ଶ୍ରୀମଦ୍ଵାଲ୍ମୀକୀୟ ରାମାୟଣେ ୟୁଦ୍ଧକାଂଡମ୍ ।
ଅଥ ତ୍ର୍ୟଧିକଶତତମସ୍ସର୍ଗଃ ।
ଲକ୍ଷ୍ମଣେନତୁତଦ୍ଵାକ୍ୟମୁକ୍ତଂଶ୍ରୁତ୍ଵା ସ ରାଘଵଃ ।
ସଂଦଧେପରଵୀରଘ୍ନୋଧନୁରାଦାୟଵୀର୍ୟଵାନ୍ ॥ 1 ॥
ରାଵଣାୟଶରାନଘୋରାନ୍ଵିସସର୍ଜଚମୂମୁଖେ ।
ଅଧାନ୍ୟଂରଥମାସ୍ଥାୟରାଵଣୋରାକ୍ଷସାଧିପଃ ॥ 2 ॥
ଅଭ୍ୟଧାଵତକାକୁତ୍ସ୍ଥଂସ୍ଵର୍ଭାନୁରିଵଭାସ୍କରମ୍ ।
ଦଶଗ୍ରୀଵୋରଧସ୍ଥସ୍ତୁରାମଂଵଜ୍ରୋପମୈଶ୍ଶରୈଃ ॥ 3 ॥
ଆଜଘାନମହାଶୈଲଂଧାରାଭିରିଵତୋୟଦଃ ।
ଦୀପ୍ତପାଵକସଂକାଶୈଃଶରୈଃକାଂଚନଭୂଷଣୈଃ ॥ 4 ॥
ଅଭ୍ୟଵର୍ଷଦ୍ରଣରାମୋଦଶଗ୍ରୀଵଂସମାହିତଃ ।
ଭୂମୌସ୍ଥିତସ୍ୟରାମସ୍ୟରଥସ୍ଥସ୍ୟ ଚ ରକ୍ଷସଃ ॥ 5 ॥
ନ ସମଂୟୁଦ୍ଧମିତ୍ୟାହୁର୍ଦେଵଗଂଧର୍ଵକିନ୍ନରାଃ ।
ତତୋଦେଵଵରର୍ଶ୍ରୀମାନ୍ ଶ୍ରୁତ୍ଵାତେଷାଂଵଚୋଽମୃତମ୍ ॥ 6 ॥
ଆହୂୟମାତଲିଂଶକ୍ରୋଵଚନଂଚେଦମବ୍ରଵୀତ୍ ।
ରଥେନମମଭୂମିଷ୍ଠଂଶୀଘ୍ରଂୟାହିରଘୂତ୍ତମମ୍ ॥ 7 ॥
ଆହୂୟଭୂତଲଂୟାତଃକୁରୁଦେଵହିତଂମହତ୍ ।
ଇତ୍ୟୁକ୍ତୋଦେଵରାଜେନମାତଲିର୍ଦେଵସାରଥିଃ ॥ 8 ॥
ପ୍ରଣମ୍ୟଶିରସାଦେଵଂତତୋଵଚନମବ୍ରଵୀତ୍ ।
ଶୀଘ୍ରଂୟାସ୍ୟାମିଦେଵେଂଦ୍ରସାରଥ୍ୟଂ ଚ କରୋମ୍ୟହମ୍ ॥ 9 ॥
ତତୋହୟୈଶ୍ଚସମ୍ୟୋଜ୍ୟହରିତୈଃସ୍ୟଂଦନୋତ୍ତମମ୍ ।
ତତଃକାଂଚନଚିତ୍ରାଂଗଃକିଂକିଣୀଶତଭୂଷିତଃ ॥ 10 ॥
ତରୁଣାଦିତ୍ୟସଂକାଶୋଵୈଦୂର୍ୟମୟକୂବରଃ ।
ସଦଶ୍ଵୈଃକାଂଚନାପୀଡୈର୍ୟୁକ୍ତଶ୍ଶ୍ଵେତପ୍ରକୀର୍ଣକୈଃ ॥ 11 ॥
ହରିଭିଃସୂର୍ୟସଂକାଶୈର୍ହେମଜାଲଵିଭୂଷିତୈଃ ।
ରୁକ୍ମଵେଣୁଧ୍ଵଜ୍ଶ୍ରୀମଂଦେଵରାଜରଥୋଵରଃ ॥ 12 ॥
ଦେଵରାଜେନଂଦିଷ୍ଟୋରଥମାରୁହ୍ୟମାତଲିଃ ।
ଅଭ୍ୟଵର୍ତତକାକୁତ୍ସ୍ଥମଵତୀର୍ୟତ୍ରିଵଷ୍ଟପାତ୍ ॥ 13 ॥
