ശ്രീമദ്വാല്മീകീയ രാമായണേ യുദ്ധകാംഡമ് ।
അഥ ത്ര്യധികശതതമസ്സര്ഗഃ ।
ലക്ഷ്മണേനതുതദ്വാക്യമുക്തംശ്രുത്വാ സ രാഘവഃ ।
സംദധേപരവീരഘ്നോധനുരാദായവീര്യവാന് ॥ 1 ॥
രാവണായശരാനഘോരാന്വിസസര്ജചമൂമുഖേ ।
അധാന്യംരഥമാസ്ഥായരാവണോരാക്ഷസാധിപഃ ॥ 2 ॥
അഭ്യധാവതകാകുത്സ്ഥംസ്വര്ഭാനുരിവഭാസ്കരമ് ।
ദശഗ്രീവോരധസ്ഥസ്തുരാമംവജ്രോപമൈശ്ശരൈഃ ॥ 3 ॥
ആജഘാനമഹാശൈലംധാരാഭിരിവതോയദഃ ।
ദീപ്തപാവകസംകാശൈഃശരൈഃകാംചനഭൂഷണൈഃ ॥ 4 ॥
അഭ്യവര്ഷദ്രണരാമോദശഗ്രീവംസമാഹിതഃ ।
ഭൂമൌസ്ഥിതസ്യരാമസ്യരഥസ്ഥസ്യ ച രക്ഷസഃ ॥ 5 ॥
ന സമംയുദ്ധമിത്യാഹുര്ദേവഗംധർവകിന്നരാഃ ।
തതോദേവവരര്ശ്രീമാന് ശ്രുത്വാതേഷാംവചോഽമൃതമ് ॥ 6 ॥
ആഹൂയമാതലിംശക്രോവചനംചേദമബ്രവീത് ।
രഥേനമമഭൂമിഷ്ഠംശീഘ്രംയാഹിരഘൂത്തമമ് ॥ 7 ॥
ആഹൂയഭൂതലംയാതഃകുരുദേവഹിതംമഹത് ।
ഇത്യുക്തോദേവരാജേനമാതലിര്ദേവസാരഥിഃ ॥ 8 ॥
പ്രണമ്യശിരസാദേവംതതോവചനമബ്രവീത് ।
ശീഘ്രംയാസ്യാമിദേവേംദ്രസാരഥ്യം ച കരോമ്യഹമ് ॥ 9 ॥
തതോഹയൈശ്ചസമ്യോജ്യഹരിതൈഃസ്യംദനോത്തമമ് ।
തതഃകാംചനചിത്രാംഗഃകിംകിണീശതഭൂഷിതഃ ॥ 10 ॥
തരുണാദിത്യസംകാശോവൈദൂര്യമയകൂബരഃ ।
സദശ്വൈഃകാംചനാപീഡൈര്യുക്തശ്ശ്വേതപ്രകീര്ണകൈഃ ॥ 11 ॥
ഹരിഭിഃസൂര്യസംകാശൈര്ഹേമജാലവിഭൂഷിതൈഃ ।
രുക്മവേണുധ്വജ്ശ്രീമംദേവരാജരഥോവരഃ ॥ 12 ॥
ദേവരാജേനംദിഷ്ടോരഥമാരുഹ്യമാതലിഃ ।
അഭ്യവര്തതകാകുത്സ്ഥമവതീര്യത്രിവഷ്ടപാത് ॥ 13 ॥
അബ്രവീച്ചതദാരാമംസപ്രതോദോരഥേസ്ഥിതഃ ।
പ്രാംജലിര്മാതലിർവാക്യംസഹസ്രാക്ഷസ്യസാരഥിഃ ॥ 14 ॥
സഹസ്രാക്ഷേണകാകുത്ഥ്സരഥോഽയംവിജയായതേ ।
ദത്തസ്തവമഹാസത്ത്വശ്രീമന് ശത്രുനിബര്ഹണ ॥ 15 ॥
ഇദമൈംദ്രംമഹച്ചാപംകവചംചാനഗിസന്നിഭമ് ।
ശരാശ്ചാദിത്യസംകാശാഃശക്തിശ്ചവിമലാശിവാ ॥ 16 ॥
ശൂരോഽഹമിതി ചാത്മാനമവഗച്ഛസി ദുര്മതേ ।
നൈവ ലജ്ജാസ്തി തേ സീതാന് ചോരവദ്വ്യപകര്ഷതഃ ॥ 17 ॥
ഇത്യുക്തഃസംപരിക്രമ്യരഥംതമഭിവാദ്യ ച ।
ആരുരോഹതദാരാമോലോകാന് ലക്ഷ്മവിരാജയന് ॥ 18 ॥
തദ്ഭഭൂവാദ്ഭുതംയുദ്ധംതുമുലംരോമഹര്ഷണമ് ।
രാമസ്യ ച മഹാബാഹോരാവണസ്യ ച രക്ഷസഃ ॥ 19 ॥
സ ഗാംധർവേണഗാംധർവംദൈവംദൈവേനരാഘവഃ ।
അസ്ത്രംരാക്ഷസരാജസ്യജഘാനപരമാസ്ത്രവിത് ॥ 20 ॥
അസ്ത്രംതുപരമംഘോരംരാക്ഷസംരാക്ഷസാധിപഃ ।
സസര്ജപരമക്രുദ്ധഃപുനരേവനിശാചരഃ ॥ 21 ॥
തേരാവണധനുര്മുക്താഃശരാഃകാംചനഭൂഷണാഃ ।
അഭ്യവര്തംതകാകുത്സ്ഥംസര്പാഭൂത്വാമഹാവിഷാഃ ॥ 22 ॥
തേദീപ്തവദനാദീപ്തംസമംതോജ്വലനംമുഖൈഃ ।
രാമമേവാഭ്യവര്തംതവ്യാദിതാസ്യാഭയാനകാഃ ॥ 23 ॥
തൈർവാസുകിസമസ്പര്ശൈര്ദീപ്തഭോഗൈര്മഹാവിഷൈഃ ।
ദിശശ്ചസംതതാസ്സർവാപ്രദിശശ്ചസമാവൃതാഃ ॥ 24 ॥
താന് ദൃഷ്ടവാപന്നഗാന് രാമഃസമാപതതആഹവേ ।
അസ്ത്രംഗാരുത്മതംഘോരംപ്രാദുശ്ചക്രേഭയാവഹമ് ॥ 25 ॥
തേരാഘവധനുര്മുക്താരുക്മപുംഖാഃശിഖിപ്രഭാഃ ।
സുപര്ണാഃകാംചനാഭൂത്വാവിചേരുഃസര്പശത്രവഃ ॥ 26 ॥
തേതാന്സർവാന് ജഘ്നുസ്സര്പരൂപാന്മഹാജവാന് ।
സുപര്ണരൂപാരാമസ്യവിശിഖാഃകാമരൂപിണഃ ॥ 27 ॥
അസ്ത്രേപ്രതിഹതേക്രുദ്ധോരാവണോരാക്ഷസാധിപഃ ।
അഭ്യവര്ഷത്തദാരാമംഘോരാഭിഃശരവൃഷ്ടിഭിഃ ॥ 28 ॥
തതശ്ശരസഹസ്രേണരാമമക്ലിഷ്ടകാരിണമ് ।
അര്ദയിത്വാശരൌഘേണമാതലിംപ്രത്യവിധ്യത ॥ 29 ॥
ചിച്ഛേദകേതുമുദ്ധിശ്യശരേണൈകേനരാവണഃ ।
പാതയിത്വാരഥോപസ്ഥേരഥാത്കേതും ച കാംചനമ് ॥ 30 ॥
ഐംദ്രാനപിജഘാനാശ്വാന്ശരജാലേനരാവണഃ ।
തദൃഷ്ട്വാസുമഹാതത്കര്മരാവണസ്യദുരാത്മനാഃ ।
വിഷേദുര്ദേവഗംധർവാചാരണാദാനവൈസ്സഹ ॥ 31 ॥
രാമമാര്തംതദാദൃഷ്ടവാസിദ്ധാശ്ചപരമര്ഷയഃ ।
വ്യഥിതാവാനരേംദ്രാശ്ചബഭൂവുസ്സവിഭീഷണാഃ ॥ 32 ॥
രാമചംദ്രമസംദൃഷ്ടവാഗ്രസ്തംരാവണരാഹുണാ ।
പ്രാജാത്യം ച നക്ഷത്രംരോഹിണീംകശശിനഃപ്രിയാമ് ॥ 33 ॥
സമാക്രമ്യബുധസ്തസ്ഥൌപ്രജാനാമശുഭാവഹഃ ।
സധൂമപരിവൃത്തോര്മിഃപ്രജ്വലന്നിവസാഗരഃ ॥ 34 ॥
ഉത്പപാതതദാക്രുദ്ധസ്സ്പൃശന്നിവദിവാകരമ് ।
ശസ്ത്രവര്ണസ്സുപരുഷോമംദരശ്മിദ്ദിവാകരഃ ॥ 35 ॥
അദൃശ്യതകബംധാംകഃസംസക്തോധൂമകേതുനാ ।
കോസലാനാം ച നക്ഷത്രംവ്യക്തമിംദ്രാഗ്നിദൈവതമ് ॥ 36 ॥
ആക്രമ്യാംഗാരകസ്തസ്ഥൌവിശാഖാമപിചാംബരേ ।
ദശാസ്യോവിംശതിഭുജഃപ്രഗൃഹീതശരാസനഃ ॥ 37 ॥
അദൃശാസ്യഃദശഗ്രീവഃമൈനാകഃപർവതഃഇവ നിരസ്യമാനോരാമസ്തുദശഗ്രീവേണരക്ഷസാ ॥ 38 ॥
നാശക്നോദഭിസംധാതുംസായകാന്രണമൂര്ധനി ।
സഃകൃത്വാഭ്രുകുടിംക്രുദ്ധഃകിംചിത്സമ്രക്തലോചനഃ ॥ 39 ॥
ഇത്യാര്ഷേ ശ്രീമദ്രാമായണേ വാല്മീകീയ ആദികാവ്യേ യുദ്ധകാംഡേ ത്ര്യധികശതതമസ്സര്ഗഃ ॥
