ஶ்ரீமத்³வால்மீகீய ராமாயணே யுத்³த⁴காண்ட³ம் ।
அத² த்ர்யதி⁴கஶததமஸ்ஸர்க:³ ।
லக்ஷ்மணேனதுதத்³வாக்யமுக்தம்ஶ்ருத்வா ஸ ராக⁴வ: ।
ஸந்த³தே⁴பரவீரக்⁴னோத⁴னுராதா³யவீர்யவான் ॥ 1 ॥
ராவணாயஶரானகோ⁴ரான்விஸஸர்ஜசமூமுகே² ।
அதா⁴ன்யம்ரத²மாஸ்தா²யராவணோராக்ஷஸாதி⁴ப: ॥ 2 ॥
அப்⁴யதா⁴வதகாகுத்ஸ்த²ம்ஸ்வர்பா⁴னுரிவபா⁴ஸ்கரம் ।
த³ஶக்³ரீவோரத⁴ஸ்த²ஸ்துராமம்வஜ்ரோபமைஶ்ஶரை: ॥ 3 ॥
ஆஜகா⁴னமஹாஶைலந்தா⁴ராபி⁴ரிவதோயத:³ ।
தீ³ப்தபாவகஸங்காஶை:ஶரை:காஞ்சனபூ⁴ஷணை: ॥ 4 ॥
அப்⁴யவர்ஷத்³ரணராமோத³ஶக்³ரீவம்ஸமாஹித: ।
பூ⁴மௌஸ்தி²தஸ்யராமஸ்யரத²ஸ்த²ஸ்ய ச ரக்ஷஸ: ॥ 5 ॥
ந ஸமம்யுத்³த⁴மித்யாஹுர்தே³வக³ந்த⁴ர்வகின்னரா: ।
ததோதே³வவரர்ஶ்ரீமான் ஶ்ருத்வாதேஷாம்வசோம்ருதம் ॥ 6 ॥
ஆஹூயமாதலிம்ஶக்ரோவசனஞ்சேத³மப்³ரவீத் ।
ரதே²னமமபூ⁴மிஷ்ட²ம்ஶீக்⁴ரம்யாஹிரகூ⁴த்தமம் ॥ 7 ॥
ஆஹூயபூ⁴தலம்யாத:குருதே³வஹிதம்மஹத் ।
இத்யுக்தோதே³வராஜேனமாதலிர்தே³வஸாரதி²: ॥ 8 ॥
ப்ரணம்யஶிரஸாதே³வந்ததோவசனமப்³ரவீத் ।
ஶீக்⁴ரம்யாஸ்யாமிதே³வேந்த்³ரஸாரத்²யம் ச கரோம்யஹம் ॥ 9 ॥
ததோஹயைஶ்சஸம்யோஜ்யஹரிதை:ஸ்யந்த³னோத்தமம் ।
தத:காஞ்சனசித்ராங்க:³கிங்கிணீஶதபூ⁴ஷித: ॥ 1௦ ॥
தருணாதி³த்யஸங்காஶோவைதூ³ர்யமயகூப³ர: ।
ஸத³ஶ்வை:காஞ்சனாபீடை³ர்யுக்தஶ்ஶ்வேதப்ரகீர்ணகை: ॥ 11 ॥
ஹரிபி⁴:ஸூர்யஸங்காஶைர்ஹேமஜாலவிபூ⁴ஷிதை: ।
ருக்மவேணுத்⁴வஜ்ஶ்ரீமந்தே³வராஜரதோ²வர: ॥ 12 ॥
தே³வராஜேனந்தி³ஷ்டோரத²மாருஹ்யமாதலி: ।
அப்⁴யவர்ததகாகுத்ஸ்த²மவதீர்யத்ரிவஷ்டபாத் ॥ 13 ॥
அப்³ரவீச்சததா³ராமம்ஸப்ரதோதோ³ரதே²ஸ்தி²த: ।
ப்ராஞ்ஜலிர்மாதலிர்வாக்யம்ஸஹஸ்ராக்ஷஸ்யஸாரதி²: ॥ 14 ॥
ஸஹஸ்ராக்ஷேணகாகுத்த்²ஸரதோ²யம்விஜயாயதே ।
த³த்தஸ்தவமஹாஸத்த்வஶ்ரீமன் ஶத்ருனிப³ர்ஹண ॥ 15 ॥
இத³மைந்த்³ரம்மஹச்சாபங்கவசஞ்சானகி³ஸன்னிப⁴ம் ।
ஶராஶ்சாதி³த்யஸங்காஶா:ஶக்திஶ்சவிமலாஶிவா ॥ 16 ॥
ஶூரோஹமிதி சாத்மானமவக³ச்ச²ஸி து³ர்மதே ।
நைவ லஜ்ஜாஸ்தி தே ஸீதான் சோரவத்³வ்யபகர்ஷத: ॥ 17 ॥
இத்யுக்த:ஸம்பரிக்ரம்யரத²ந்தமபி⁴வாத்³ய ச ।
ஆருரோஹததா³ராமோலோகான் லக்ஷ்மவிராஜயன் ॥ 18 ॥
தத்³ப⁴பூ⁴வாத்³பு⁴தம்யுத்³த⁴ந்துமுலம்ரோமஹர்ஷணம் ।
ராமஸ்ய ச மஹாபா³ஹோராவணஸ்ய ச ரக்ஷஸ: ॥ 19 ॥
ஸ கா³ந்த⁴ர்வேணகா³ந்த⁴ர்வந்தை³வந்தை³வேனராக⁴வ: ।
அஸ்த்ரம்ராக்ஷஸராஜஸ்யஜகா⁴னபரமாஸ்த்ரவித் ॥ 2௦ ॥
அஸ்த்ரந்துபரமங்கோ⁴ரம்ராக்ஷஸம்ராக்ஷஸாதி⁴ப: ।