ଅବ୍ରଵୀଚ୍ଚତଦାରାମଂସପ୍ରତୋଦୋରଥେସ୍ଥିତଃ ।
ପ୍ରାଂଜଲିର୍ମାତଲିର୍ଵାକ୍ୟଂସହସ୍ରାକ୍ଷସ୍ୟସାରଥିଃ ॥ 14 ॥
ସହସ୍ରାକ୍ଷେଣକାକୁତ୍ଥ୍ସରଥୋଽୟଂଵିଜୟାୟତେ ।
ଦତ୍ତସ୍ତଵମହାସତ୍ତ୍ଵଶ୍ରୀମନ୍ ଶତ୍ରୁନିବର୍ହଣ ॥ 15 ॥
ଇଦମୈଂଦ୍ରଂମହଚ୍ଚାପଂକଵଚଂଚାନଗିସନ୍ନିଭମ୍ ।
ଶରାଶ୍ଚାଦିତ୍ୟସଂକାଶାଃଶକ୍ତିଶ୍ଚଵିମଲାଶିଵା ॥ 16 ॥
ଶୂରୋଽହମିତି ଚାତ୍ମାନମଵଗଚ୍ଛସି ଦୁର୍ମତେ ।
ନୈଵ ଲଜ୍ଜାସ୍ତି ତେ ସୀତାନ୍ ଚୋରଵଦ୍ଵ୍ୟପକର୍ଷତଃ ॥ 17 ॥
ଇତ୍ୟୁକ୍ତଃସଂପରିକ୍ରମ୍ୟରଥଂତମଭିଵାଦ୍ୟ ଚ ।
ଆରୁରୋହତଦାରାମୋଲୋକାନ୍ ଲକ୍ଷ୍ମଵିରାଜୟନ୍ ॥ 18 ॥
ତଦ୍ଭଭୂଵାଦ୍ଭୁତଂୟୁଦ୍ଧଂତୁମୁଲଂରୋମହର୍ଷଣମ୍ ।
ରାମସ୍ୟ ଚ ମହାବାହୋରାଵଣସ୍ୟ ଚ ରକ୍ଷସଃ ॥ 19 ॥
ସ ଗାଂଧର୍ଵେଣଗାଂଧର୍ଵଂଦୈଵଂଦୈଵେନରାଘଵଃ ।
ଅସ୍ତ୍ରଂରାକ୍ଷସରାଜସ୍ୟଜଘାନପରମାସ୍ତ୍ରଵିତ୍ ॥ 20 ॥
ଅସ୍ତ୍ରଂତୁପରମଂଘୋରଂରାକ୍ଷସଂରାକ୍ଷସାଧିପଃ ।
ସସର୍ଜପରମକ୍ରୁଦ୍ଧଃପୁନରେଵନିଶାଚରଃ ॥ 21 ॥
ତେରାଵଣଧନୁର୍ମୁକ୍ତାଃଶରାଃକାଂଚନଭୂଷଣାଃ ।
ଅଭ୍ୟଵର୍ତଂତକାକୁତ୍ସ୍ଥଂସର୍ପାଭୂତ୍ଵାମହାଵିଷାଃ ॥ 22 ॥
ତେଦୀପ୍ତଵଦନାଦୀପ୍ତଂସମଂତୋଜ୍ଵଲନଂମୁଖୈଃ ।
ରାମମେଵାଭ୍ୟଵର୍ତଂତଵ୍ୟାଦିତାସ୍ୟାଭୟାନକାଃ ॥ 23 ॥
ତୈର୍ଵାସୁକିସମସ୍ପର୍ଶୈର୍ଦୀପ୍ତଭୋଗୈର୍ମହାଵିଷୈଃ ।
ଦିଶଶ୍ଚସଂତତାସ୍ସର୍ଵାପ୍ରଦିଶଶ୍ଚସମାଵୃତାଃ ॥ 24 ॥
ତାନ୍ ଦୃଷ୍ଟଵାପନ୍ନଗାନ୍ ରାମଃସମାପତତଆହଵେ ।
ଅସ୍ତ୍ରଂଗାରୁତ୍ମତଂଘୋରଂପ୍ରାଦୁଶ୍ଚକ୍ରେଭୟାଵହମ୍ ॥ 25 ॥
ତେରାଘଵଧନୁର୍ମୁକ୍ତାରୁକ୍ମପୁଂଖାଃଶିଖିପ୍ରଭାଃ ।
