𑌶𑍍𑌰𑍀𑌮𑌦𑍍𑌵𑌾𑌲𑍍𑌮𑍀𑌕𑍀𑌯 𑌰𑌾𑌮𑌾𑌯𑌣𑍇 𑌯𑍁𑌦𑍍𑌧𑌕𑌾𑌂𑌡𑌮𑍍 ।
𑌅𑌥 𑌦𑌶𑌮𑌸𑍍𑌸𑌰𑍍𑌗𑌃 ।
𑌤𑌤𑌃𑌪𑍍𑌰𑌤𑍍𑌯𑍁𑌷𑌸𑌿𑌪𑍍𑌰𑌾𑌪𑍍𑌤𑍇𑌪𑍍𑌰𑌾𑌪𑍍𑌤𑌧𑌰𑍍𑌮𑌾𑌰𑍍𑌥𑌨𑌿𑌶𑍍𑌚𑌯𑌃 ।
𑌰𑌾𑌕𑍍𑌷𑌸𑌾𑌧𑌿𑌪𑌤𑍇𑌰𑍍𑌵𑍇𑌶𑍍𑌮𑌭𑍀𑌮𑌕𑌰𑍍𑌮𑌾𑌵𑌿𑌭𑍀𑌷𑌣𑌃 ॥ 1 ॥
𑌶𑍈𑌲𑌾𑌗𑍍𑌰𑌚𑌯𑌸𑌂𑌕𑌾𑌶𑌂𑌶𑍈𑌲𑌶𑍃𑌂𑌗𑌮𑌿𑌵𑍋𑌨𑍍𑌨𑌤𑌮𑍍 ।
𑌸𑍁𑌵𑌿𑌭𑌕𑍍𑌤𑌮𑌹𑌾𑌕𑌕𑍍𑌷𑌂𑌮𑌹𑌾𑌜𑌨𑌪𑌰𑌿𑌗𑍍𑌰𑌹𑌮𑍍 ॥ 2 ॥
𑌮𑌤𑌿𑌮𑌦𑍍𑌭𑌿𑌰𑍍𑌮𑌹𑌾𑌮𑌾𑌤𑍍𑌰𑍈𑌰𑌨𑍁𑌰𑌕𑍍𑌤𑍈𑌰𑌧𑌿𑌷𑍍𑌠𑌿𑌤𑌮𑍍 ।
𑌰𑌾𑌕𑍍𑌷𑌸𑍈𑌰𑌾𑌪𑍍𑌤𑌪𑌰𑍍𑌯𑌾𑌪𑍍𑌤𑍈𑌸𑍍𑌸𑌰𑍍𑌵𑌤𑌃𑌪𑌰𑌿𑌰𑌕𑍍𑌷𑌿𑌤𑌮𑍍 ॥ 3 ॥
𑌮𑌤𑍍𑌤𑌮𑌾𑌤𑌂𑌗𑌨𑌿𑌶𑍍𑌶𑍍𑌵𑌾𑌸𑍈𑌰𑍍𑌵𑍍𑌯𑌾𑌕𑍁𑌲𑍀𑌕𑍃𑌤𑌮𑌾𑌰𑍁𑌤𑌮𑍍 ।
𑌶𑌂𑌖𑌘𑍋𑌷𑌮𑌹𑌾𑌘𑍋𑌷𑌂𑌤𑍂𑌰𑍍𑌯𑌨𑌾𑌦𑌾𑌨𑍁𑌨𑌾𑌦𑌿𑌤𑌮𑍍 ॥ 4 ॥
𑌪𑍍𑌰𑌮𑌦𑌾𑌜𑌨𑌸𑌂𑌬𑌾𑌧𑌂𑌪𑍍𑌰𑌜𑌲𑍍𑌪𑌿𑌤𑌮𑌹𑌾𑌪𑌥𑌮𑍍 ।
𑌤𑌪𑍍𑌤𑌕𑌾𑌂𑌚𑌨𑌨𑌿𑌰𑍍𑌯𑍂𑌹𑌂𑌭𑍂𑌷𑌣𑍋𑌤𑍍𑌤𑌮𑌭𑍂𑌷𑌿𑌤𑌮𑍍 ॥ 5 ॥
𑌗𑌂𑌧𑌰𑍍𑌵𑌾𑌣𑌾𑌮𑌿𑌵𑌾𑌽𑌵𑌾𑌸𑌮𑌾𑌲𑌯𑌂𑌮𑌰𑍁𑌤𑌾𑌮𑌿𑌵 ।
