ശ്രീമദ്വാല്മീകീയ രാമായണേ യുദ്ധകാംഡമ് ।
അഥ ദശമസ്സര്ഗഃ ।
തതഃപ്രത്യുഷസിപ്രാപ്തേപ്രാപ്തധര്മാര്ഥനിശ്ചയഃ ।
രാക്ഷസാധിപതേർവേശ്മഭീമകര്മാവിഭീഷണഃ ॥ 1 ॥
ശൈലാഗ്രചയസംകാശംശൈലശൃംഗമിവോന്നതമ് ।
സുവിഭക്തമഹാകക്ഷംമഹാജനപരിഗ്രഹമ് ॥ 2 ॥
മതിമദ്ഭിര്മഹാമാത്രൈരനുരക്തൈരധിഷ്ഠിതമ് ।
രാക്ഷസൈരാപ്തപര്യാപ്തൈസ്സർവതഃപരിരക്ഷിതമ് ॥ 3 ॥
മത്തമാതംഗനിശ്ശ്വാസൈർവ്യാകുലീകൃതമാരുതമ് ।
ശംഖഘോഷമഹാഘോഷംതൂര്യനാദാനുനാദിതമ് ॥ 4 ॥
പ്രമദാജനസംബാധംപ്രജല്പിതമഹാപഥമ് ।
തപ്തകാംചനനിര്യൂഹംഭൂഷണോത്തമഭൂഷിതമ് ॥ 5 ॥
ഗംധർവാണാമിവാഽവാസമാലയംമരുതാമിവ ।
രത്നസംചയസംബാധംഭവനംഭോഗിനാമിവ ॥ 6 ॥
തംമഹാഭ്രമിവാഽദിത്യസ്തേജോവിസ്തൃതരശ്മിമാന് ।
അഗ്രജസ്യാലയംവീരഃപ്രവിവേശമഹാദ്യുതിഃ ॥ 7 ॥
പുണ്യാന്പുണ്യാഹഘോഷാംശ്ചവേദവിദ്ഭിരുദാഹൃതാന് ।
ശുശ്രാവസുമഹാതേജാഭ്രാതുർവിജയസംശ്രിതാന് ॥ 8 ॥
പൂജിതാന് ദധിപാത്രൈശ്ചസര്പിര്ഭിസ്സുമനോക്ഷതൈഃ ।
മംത്രവേദവിദോവിപ്രാംദദര്ശസമഹാബലഃ ॥ 9 ॥
സപൂജ്യമാനോരക്ഷോഭിദ്ദീപ്യമാനസ്സ്വതേജസാ ।
ആസനസ്ഥംമഹാബാഹുർവവംദേധനദാനുജമ് ॥ 10 ॥
സരാജദൃഷ്ടിസംപന്നമാസനംഹേമഭൂഷിതമ് ।
ജഗാമസമുദാചാരംപ്രയുജ്യാചാരകോവിദഃ ॥ 11 ॥
സരാവണംമഹാത്മാനംവിജനേമംത്രിസന്നിധൌ ।
ഉവാചഹിതമത്യര്ഥംവചനംഹേതുനിശ്ചിതമ് ॥ 12 ॥
പ്രസാദ്യഭ്രാതരംജേഷ്ഠംസാംത്വേനോപസ്ഥിതക്രമഃ ।
ദേശകാലാര്ഥസംവാദിദൃഷ്ടലോകപരാവരഃ ॥ 13 ॥
യദാപ്രഭൃതിവൈദേഹീസംപ്രാസ്തേമാംപുരീംതവ ।
തദാപ്രഭൃതിദൃശ്യംതേനിമിത്താന്യശുഭാനിനഃ ॥ 14 ॥
സസ്ഫുലിംഗസ്സധൂമാര്ചിസ്സധൂമകലുഷോദയഃ ।
മംത്രസംഘഹുതോഽപ്യഗ്നിര്നസമ്യഗഭിവര്ഥതേ ॥ 15 ॥
അഗ്നിഷ്ഠേഷ്വഗ്നിശലാസുതഥാബ്രഹ്മസ്ഥാലീഷുച ।
സരീസൃപാണിദൃശ്യംതേഹന്യേഷുചപിപീലികാഃ ॥ 16 ॥
ഗവാംസയാംസിസ്കന്നാനിവിമദാവീരകുംജരാഃ ।
ദീനമശ്വാഃപ്രഹേഷംതേനചഗ്രാസാഭിനംദിനഃ ॥ 17 ॥
ഖരോഷ്ട്രാശ്വതരാരാജഭനഭിന്നരോമാസ്സ്രവംതിച ।
നസ്വഭാവേഽവതിഷ്ഠംതിവിധാനൈരപിചിംതിതാഃ ॥ 18 ॥
വായസാഃസംഘശഃക്രൂരാവ്യാഹരംതിസമംതതഃ ।
സമവേതാശ്ചദൃശ്യംതേവിമാനാഗ്രേഷുസംഘശഃ ॥ 19 ॥
ഗൃധ്രാശ്ചപരിലീയംതേപുരീമുപരിപിംഡിതാഃ ।
ഉപപന്നാശ്ചസ്നധ്യേദ്വേവ്യാഹറ്നത്യശിവംശിവാഃ ॥ 20 ॥
ക്രവ്യാദാനാംമൃഗാണാംചപുരീദ്വാരേഷുസംഘശഃ ।
ശ്രൂയംതേവിപുലാഘോഷാസ്സവിസ്ഫൂര്ജിതനിസ്സ്വനാഃ ॥ 21 ॥
തദേവംപ്രസ്തുതേകാര്യേപ്രായശ്ചിത്തമിദംക്ഷമമ് ।
രോചതേയദിവൈദേഹീരാഘവായപ്രദീയതാമ് ॥ 22 ॥
ഇദംചയദിവാമോഹാല്ലോഭാദ്വാവ്യാഹൃതംമയാ ।
തത്രാപിചമഹാരാജ നദോഷംകര്തുമര്ഹസി ॥ 23 ॥
അയംഹിദോഷസ്സർവസ്യജനസ്യാസ്യോപലക്ഷ്യതേ ।
രക്ഷസാംരാക്ഷസീനാംചപുരസ്യാംതഃപുരസ്യച ॥ 24 ॥
ശ്രാവണേചാസ്യമംത്രസ്യനിവൃത്താസ്സർവമംത്രിണഃ ।
അവശ്യംചമയാവാച്യംയദ്ദൃഷ്ടമപിവാശ്രുതമ് ॥ 25 ॥
ഹിതംമഹാര്ഥംമൃദുഹേതുസംഹിതംവ്യതീതകാലായതിസംപ്രതിക്ഷമമ് ।
നിശമ്യതദ്വാക്യമുപസ്ഥിതജ്വരഃപ്രസംഗവാനുത്തരമേതദബ്രവീത് ॥ 26 ॥
ഭയംനപശ്യാമികുതശ്ചിദപ്യഹംനരാഘവഃപ്രാപ്സ്യതിജാതുമൈഥിലീമ് ।
സുരൈസ്സഹേംദ്രൈരപിസംഗരേകഥംമമാഗ്രതസ്സ്ഥാസ്യതിലക്ഷ്മണാഗ്രജഃ ॥ 27 ॥
ഇത്യേവമുക്ത്വാസുരസൈന്യനാശനോമഹാബലസ്സംയതിചംഡവിക്രമഃ ।
ദശാനനോഭ്രാതരമാപ്തവാദിനംവിസര്ജയാമാസതദാവിഭീഷണമ് ॥ 28 ॥
ഇത്യാര്ഷേ ശ്രീമദ്രാമായണേ വാല്മീകീയ ആദികാവ്യേ യുദ്ധകാംഡേ ദശമസ്സര്ഗഃ ॥