ஸஸர்ஜபரமக்ருத்³த:⁴புனரேவனிஶாசர: ॥ 21 ॥
தேராவணத⁴னுர்முக்தா:ஶரா:காஞ்சனபூ⁴ஷணா: ।
அப்⁴யவர்தந்தகாகுத்ஸ்த²ம்ஸர்பாபூ⁴த்வாமஹாவிஷா: ॥ 22 ॥
தேதீ³ப்தவத³னாதீ³ப்தம்ஸமந்தோஜ்வலனம்முகை²: ।
ராமமேவாப்⁴யவர்தந்தவ்யாதி³தாஸ்யாப⁴யானகா: ॥ 23 ॥
தைர்வாஸுகிஸமஸ்பர்ஶைர்தீ³ப்தபோ⁴கை³ர்மஹாவிஷை: ।
தி³ஶஶ்சஸந்ததாஸ்ஸர்வாப்ரதி³ஶஶ்சஸமாவ்ருதா: ॥ 24 ॥
தான் த்³ருஷ்டவாபன்னகா³ன் ராம:ஸமாபததஆஹவே ।
அஸ்த்ரங்கா³ருத்மதங்கோ⁴ரம்ப்ராது³ஶ்சக்ரேப⁴யாவஹம் ॥ 25 ॥
தேராக⁴வத⁴னுர்முக்தாருக்மபுங்கா²:ஶிகி²ப்ரபா⁴: ।
ஸுபர்ணா:காஞ்சனாபூ⁴த்வாவிசேரு:ஸர்பஶத்ரவ: ॥ 26 ॥
தேதான்ஸர்வான் ஜக்⁴னுஸ்ஸர்பரூபான்மஹாஜவான் ।
ஸுபர்ணரூபாராமஸ்யவிஶிகா²:காமரூபிண: ॥ 27 ॥
அஸ்த்ரேப்ரதிஹதேக்ருத்³தோ⁴ராவணோராக்ஷஸாதி⁴ப: ।
அப்⁴யவர்ஷத்ததா³ராமங்கோ⁴ராபி⁴:ஶரவ்ருஷ்டிபி⁴: ॥ 28 ॥
ததஶ்ஶரஸஹஸ்ரேணராமமக்லிஷ்டகாரிணம் ।
அர்த³யித்வாஶரௌகே⁴ணமாதலிம்ப்ரத்யவித்⁴யத ॥ 29 ॥
சிச்சே²த³கேதுமுத்³தி⁴ஶ்யஶரேணைகேனராவண: ।
பாதயித்வாரதோ²பஸ்தே²ரதா²த்கேதும் ச காஞ்சனம் ॥ 3௦ ॥
ஐந்த்³ரானபிஜகா⁴னாஶ்வான்ஶரஜாலேனராவண: ।
தத்³ருஷ்ட்வாஸுமஹாதத்கர்மராவணஸ்யது³ராத்மனா: ।
விஷேது³ர்தே³வக³ந்த⁴ர்வாசாரணாதா³னவைஸ்ஸஹ ॥ 31 ॥
ராமமார்தந்ததா³த்³ருஷ்டவாஸித்³தா⁴ஶ்சபரமர்ஷய: ।
வ்யதி²தாவானரேந்த்³ராஶ்சப³பூ⁴வுஸ்ஸவிபீ⁴ஷணா: ॥ 32 ॥
ராமசந்த்³ரமஸந்த்³ருஷ்டவாக்³ரஸ்தம்ராவணராஹுணா ।
ப்ராஜாத்யம் ச நக்ஷத்ரம்ரோஹிணீங்கஶஶின:ப்ரியாம் ॥ 33 ॥
ஸமாக்ரம்யபு³த⁴ஸ்தஸ்தௌ²ப்ரஜானாமஶுபா⁴வஹ: ।
ஸதூ⁴மபரிவ்ருத்தோர்மி:ப்ரஜ்வலன்னிவஸாக³ர: ॥ 34 ॥
உத்பபாதததா³க்ருத்³த⁴ஸ்ஸ்ப்ருஶன்னிவதி³வாகரம் ।
ஶஸ்த்ரவர்ணஸ்ஸுபருஷோமந்த³ரஶ்மித்³தி³வாகர: ॥ 35 ॥
அத்³ருஶ்யதகப³ந்தா⁴ங்க:ஸம்ஸக்தோதூ⁴மகேதுனா ।
கோஸலானாம் ச நக்ஷத்ரம்வ்யக்தமிந்த்³ராக்³னிதை³வதம் ॥ 36 ॥
ஆக்ரம்யாங்கா³ரகஸ்தஸ்தௌ²விஶாகா²மபிசாம்ப³ரே ।
த³ஶாஸ்யோவிம்ஶதிபு⁴ஜ:ப்ரக்³ருஹீதஶராஸன: ॥ 37 ॥
அத்³ருஶாஸ்ய:த³ஶக்³ரீவ:மைனாக:பர்வத:இவ நிரஸ்யமானோராமஸ்துத³ஶக்³ரீவேணரக்ஷஸா ॥ 38 ॥
நாஶக்னோத³பி⁴ஸந்தா⁴தும்ஸாயகான்ரணமூர்த⁴னி ।
ஸ:க்ருத்வாப்⁴ருகுடிங்க்ருத்³த:⁴கிஞ்சித்ஸம்ரக்தலோசன: ॥ 39 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே யுத்³த⁴காண்டே³ த்ர்யதி⁴கஶததமஸ்ஸர்க:³ ॥