𑌰𑌤𑍍𑌨𑌸𑌂𑌚𑌯𑌸𑌂𑌬𑌾𑌧𑌂𑌭𑌵𑌨𑌂𑌭𑍋𑌗𑌿𑌨𑌾𑌮𑌿𑌵 ॥ 6 ॥
𑌤𑌂𑌮𑌹𑌾𑌭𑍍𑌰𑌮𑌿𑌵𑌾𑌽𑌦𑌿𑌤𑍍𑌯𑌸𑍍𑌤𑍇𑌜𑍋𑌵𑌿𑌸𑍍𑌤𑍃𑌤𑌰𑌶𑍍𑌮𑌿𑌮𑌾𑌨𑍍 ।
𑌅𑌗𑍍𑌰𑌜𑌸𑍍𑌯𑌾𑌲𑌯𑌂𑌵𑍀𑌰𑌃𑌪𑍍𑌰𑌵𑌿𑌵𑍇𑌶𑌮𑌹𑌾𑌦𑍍𑌯𑍁𑌤𑌿𑌃 ॥ ॥
𑌪𑍁𑌣𑍍𑌯𑌾𑌨𑍍𑌪𑍁𑌣𑍍𑌯𑌾𑌹𑌘𑍋𑌷𑌾𑌂𑌶𑍍𑌚𑌵𑍇𑌦𑌵𑌿𑌦𑍍𑌭𑌿𑌰𑍁𑌦𑌾𑌹𑍃𑌤𑌾𑌨𑍍 ।
𑌶𑍁𑌶𑍍𑌰𑌾𑌵𑌸𑍁𑌮𑌹𑌾𑌤𑍇𑌜𑌾𑌭𑍍𑌰𑌾𑌤𑍁𑌰𑍍𑌵𑌿𑌜𑌯𑌸𑌂𑌶𑍍𑌰𑌿𑌤𑌾𑌨𑍍 ॥ ॥
𑌪𑍂𑌜𑌿𑌤𑌾𑌨𑍍 𑌦𑌧𑌿𑌪𑌾𑌤𑍍𑌰𑍈𑌶𑍍𑌚𑌸𑌰𑍍𑌪𑌿𑌰𑍍𑌭𑌿𑌸𑍍𑌸𑍁𑌮𑌨𑍋𑌕𑍍𑌷𑌤𑍈𑌃 ।
𑌮𑌂𑌤𑍍𑌰𑌵𑍇𑌦𑌵𑌿𑌦𑍋𑌵𑌿𑌪𑍍𑌰𑌾𑌂𑌦𑌦𑌰𑍍𑌶𑌸𑌮𑌹𑌾𑌬𑌲𑌃 ॥ ॥
𑌸𑌪𑍂𑌜𑍍𑌯𑌮𑌾𑌨𑍋𑌰𑌕𑍍𑌷𑍋𑌭𑌿𑌦𑍍𑌦𑍀𑌪𑍍𑌯𑌮𑌾𑌨𑌸𑍍𑌸𑍍𑌵𑌤𑍇𑌜𑌸𑌾 ।
𑌆𑌸𑌨𑌸𑍍𑌥𑌂𑌮𑌹𑌾𑌬𑌾𑌹𑍁𑌰𑍍𑌵𑌵𑌂𑌦𑍇𑌧𑌨𑌦𑌾𑌨𑍁𑌜𑌮𑍍 ॥ 10 ॥
𑌸𑌰𑌾𑌜𑌦𑍃𑌷𑍍𑌟𑌿𑌸𑌂𑌪𑌨𑍍𑌨𑌮𑌾𑌸𑌨𑌂𑌹𑍇𑌮𑌭𑍂𑌷𑌿𑌤𑌮𑍍 ।
𑌜𑌗𑌾𑌮𑌸𑌮𑍁𑌦𑌾𑌚𑌾𑌰𑌂𑌪𑍍𑌰𑌯𑍁𑌜𑍍𑌯𑌾𑌚𑌾𑌰𑌕𑍋𑌵𑌿𑌦𑌃 ॥ 11 ॥
𑌸𑌰𑌾𑌵𑌣𑌂𑌮𑌹𑌾𑌤𑍍𑌮𑌾𑌨𑌂𑌵𑌿𑌜𑌨𑍇𑌮𑌂𑌤𑍍𑌰𑌿𑌸𑌨𑍍𑌨𑌿𑌧𑍌 ।
𑌉𑌵𑌾𑌚𑌹𑌿𑌤𑌮𑌤𑍍𑌯𑌰𑍍𑌥𑌂𑌵𑌚𑌨𑌂𑌹𑍇𑌤𑍁𑌨𑌿𑌶𑍍𑌚𑌿𑌤𑌮𑍍 ॥ 12 ॥
