ශ්රීමද්වාල්මීකීය රාමායණේ යුද්ධකාංඩම් ।
අථ සප්තනවතිතමස්සර්ගඃ ।
තථාතෛඃකෘත්තගාත්රෛස්තුදශග්රීවේණමාර්ගණෛඃ ।
බභූවවසුධාතත්රප්රකීර්ණාහරිභිස්තදා ॥ 1 ॥
රාවණස්යාප්රසහ්යංතංශරසංපාතමේකතඃ ।
න ශේකුස්සහිතුංදීප්තංපතංගාජ්වලනංයථා ॥ 2 ॥
තේऽර්දිතානිශිතෛර්බාණෛඃක්රෝශංතෝවිප්රදුද්රුවුඃ ।
පාවකාර්චිස්සමාවිෂ්ටාදහ්යමානායථාගජාඃ ॥ 3 ॥
ප්ලවංගනාමනීකානිමහාභ්රාණීවමාරුතඃ ।
සයයෞසමරේතස්මින්විධමන්රාවණශ්ශරෛඃ ॥ 4 ॥
කදනංතරසාකෘත්වාරාක්ෂසේංධ්රෝවනෞකසාම් ।
ආසසාදතතෝත්වරිතංයුද්ධේරාඝවංස්තදා ॥ 5 ॥
සුග්රීවස්තාන්කපීංදෘෂ්ටවාභග්නාන්විද්රාවිතාන්රණේ ।
ගුල්මේසුෂේණංනික්ෂිප්යචක්රේයුද්ධේऽද්භුතංමනඃ ॥ 6 ॥
ආත්මනස්සදෘශංවීරස්සතංනික්ෂිප්යවානරම් ।
සුග්රීවෝऽऽභිමුඛශ්ශත්රුංප්රතස්ථේපාදපායුධඃ ॥ 7 ॥
පාර්ශ්වතඃපෘෂ්ඨතශ්චාස්යසර්වේයූථාධිපාස්ස්වයම් ।
අනුජහ්රුර්මහාශෛලාන් විවිධාංශ්චමහාද්රුමාන් ॥ 8 ॥
සනදන්යුධිසුග්රීවස්ස්වරේණමහතාමහාන් ।
පාතයන්විවිධාංශ්චාන්යානංජගාමෝත්තමරාක්ෂසාන් ॥ 9 ॥
මමංථ ච මහාකායාන්රාක්ෂසාන්වානරේශ්වරඃ ।
යුගාංතසමයේවායුඃප්රවෘද්ධානගමානිව ॥ 10 ॥
රාක්ෂසානාමනීකේෂුශෛලවර්ෂංවවර්ෂ හ ।
අශ්මවර්ෂංයථාමේඝඃපක්ෂිසංඝේෂුකානනේ ॥ 11 ॥
කපිරාජවිමුක්තෛස්තෛශ්ශෛලවර්ෂෛස්තුරාක්ෂසාඃ ।
විකීර්ණශිරසඃපේතුර්නිකෘත්තාඉවපර්වතාඃ ॥ 12 ॥
අථසංක්ෂීයමාණේෂුරාක්ෂසේෂුසමංතතඃ ।
සුග්රීවේණප්රභග්නේෂුපතත්සුනිනදත්සු ච ॥ 13 ॥
විරූපාක්ෂස්ස්වකංනාමධන්වීවිශ්රාව්යරාක්ෂසඃ ।
රථාදාප්ලුත්යදුර්ධර්ෂෝගජස්කංධමුපාරුහත් ॥ 14 ॥
ස තංද්විරදමාරුහ්යවිරූපාක්ෂෝමහාරථඃ ।
වනර්දභනීමනිර්හ්රාදංවානරානභ්යධාවත ॥ 15 ॥
සුග්රීවේ ස ශරාන්ඝෝරාන්විසසර්ජචමූමුඛේ ।
ස්ථාපයාමාසචෝද්විග්නාන්රාක්ෂසාන් සංප්රහර්ෂයන් ॥ 16 ॥
සතුවිද්ධශ්ශිතෛර්බාණෛඃකපීංද්රස්තේනරක්ෂසා ।
චුක්රෝධ ස මහාක්රෝධෝවධේචාස්යමනෝදධේ ॥ 17 ॥
තතඃපාදපමුද්ධෘත්යශූරස්සංප්රධනෝහරිඃ ।
අභිපත්යජඝානාස්යප්රමුඛේතුමහාගජම් ॥ 18 ॥
