શ્રીમદ્વાલ્મીકીય રામાયણે યુદ્ધકાંડમ્ ।
અથ ત્ર્યધિકશતતમસ્સર્ગઃ ।
લક્ષ્મણેનતુતદ્વાક્યમુક્તંશ્રુત્વા સ રાઘવઃ ।
સંદધેપરવીરઘ્નોધનુરાદાયવીર્યવાન્ ॥ 1 ॥
રાવણાયશરાનઘોરાન્વિસસર્જચમૂમુખે ।
અધાન્યંરથમાસ્થાયરાવણોરાક્ષસાધિપઃ ॥ 2 ॥
અભ્યધાવતકાકુત્સ્થંસ્વર્ભાનુરિવભાસ્કરમ્ ।
દશગ્રીવોરધસ્થસ્તુરામંવજ્રોપમૈશ્શરૈઃ ॥ 3 ॥
આજઘાનમહાશૈલંધારાભિરિવતોયદઃ ।
દીપ્તપાવકસંકાશૈઃશરૈઃકાંચનભૂષણૈઃ ॥ 4 ॥
અભ્યવર્ષદ્રણરામોદશગ્રીવંસમાહિતઃ ।
ભૂમૌસ્થિતસ્યરામસ્યરથસ્થસ્ય ચ રક્ષસઃ ॥ 5 ॥
ન સમંયુદ્ધમિત્યાહુર્દેવગંધર્વકિન્નરાઃ ।
તતોદેવવરર્શ્રીમાન્ શ્રુત્વાતેષાંવચોઽમૃતમ્ ॥ 6 ॥
આહૂયમાતલિંશક્રોવચનંચેદમબ્રવીત્ ।
રથેનમમભૂમિષ્ઠંશીઘ્રંયાહિરઘૂત્તમમ્ ॥ 7 ॥
આહૂયભૂતલંયાતઃકુરુદેવહિતંમહત્ ।
ઇત્યુક્તોદેવરાજેનમાતલિર્દેવસારથિઃ ॥ 8 ॥
પ્રણમ્યશિરસાદેવંતતોવચનમબ્રવીત્ ।
શીઘ્રંયાસ્યામિદેવેંદ્રસારથ્યં ચ કરોમ્યહમ્ ॥ 9 ॥
તતોહયૈશ્ચસમ્યોજ્યહરિતૈઃસ્યંદનોત્તમમ્ ।
તતઃકાંચનચિત્રાંગઃકિંકિણીશતભૂષિતઃ ॥ 10 ॥
તરુણાદિત્યસંકાશોવૈદૂર્યમયકૂબરઃ ।
સદશ્વૈઃકાંચનાપીડૈર્યુક્તશ્શ્વેતપ્રકીર્ણકૈઃ ॥ 11 ॥
હરિભિઃસૂર્યસંકાશૈર્હેમજાલવિભૂષિતૈઃ ।
રુક્મવેણુધ્વજ્શ્રીમંદેવરાજરથોવરઃ ॥ 12 ॥
દેવરાજેનંદિષ્ટોરથમારુહ્યમાતલિઃ ।
અભ્યવર્તતકાકુત્સ્થમવતીર્યત્રિવષ્ટપાત્ ॥ 13 ॥
અબ્રવીચ્ચતદારામંસપ્રતોદોરથેસ્થિતઃ ।
પ્રાંજલિર્માતલિર્વાક્યંસહસ્રાક્ષસ્યસારથિઃ ॥ 14 ॥
સહસ્રાક્ષેણકાકુત્થ્સરથોઽયંવિજયાયતે ।
દત્તસ્તવમહાસત્ત્વશ્રીમન્ શત્રુનિબર્હણ ॥ 15 ॥
ઇદમૈંદ્રંમહચ્ચાપંકવચંચાનગિસન્નિભમ્ ।
શરાશ્ચાદિત્યસંકાશાઃશક્તિશ્ચવિમલાશિવા ॥ 16 ॥
શૂરોઽહમિતિ ચાત્માનમવગચ્છસિ દુર્મતે ।
નૈવ લજ્જાસ્તિ તે સીતાન્ ચોરવદ્વ્યપકર્ષતઃ ॥ 17 ॥
ઇત્યુક્તઃસંપરિક્રમ્યરથંતમભિવાદ્ય ચ ।
આરુરોહતદારામોલોકાન્ લક્ષ્મવિરાજયન્ ॥ 18 ॥
તદ્ભભૂવાદ્ભુતંયુદ્ધંતુમુલંરોમહર્ષણમ્ ।
રામસ્ય ચ મહાબાહોરાવણસ્ય ચ રક્ષસઃ ॥ 19 ॥
સ ગાંધર્વેણગાંધર્વંદૈવંદૈવેનરાઘવઃ ।
અસ્ત્રંરાક્ષસરાજસ્યજઘાનપરમાસ્ત્રવિત્ ॥ 20 ॥
