śrīmadvālmīkīya rāmāyaṇē yuddhakāṇḍam ।
atha tryadhikaśatatamassargaḥ ।
lakṣmaṇēnatutadvākyamuktaṃśrutvā sa rāghavaḥ ।
sandadhēparavīraghnōdhanurādāyavīryavān ॥ 1 ॥
rāvaṇāyaśarānaghōrānvisasarjachamūmukhē ।
adhānyaṃrathamāsthāyarāvaṇōrākṣasādhipaḥ ॥ 2 ॥
abhyadhāvatakākutsthaṃsvarbhānurivabhāskaram ।
daśagrīvōradhasthasturāmaṃvajrōpamaiśśaraiḥ ॥ 3 ॥
ājaghānamahāśailandhārābhirivatōyadaḥ ।
dīptapāvakasaṅkāśaiḥśaraiḥkāñchanabhūṣaṇaiḥ ॥ 4 ॥
abhyavarṣadraṇarāmōdaśagrīvaṃsamāhitaḥ ।
bhūmausthitasyarāmasyarathasthasya cha rakṣasaḥ ॥ 5 ॥
na samaṃyuddhamityāhurdēvagandharvakinnarāḥ ।
tatōdēvavararśrīmān śrutvātēṣāṃvachō'mṛtam ॥ 6 ॥
āhūyamātaliṃśakrōvachanañchēdamabravīt ।
rathēnamamabhūmiṣṭhaṃśīghraṃyāhiraghūttamam ॥ 7 ॥
āhūyabhūtalaṃyātaḥkurudēvahitammahat ।
ityuktōdēvarājēnamātalirdēvasārathiḥ ॥ 8 ॥
praṇamyaśirasādēvantatōvachanamabravīt ।
śīghraṃyāsyāmidēvēndrasārathyaṃ cha karōmyaham ॥ 9 ॥
tatōhayaiśchasamyōjyaharitaiḥsyandanōttamam ।
tataḥkāñchanachitrāṅgaḥkiṅkiṇīśatabhūṣitaḥ ॥ 10 ॥
taruṇādityasaṅkāśōvaidūryamayakūbaraḥ ।
sadaśvaiḥkāñchanāpīḍairyuktaśśvētaprakīrṇakaiḥ ॥ 11 ॥
haribhiḥsūryasaṅkāśairhēmajālavibhūṣitaiḥ ।
rukmavēṇudhvajśrīmandēvarājarathōvaraḥ ॥ 12 ॥
dēvarājēnandiṣṭōrathamāruhyamātaliḥ ।
abhyavartatakākutsthamavatīryatrivaṣṭapāt ॥ 13 ॥
abravīchchatadārāmaṃsapratōdōrathēsthitaḥ ।
prāñjalirmātalirvākyaṃsahasrākṣasyasārathiḥ ॥ 14 ॥
sahasrākṣēṇakākutthsarathō'yaṃvijayāyatē ।
dattastavamahāsattvaśrīman śatrunibarhaṇa ॥ 15 ॥
idamaindrammahachchāpaṅkavachañchānagisannibham ।
śarāśchādityasaṅkāśāḥśaktiśchavimalāśivā ॥ 16 ॥
śūrō'hamiti chātmānamavagachChasi durmatē ।
naiva lajjāsti tē sītān chōravadvyapakarṣataḥ ॥ 17 ॥
ityuktaḥsamparikramyarathantamabhivādya cha ।
ārurōhatadārāmōlōkān lakṣmavirājayan ॥ 18 ॥
tadbhabhūvādbhutaṃyuddhantumulaṃrōmaharṣaṇam ।
rāmasya cha mahābāhōrāvaṇasya cha rakṣasaḥ ॥ 19 ॥
sa gāndharvēṇagāndharvandaivandaivēnarāghavaḥ ।
astraṃrākṣasarājasyajaghānaparamāstravit ॥ 20 ॥
