Meaning, Multimedia
View this in:
| English | Devanagari | Telugu | Tamil | Kannada | Malayalam | Gujarati | Odia | Bengali  |
| Marathi | Assamese | Punjabi | Hindi | Samskritam | Konkani | Nepali | Sinhala | Grantha  |

6.𑍯𑍭 𑌯𑍁𑌦𑍍𑌧𑌕𑌾𑌂𑌡 - 𑌸𑌪𑍍𑌤𑌨𑌵𑌤𑌿𑌤𑌮 𑌸𑌰𑍍𑌗𑌃

𑌶𑍍𑌰𑍀𑌮𑌦𑍍𑌵𑌾𑌲𑍍𑌮𑍀𑌕𑍀𑌯 𑌰𑌾𑌮𑌾𑌯𑌣𑍇 𑌯𑍁𑌦𑍍𑌧𑌕𑌾𑌂𑌡𑌮𑍍 ।
𑌅𑌥 𑌸𑌪𑍍𑌤𑌨𑌵𑌤𑌿𑌤𑌮𑌸𑍍𑌸𑌰𑍍𑌗𑌃 ।

𑌤𑌥𑌾𑌤𑍈𑌃𑌕𑍃𑌤𑍍𑌤𑌗𑌾𑌤𑍍𑌰𑍈𑌸𑍍𑌤𑍁𑌦𑌶𑌗𑍍𑌰𑍀𑌵𑍇𑌣𑌮𑌾𑌰𑍍𑌗𑌣𑍈𑌃 ।
𑌬𑌭𑍂𑌵𑌵𑌸𑍁𑌧𑌾𑌤𑌤𑍍𑌰𑌪𑍍𑌰𑌕𑍀𑌰𑍍𑌣𑌾𑌹𑌰𑌿𑌭𑌿𑌸𑍍𑌤𑌦𑌾 ॥ 1 ॥

𑌰𑌾𑌵𑌣𑌸𑍍𑌯𑌾𑌪𑍍𑌰𑌸𑌹𑍍𑌯𑌂𑌤𑌂𑌶𑌰𑌸𑌂𑌪𑌾𑌤𑌮𑍇𑌕𑌤𑌃 ।
𑌨 𑌶𑍇𑌕𑍁𑌸𑍍𑌸𑌹𑌿𑌤𑍁𑌂𑌦𑍀𑌪𑍍𑌤𑌂𑌪𑌤𑌂𑌗𑌾𑌜𑍍𑌵𑌲𑌨𑌂𑌯𑌥𑌾 ॥ 2 ॥

𑌤𑍇𑌽𑌰𑍍𑌦𑌿𑌤𑌾𑌨𑌿𑌶𑌿𑌤𑍈𑌰𑍍𑌬𑌾𑌣𑍈𑌃𑌕𑍍𑌰𑍋𑌶𑌂𑌤𑍋𑌵𑌿𑌪𑍍𑌰𑌦𑍁𑌦𑍍𑌰𑍁𑌵𑍁𑌃 ।
𑌪𑌾𑌵𑌕𑌾𑌰𑍍𑌚𑌿𑌸𑍍𑌸𑌮𑌾𑌵𑌿𑌷𑍍𑌟𑌾𑌦𑌹𑍍𑌯𑌮𑌾𑌨𑌾𑌯𑌥𑌾𑌗𑌜𑌾𑌃 ॥ 3 ॥

