ಶ್ರೀಮದ್ವಾಲ್ಮೀಕೀಯ ರಾಮಾಯಣೇ ಯುದ್ಧಕಾಣ್ಡಮ್ ।
ಅಥ ದಶಮಸ್ಸರ್ಗಃ ।
ತತಃಪ್ರತ್ಯುಷಸಿಪ್ರಾಪ್ತೇಪ್ರಾಪ್ತಧರ್ಮಾರ್ಥನಿಶ್ಚಯಃ ।
ರಾಕ್ಷಸಾಧಿಪತೇರ್ವೇಶ್ಮಭೀಮಕರ್ಮಾವಿಭೀಷಣಃ ॥ 1 ॥
ಶೈಲಾಗ್ರಚಯಸಙ್ಕಾಶಂಶೈಲಶೃಙ್ಗಮಿವೋನ್ನತಮ್ ।
ಸುವಿಭಕ್ತಮಹಾಕಕ್ಷಮ್ಮಹಾಜನಪರಿಗ್ರಹಮ್ ॥ 2 ॥
ಮತಿಮದ್ಭಿರ್ಮಹಾಮಾತ್ರೈರನುರಕ್ತೈರಧಿಷ್ಠಿತಮ್ ।
ರಾಕ್ಷಸೈರಾಪ್ತಪರ್ಯಾಪ್ತೈಸ್ಸರ್ವತಃಪರಿರಕ್ಷಿತಮ್ ॥ 3 ॥
ಮತ್ತಮಾತಙ್ಗನಿಶ್ಶ್ವಾಸೈರ್ವ್ಯಾಕುಲೀಕೃತಮಾರುತಮ್ ।
ಶಙ್ಖಘೋಷಮಹಾಘೋಷನ್ತೂರ್ಯನಾದಾನುನಾದಿತಮ್ ॥ 4 ॥
ಪ್ರಮದಾಜನಸಮ್ಬಾಧಮ್ಪ್ರಜಲ್ಪಿತಮಹಾಪಥಮ್ ।
ತಪ್ತಕಾಞ್ಚನನಿರ್ಯೂಹಮ್ಭೂಷಣೋತ್ತಮಭೂಷಿತಮ್ ॥ 5 ॥
ಗನ್ಧರ್ವಾಣಾಮಿವಾಽವಾಸಮಾಲಯಮ್ಮರುತಾಮಿವ ।
ರತ್ನಸಞ್ಚಯಸಮ್ಬಾಧಮ್ಭವನಮ್ಭೋಗಿನಾಮಿವ ॥ 6 ॥
ತಮ್ಮಹಾಭ್ರಮಿವಾಽದಿತ್ಯಸ್ತೇಜೋವಿಸ್ತೃತರಶ್ಮಿಮಾನ್ ।
ಅಗ್ರಜಸ್ಯಾಲಯಂವೀರಃಪ್ರವಿವೇಶಮಹಾದ್ಯುತಿಃ ॥ 7 ॥
ಪುಣ್ಯಾನ್ಪುಣ್ಯಾಹಘೋಷಾಂಶ್ಚವೇದವಿದ್ಭಿರುದಾಹೃತಾನ್ ।
ಶುಶ್ರಾವಸುಮಹಾತೇಜಾಭ್ರಾತುರ್ವಿಜಯಸಂಶ್ರಿತಾನ್ ॥ 8 ॥
ಪೂಜಿತಾನ್ ದಧಿಪಾತ್ರೈಶ್ಚಸರ್ಪಿರ್ಭಿಸ್ಸುಮನೋಕ್ಷತೈಃ ।
ಮನ್ತ್ರವೇದವಿದೋವಿಪ್ರಾನ್ದದರ್ಶಸಮಹಾಬಲಃ ॥ 9 ॥
ಸಪೂಜ್ಯಮಾನೋರಕ್ಷೋಭಿದ್ದೀಪ್ಯಮಾನಸ್ಸ್ವತೇಜಸಾ ।
