ଶ୍ରୀମଦ୍ଵାଲ୍ମୀକୀୟ ରାମାୟଣେ ୟୁଦ୍ଧକାଂଡମ୍ ।
ଅଥ ସପ୍ତନଵତିତମସ୍ସର୍ଗଃ ।
ତଥାତୈଃକୃତ୍ତଗାତ୍ରୈସ୍ତୁଦଶଗ୍ରୀଵେଣମାର୍ଗଣୈଃ ।
ବଭୂଵଵସୁଧାତତ୍ରପ୍ରକୀର୍ଣାହରିଭିସ୍ତଦା ॥ 1 ॥
ରାଵଣସ୍ୟାପ୍ରସହ୍ୟଂତଂଶରସଂପାତମେକତଃ ।
ନ ଶେକୁସ୍ସହିତୁଂଦୀପ୍ତଂପତଂଗାଜ୍ଵଲନଂୟଥା ॥ 2 ॥
ତେଽର୍ଦିତାନିଶିତୈର୍ବାଣୈଃକ୍ରୋଶଂତୋଵିପ୍ରଦୁଦ୍ରୁଵୁଃ ।
ପାଵକାର୍ଚିସ୍ସମାଵିଷ୍ଟାଦହ୍ୟମାନାୟଥାଗଜାଃ ॥ 3 ॥
ପ୍ଲଵଂଗନାମନୀକାନିମହାଭ୍ରାଣୀଵମାରୁତଃ ।
ସୟୟୌସମରେତସ୍ମିନ୍ଵିଧମନ୍ରାଵଣଶ୍ଶରୈଃ ॥ 4 ॥
କଦନଂତରସାକୃତ୍ଵାରାକ୍ଷସେଂଧ୍ରୋଵନୌକସାମ୍ ।
ଆସସାଦତତୋତ୍ଵରିତଂୟୁଦ୍ଧେରାଘଵଂସ୍ତଦା ॥ 5 ॥
ସୁଗ୍ରୀଵସ୍ତାନ୍କପୀଂଦୃଷ୍ଟଵାଭଗ୍ନାନ୍ଵିଦ୍ରାଵିତାନ୍ରଣେ ।
ଗୁଲ୍ମେସୁଷେଣଂନିକ୍ଷିପ୍ୟଚକ୍ରେୟୁଦ୍ଧେଽଦ୍ଭୁତଂମନଃ ॥ 6 ॥
ଆତ୍ମନସ୍ସଦୃଶଂଵୀରସ୍ସତଂନିକ୍ଷିପ୍ୟଵାନରମ୍ ।
ସୁଗ୍ରୀଵୋଽଽଭିମୁଖଶ୍ଶତ୍ରୁଂପ୍ରତସ୍ଥେପାଦପାୟୁଧଃ ॥ 7 ॥
ପାର୍ଶ୍ଵତଃପୃଷ୍ଠତଶ୍ଚାସ୍ୟସର୍ଵେୟୂଥାଧିପାସ୍ସ୍ଵୟମ୍ ।
ଅନୁଜହ୍ରୁର୍ମହାଶୈଲାନ୍ ଵିଵିଧାଂଶ୍ଚମହାଦ୍ରୁମାନ୍ ॥ 8 ॥
ସନଦନ୍ୟୁଧିସୁଗ୍ରୀଵସ୍ସ୍ଵରେଣମହତାମହାନ୍ ।
ପାତୟନ୍ଵିଵିଧାଂଶ୍ଚାନ୍ୟାନଂଜଗାମୋତ୍ତମରାକ୍ଷସାନ୍ ॥ 9 ॥
ମମଂଥ ଚ ମହାକାୟାନ୍ରାକ୍ଷସାନ୍ଵାନରେଶ୍ଵରଃ ।
ୟୁଗାଂତସମୟେଵାୟୁଃପ୍ରଵୃଦ୍ଧାନଗମାନିଵ ॥ 10 ॥
ରାକ୍ଷସାନାମନୀକେଷୁଶୈଲଵର୍ଷଂଵଵର୍ଷ ହ ।
ଅଶ୍ମଵର୍ଷଂୟଥାମେଘଃପକ୍ଷିସଂଘେଷୁକାନନେ ॥ 11 ॥
କପିରାଜଵିମୁକ୍ତୈସ୍ତୈଶ୍ଶୈଲଵର୍ଷୈସ୍ତୁରାକ୍ଷସାଃ ।
ଵିକୀର୍ଣଶିରସଃପେତୁର୍ନିକୃତ୍ତାଇଵପର୍ଵତାଃ ॥ 12 ॥