astrantuparamaṅghōraṃrākṣasaṃrākṣasādhipaḥ ।
sasarjaparamakruddhaḥpunarēvaniśācharaḥ ॥ 21 ॥
tērāvaṇadhanurmuktāḥśarāḥkāñchanabhūṣaṇāḥ ।
abhyavartantakākutsthaṃsarpābhūtvāmahāviṣāḥ ॥ 22 ॥
tēdīptavadanādīptaṃsamantōjvalanammukhaiḥ ।
rāmamēvābhyavartantavyāditāsyābhayānakāḥ ॥ 23 ॥
tairvāsukisamasparśairdīptabhōgairmahāviṣaiḥ ।
diśaśchasantatāssarvāpradiśaśchasamāvṛtāḥ ॥ 24 ॥
tān dṛṣṭavāpannagān rāmaḥsamāpatataāhavē ।
astraṅgārutmataṅghōramprāduśchakrēbhayāvaham ॥ 25 ॥
tērāghavadhanurmuktārukmapuṅkhāḥśikhiprabhāḥ ।
suparṇāḥkāñchanābhūtvāvichēruḥsarpaśatravaḥ ॥ 26 ॥
tētānsarvān jaghnussarparūpānmahājavān ।
suparṇarūpārāmasyaviśikhāḥkāmarūpiṇaḥ ॥ 27 ॥
astrēpratihatēkruddhōrāvaṇōrākṣasādhipaḥ ।
abhyavarṣattadārāmaṅghōrābhiḥśaravṛṣṭibhiḥ ॥ 28 ॥
tataśśarasahasrēṇarāmamakliṣṭakāriṇam ।
ardayitvāśaraughēṇamātalimpratyavidhyata ॥ 29 ॥
chichChēdakētumuddhiśyaśarēṇaikēnarāvaṇaḥ ।
pātayitvārathōpasthērathātkētuṃ cha kāñchanam ॥ 30 ॥
aindrānapijaghānāśvānśarajālēnarāvaṇaḥ ।
tadṛṣṭvāsumahātatkarmarāvaṇasyadurātmanāḥ ।
viṣēdurdēvagandharvāchāraṇādānavaissaha ॥ 31 ॥
rāmamārtantadādṛṣṭavāsiddhāśchaparamarṣayaḥ ।
vyathitāvānarēndrāśchababhūvussavibhīṣaṇāḥ ॥ 32 ॥
rāmachandramasandṛṣṭavāgrastaṃrāvaṇarāhuṇā ।
prājātyaṃ cha nakṣatraṃrōhiṇīṅkaśaśinaḥpriyām ॥ 33 ॥
samākramyabudhastasthauprajānāmaśubhāvahaḥ ।
sadhūmaparivṛttōrmiḥprajvalannivasāgaraḥ ॥ 34 ॥
utpapātatadākruddhasspṛśannivadivākaram ।
śastravarṇassuparuṣōmandaraśmiddivākaraḥ ॥ 35 ॥
adṛśyatakabandhāṅkaḥsaṃsaktōdhūmakētunā ।
kōsalānāṃ cha nakṣatraṃvyaktamindrāgnidaivatam ॥ 36 ॥
ākramyāṅgārakastasthauviśākhāmapichāmbarē ।
daśāsyōviṃśatibhujaḥpragṛhītaśarāsanaḥ ॥ 37 ॥
adṛśāsyaḥdaśagrīvaḥmainākaḥparvataḥiva nirasyamānōrāmastudaśagrīvēṇarakṣasā ॥ 38 ॥
nāśaknōdabhisandhātuṃsāyakānraṇamūrdhani ।
saḥkṛtvābhrukuṭiṅkruddhaḥkiñchitsamraktalōchanaḥ ॥ 39 ॥
ityārṣē śrīmadrāmāyaṇē vālmīkīya ādikāvyē yuddhakāṇḍē tryadhikaśatatamassargaḥ ॥