ಆಸನಸ್ಥಮ್ಮಹಾಬಾಹುರ್ವವನ್ದೇಧನದಾನುಜಮ್ ॥ 10 ॥
ಸರಾಜದೃಷ್ಟಿಸಮ್ಪನ್ನಮಾಸನಂಹೇಮಭೂಷಿತಮ್ ।
ಜಗಾಮಸಮುದಾಚಾರಮ್ಪ್ರಯುಜ್ಯಾಚಾರಕೋವಿದಃ ॥ 11 ॥
ಸರಾವಣಮ್ಮಹಾತ್ಮಾನಂವಿಜನೇಮನ್ತ್ರಿಸನ್ನಿಧೌ ।
ಉವಾಚಹಿತಮತ್ಯರ್ಥಂವಚನಂಹೇತುನಿಶ್ಚಿತಮ್ ॥ 12 ॥
ಪ್ರಸಾದ್ಯಭ್ರಾತರಞ್ಜೇಷ್ಠಂಸಾನ್ತ್ವೇನೋಪಸ್ಥಿತಕ್ರಮಃ ।
ದೇಶಕಾಲಾರ್ಥಸಂವಾದಿದೃಷ್ಟಲೋಕಪರಾವರಃ ॥ 13 ॥
ಯದಾಪ್ರಭೃತಿವೈದೇಹೀಸಮ್ಪ್ರಾಸ್ತೇಮಾಮ್ಪುರೀನ್ತವ ।
ತದಾಪ್ರಭೃತಿದೃಶ್ಯನ್ತೇನಿಮಿತ್ತಾನ್ಯಶುಭಾನಿನಃ ॥ 14 ॥
ಸಸ್ಫುಲಿಙ್ಗಸ್ಸಧೂಮಾರ್ಚಿಸ್ಸಧೂಮಕಲುಷೋದಯಃ ।
ಮನ್ತ್ರಸಙ್ಘಹುತೋಽಪ್ಯಗ್ನಿರ್ನಸಮ್ಯಗಭಿವರ್ಥತೇ ॥ 15 ॥
ಅಗ್ನಿಷ್ಠೇಷ್ವಗ್ನಿಶಲಾಸುತಥಾಬ್ರಹ್ಮಸ್ಥಾಲೀಷುಚ ।
ಸರೀಸೃಪಾಣಿದೃಶ್ಯನ್ತೇಹನ್ಯೇಷುಚಪಿಪೀಲಿಕಾಃ ॥ 16 ॥
ಗವಾಂಸಯಾಂಸಿಸ್ಕನ್ನಾನಿವಿಮದಾವೀರಕುಞ್ಜರಾಃ ।
ದೀನಮಶ್ವಾಃಪ್ರಹೇಷನ್ತೇನಚಗ್ರಾಸಾಭಿನನ್ದಿನಃ ॥ 17 ॥
ಖರೋಷ್ಟ್ರಾಶ್ವತರಾರಾಜಭನಭಿನ್ನರೋಮಾಸ್ಸ್ರವನ್ತಿಚ ।
ನಸ್ವಭಾವೇಽವತಿಷ್ಠನ್ತಿವಿಧಾನೈರಪಿಚಿನ್ತಿತಾಃ ॥ 18 ॥
ವಾಯಸಾಃಸಙ್ಘಶಃಕ್ರೂರಾವ್ಯಾಹರನ್ತಿಸಮನ್ತತಃ ।
ಸಮವೇತಾಶ್ಚದೃಶ್ಯನ್ತೇವಿಮಾನಾಗ್ರೇಷುಸಙ್ಘಶಃ ॥ 19 ॥
ಗೃಧ್ರಾಶ್ಚಪರಿಲೀಯನ್ತೇಪುರೀಮುಪರಿಪಿಣ್ಡಿತಾಃ ।
ಉಪಪನ್ನಾಶ್ಚಸ್ನಧ್ಯೇದ್ವೇವ್ಯಾಹಱ್ನತ್ಯಶಿವಂಶಿವಾಃ ॥ 20 ॥