𑌪𑍍𑌲𑌵𑌂𑌗𑌨𑌾𑌮𑌨𑍀𑌕𑌾𑌨𑌿𑌮𑌹𑌾𑌭𑍍𑌰𑌾𑌣𑍀𑌵𑌮𑌾𑌰𑍁𑌤𑌃 ।
𑌸𑌯𑌯𑍌𑌸𑌮𑌰𑍇𑌤𑌸𑍍𑌮𑌿𑌨𑍍𑌵𑌿𑌧𑌮𑌨𑍍𑌰𑌾𑌵𑌣𑌶𑍍𑌶𑌰𑍈𑌃 ॥ 4 ॥

𑌕𑌦𑌨𑌂𑌤𑌰𑌸𑌾𑌕𑍃𑌤𑍍𑌵𑌾𑌰𑌾𑌕𑍍𑌷𑌸𑍇𑌂𑌧𑍍𑌰𑍋𑌵𑌨𑍌𑌕𑌸𑌾𑌮𑍍 ।
𑌆𑌸𑌸𑌾𑌦𑌤𑌤𑍋𑌤𑍍𑌵𑌰𑌿𑌤𑌂𑌯𑍁𑌦𑍍𑌧𑍇𑌰𑌾𑌘𑌵𑌂𑌸𑍍𑌤𑌦𑌾 ॥ 5 ॥

𑌸𑍁𑌗𑍍𑌰𑍀𑌵𑌸𑍍𑌤𑌾𑌨𑍍𑌕𑌪𑍀𑌂𑌦𑍃𑌷𑍍𑌟𑌵𑌾𑌭𑌗𑍍𑌨𑌾𑌨𑍍𑌵𑌿𑌦𑍍𑌰𑌾𑌵𑌿𑌤𑌾𑌨𑍍𑌰𑌣𑍇 ।
𑌗𑍁𑌲𑍍𑌮𑍇𑌸𑍁𑌷𑍇𑌣𑌂𑌨𑌿𑌕𑍍𑌷𑌿𑌪𑍍𑌯𑌚𑌕𑍍𑌰𑍇𑌯𑍁𑌦𑍍𑌧𑍇𑌽𑌦𑍍𑌭𑍁𑌤𑌂𑌮𑌨𑌃 ॥ 6 ॥

𑌆𑌤𑍍𑌮𑌨𑌸𑍍𑌸𑌦𑍃𑌶𑌂𑌵𑍀𑌰𑌸𑍍𑌸𑌤𑌂𑌨𑌿𑌕𑍍𑌷𑌿𑌪𑍍𑌯𑌵𑌾𑌨𑌰𑌮𑍍 ।
𑌸𑍁𑌗𑍍𑌰𑍀𑌵𑍋𑌽𑌽𑌭𑌿𑌮𑍁𑌖𑌶𑍍𑌶𑌤𑍍𑌰𑍁𑌂𑌪𑍍𑌰𑌤𑌸𑍍𑌥𑍇𑌪𑌾𑌦𑌪𑌾𑌯𑍁𑌧𑌃 ॥ 𑍭 ॥

𑌪𑌾𑌰𑍍𑌶𑍍𑌵𑌤𑌃𑌪𑍃𑌷𑍍𑌠𑌤𑌶𑍍𑌚𑌾𑌸𑍍𑌯𑌸𑌰𑍍𑌵𑍇𑌯𑍂𑌥𑌾𑌧𑌿𑌪𑌾𑌸𑍍𑌸𑍍𑌵𑌯𑌮𑍍 ।
𑌅𑌨𑍁𑌜𑌹𑍍𑌰𑍁𑌰𑍍𑌮𑌹𑌾𑌶𑍈𑌲𑌾𑌨𑍍 𑌵𑌿𑌵𑌿𑌧𑌾𑌂𑌶𑍍𑌚𑌮𑌹𑌾𑌦𑍍𑌰𑍁𑌮𑌾𑌨𑍍 ॥ 𑍮 ॥

𑌸𑌨𑌦𑌨𑍍𑌯𑍁𑌧𑌿𑌸𑍁𑌗𑍍𑌰𑍀𑌵𑌸𑍍𑌸𑍍𑌵𑌰𑍇𑌣𑌮𑌹𑌤𑌾𑌮𑌹𑌾𑌨𑍍 ।
𑌪𑌾𑌤𑌯𑌨𑍍𑌵𑌿𑌵𑌿𑌧𑌾𑌂𑌶𑍍𑌚𑌾𑌨𑍍𑌯𑌾𑌨𑌂𑌜𑌗𑌾𑌮𑍋𑌤𑍍𑌤𑌮𑌰𑌾𑌕𑍍𑌷𑌸𑌾𑌨𑍍 ॥ 𑍯 ॥