ස තුප්රහාරාභිහතස්සුග්රීවේණමහාගජඃ ।
අපාසර්පද්ධනුර්මාත්රංනිෂසාදනනාද ච ॥ 19 ॥
ගජාත්තුමථිතාත්තූර්ණමපක්රම්ය ස වීර්යවාන් ।
රාක්ෂසෝऽऽභිමුඛශ්ශත්රුංප්රත්යුද්ගම්යතතඃකපිම් ॥ 20 ॥
ආර්ෂභංචර්මඛඩගං ච ප්රගෘහ්යලඝුවික්රමඃ ।
භර්ත්සයන්නිවසුග්රීවමාසසාදව්යවස්ථිතම් ॥ 21 ॥
ස හිතස්යාභිසංකෘද්ධඃප්රගෘහ්යවිපුලාංශිලාම් ।
විරූපාක්ෂායචික්ෂේපසුග්රීවෝජලදෝපමාම් ॥ 22 ॥
ස තාංශිලාමාපතංතීංදෘෂ්ටවාරාක්ෂසපුංගවඃ ।
අපක්රම්යසුවික්රාංතඃඛඩගේනප්රාහරත්තදා ॥ 23 ॥
තතෝ භින්නප්රහරණෞ මුෂ්ටිභ්යාන් තෞ සමීයතුඃ ।
තේජෝ බලසමාවිෂ්ටෞ දීප්තාවිව හුතාශනෞ ॥ 24 ॥
ස තදා ස හසෝත්පත්යරාක්ෂසස්යමහාහවේ ।
මුෂ්ටිංසන්වර්ත්යවේගේනපාතයාමාසවක්ෂසි ॥ 25 ॥
මුෂ්ටිප්රහාරාභිහතෝවිරූපාක්ෂෝනිශාචරඃ ।
තේනඛඩගේනසංකෘද්දස්සුග්රීවස්යචමූමුඛේ ॥ 26 ॥
කවචංපාතයාමාසපද්භ්යාමභිහතෝऽऽපතත් ।
ස සමුත්ථායපතිතඃකපිස්තස්යව්යසර්ජයත් ।
තලප්රහාරමශනේස්සමානංභීමනිස්ස්වනම් ॥ 27 ॥
තලප්රහාරංතද්රක්ෂස්සුග්රීවේණසමුද්යතම් ।
නෛපුණ්යාන්මෝචයිත්වෛනංමුෂ්ටිනෝරස්යතාඩයත් ॥ 28 ॥
තස්සුසංකෘද්ධතරඃසුග්රීවෝවානරේශ්වරඃ ॥ 29 ॥
මෝක්ෂිතංචාත්මනෝදෘෂ්ටවාප්රහාරංතේනරක්ෂසා ।
දදර්ශාංතරංතස්යවිරූපාක්ෂස්යවානරඃ ॥ 30 ॥
තතෝන්යපාතයත්ක්රෝධාච්ඡංඛදේශේමහාත්තලම් ।
මහේංද්රාශනිකල්පේනතලේනාභිහතඃක්ෂිතෞ ॥ 31 ॥
පපාතරුධිරක්ලින්නශ්ශෝණිතංසමුද්යමන් ।
ස්රෝතෝභ්යස්තුවිරූපාක්ෂෝජලංප්රස්රවණාදිව ॥ 32 ॥
විවෘත්තනයනංක්රෝධාත්සඵේනංරුධිරාප්ලුතම් ।
දදෘශුස්තේවිරූපාක්ෂංවිරූපාක්ෂතරංකෘතම් ॥ 33 ॥
ස්ඵුරංතංපරිවර්තංතංපාර්ශ්වේනරුධිරෝක්ෂිතම් ।
කරුණං ච විනර්දංතංදදෘශුඃකපයෝරිපුම් ॥ 34 ॥
තථාතුතෞසංම්යතිසංප්රයුක්තෞ ।
තරස්විනෞවානරරාක්ෂසානාම් ॥ 35 ॥
විනාශිතංප්රේක්ෂ්යවිරූපනේත්රංමහාබලංතංහරිපාර්ථිවේන ।
බලංසමස්තංකපිරාක්ෂසානාමුන්මත්තගංගාප්රතිමංබභූව ॥ 36 ॥
ඉත්යාර්ෂේ ශ්රීමද්රාමායණේ වාල්මීකීය ආදිකාව්යේ යුද්ධකාංඩේ සප්තනවතිතමස්සර්ගඃ ॥