ಕ್ರವ್ಯಾದಾನಾಮ್ಮೃಗಾಣಾಞ್ಚಪುರೀದ್ವಾರೇಷುಸಙ್ಘಶಃ ।
ಶ್ರೂಯನ್ತೇವಿಪುಲಾಘೋಷಾಸ್ಸವಿಸ್ಫೂರ್ಜಿತನಿಸ್ಸ್ವನಾಃ ॥ 21 ॥
ತದೇವಮ್ಪ್ರಸ್ತುತೇಕಾರ್ಯೇಪ್ರಾಯಶ್ಚಿತ್ತಮಿದಙ್ಕ್ಷಮಮ್ ।
ರೋಚತೇಯದಿವೈದೇಹೀರಾಘವಾಯಪ್ರದೀಯತಾಮ್ ॥ 22 ॥
ಇದಞ್ಚಯದಿವಾಮೋಹಾಲ್ಲೋಭಾದ್ವಾವ್ಯಾಹೃತಮ್ಮಯಾ ।
ತತ್ರಾಪಿಚಮಹಾರಾಜ ನದೋಷಙ್ಕರ್ತುಮರ್ಹಸಿ ॥ 23 ॥
ಅಯಂಹಿದೋಷಸ್ಸರ್ವಸ್ಯಜನಸ್ಯಾಸ್ಯೋಪಲಕ್ಷ್ಯತೇ ।
ರಕ್ಷಸಾಂರಾಕ್ಷಸೀನಾಞ್ಚಪುರಸ್ಯಾನ್ತಃಪುರಸ್ಯಚ ॥ 24 ॥
ಶ್ರಾವಣೇಚಾಸ್ಯಮನ್ತ್ರಸ್ಯನಿವೃತ್ತಾಸ್ಸರ್ವಮನ್ತ್ರಿಣಃ ।
ಅವಶ್ಯಞ್ಚಮಯಾವಾಚ್ಯಂಯದ್ದೃಷ್ಟಮಪಿವಾಶ್ರುತಮ್ ॥ 25 ॥
ಹಿತಮ್ಮಹಾರ್ಥಮ್ಮೃದುಹೇತುಸಂಹಿತಂವ್ಯತೀತಕಾಲಾಯತಿಸಮ್ಪ್ರತಿಕ್ಷಮಮ್ ।
ನಿಶಮ್ಯತದ್ವಾಕ್ಯಮುಪಸ್ಥಿತಜ್ವರಃಪ್ರಸಙ್ಗವಾನುತ್ತರಮೇತದಬ್ರವೀತ್ ॥ 26 ॥
ಭಯನ್ನಪಶ್ಯಾಮಿಕುತಶ್ಚಿದಪ್ಯಹನ್ನರಾಘವಃಪ್ರಾಪ್ಸ್ಯತಿಜಾತುಮೈಥಿಲೀಮ್ ।
ಸುರೈಸ್ಸಹೇನ್ದ್ರೈರಪಿಸಙ್ಗರೇಕಥಮ್ಮಮಾಗ್ರತಸ್ಸ್ಥಾಸ್ಯತಿಲಕ್ಷ್ಮಣಾಗ್ರಜಃ ॥ 27 ॥
ಇತ್ಯೇವಮುಕ್ತ್ವಾಸುರಸೈನ್ಯನಾಶನೋಮಹಾಬಲಸ್ಸಂಯತಿಚಣ್ಡವಿಕ್ರಮಃ ।
ದಶಾನನೋಭ್ರಾತರಮಾಪ್ತವಾದಿನಂವಿಸರ್ಜಯಾಮಾಸತದಾವಿಭೀಷಣಮ್ ॥ 28 ॥
ಇತ್ಯಾರ್ಷೇ ಶ್ರೀಮದ್ರಾಮಾಯಣೇ ವಾಲ್ಮೀಕೀಯ ಆದಿಕಾವ್ಯೇ ಯುದ್ಧಕಾಣ್ಡೇ ದಶಮಸ್ಸರ್ಗಃ ॥
