 4 ॥
kadanantarasākṛtvārākṣasēndhrōvanaukasām ।
āsasādatatōtvaritaṃyuddhērāghavaṃstadā ॥ 5 ॥
sugrīvastānkapīndṛṣṭavābhagnānvidrāvitānraṇē ।
gulmēsuṣēṇannikṣipyachakrēyuddhē'dbhutammanaḥ ॥ 6 ॥
ātmanassadṛśaṃvīrassatannikṣipyavānaram ।
sugrīvō''bhimukhaśśatrumpratasthēpādapāyudhaḥ ॥ 7 ॥
pārśvataḥpṛṣṭhataśchāsyasarvēyūthādhipāssvayam ।
anujahrurmahāśailān vividhāṃśchamahādrumān ॥ 8 ॥
sanadanyudhisugrīvassvarēṇamahatāmahān ।
pātayanvividhāṃśchānyānñjagāmōttamarākṣasān ॥ 9 ॥
mamantha cha mahākāyānrākṣasānvānarēśvaraḥ ।
yugāntasamayēvāyuḥpravṛddhānagamāniva ॥ 10 ॥
rākṣasānāmanīkēṣuśailavarṣaṃvavarṣa ha ।
aśmavarṣaṃyathāmēghaḥpakṣisaṅghēṣukānanē ॥ 11 ॥
kapirājavimuktaistaiśśailavarṣaisturākṣasāḥ ।
vikīrṇaśirasaḥpēturnikṛttāivaparvatāḥ ॥ 12 ॥
athasaṅkṣīyamāṇēṣurākṣasēṣusamantataḥ ।
sugrīvēṇaprabhagnēṣupatatsuninadatsu cha ॥ 13 ॥
virūpākṣassvakannāmadhanvīviśrāvyarākṣasaḥ ।
rathādāplutyadurdharṣōgajaskandhamupāruhat ॥ 14 ॥
sa tandviradamāruhyavirūpākṣōmahārathaḥ ।
vanardabhanīmanirhrādaṃvānarānabhyadhāvata ॥ 15 ॥
sugrīvē sa śarānghōrānvisasarjachamūmukhē ।
sthāpayāmāsachōdvignānrākṣasān sampraharṣayan ॥ 16 ॥
satuviddhaśśitairbāṇaiḥkapīndrastēnarakṣasā ।
chukrōdha sa mahākrōdhōvadhēchāsyamanōdadhē ॥ 17 ॥
tataḥpādapamuddhṛtyaśūrassampradhanōhariḥ ।
abhipatyajaghānāsyapramukhētumahāgajam ॥ 18 ॥
sa tuprahārābhihatassugrīvēṇamahāgajaḥ ।
apāsarpaddhanurmātranniṣasādananāda cha ॥ 19 ॥
gajāttumathitāttūrṇamapakramya sa vīryavān ।
rākṣasō''bhimukhaśśatrumpratyudgamyatataḥkapim ॥ 20 ॥
ārṣabhañcharmakhaḍagaṃ cha pragṛhyalaghuvikramaḥ ।
bhartsayannivasugrīvamāsasādavyavasthitam ॥ 21 ॥
sa hitasyābhisaṅkṛddhaḥpragṛhyavipulāṃśilām ।
virūpākṣāyachikṣēpasugrīvōjaladōpamām ॥ 22 ॥
sa tāṃśilāmāpatantīndṛṣṭavārākṣasapuṅgavaḥ ।
apakramyasuvikrāntaḥkhaḍagēnaprāharattadā ॥ 23 ॥
tatō bhinnapraharaṇau muṣṭibhyān tau samīyatuḥ ।
tējō balasamāviṣṭau dīptāviva hutāśanau ॥ 24 ॥
sa tadā sa hasōtpatyarākṣasasyamahāhavē ।
muṣṭiṃsanvartyavēgēnapātayāmāsavakṣasi ॥ 25 ॥
muṣṭiprahārābhihatōvirūpākṣōniśācharaḥ ।
tēnakhaḍagēnasaṅkṛddassugrīvasyachamūmukhē ॥ 26 ॥
kavachampātayāmāsapadbhyāmabhihatō''patat ।
sa samutthāyapatitaḥkapistasyavyasarjayat ।
talaprahāramaśanēssamānambhīmanissvanam ॥ 27 ॥
talaprahārantadrakṣassugrīvēṇasamudyatam ।
naipuṇyānmōchayitvainammuṣṭinōrasyatāḍayat ॥ 28 ॥
tassusaṅkṛddhataraḥsugrīvōvānarēśvaraḥ ॥ 29 ॥
mōkṣitañchātmanōdṛṣṭavāprahārantēnarakṣasā ।
dadarśāntarantasyavirūpākṣasyavānaraḥ ॥ 30 ॥
tatōnyapātayatkrōdhāchChaṅkhadēśēmahāttalam ।
mahēndrāśanikalpēnatalēnābhihataḥkṣitau ॥ 31 ॥
papātarudhiraklinnaśśōṇitaṃsamudyaman ।
srōtōbhyastuvirūpākṣōjalamprasravaṇādiva ॥ 32 ॥
vivṛttanayanaṅkrōdhātsaphēnaṃrudhirāplutam ।
dadṛśustēvirūpākṣaṃvirūpākṣataraṅkṛtam ॥ 33 ॥
sphurantamparivartantampārśvēnarudhirōkṣitam ।
karuṇaṃ cha vinardantandadṛśuḥkapayōripum ॥ 34 ॥
tathātutausammyatisamprayuktau ।
tarasvinauvānararākṣasānām ॥ 35 ॥
vināśitamprēkṣyavirūpanētrammahābalantaṃharipārthivēna ।
balaṃsamastaṅkapirākṣasānāmunmattagaṅgāpratimambabhūva ॥ 36 ॥
ityārṣē śrīmadrāmāyaṇē vālmīkīya ādikāvyē yuddhakāṇḍē saptanavatitamassargaḥ ॥