𑌪𑍍𑌰𑌸𑌾𑌦𑍍𑌯𑌭𑍍𑌰𑌾𑌤𑌰𑌂𑌜𑍇𑌷𑍍𑌠𑌂𑌸𑌾𑌂𑌤𑍍𑌵𑍇𑌨𑍋𑌪𑌸𑍍𑌥𑌿𑌤𑌕𑍍𑌰𑌮𑌃 ।
𑌦𑍇𑌶𑌕𑌾𑌲𑌾𑌰𑍍𑌥𑌸𑌂𑌵𑌾𑌦𑌿𑌦𑍃𑌷𑍍𑌟𑌲𑍋𑌕𑌪𑌰𑌾𑌵𑌰𑌃 ॥ 13 ॥
𑌯𑌦𑌾𑌪𑍍𑌰𑌭𑍃𑌤𑌿𑌵𑍈𑌦𑍇𑌹𑍀𑌸𑌂𑌪𑍍𑌰𑌾𑌸𑍍𑌤𑍇𑌮𑌾𑌂𑌪𑍁𑌰𑍀𑌂𑌤𑌵 ।
𑌤𑌦𑌾𑌪𑍍𑌰𑌭𑍃𑌤𑌿𑌦𑍃𑌶𑍍𑌯𑌂𑌤𑍇𑌨𑌿𑌮𑌿𑌤𑍍𑌤𑌾𑌨𑍍𑌯𑌶𑍁𑌭𑌾𑌨𑌿𑌨𑌃 ॥ 14 ॥
𑌸𑌸𑍍𑌫𑍁𑌲𑌿𑌂𑌗𑌸𑍍𑌸𑌧𑍂𑌮𑌾𑌰𑍍𑌚𑌿𑌸𑍍𑌸𑌧𑍂𑌮𑌕𑌲𑍁𑌷𑍋𑌦𑌯𑌃 ।
𑌮𑌂𑌤𑍍𑌰𑌸𑌂𑌘𑌹𑍁𑌤𑍋𑌽𑌪𑍍𑌯𑌗𑍍𑌨𑌿𑌰𑍍𑌨𑌸𑌮𑍍𑌯𑌗𑌭𑌿𑌵𑌰𑍍𑌥𑌤𑍇 ॥ 15 ॥
𑌅𑌗𑍍𑌨𑌿𑌷𑍍𑌠𑍇𑌷𑍍𑌵𑌗𑍍𑌨𑌿𑌶𑌲𑌾𑌸𑍁𑌤𑌥𑌾𑌬𑍍𑌰𑌹𑍍𑌮𑌸𑍍𑌥𑌾𑌲𑍀𑌷𑍁𑌚 ।
𑌸𑌰𑍀𑌸𑍃𑌪𑌾𑌣𑌿𑌦𑍃𑌶𑍍𑌯𑌂𑌤𑍇𑌹𑌨𑍍𑌯𑍇𑌷𑍁𑌚𑌪𑌿𑌪𑍀𑌲𑌿𑌕𑌾𑌃 ॥ 16 ॥
𑌗𑌵𑌾𑌂𑌸𑌯𑌾𑌂𑌸𑌿𑌸𑍍𑌕𑌨𑍍𑌨𑌾𑌨𑌿𑌵𑌿𑌮𑌦𑌾𑌵𑍀𑌰𑌕𑍁𑌂𑌜𑌰𑌾𑌃 ।
𑌦𑍀𑌨𑌮𑌶𑍍𑌵𑌾𑌃𑌪𑍍𑌰𑌹𑍇𑌷𑌂𑌤𑍇𑌨𑌚𑌗𑍍𑌰𑌾𑌸𑌾𑌭𑌿𑌨𑌂𑌦𑌿𑌨𑌃 ॥ 1 ॥
𑌖𑌰𑍋𑌷𑍍𑌟𑍍𑌰𑌾𑌶𑍍𑌵𑌤𑌰𑌾𑌰𑌾𑌜𑌭𑌨𑌭𑌿𑌨𑍍𑌨𑌰𑍋𑌮𑌾𑌸𑍍𑌸𑍍𑌰𑌵𑌂𑌤𑌿𑌚 ।
𑌨𑌸𑍍𑌵𑌭𑌾𑌵𑍇𑌽𑌵𑌤𑌿𑌷𑍍𑌠𑌂𑌤𑌿𑌵𑌿𑌧𑌾𑌨𑍈𑌰𑌪𑌿𑌚𑌿𑌂𑌤𑌿𑌤𑌾𑌃 ॥ 1 ॥