𑌮𑌮𑌂𑌥 𑌚 𑌮𑌹𑌾𑌕𑌾𑌯𑌾𑌨𑍍𑌰𑌾𑌕𑍍𑌷𑌸𑌾𑌨𑍍𑌵𑌾𑌨𑌰𑍇𑌶𑍍𑌵𑌰𑌃 ।
𑌯𑍁𑌗𑌾𑌂𑌤𑌸𑌮𑌯𑍇𑌵𑌾𑌯𑍁𑌃𑌪𑍍𑌰𑌵𑍃𑌦𑍍𑌧𑌾𑌨𑌗𑌮𑌾𑌨𑌿𑌵 ॥ 10 ॥

𑌰𑌾𑌕𑍍𑌷𑌸𑌾𑌨𑌾𑌮𑌨𑍀𑌕𑍇𑌷𑍁𑌶𑍈𑌲𑌵𑌰𑍍𑌷𑌂𑌵𑌵𑌰𑍍𑌷 𑌹 ।
𑌅𑌶𑍍𑌮𑌵𑌰𑍍𑌷𑌂𑌯𑌥𑌾𑌮𑍇𑌘𑌃𑌪𑌕𑍍𑌷𑌿𑌸𑌂𑌘𑍇𑌷𑍁𑌕𑌾𑌨𑌨𑍇 ॥ 11 ॥

𑌕𑌪𑌿𑌰𑌾𑌜𑌵𑌿𑌮𑍁𑌕𑍍𑌤𑍈𑌸𑍍𑌤𑍈𑌶𑍍𑌶𑍈𑌲𑌵𑌰𑍍𑌷𑍈𑌸𑍍𑌤𑍁𑌰𑌾𑌕𑍍𑌷𑌸𑌾𑌃 ।
𑌵𑌿𑌕𑍀𑌰𑍍𑌣𑌶𑌿𑌰𑌸𑌃𑌪𑍇𑌤𑍁𑌰𑍍𑌨𑌿𑌕𑍃𑌤𑍍𑌤𑌾𑌇𑌵𑌪𑌰𑍍𑌵𑌤𑌾𑌃 ॥ 12 ॥

𑌅𑌥𑌸𑌂𑌕𑍍𑌷𑍀𑌯𑌮𑌾𑌣𑍇𑌷𑍁𑌰𑌾𑌕𑍍𑌷𑌸𑍇𑌷𑍁𑌸𑌮𑌂𑌤𑌤𑌃 ।
𑌸𑍁𑌗𑍍𑌰𑍀𑌵𑍇𑌣𑌪𑍍𑌰𑌭𑌗𑍍𑌨𑍇𑌷𑍁𑌪𑌤𑌤𑍍𑌸𑍁𑌨𑌿𑌨𑌦𑌤𑍍𑌸𑍁 𑌚 ॥ 13 ॥

𑌵𑌿𑌰𑍂𑌪𑌾𑌕𑍍𑌷𑌸𑍍𑌸𑍍𑌵𑌕𑌂𑌨𑌾𑌮𑌧𑌨𑍍𑌵𑍀𑌵𑌿𑌶𑍍𑌰𑌾𑌵𑍍𑌯𑌰𑌾𑌕𑍍𑌷𑌸𑌃 ।
𑌰𑌥𑌾𑌦𑌾𑌪𑍍𑌲𑍁𑌤𑍍𑌯𑌦𑍁𑌰𑍍𑌧𑌰𑍍𑌷𑍋𑌗𑌜𑌸𑍍𑌕𑌂𑌧𑌮𑍁𑌪𑌾𑌰𑍁𑌹𑌤𑍍 ॥ 14 ॥

