ଶ୍ରୀମଦ୍ଵାଲ୍ମୀକୀୟ ରାମାୟଣେ ୟୁଦ୍ଧକାଂଡମ୍ ।
ଅଥ ଦଶମସ୍ସର୍ଗଃ ।
ତତଃପ୍ରତ୍ୟୁଷସିପ୍ରାପ୍ତେପ୍ରାପ୍ତଧର୍ମାର୍ଥନିଶ୍ଚୟଃ ।
ରାକ୍ଷସାଧିପତେର୍ଵେଶ୍ମଭୀମକର୍ମାଵିଭୀଷଣଃ ॥ 1 ॥
ଶୈଲାଗ୍ରଚୟସଂକାଶଂଶୈଲଶୃଂଗମିଵୋନ୍ନତମ୍ ।
ସୁଵିଭକ୍ତମହାକକ୍ଷଂମହାଜନପରିଗ୍ରହମ୍ ॥ 2 ॥
ମତିମଦ୍ଭିର୍ମହାମାତ୍ରୈରନୁରକ୍ତୈରଧିଷ୍ଠିତମ୍ ।
ରାକ୍ଷସୈରାପ୍ତପର୍ୟାପ୍ତୈସ୍ସର୍ଵତଃପରିରକ୍ଷିତମ୍ ॥ 3 ॥
ମତ୍ତମାତଂଗନିଶ୍ଶ୍ଵାସୈର୍ଵ୍ୟାକୁଲୀକୃତମାରୁତମ୍ ।
ଶଂଖଘୋଷମହାଘୋଷଂତୂର୍ୟନାଦାନୁନାଦିତମ୍ ॥ 4 ॥
ପ୍ରମଦାଜନସଂବାଧଂପ୍ରଜଲ୍ପିତମହାପଥମ୍ ।
ତପ୍ତକାଂଚନନିର୍ୟୂହଂଭୂଷଣୋତ୍ତମଭୂଷିତମ୍ ॥ 5 ॥
ଗଂଧର୍ଵାଣାମିଵାଽଵାସମାଲୟଂମରୁତାମିଵ ।
ରତ୍ନସଂଚୟସଂବାଧଂଭଵନଂଭୋଗିନାମିଵ ॥ 6 ॥
ତଂମହାଭ୍ରମିଵାଽଦିତ୍ୟସ୍ତେଜୋଵିସ୍ତୃତରଶ୍ମିମାନ୍ ।
ଅଗ୍ରଜସ୍ୟାଲୟଂଵୀରଃପ୍ରଵିଵେଶମହାଦ୍ୟୁତିଃ ॥ 7 ॥
ପୁଣ୍ୟାନ୍ପୁଣ୍ୟାହଘୋଷାଂଶ୍ଚଵେଦଵିଦ୍ଭିରୁଦାହୃତାନ୍ ।
ଶୁଶ୍ରାଵସୁମହାତେଜାଭ୍ରାତୁର୍ଵିଜୟସଂଶ୍ରିତାନ୍ ॥ 8 ॥
ପୂଜିତାନ୍ ଦଧିପାତ୍ରୈଶ୍ଚସର୍ପିର୍ଭିସ୍ସୁମନୋକ୍ଷତୈଃ ।
ମଂତ୍ରଵେଦଵିଦୋଵିପ୍ରାଂଦଦର୍ଶସମହାବଲଃ ॥ 9 ॥
ସପୂଜ୍ୟମାନୋରକ୍ଷୋଭିଦ୍ଦୀପ୍ୟମାନସ୍ସ୍ଵତେଜସା ।
ଆସନସ୍ଥଂମହାବାହୁର୍ଵଵଂଦେଧନଦାନୁଜମ୍ ॥ 10 ॥
ସରାଜଦୃଷ୍ଟିସଂପନ୍ନମାସନଂହେମଭୂଷିତମ୍ ।
ଜଗାମସମୁଦାଚାରଂପ୍ରୟୁଜ୍ୟାଚାରକୋଵିଦଃ ॥ 11 ॥
ସରାଵଣଂମହାତ୍ମାନଂଵିଜନେମଂତ୍ରିସନ୍ନିଧୌ ।
ଉଵାଚହିତମତ୍ୟର୍ଥଂଵଚନଂହେତୁନିଶ୍ଚିତମ୍ ॥ 12 ॥
ପ୍ରସାଦ୍ୟଭ୍ରାତରଂଜେଷ୍ଠଂସାଂତ୍ଵେନୋପସ୍ଥିତକ୍ରମଃ ।
ଦେଶକାଲାର୍ଥସଂଵାଦିଦୃଷ୍ଟଲୋକପରାଵରଃ ॥ 13 ॥
ୟଦାପ୍ରଭୃତିଵୈଦେହୀସଂପ୍ରାସ୍ତେମାଂପୁରୀଂତଵ ।
ତଦାପ୍ରଭୃତିଦୃଶ୍ୟଂତେନିମିତ୍ତାନ୍ୟଶୁଭାନିନଃ ॥ 14 ॥
ସସ୍ଫୁଲିଂଗସ୍ସଧୂମାର୍ଚିସ୍ସଧୂମକଲୁଷୋଦୟଃ ।
ମଂତ୍ରସଂଘହୁତୋଽପ୍ୟଗ୍ନିର୍ନସମ୍ୟଗଭିଵର୍ଥତେ ॥ 15 ॥
ଅଗ୍ନିଷ୍ଠେଷ୍ଵଗ୍ନିଶଲାସୁତଥାବ୍ରହ୍ମସ୍ଥାଲୀଷୁଚ ।
ସରୀସୃପାଣିଦୃଶ୍ୟଂତେହନ୍ୟେଷୁଚପିପୀଲିକାଃ ॥ 16 ॥
ଗଵାଂସୟାଂସିସ୍କନ୍ନାନିଵିମଦାଵୀରକୁଂଜରାଃ ।
ଦୀନମଶ୍ଵାଃପ୍ରହେଷଂତେନଚଗ୍ରାସାଭିନଂଦିନଃ ॥ 17 ॥
ଖରୋଷ୍ଟ୍ରାଶ୍ଵତରାରାଜଭନଭିନ୍ନରୋମାସ୍ସ୍ରଵଂତିଚ ।
ନସ୍ଵଭାଵେଽଵତିଷ୍ଠଂତିଵିଧାନୈରପିଚିଂତିତାଃ ॥ 18 ॥
ଵାୟସାଃସଂଘଶଃକ୍ରୂରାଵ୍ୟାହରଂତିସମଂତତଃ ।
ସମଵେତାଶ୍ଚଦୃଶ୍ୟଂତେଵିମାନାଗ୍ରେଷୁସଂଘଶଃ ॥ 19 ॥
ଗୃଧ୍ରାଶ୍ଚପରିଲୀୟଂତେପୁରୀମୁପରିପିଂଡିତାଃ ।
ଉପପନ୍ନାଶ୍ଚସ୍ନଧ୍ୟେଦ୍ଵେଵ୍ୟାହ୍ନତ୍ୟଶିଵଂଶିଵାଃ ॥ 20 ॥
କ୍ରଵ୍ୟାଦାନାଂମୃଗାଣାଂଚପୁରୀଦ୍ଵାରେଷୁସଂଘଶଃ ।
ଶ୍ରୂୟଂତେଵିପୁଲାଘୋଷାସ୍ସଵିସ୍ଫୂର୍ଜିତନିସ୍ସ୍ଵନାଃ ॥ 21 ॥
ତଦେଵଂପ୍ରସ୍ତୁତେକାର୍ୟେପ୍ରାୟଶ୍ଚିତ୍ତମିଦଂକ୍ଷମମ୍ ।
ରୋଚତେୟଦିଵୈଦେହୀରାଘଵାୟପ୍ରଦୀୟତାମ୍ ॥ 22 ॥
ଇଦଂଚୟଦିଵାମୋହାଲ୍ଲୋଭାଦ୍ଵାଵ୍ୟାହୃତଂମୟା ।
ତତ୍ରାପିଚମହାରାଜ ନଦୋଷଂକର୍ତୁମର୍ହସି ॥ 23 ॥
ଅୟଂହିଦୋଷସ୍ସର୍ଵସ୍ୟଜନସ୍ୟାସ୍ୟୋପଲକ୍ଷ୍ୟତେ ।
ରକ୍ଷସାଂରାକ୍ଷସୀନାଂଚପୁରସ୍ୟାଂତଃପୁରସ୍ୟଚ ॥ 24 ॥
ଶ୍ରାଵଣେଚାସ୍ୟମଂତ୍ରସ୍ୟନିଵୃତ୍ତାସ୍ସର୍ଵମଂତ୍ରିଣଃ ।
ଅଵଶ୍ୟଂଚମୟାଵାଚ୍ୟଂୟଦ୍ଦୃଷ୍ଟମପିଵାଶ୍ରୁତମ୍ ॥ 25 ॥
ହିତଂମହାର୍ଥଂମୃଦୁହେତୁସଂହିତଂଵ୍ୟତୀତକାଲାୟତିସଂପ୍ରତିକ୍ଷମମ୍ ।
ନିଶମ୍ୟତଦ୍ଵାକ୍ୟମୁପସ୍ଥିତଜ୍ଵରଃପ୍ରସଂଗଵାନୁତ୍ତରମେତଦବ୍ରଵୀତ୍ ॥ 26 ॥
ଭୟଂନପଶ୍ୟାମିକୁତଶ୍ଚିଦପ୍ୟହଂନରାଘଵଃପ୍ରାପ୍ସ୍ୟତିଜାତୁମୈଥିଲୀମ୍ ।
ସୁରୈସ୍ସହେଂଦ୍ରୈରପିସଂଗରେକଥଂମମାଗ୍ରତସ୍ସ୍ଥାସ୍ୟତିଲକ୍ଷ୍ମଣାଗ୍ରଜଃ ॥ 27 ॥
ଇତ୍ୟେଵମୁକ୍ତ୍ଵାସୁରସୈନ୍ୟନାଶନୋମହାବଲସ୍ସଂୟତିଚଂଡଵିକ୍ରମଃ ।
ଦଶାନନୋଭ୍ରାତରମାପ୍ତଵାଦିନଂଵିସର୍ଜୟାମାସତଦାଵିଭୀଷଣମ୍ ॥ 28 ॥
ଇତ୍ୟାର୍ଷେ ଶ୍ରୀମଦ୍ରାମାୟଣେ ଵାଲ୍ମୀକୀୟ ଆଦିକାଵ୍ୟେ ୟୁଦ୍ଧକାଂଡେ ଦଶମସ୍ସର୍ଗଃ ॥