𑌵𑌾𑌯𑌸𑌾𑌃𑌸𑌂𑌘𑌶𑌃𑌕𑍍𑌰𑍂𑌰𑌾𑌵𑍍𑌯𑌾𑌹𑌰𑌂𑌤𑌿𑌸𑌮𑌂𑌤𑌤𑌃 ।
𑌸𑌮𑌵𑍇𑌤𑌾𑌶𑍍𑌚𑌦𑍃𑌶𑍍𑌯𑌂𑌤𑍇𑌵𑌿𑌮𑌾𑌨𑌾𑌗𑍍𑌰𑍇𑌷𑍁𑌸𑌂𑌘𑌶𑌃 ॥ 1 ॥
𑌗𑍃𑌧𑍍𑌰𑌾𑌶𑍍𑌚𑌪𑌰𑌿𑌲𑍀𑌯𑌂𑌤𑍇𑌪𑍁𑌰𑍀𑌮𑍁𑌪𑌰𑌿𑌪𑌿𑌂𑌡𑌿𑌤𑌾𑌃 ।
𑌉𑌪𑌪𑌨𑍍𑌨𑌾𑌶𑍍𑌚𑌸𑍍𑌨𑌧𑍍𑌯𑍇𑌦𑍍𑌵𑍇𑌵𑍍𑌯𑌾𑌹𑍍𑌨𑌤𑍍𑌯𑌶𑌿𑌵𑌂𑌶𑌿𑌵𑌾𑌃 ॥ 20 ॥
𑌕𑍍𑌰𑌵𑍍𑌯𑌾𑌦𑌾𑌨𑌾𑌂𑌮𑍃𑌗𑌾𑌣𑌾𑌂𑌚𑌪𑍁𑌰𑍀𑌦𑍍𑌵𑌾𑌰𑍇𑌷𑍁𑌸𑌂𑌘𑌶𑌃 ।
𑌶𑍍𑌰𑍂𑌯𑌂𑌤𑍇𑌵𑌿𑌪𑍁𑌲𑌾𑌘𑍋𑌷𑌾𑌸𑍍𑌸𑌵𑌿𑌸𑍍𑌫𑍂𑌰𑍍𑌜𑌿𑌤𑌨𑌿𑌸𑍍𑌸𑍍𑌵𑌨𑌾𑌃 ॥ 21 ॥
𑌤𑌦𑍇𑌵𑌂𑌪𑍍𑌰𑌸𑍍𑌤𑍁𑌤𑍇𑌕𑌾𑌰𑍍𑌯𑍇𑌪𑍍𑌰𑌾𑌯𑌶𑍍𑌚𑌿𑌤𑍍𑌤𑌮𑌿𑌦𑌂𑌕𑍍𑌷𑌮𑌮𑍍 ।
𑌰𑍋𑌚𑌤𑍇𑌯𑌦𑌿𑌵𑍈𑌦𑍇𑌹𑍀𑌰𑌾𑌘𑌵𑌾𑌯𑌪𑍍𑌰𑌦𑍀𑌯𑌤𑌾𑌮𑍍 ॥ 22 ॥
𑌇𑌦𑌂𑌚𑌯𑌦𑌿𑌵𑌾𑌮𑍋𑌹𑌾𑌲𑍍𑌲𑍋𑌭𑌾𑌦𑍍𑌵𑌾𑌵𑍍𑌯𑌾𑌹𑍃𑌤𑌂𑌮𑌯𑌾 ।
𑌤𑌤𑍍𑌰𑌾𑌪𑌿𑌚𑌮𑌹𑌾𑌰𑌾𑌜 𑌨𑌦𑍋𑌷𑌂𑌕𑌰𑍍𑌤𑍁𑌮𑌰𑍍𑌹𑌸𑌿 ॥ 23 ॥
𑌅𑌯𑌂𑌹𑌿𑌦𑍋𑌷𑌸𑍍𑌸𑌰𑍍𑌵𑌸𑍍𑌯𑌜𑌨𑌸𑍍𑌯𑌾𑌸𑍍𑌯𑍋𑌪𑌲𑌕𑍍𑌷𑍍𑌯𑌤𑍇 ।
𑌰𑌕𑍍𑌷𑌸𑌾𑌂𑌰𑌾𑌕𑍍𑌷𑌸𑍀𑌨𑌾𑌂𑌚𑌪𑍁𑌰𑌸𑍍𑌯𑌾𑌂𑌤𑌃𑌪𑍁𑌰𑌸𑍍𑌯𑌚 ॥ 24 ॥