𑌸 𑌤𑌂𑌦𑍍𑌵𑌿𑌰𑌦𑌮𑌾𑌰𑍁𑌹𑍍𑌯𑌵𑌿𑌰𑍂𑌪𑌾𑌕𑍍𑌷𑍋𑌮𑌹𑌾𑌰𑌥𑌃 ।
𑌵𑌨𑌰𑍍𑌦𑌭𑌨𑍀𑌮𑌨𑌿𑌰𑍍𑌹𑍍𑌰𑌾𑌦𑌂𑌵𑌾𑌨𑌰𑌾𑌨𑌭𑍍𑌯𑌧𑌾𑌵𑌤 ॥ 15 ॥

𑌸𑍁𑌗𑍍𑌰𑍀𑌵𑍇 𑌸 𑌶𑌰𑌾𑌨𑍍𑌘𑍋𑌰𑌾𑌨𑍍𑌵𑌿𑌸𑌸𑌰𑍍𑌜𑌚𑌮𑍂𑌮𑍁𑌖𑍇 ।
𑌸𑍍𑌥𑌾𑌪𑌯𑌾𑌮𑌾𑌸𑌚𑍋𑌦𑍍𑌵𑌿𑌗𑍍𑌨𑌾𑌨𑍍𑌰𑌾𑌕𑍍𑌷𑌸𑌾𑌨𑍍 𑌸𑌂𑌪𑍍𑌰𑌹𑌰𑍍𑌷𑌯𑌨𑍍 ॥ 16 ॥

𑌸𑌤𑍁𑌵𑌿𑌦𑍍𑌧𑌶𑍍𑌶𑌿𑌤𑍈𑌰𑍍𑌬𑌾𑌣𑍈𑌃𑌕𑌪𑍀𑌂𑌦𑍍𑌰𑌸𑍍𑌤𑍇𑌨𑌰𑌕𑍍𑌷𑌸𑌾 ।
𑌚𑍁𑌕𑍍𑌰𑍋𑌧 𑌸 𑌮𑌹𑌾𑌕𑍍𑌰𑍋𑌧𑍋𑌵𑌧𑍇𑌚𑌾𑌸𑍍𑌯𑌮𑌨𑍋𑌦𑌧𑍇 ॥ 1𑍭 ॥

𑌤𑌤𑌃𑌪𑌾𑌦𑌪𑌮𑍁𑌦𑍍𑌧𑍃𑌤𑍍𑌯𑌶𑍂𑌰𑌸𑍍𑌸𑌂𑌪𑍍𑌰𑌧𑌨𑍋𑌹𑌰𑌿𑌃 ।
𑌅𑌭𑌿𑌪𑌤𑍍𑌯𑌜𑌘𑌾𑌨𑌾𑌸𑍍𑌯𑌪𑍍𑌰𑌮𑍁𑌖𑍇𑌤𑍁𑌮𑌹𑌾𑌗𑌜𑌮𑍍 ॥ 1𑍮 ॥

𑌸 𑌤𑍁𑌪𑍍𑌰𑌹𑌾𑌰𑌾𑌭𑌿𑌹𑌤𑌸𑍍𑌸𑍁𑌗𑍍𑌰𑍀𑌵𑍇𑌣𑌮𑌹𑌾𑌗𑌜𑌃 ।
𑌅𑌪𑌾𑌸𑌰𑍍𑌪𑌦𑍍𑌧𑌨𑍁𑌰𑍍𑌮𑌾𑌤𑍍𑌰𑌂𑌨𑌿𑌷𑌸𑌾𑌦𑌨𑌨𑌾𑌦 𑌚 ॥ 1𑍯 ॥

𑌗𑌜𑌾𑌤𑍍𑌤𑍁𑌮𑌥𑌿𑌤𑌾𑌤𑍍𑌤𑍂𑌰𑍍𑌣𑌮𑌪𑌕𑍍𑌰𑌮𑍍𑌯 𑌸 𑌵𑍀𑌰𑍍𑌯𑌵𑌾𑌨𑍍 ।
𑌰𑌾𑌕𑍍𑌷𑌸𑍋𑌽𑌽𑌭𑌿𑌮𑍁𑌖𑌶𑍍𑌶𑌤𑍍𑌰𑍁𑌂𑌪𑍍𑌰𑌤𑍍𑌯𑍁𑌦𑍍𑌗𑌮𑍍𑌯𑌤𑌤𑌃𑌕𑌪𑌿𑌮𑍍 ॥ 20 ॥

