శ్రీమద్వాల్మీకీయ రామాయణే యుద్ధకాండమ్ ।
అథ త్ర్యధికశతతమస్సర్గః ।
లక్ష్మణేనతుతద్వాక్యముక్తంశ్రుత్వా స రాఘవః ।
సందధేపరవీరఘ్నోధనురాదాయవీర్యవాన్ ॥ 1 ॥
రావణాయశరానఘోరాన్విససర్జచమూముఖే ।
అధాన్యంరథమాస్థాయరావణోరాక్షసాధిపః ॥ 2 ॥
అభ్యధావతకాకుత్స్థంస్వర్భానురివభాస్కరమ్ ।
దశగ్రీవోరధస్థస్తురామంవజ్రోపమైశ్శరైః ॥ 3 ॥
ఆజఘానమహాశైలంధారాభిరివతోయదః ।
దీప్తపావకసంకాశైఃశరైఃకాంచనభూషణైః ॥ 4 ॥
అభ్యవర్షద్రణరామోదశగ్రీవంసమాహితః ।
భూమౌస్థితస్యరామస్యరథస్థస్య చ రక్షసః ॥ 5 ॥
న సమంయుద్ధమిత్యాహుర్దేవగంధర్వకిన్నరాః ।
తతోదేవవరర్శ్రీమాన్ శ్రుత్వాతేషాంవచోఽమృతమ్ ॥ 6 ॥
ఆహూయమాతలింశక్రోవచనంచేదమబ్రవీత్ ।
రథేనమమభూమిష్ఠంశీఘ్రంయాహిరఘూత్తమమ్ ॥ 7 ॥
ఆహూయభూతలంయాతఃకురుదేవహితంమహత్ ।
ఇత్యుక్తోదేవరాజేనమాతలిర్దేవసారథిః ॥ 8 ॥
ప్రణమ్యశిరసాదేవంతతోవచనమబ్రవీత్ ।
శీఘ్రంయాస్యామిదేవేంద్రసారథ్యం చ కరోమ్యహమ్ ॥ 9 ॥
తతోహయైశ్చసమ్యోజ్యహరితైఃస్యందనోత్తమమ్ ।
తతఃకాంచనచిత్రాంగఃకింకిణీశతభూషితః ॥ 10 ॥
తరుణాదిత్యసంకాశోవైదూర్యమయకూబరః ।
సదశ్వైఃకాంచనాపీడైర్యుక్తశ్శ్వేతప్రకీర్ణకైః ॥ 11 ॥
హరిభిఃసూర్యసంకాశైర్హేమజాలవిభూషితైః ।
రుక్మవేణుధ్వజ్శ్రీమందేవరాజరథోవరః ॥ 12 ॥
దేవరాజేనందిష్టోరథమారుహ్యమాతలిః ।
అభ్యవర్తతకాకుత్స్థమవతీర్యత్రివష్టపాత్ ॥ 13 ॥
అబ్రవీచ్చతదారామంసప్రతోదోరథేస్థితః ।
ప్రాంజలిర్మాతలిర్వాక్యంసహస్రాక్షస్యసారథిః ॥ 14 ॥
సహస్రాక్షేణకాకుత్థ్సరథోఽయంవిజయాయతే ।
దత్తస్తవమహాసత్త్వశ్రీమన్ శత్రునిబర్హణ ॥ 15 ॥
ఇదమైంద్రంమహచ్చాపంకవచంచానగిసన్నిభమ్ ।
శరాశ్చాదిత్యసంకాశాఃశక్తిశ్చవిమలాశివా ॥ 16 ॥
శూరోఽహమితి చాత్మానమవగచ్ఛసి దుర్మతే ।
నైవ లజ్జాస్తి తే సీతాన్ చోరవద్వ్యపకర్షతః ॥ 17 ॥
ఇత్యుక్తఃసంపరిక్రమ్యరథంతమభివాద్య చ ।
ఆరురోహతదారామోలోకాన్ లక్ష్మవిరాజయన్ ॥ 18 ॥
తద్భభూవాద్భుతంయుద్ధంతుములంరోమహర్షణమ్ ।
రామస్య చ మహాబాహోరావణస్య చ రక్షసః ॥ 19 ॥
స గాంధర్వేణగాంధర్వందైవందైవేనరాఘవః ।
అస్త్రంరాక్షసరాజస్యజఘానపరమాస్త్రవిత్ ॥ 20 ॥