અસ્ત્રંતુપરમંઘોરંરાક્ષસંરાક્ષસાધિપઃ ।
સસર્જપરમક્રુદ્ધઃપુનરેવનિશાચરઃ ॥ 21 ॥
તેરાવણધનુર્મુક્તાઃશરાઃકાંચનભૂષણાઃ ।
અભ્યવર્તંતકાકુત્સ્થંસર્પાભૂત્વામહાવિષાઃ ॥ 22 ॥
તેદીપ્તવદનાદીપ્તંસમંતોજ્વલનંમુખૈઃ ।
રામમેવાભ્યવર્તંતવ્યાદિતાસ્યાભયાનકાઃ ॥ 23 ॥
તૈર્વાસુકિસમસ્પર્શૈર્દીપ્તભોગૈર્મહાવિષૈઃ ।
દિશશ્ચસંતતાસ્સર્વાપ્રદિશશ્ચસમાવૃતાઃ ॥ 24 ॥
તાન્ દૃષ્ટવાપન્નગાન્ રામઃસમાપતતઆહવે ।
અસ્ત્રંગારુત્મતંઘોરંપ્રાદુશ્ચક્રેભયાવહમ્ ॥ 25 ॥
તેરાઘવધનુર્મુક્તારુક્મપુંખાઃશિખિપ્રભાઃ ।
સુપર્ણાઃકાંચનાભૂત્વાવિચેરુઃસર્પશત્રવઃ ॥ 26 ॥
તેતાન્સર્વાન્ જઘ્નુસ્સર્પરૂપાન્મહાજવાન્ ।
સુપર્ણરૂપારામસ્યવિશિખાઃકામરૂપિણઃ ॥ 27 ॥
અસ્ત્રેપ્રતિહતેક્રુદ્ધોરાવણોરાક્ષસાધિપઃ ।
અભ્યવર્ષત્તદારામંઘોરાભિઃશરવૃષ્ટિભિઃ ॥ 28 ॥
તતશ્શરસહસ્રેણરામમક્લિષ્ટકારિણમ્ ।
અર્દયિત્વાશરૌઘેણમાતલિંપ્રત્યવિધ્યત ॥ 29 ॥
ચિચ્છેદકેતુમુદ્ધિશ્યશરેણૈકેનરાવણઃ ।
પાતયિત્વારથોપસ્થેરથાત્કેતું ચ કાંચનમ્ ॥ 30 ॥
ઐંદ્રાનપિજઘાનાશ્વાન્શરજાલેનરાવણઃ ।
તદૃષ્ટ્વાસુમહાતત્કર્મરાવણસ્યદુરાત્મનાઃ ।
વિષેદુર્દેવગંધર્વાચારણાદાનવૈસ્સહ ॥ 31 ॥
રામમાર્તંતદાદૃષ્ટવાસિદ્ધાશ્ચપરમર્ષયઃ ।
વ્યથિતાવાનરેંદ્રાશ્ચબભૂવુસ્સવિભીષણાઃ ॥ 32 ॥
રામચંદ્રમસંદૃષ્ટવાગ્રસ્તંરાવણરાહુણા ।
પ્રાજાત્યં ચ નક્ષત્રંરોહિણીંકશશિનઃપ્રિયામ્ ॥ 33 ॥
સમાક્રમ્યબુધસ્તસ્થૌપ્રજાનામશુભાવહઃ ।
સધૂમપરિવૃત્તોર્મિઃપ્રજ્વલન્નિવસાગરઃ ॥ 34 ॥
ઉત્પપાતતદાક્રુદ્ધસ્સ્પૃશન્નિવદિવાકરમ્ ।
શસ્ત્રવર્ણસ્સુપરુષોમંદરશ્મિદ્દિવાકરઃ ॥ 35 ॥
અદૃશ્યતકબંધાંકઃસંસક્તોધૂમકેતુના ।
કોસલાનાં ચ નક્ષત્રંવ્યક્તમિંદ્રાગ્નિદૈવતમ્ ॥ 36 ॥
આક્રમ્યાંગારકસ્તસ્થૌવિશાખામપિચાંબરે ।
દશાસ્યોવિંશતિભુજઃપ્રગૃહીતશરાસનઃ ॥ 37 ॥
અદૃશાસ્યઃદશગ્રીવઃમૈનાકઃપર્વતઃઇવ નિરસ્યમાનોરામસ્તુદશગ્રીવેણરક્ષસા ॥ 38 ॥
નાશક્નોદભિસંધાતુંસાયકાન્રણમૂર્ધનિ ।
સઃકૃત્વાભ્રુકુટિંક્રુદ્ધઃકિંચિત્સમ્રક્તલોચનઃ ॥ 39 ॥
ઇત્યાર્ષે શ્રીમદ્રામાયણે વાલ્મીકીય આદિકાવ્યે યુદ્ધકાંડે ત્ર્યધિકશતતમસ્સર્ગઃ ॥