𑌆𑌰𑍍𑌷𑌭𑌂𑌚𑌰𑍍𑌮𑌖𑌡𑌗𑌂 𑌚 𑌪𑍍𑌰𑌗𑍃𑌹𑍍𑌯𑌲𑌘𑍁𑌵𑌿𑌕𑍍𑌰𑌮𑌃 ।
𑌭𑌰𑍍𑌤𑍍𑌸𑌯𑌨𑍍𑌨𑌿𑌵𑌸𑍁𑌗𑍍𑌰𑍀𑌵𑌮𑌾𑌸𑌸𑌾𑌦𑌵𑍍𑌯𑌵𑌸𑍍𑌥𑌿𑌤𑌮𑍍 ॥ 21 ॥

𑌸 𑌹𑌿𑌤𑌸𑍍𑌯𑌾𑌭𑌿𑌸𑌂𑌕𑍃𑌦𑍍𑌧𑌃𑌪𑍍𑌰𑌗𑍃𑌹𑍍𑌯𑌵𑌿𑌪𑍁𑌲𑌾𑌂𑌶𑌿𑌲𑌾𑌮𑍍 ।
𑌵𑌿𑌰𑍂𑌪𑌾𑌕𑍍𑌷𑌾𑌯𑌚𑌿𑌕𑍍𑌷𑍇𑌪𑌸𑍁𑌗𑍍𑌰𑍀𑌵𑍋𑌜𑌲𑌦𑍋𑌪𑌮𑌾𑌮𑍍 ॥ 22 ॥

𑌸 𑌤𑌾𑌂𑌶𑌿𑌲𑌾𑌮𑌾𑌪𑌤𑌂𑌤𑍀𑌂𑌦𑍃𑌷𑍍𑌟𑌵𑌾𑌰𑌾𑌕𑍍𑌷𑌸𑌪𑍁𑌂𑌗𑌵𑌃 ।
𑌅𑌪𑌕𑍍𑌰𑌮𑍍𑌯𑌸𑍁𑌵𑌿𑌕𑍍𑌰𑌾𑌂𑌤𑌃𑌖𑌡𑌗𑍇𑌨𑌪𑍍𑌰𑌾𑌹𑌰𑌤𑍍𑌤𑌦𑌾 ॥ 23 ॥

𑌤𑌤𑍋 𑌭𑌿𑌨𑍍𑌨𑌪𑍍𑌰𑌹𑌰𑌣𑍌 𑌮𑍁𑌷𑍍𑌟𑌿𑌭𑍍𑌯𑌾𑌨𑍍 𑌤𑍌 𑌸𑌮𑍀𑌯𑌤𑍁𑌃 ।
𑌤𑍇𑌜𑍋 𑌬𑌲𑌸𑌮𑌾𑌵𑌿𑌷𑍍𑌟𑍌 𑌦𑍀𑌪𑍍𑌤𑌾𑌵𑌿𑌵 𑌹𑍁𑌤𑌾𑌶𑌨𑍌 ॥ 24 ॥