ଅଥସଂକ୍ଷୀୟମାଣେଷୁରାକ୍ଷସେଷୁସମଂତତଃ ।
ସୁଗ୍ରୀଵେଣପ୍ରଭଗ୍ନେଷୁପତତ୍ସୁନିନଦତ୍ସୁ ଚ ॥ 13 ॥
ଵିରୂପାକ୍ଷସ୍ସ୍ଵକଂନାମଧନ୍ଵୀଵିଶ୍ରାଵ୍ୟରାକ୍ଷସଃ ।
ରଥାଦାପ୍ଲୁତ୍ୟଦୁର୍ଧର୍ଷୋଗଜସ୍କଂଧମୁପାରୁହତ୍ ॥ 14 ॥
ସ ତଂଦ୍ଵିରଦମାରୁହ୍ୟଵିରୂପାକ୍ଷୋମହାରଥଃ ।
ଵନର୍ଦଭନୀମନିର୍ହ୍ରାଦଂଵାନରାନଭ୍ୟଧାଵତ ॥ 15 ॥
ସୁଗ୍ରୀଵେ ସ ଶରାନ୍ଘୋରାନ୍ଵିସସର୍ଜଚମୂମୁଖେ ।
ସ୍ଥାପୟାମାସଚୋଦ୍ଵିଗ୍ନାନ୍ରାକ୍ଷସାନ୍ ସଂପ୍ରହର୍ଷୟନ୍ ॥ 16 ॥
ସତୁଵିଦ୍ଧଶ୍ଶିତୈର୍ବାଣୈଃକପୀଂଦ୍ରସ୍ତେନରକ୍ଷସା ।
ଚୁକ୍ରୋଧ ସ ମହାକ୍ରୋଧୋଵଧେଚାସ୍ୟମନୋଦଧେ ॥ 17 ॥
ତତଃପାଦପମୁଦ୍ଧୃତ୍ୟଶୂରସ୍ସଂପ୍ରଧନୋହରିଃ ।
ଅଭିପତ୍ୟଜଘାନାସ୍ୟପ୍ରମୁଖେତୁମହାଗଜମ୍ ॥ 18 ॥
ସ ତୁପ୍ରହାରାଭିହତସ୍ସୁଗ୍ରୀଵେଣମହାଗଜଃ ।
ଅପାସର୍ପଦ୍ଧନୁର୍ମାତ୍ରଂନିଷସାଦନନାଦ ଚ ॥ 19 ॥
ଗଜାତ୍ତୁମଥିତାତ୍ତୂର୍ଣମପକ୍ରମ୍ୟ ସ ଵୀର୍ୟଵାନ୍ ।
ରାକ୍ଷସୋଽଽଭିମୁଖଶ୍ଶତ୍ରୁଂପ୍ରତ୍ୟୁଦ୍ଗମ୍ୟତତଃକପିମ୍ ॥ 20 ॥
ଆର୍ଷଭଂଚର୍ମଖଡଗଂ ଚ ପ୍ରଗୃହ୍ୟଲଘୁଵିକ୍ରମଃ ।
ଭର୍ତ୍ସୟନ୍ନିଵସୁଗ୍ରୀଵମାସସାଦଵ୍ୟଵସ୍ଥିତମ୍ ॥ 21 ॥
ସ ହିତସ୍ୟାଭିସଂକୃଦ୍ଧଃପ୍ରଗୃହ୍ୟଵିପୁଲାଂଶିଲାମ୍ ।
ଵିରୂପାକ୍ଷାୟଚିକ୍ଷେପସୁଗ୍ରୀଵୋଜଲଦୋପମାମ୍ ॥ 22 ॥
ସ ତାଂଶିଲାମାପତଂତୀଂଦୃଷ୍ଟଵାରାକ୍ଷସପୁଂଗଵଃ ।
ଅପକ୍ରମ୍ୟସୁଵିକ୍ରାଂତଃଖଡଗେନପ୍ରାହରତ୍ତଦା ॥ 23 ॥
ତତୋ ଭିନ୍ନପ୍ରହରଣୌ ମୁଷ୍ଟିଭ୍ୟାନ୍ ତୌ ସମୀୟତୁଃ ।
ତେଜୋ ବଲସମାଵିଷ୍ଟୌ ଦୀପ୍ତାଵିଵ ହୁତାଶନୌ ॥ 24 ॥