𑌶𑍍𑌰𑌾𑌵𑌣𑍇𑌚𑌾𑌸𑍍𑌯𑌮𑌂𑌤𑍍𑌰𑌸𑍍𑌯𑌨𑌿𑌵𑍃𑌤𑍍𑌤𑌾𑌸𑍍𑌸𑌰𑍍𑌵𑌮𑌂𑌤𑍍𑌰𑌿𑌣𑌃 ।
𑌅𑌵𑌶𑍍𑌯𑌂𑌚𑌮𑌯𑌾𑌵𑌾𑌚𑍍𑌯𑌂𑌯𑌦𑍍𑌦𑍃𑌷𑍍𑌟𑌮𑌪𑌿𑌵𑌾𑌶𑍍𑌰𑍁𑌤𑌮𑍍 ॥ 25 ॥
𑌹𑌿𑌤𑌂𑌮𑌹𑌾𑌰𑍍𑌥𑌂𑌮𑍃𑌦𑍁𑌹𑍇𑌤𑍁𑌸𑌂𑌹𑌿𑌤𑌂𑌵𑍍𑌯𑌤𑍀𑌤𑌕𑌾𑌲𑌾𑌯𑌤𑌿𑌸𑌂𑌪𑍍𑌰𑌤𑌿𑌕𑍍𑌷𑌮𑌮𑍍 ।
𑌨𑌿𑌶𑌮𑍍𑌯𑌤𑌦𑍍𑌵𑌾𑌕𑍍𑌯𑌮𑍁𑌪𑌸𑍍𑌥𑌿𑌤𑌜𑍍𑌵𑌰𑌃𑌪𑍍𑌰𑌸𑌂𑌗𑌵𑌾𑌨𑍁𑌤𑍍𑌤𑌰𑌮𑍇𑌤𑌦𑌬𑍍𑌰𑌵𑍀𑌤𑍍 ॥ 26 ॥
𑌭𑌯𑌂𑌨𑌪𑌶𑍍𑌯𑌾𑌮𑌿𑌕𑍁𑌤𑌶𑍍𑌚𑌿𑌦𑌪𑍍𑌯𑌹𑌂𑌨𑌰𑌾𑌘𑌵𑌃𑌪𑍍𑌰𑌾𑌪𑍍𑌸𑍍𑌯𑌤𑌿𑌜𑌾𑌤𑍁𑌮𑍈𑌥𑌿𑌲𑍀𑌮𑍍 ।
𑌸𑍁𑌰𑍈𑌸𑍍𑌸𑌹𑍇𑌂𑌦𑍍𑌰𑍈𑌰𑌪𑌿𑌸𑌂𑌗𑌰𑍇𑌕𑌥𑌂𑌮𑌮𑌾𑌗𑍍𑌰𑌤𑌸𑍍𑌸𑍍𑌥𑌾𑌸𑍍𑌯𑌤𑌿𑌲𑌕𑍍𑌷𑍍𑌮𑌣𑌾𑌗𑍍𑌰𑌜𑌃 ॥ 2 ॥
𑌇𑌤𑍍𑌯𑍇𑌵𑌮𑍁𑌕𑍍𑌤𑍍𑌵𑌾𑌸𑍁𑌰𑌸𑍈𑌨𑍍𑌯𑌨𑌾𑌶𑌨𑍋𑌮𑌹𑌾𑌬𑌲𑌸𑍍𑌸𑌂𑌯𑌤𑌿𑌚𑌂𑌡𑌵𑌿𑌕𑍍𑌰𑌮𑌃 ।
𑌦𑌶𑌾𑌨𑌨𑍋𑌭𑍍𑌰𑌾𑌤𑌰𑌮𑌾𑌪𑍍𑌤𑌵𑌾𑌦𑌿𑌨𑌂𑌵𑌿𑌸𑌰𑍍𑌜𑌯𑌾𑌮𑌾𑌸𑌤𑌦𑌾𑌵𑌿𑌭𑍀𑌷𑌣𑌮𑍍 ॥ 2 ॥
𑌇𑌤𑍍𑌯𑌾𑌰𑍍𑌷𑍇 𑌶𑍍𑌰𑍀𑌮𑌦𑍍𑌰𑌾𑌮𑌾𑌯𑌣𑍇 𑌵𑌾𑌲𑍍𑌮𑍀𑌕𑍀𑌯 𑌆𑌦𑌿𑌕𑌾𑌵𑍍𑌯𑍇 𑌯𑍁𑌦𑍍𑌧𑌕𑌾𑌂𑌡𑍇 𑌦𑌶𑌮𑌸𑍍𑌸𑌰𑍍𑌗𑌃 ॥