𑌸 𑌤𑌦𑌾 𑌸 𑌹𑌸𑍋𑌤𑍍𑌪𑌤𑍍𑌯𑌰𑌾𑌕𑍍𑌷𑌸𑌸𑍍𑌯𑌮𑌹𑌾𑌹𑌵𑍇 ।
𑌮𑍁𑌷𑍍𑌟𑌿𑌂𑌸𑌨𑍍𑌵𑌰𑍍𑌤𑍍𑌯𑌵𑍇𑌗𑍇𑌨𑌪𑌾𑌤𑌯𑌾𑌮𑌾𑌸𑌵𑌕𑍍𑌷𑌸𑌿 ॥ 25 ॥

𑌮𑍁𑌷𑍍𑌟𑌿𑌪𑍍𑌰𑌹𑌾𑌰𑌾𑌭𑌿𑌹𑌤𑍋𑌵𑌿𑌰𑍂𑌪𑌾𑌕𑍍𑌷𑍋𑌨𑌿𑌶𑌾𑌚𑌰𑌃 ।
𑌤𑍇𑌨𑌖𑌡𑌗𑍇𑌨𑌸𑌂𑌕𑍃𑌦𑍍𑌦𑌸𑍍𑌸𑍁𑌗𑍍𑌰𑍀𑌵𑌸𑍍𑌯𑌚𑌮𑍂𑌮𑍁𑌖𑍇 ॥ 26 ॥

𑌕𑌵𑌚𑌂𑌪𑌾𑌤𑌯𑌾𑌮𑌾𑌸𑌪𑌦𑍍𑌭𑍍𑌯𑌾𑌮𑌭𑌿𑌹𑌤𑍋𑌽𑌽𑌪𑌤𑌤𑍍 ।
𑌸 𑌸𑌮𑍁𑌤𑍍𑌥𑌾𑌯𑌪𑌤𑌿𑌤𑌃𑌕𑌪𑌿𑌸𑍍𑌤𑌸𑍍𑌯𑌵𑍍𑌯𑌸𑌰𑍍𑌜𑌯𑌤𑍍 ।
𑌤𑌲𑌪𑍍𑌰𑌹𑌾𑌰𑌮𑌶𑌨𑍇𑌸𑍍𑌸𑌮𑌾𑌨𑌂𑌭𑍀𑌮𑌨𑌿𑌸𑍍𑌸𑍍𑌵𑌨𑌮𑍍 ॥ 2𑍭 ॥

𑌤𑌲𑌪𑍍𑌰𑌹𑌾𑌰𑌂𑌤𑌦𑍍𑌰𑌕𑍍𑌷𑌸𑍍𑌸𑍁𑌗𑍍𑌰𑍀𑌵𑍇𑌣𑌸𑌮𑍁𑌦𑍍𑌯𑌤𑌮𑍍 ।
𑌨𑍈𑌪𑍁𑌣𑍍𑌯𑌾𑌨𑍍𑌮𑍋𑌚𑌯𑌿𑌤𑍍𑌵𑍈𑌨𑌂𑌮𑍁𑌷𑍍𑌟𑌿𑌨𑍋𑌰𑌸𑍍𑌯𑌤𑌾𑌡𑌯𑌤𑍍 ॥ 2𑍮 ॥

𑌤𑌸𑍍𑌸𑍁𑌸𑌂𑌕𑍃𑌦𑍍𑌧𑌤𑌰𑌃𑌸𑍁𑌗𑍍𑌰𑍀𑌵𑍋𑌵𑌾𑌨𑌰𑍇𑌶𑍍𑌵𑌰𑌃 ॥ 2𑍯 ॥

𑌮𑍋𑌕𑍍𑌷𑌿𑌤𑌂𑌚𑌾𑌤𑍍𑌮𑌨𑍋𑌦𑍃𑌷𑍍𑌟𑌵𑌾𑌪𑍍𑌰𑌹𑌾𑌰𑌂𑌤𑍇𑌨𑌰𑌕𑍍𑌷𑌸𑌾 ।
𑌦𑌦𑌰𑍍𑌶𑌾𑌂𑌤𑌰𑌂𑌤𑌸𑍍𑌯𑌵𑌿𑌰𑍂𑌪𑌾𑌕𑍍𑌷𑌸𑍍𑌯𑌵𑌾𑌨𑌰𑌃 ॥ 30 ॥

𑌤𑌤𑍋𑌨𑍍𑌯𑌪𑌾𑌤𑌯𑌤𑍍𑌕𑍍𑌰𑍋𑌧𑌾𑌚𑍍𑌛𑌂𑌖𑌦𑍇𑌶𑍇𑌮𑌹𑌾𑌤𑍍𑌤𑌲𑌮𑍍 ।
𑌮𑌹𑍇𑌂𑌦𑍍𑌰𑌾𑌶𑌨𑌿𑌕𑌲𑍍𑌪𑍇𑌨𑌤𑌲𑍇𑌨𑌾𑌭𑌿𑌹𑌤𑌃𑌕𑍍𑌷𑌿𑌤𑍌 ॥ 31 ॥

𑌪𑌪𑌾𑌤𑌰𑍁𑌧𑌿𑌰𑌕𑍍𑌲𑌿𑌨𑍍𑌨𑌶𑍍𑌶𑍋𑌣𑌿𑌤𑌂𑌸𑌮𑍁𑌦𑍍𑌯𑌮𑌨𑍍 ।
𑌸𑍍𑌰𑍋𑌤𑍋𑌭𑍍𑌯𑌸𑍍𑌤𑍁𑌵𑌿𑌰𑍂𑌪𑌾𑌕𑍍𑌷𑍋𑌜𑌲𑌂𑌪𑍍𑌰𑌸𑍍𑌰𑌵𑌣𑌾𑌦𑌿𑌵 ॥ 32 ॥