అస్త్రంతుపరమంఘోరంరాక్షసంరాక్షసాధిపః ।
ససర్జపరమక్రుద్ధఃపునరేవనిశాచరః ॥ 21 ॥
తేరావణధనుర్ముక్తాఃశరాఃకాంచనభూషణాః ।
అభ్యవర్తంతకాకుత్స్థంసర్పాభూత్వామహావిషాః ॥ 22 ॥
తేదీప్తవదనాదీప్తంసమంతోజ్వలనంముఖైః ।
రామమేవాభ్యవర్తంతవ్యాదితాస్యాభయానకాః ॥ 23 ॥
తైర్వాసుకిసమస్పర్శైర్దీప్తభోగైర్మహావిషైః ।
దిశశ్చసంతతాస్సర్వాప్రదిశశ్చసమావృతాః ॥ 24 ॥
తాన్ దృష్టవాపన్నగాన్ రామఃసమాపతతఆహవే ।
అస్త్రంగారుత్మతంఘోరంప్రాదుశ్చక్రేభయావహమ్ ॥ 25 ॥
తేరాఘవధనుర్ముక్తారుక్మపుంఖాఃశిఖిప్రభాః ।
సుపర్ణాఃకాంచనాభూత్వావిచేరుఃసర్పశత్రవః ॥ 26 ॥
తేతాన్సర్వాన్ జఘ్నుస్సర్పరూపాన్మహాజవాన్ ।
సుపర్ణరూపారామస్యవిశిఖాఃకామరూపిణః ॥ 27 ॥
అస్త్రేప్రతిహతేక్రుద్ధోరావణోరాక్షసాధిపః ।
అభ్యవర్షత్తదారామంఘోరాభిఃశరవృష్టిభిః ॥ 28 ॥
తతశ్శరసహస్రేణరామమక్లిష్టకారిణమ్ ।
అర్దయిత్వాశరౌఘేణమాతలింప్రత్యవిధ్యత ॥ 29 ॥
చిచ్ఛేదకేతుముద్ధిశ్యశరేణైకేనరావణః ।
పాతయిత్వారథోపస్థేరథాత్కేతుం చ కాంచనమ్ ॥ 30 ॥
ఐంద్రానపిజఘానాశ్వాన్శరజాలేనరావణః ।
తదృష్ట్వాసుమహాతత్కర్మరావణస్యదురాత్మనాః ।
విషేదుర్దేవగంధర్వాచారణాదానవైస్సహ ॥ 31 ॥
రామమార్తంతదాదృష్టవాసిద్ధాశ్చపరమర్షయః ।
వ్యథితావానరేంద్రాశ్చబభూవుస్సవిభీషణాః ॥ 32 ॥
రామచంద్రమసందృష్టవాగ్రస్తంరావణరాహుణా ।
ప్రాజాత్యం చ నక్షత్రంరోహిణీంకశశినఃప్రియామ్ ॥ 33 ॥
సమాక్రమ్యబుధస్తస్థౌప్రజానామశుభావహః ।
సధూమపరివృత్తోర్మిఃప్రజ్వలన్నివసాగరః ॥ 34 ॥
ఉత్పపాతతదాక్రుద్ధస్స్పృశన్నివదివాకరమ్ ।
శస్త్రవర్ణస్సుపరుషోమందరశ్మిద్దివాకరః ॥ 35 ॥
అదృశ్యతకబంధాంకఃసంసక్తోధూమకేతునా ।
కోసలానాం చ నక్షత్రంవ్యక్తమింద్రాగ్నిదైవతమ్ ॥ 36 ॥
ఆక్రమ్యాంగారకస్తస్థౌవిశాఖామపిచాంబరే ।
దశాస్యోవింశతిభుజఃప్రగృహీతశరాసనః ॥ 37 ॥
అదృశాస్యఃదశగ్రీవఃమైనాకఃపర్వతఃఇవ నిరస్యమానోరామస్తుదశగ్రీవేణరక్షసా ॥ 38 ॥
నాశక్నోదభిసంధాతుంసాయకాన్రణమూర్ధని ।
సఃకృత్వాభ్రుకుటింక్రుద్ధఃకించిత్సమ్రక్తలోచనః ॥ 39 ॥
ఇత్యార్షే శ్రీమద్రామాయణే వాల్మీకీయ ఆదికావ్యే యుద్ధకాండే త్ర్యధికశతతమస్సర్గః ॥