ସ ତଦା ସ ହସୋତ୍ପତ୍ୟରାକ୍ଷସସ୍ୟମହାହଵେ ।
ମୁଷ୍ଟିଂସନ୍ଵର୍ତ୍ୟଵେଗେନପାତୟାମାସଵକ୍ଷସି ॥ 25 ॥
ମୁଷ୍ଟିପ୍ରହାରାଭିହତୋଵିରୂପାକ୍ଷୋନିଶାଚରଃ ।
ତେନଖଡଗେନସଂକୃଦ୍ଦସ୍ସୁଗ୍ରୀଵସ୍ୟଚମୂମୁଖେ ॥ 26 ॥
କଵଚଂପାତୟାମାସପଦ୍ଭ୍ୟାମଭିହତୋଽଽପତତ୍ ।
ସ ସମୁତ୍ଥାୟପତିତଃକପିସ୍ତସ୍ୟଵ୍ୟସର୍ଜୟତ୍ ।
ତଲପ୍ରହାରମଶନେସ୍ସମାନଂଭୀମନିସ୍ସ୍ଵନମ୍ ॥ 27 ॥
ତଲପ୍ରହାରଂତଦ୍ରକ୍ଷସ୍ସୁଗ୍ରୀଵେଣସମୁଦ୍ୟତମ୍ ।
ନୈପୁଣ୍ୟାନ୍ମୋଚୟିତ୍ଵୈନଂମୁଷ୍ଟିନୋରସ୍ୟତାଡୟତ୍ ॥ 28 ॥
ତସ୍ସୁସଂକୃଦ୍ଧତରଃସୁଗ୍ରୀଵୋଵାନରେଶ୍ଵରଃ ॥ 29 ॥
ମୋକ୍ଷିତଂଚାତ୍ମନୋଦୃଷ୍ଟଵାପ୍ରହାରଂତେନରକ୍ଷସା ।
ଦଦର୍ଶାଂତରଂତସ୍ୟଵିରୂପାକ୍ଷସ୍ୟଵାନରଃ ॥ 30 ॥
ତତୋନ୍ୟପାତୟତ୍କ୍ରୋଧାଚ୍ଛଂଖଦେଶେମହାତ୍ତଲମ୍ ।
ମହେଂଦ୍ରାଶନିକଲ୍ପେନତଲେନାଭିହତଃକ୍ଷିତୌ ॥ 31 ॥
ପପାତରୁଧିରକ୍ଲିନ୍ନଶ୍ଶୋଣିତଂସମୁଦ୍ୟମନ୍ ।
ସ୍ରୋତୋଭ୍ୟସ୍ତୁଵିରୂପାକ୍ଷୋଜଲଂପ୍ରସ୍ରଵଣାଦିଵ ॥ 32 ॥
ଵିଵୃତ୍ତନୟନଂକ୍ରୋଧାତ୍ସଫେନଂରୁଧିରାପ୍ଲୁତମ୍ ।
ଦଦୃଶୁସ୍ତେଵିରୂପାକ୍ଷଂଵିରୂପାକ୍ଷତରଂକୃତମ୍ ॥ 33 ॥
ସ୍ଫୁରଂତଂପରିଵର୍ତଂତଂପାର୍ଶ୍ଵେନରୁଧିରୋକ୍ଷିତମ୍ ।
କରୁଣଂ ଚ ଵିନର୍ଦଂତଂଦଦୃଶୁଃକପୟୋରିପୁମ୍ ॥ 34 ॥
ତଥାତୁତୌସଂମ୍ୟତିସଂପ୍ରୟୁକ୍ତୌ ।
ତରସ୍ଵିନୌଵାନରରାକ୍ଷସାନାମ୍ ॥ 35 ॥
ଵିନାଶିତଂପ୍ରେକ୍ଷ୍ୟଵିରୂପନେତ୍ରଂମହାବଲଂତଂହରିପାର୍ଥିଵେନ ।
ବଲଂସମସ୍ତଂକପିରାକ୍ଷସାନାମୁନ୍ମତ୍ତଗଂଗାପ୍ରତିମଂବଭୂଵ ॥ 36 ॥
ଇତ୍ୟାର୍ଷେ ଶ୍ରୀମଦ୍ରାମାୟଣେ ଵାଲ୍ମୀକୀୟ ଆଦିକାଵ୍ୟେ ୟୁଦ୍ଧକାଂଡେ ସପ୍ତନଵତିତମସ୍ସର୍ଗଃ ॥