𑌵𑌿𑌵𑍃𑌤𑍍𑌤𑌨𑌯𑌨𑌂𑌕𑍍𑌰𑍋𑌧𑌾𑌤𑍍𑌸𑌫𑍇𑌨𑌂𑌰𑍁𑌧𑌿𑌰𑌾𑌪𑍍𑌲𑍁𑌤𑌮𑍍 ।
𑌦𑌦𑍃𑌶𑍁𑌸𑍍𑌤𑍇𑌵𑌿𑌰𑍂𑌪𑌾𑌕𑍍𑌷𑌂𑌵𑌿𑌰𑍂𑌪𑌾𑌕𑍍𑌷𑌤𑌰𑌂𑌕𑍃𑌤𑌮𑍍 ॥ 33 ॥

𑌸𑍍𑌫𑍁𑌰𑌂𑌤𑌂𑌪𑌰𑌿𑌵𑌰𑍍𑌤𑌂𑌤𑌂𑌪𑌾𑌰𑍍𑌶𑍍𑌵𑍇𑌨𑌰𑍁𑌧𑌿𑌰𑍋𑌕𑍍𑌷𑌿𑌤𑌮𑍍 ।
𑌕𑌰𑍁𑌣𑌂 𑌚 𑌵𑌿𑌨𑌰𑍍𑌦𑌂𑌤𑌂𑌦𑌦𑍃𑌶𑍁𑌃𑌕𑌪𑌯𑍋𑌰𑌿𑌪𑍁𑌮𑍍 ॥ 34 ॥

𑌤𑌥𑌾𑌤𑍁𑌤𑍌𑌸𑌂𑌮𑍍𑌯𑌤𑌿𑌸𑌂𑌪𑍍𑌰𑌯𑍁𑌕𑍍𑌤𑍌 ।
𑌤𑌰𑌸𑍍𑌵𑌿𑌨𑍌𑌵𑌾𑌨𑌰𑌰𑌾𑌕𑍍𑌷𑌸𑌾𑌨𑌾𑌮𑍍 ॥ 35 ॥

𑌵𑌿𑌨𑌾𑌶𑌿𑌤𑌂𑌪𑍍𑌰𑍇𑌕𑍍𑌷𑍍𑌯𑌵𑌿𑌰𑍂𑌪𑌨𑍇𑌤𑍍𑌰𑌂𑌮𑌹𑌾𑌬𑌲𑌂𑌤𑌂𑌹𑌰𑌿𑌪𑌾𑌰𑍍𑌥𑌿𑌵𑍇𑌨 ।
𑌬𑌲𑌂𑌸𑌮𑌸𑍍𑌤𑌂𑌕𑌪𑌿𑌰𑌾𑌕𑍍𑌷𑌸𑌾𑌨𑌾𑌮𑍁𑌨𑍍𑌮𑌤𑍍𑌤𑌗𑌂𑌗𑌾𑌪𑍍𑌰𑌤𑌿𑌮𑌂𑌬𑌭𑍂𑌵 ॥ 36 ॥

𑌇𑌤𑍍𑌯𑌾𑌰𑍍𑌷𑍇 𑌶𑍍𑌰𑍀𑌮𑌦𑍍𑌰𑌾𑌮𑌾𑌯𑌣𑍇 𑌵𑌾𑌲𑍍𑌮𑍀𑌕𑍀𑌯 𑌆𑌦𑌿𑌕𑌾𑌵𑍍𑌯𑍇 𑌯𑍁𑌦𑍍𑌧𑌕𑌾𑌂𑌡𑍇 𑌸𑌪𑍍𑌤𑌨𑌵𑌤𑌿𑌤𑌮𑌸𑍍𑌸𑌰𑍍𑌗𑌃 ॥


Browse Related Categories: