শ্রীমদ্বাল্মীকীয রামাযণে যুদ্ধকাংডম্ ।
অথ ত্র্যধিকশততমস্সর্গঃ ।
লক্ষ্মণেনতুতদ্বাক্যমুক্তংশ্রুত্বা স রাঘবঃ ।
সংদধেপরবীরঘ্নোধনুরাদাযবীর্যবান্ ॥ 1 ॥
রাবণাযশরানঘোরান্বিসসর্জচমূমুখে ।
অধান্যংরথমাস্থাযরাবণোরাক্ষসাধিপঃ ॥ 2 ॥
অভ্যধাবতকাকুত্স্থংস্বর্ভানুরিবভাস্করম্ ।
দশগ্রীবোরধস্থস্তুরামংবজ্রোপমৈশ্শরৈঃ ॥ 3 ॥
আজঘানমহাশৈলংধারাভিরিবতোযদঃ ।
দীপ্তপাবকসংকাশৈঃশরৈঃকাংচনভূষণৈঃ ॥ 4 ॥
অভ্যবর্ষদ্রণরামোদশগ্রীবংসমাহিতঃ ।
ভূমৌস্থিতস্যরামস্যরথস্থস্য চ রক্ষসঃ ॥ 5 ॥
ন সমংযুদ্ধমিত্যাহুর্দেবগংধর্বকিন্নরাঃ ।
ততোদেববরর্শ্রীমান্ শ্রুত্বাতেষাংবচোঽমৃতম্ ॥ 6 ॥
আহূযমাতলিংশক্রোবচনংচেদমব্রবীত্ ।
রথেনমমভূমিষ্ঠংশীঘ্রংযাহিরঘূত্তমম্ ॥ 7 ॥
আহূযভূতলংযাতঃকুরুদেবহিতংমহত্ ।
ইত্যুক্তোদেবরাজেনমাতলির্দেবসারথিঃ ॥ 8 ॥
প্রণম্যশিরসাদেবংততোবচনমব্রবীত্ ।
শীঘ্রংযাস্যামিদেবেংদ্রসারথ্যং চ করোম্যহম্ ॥ 9 ॥
ততোহযৈশ্চসম্যোজ্যহরিতৈঃস্যংদনোত্তমম্ ।
ততঃকাংচনচিত্রাংগঃকিংকিণীশতভূষিতঃ ॥ 10 ॥
তরুণাদিত্যসংকাশোবৈদূর্যমযকূবরঃ ।
সদশ্বৈঃকাংচনাপীডৈর্যুক্তশ্শ্বেতপ্রকীর্ণকৈঃ ॥ 11 ॥
হরিভিঃসূর্যসংকাশৈর্হেমজালবিভূষিতৈঃ ।
রুক্মবেণুধ্বজ্শ্রীমংদেবরাজরথোবরঃ ॥ 12 ॥
দেবরাজেনংদিষ্টোরথমারুহ্যমাতলিঃ ।
অভ্যবর্ততকাকুত্স্থমবতীর্যত্রিবষ্টপাত্ ॥ 13 ॥
অব্রবীচ্চতদারামংসপ্রতোদোরথেস্থিতঃ ।
প্রাংজলির্মাতলির্বাক্যংসহস্রাক্ষস্যসারথিঃ ॥ 14 ॥
সহস্রাক্ষেণকাকুত্থ্সরথোঽযংবিজযাযতে ।
দত্তস্তবমহাসত্ত্বশ্রীমন্ শত্রুনিবর্হণ ॥ 15 ॥
ইদমৈংদ্রংমহচ্চাপংকবচংচানগিসন্নিভম্ ।
শরাশ্চাদিত্যসংকাশাঃশক্তিশ্চবিমলাশিবা ॥ 16 ॥
শূরোঽহমিতি চাত্মানমবগচ্ছসি দুর্মতে ।
নৈব লজ্জাস্তি তে সীতান্ চোরবদ্ব্যপকর্ষতঃ ॥ 17 ॥
ইত্যুক্তঃসংপরিক্রম্যরথংতমভিবাদ্য চ ।
আরুরোহতদারামোলোকান্ লক্ষ্মবিরাজযন্ ॥ 18 ॥
তদ্ভভূবাদ্ভুতংযুদ্ধংতুমুলংরোমহর্ষণম্ ।
রামস্য চ মহাবাহোরাবণস্য চ রক্ষসঃ ॥ 19 ॥
স গাংধর্বেণগাংধর্বংদৈবংদৈবেনরাঘবঃ ।
অস্ত্রংরাক্ষসরাজস্যজঘানপরমাস্ত্রবিত্ ॥ 20 ॥
অস্ত্রংতুপরমংঘোরংরাক্ষসংরাক্ষসাধিপঃ ।
সসর্জপরমক্রুদ্ধঃপুনরেবনিশাচরঃ ॥ 21 ॥
তেরাবণধনুর্মুক্তাঃশরাঃকাংচনভূষণাঃ ।
অভ্যবর্তংতকাকুত্স্থংসর্পাভূত্বামহাবিষাঃ ॥ 22 ॥
তেদীপ্তবদনাদীপ্তংসমংতোজ্বলনংমুখৈঃ ।
রামমেবাভ্যবর্তংতব্যাদিতাস্যাভযানকাঃ ॥ 23 ॥
তৈর্বাসুকিসমস্পর্শৈর্দীপ্তভোগৈর্মহাবিষৈঃ ।
দিশশ্চসংততাস্সর্বাপ্রদিশশ্চসমাবৃতাঃ ॥ 24 ॥
তান্ দৃষ্টবাপন্নগান্ রামঃসমাপততআহবে ।
অস্ত্রংগারুত্মতংঘোরংপ্রাদুশ্চক্রেভযাবহম্ ॥ 25 ॥
তেরাঘবধনুর্মুক্তারুক্মপুংখাঃশিখিপ্রভাঃ ।
সুপর্ণাঃকাংচনাভূত্বাবিচেরুঃসর্পশত্রবঃ ॥ 26 ॥
তেতান্সর্বান্ জঘ্নুস্সর্পরূপান্মহাজবান্ ।
সুপর্ণরূপারামস্যবিশিখাঃকামরূপিণঃ ॥ 27 ॥
অস্ত্রেপ্রতিহতেক্রুদ্ধোরাবণোরাক্ষসাধিপঃ ।
অভ্যবর্ষত্তদারামংঘোরাভিঃশরবৃষ্টিভিঃ ॥ 28 ॥
ততশ্শরসহস্রেণরামমক্লিষ্টকারিণম্ ।
অর্দযিত্বাশরৌঘেণমাতলিংপ্রত্যবিধ্যত ॥ 29 ॥
চিচ্ছেদকেতুমুদ্ধিশ্যশরেণৈকেনরাবণঃ ।
পাতযিত্বারথোপস্থেরথাত্কেতুং চ কাংচনম্ ॥ 30 ॥
ঐংদ্রানপিজঘানাশ্বান্শরজালেনরাবণঃ ।
তদৃষ্ট্বাসুমহাতত্কর্মরাবণস্যদুরাত্মনাঃ ।
বিষেদুর্দেবগংধর্বাচারণাদানবৈস্সহ ॥ 31 ॥
রামমার্তংতদাদৃষ্টবাসিদ্ধাশ্চপরমর্ষযঃ ।
ব্যথিতাবানরেংদ্রাশ্চবভূবুস্সবিভীষণাঃ ॥ 32 ॥
রামচংদ্রমসংদৃষ্টবাগ্রস্তংরাবণরাহুণা ।
প্রাজাত্যং চ নক্ষত্রংরোহিণীংকশশিনঃপ্রিযাম্ ॥ 33 ॥
সমাক্রম্যবুধস্তস্থৌপ্রজানামশুভাবহঃ ।
সধূমপরিবৃত্তোর্মিঃপ্রজ্বলন্নিবসাগরঃ ॥ 34 ॥
উত্পপাততদাক্রুদ্ধস্স্পৃশন্নিবদিবাকরম্ ।
শস্ত্রবর্ণস্সুপরুষোমংদরশ্মিদ্দিবাকরঃ ॥ 35 ॥
অদৃশ্যতকবংধাংকঃসংসক্তোধূমকেতুনা ।
কোসলানাং চ নক্ষত্রংব্যক্তমিংদ্রাগ্নিদৈবতম্ ॥ 36 ॥
আক্রম্যাংগারকস্তস্থৌবিশাখামপিচাংবরে ।
দশাস্যোবিংশতিভুজঃপ্রগৃহীতশরাসনঃ ॥ 37 ॥
অদৃশাস্যঃদশগ্রীবঃমৈনাকঃপর্বতঃইব নিরস্যমানোরামস্তুদশগ্রীবেণরক্ষসা ॥ 38 ॥
নাশক্নোদভিসংধাতুংসাযকান্রণমূর্ধনি ।
সঃকৃত্বাভ্রুকুটিংক্রুদ্ধঃকিংচিত্সম্রক্তলোচনঃ ॥ 39 ॥
ইত্যার্ষে শ্রীমদ্রামাযণে বাল্মীকীয আদিকাব্যে যুদ্ধকাংডে ত্র্যধিকশততমস্সর্গঃ ॥