ସୁପର୍ଣାଃକାଂଚନାଭୂତ୍ଵାଵିଚେରୁଃସର୍ପଶତ୍ରଵଃ ॥ 26 ॥
ତେତାନ୍ସର୍ଵାନ୍ ଜଘ୍ନୁସ୍ସର୍ପରୂପାନ୍ମହାଜଵାନ୍ ।
ସୁପର୍ଣରୂପାରାମସ୍ୟଵିଶିଖାଃକାମରୂପିଣଃ ॥ 27 ॥
ଅସ୍ତ୍ରେପ୍ରତିହତେକ୍ରୁଦ୍ଧୋରାଵଣୋରାକ୍ଷସାଧିପଃ ।
ଅଭ୍ୟଵର୍ଷତ୍ତଦାରାମଂଘୋରାଭିଃଶରଵୃଷ୍ଟିଭିଃ ॥ 28 ॥
ତତଶ୍ଶରସହସ୍ରେଣରାମମକ୍ଲିଷ୍ଟକାରିଣମ୍ ।
ଅର୍ଦୟିତ୍ଵାଶରୌଘେଣମାତଲିଂପ୍ରତ୍ୟଵିଧ୍ୟତ ॥ 29 ॥
ଚିଚ୍ଛେଦକେତୁମୁଦ୍ଧିଶ୍ୟଶରେଣୈକେନରାଵଣଃ ।
ପାତୟିତ୍ଵାରଥୋପସ୍ଥେରଥାତ୍କେତୁଂ ଚ କାଂଚନମ୍ ॥ 30 ॥
ଐଂଦ୍ରାନପିଜଘାନାଶ୍ଵାନ୍ଶରଜାଲେନରାଵଣଃ ।
ତଦୃଷ୍ଟ୍ଵାସୁମହାତତ୍କର୍ମରାଵଣସ୍ୟଦୁରାତ୍ମନାଃ ।
ଵିଷେଦୁର୍ଦେଵଗଂଧର୍ଵାଚାରଣାଦାନଵୈସ୍ସହ ॥ 31 ॥
ରାମମାର୍ତଂତଦାଦୃଷ୍ଟଵାସିଦ୍ଧାଶ୍ଚପରମର୍ଷୟଃ ।
ଵ୍ୟଥିତାଵାନରେଂଦ୍ରାଶ୍ଚବଭୂଵୁସ୍ସଵିଭୀଷଣାଃ ॥ 32 ॥
ରାମଚଂଦ୍ରମସଂଦୃଷ୍ଟଵାଗ୍ରସ୍ତଂରାଵଣରାହୁଣା ।
ପ୍ରାଜାତ୍ୟଂ ଚ ନକ୍ଷତ୍ରଂରୋହିଣୀଂକଶଶିନଃପ୍ରିୟାମ୍ ॥ 33 ॥
ସମାକ୍ରମ୍ୟବୁଧସ୍ତସ୍ଥୌପ୍ରଜାନାମଶୁଭାଵହଃ ।
ସଧୂମପରିଵୃତ୍ତୋର୍ମିଃପ୍ରଜ୍ଵଲନ୍ନିଵସାଗରଃ ॥ 34 ॥
ଉତ୍ପପାତତଦାକ୍ରୁଦ୍ଧସ୍ସ୍ପୃଶନ୍ନିଵଦିଵାକରମ୍ ।
ଶସ୍ତ୍ରଵର୍ଣସ୍ସୁପରୁଷୋମଂଦରଶ୍ମିଦ୍ଦିଵାକରଃ ॥ 35 ॥
ଅଦୃଶ୍ୟତକବଂଧାଂକଃସଂସକ୍ତୋଧୂମକେତୁନା ।
କୋସଲାନାଂ ଚ ନକ୍ଷତ୍ରଂଵ୍ୟକ୍ତମିଂଦ୍ରାଗ୍ନିଦୈଵତମ୍ ॥ 36 ॥
ଆକ୍ରମ୍ୟାଂଗାରକସ୍ତସ୍ଥୌଵିଶାଖାମପିଚାଂବରେ ।
ଦଶାସ୍ୟୋଵିଂଶତିଭୁଜଃପ୍ରଗୃହୀତଶରାସନଃ ॥ 37 ॥
ଅଦୃଶାସ୍ୟଃଦଶଗ୍ରୀଵଃମୈନାକଃପର୍ଵତଃଇଵ ନିରସ୍ୟମାନୋରାମସ୍ତୁଦଶଗ୍ରୀଵେଣରକ୍ଷସା ॥ 38 ॥
ନାଶକ୍ନୋଦଭିସଂଧାତୁଂସାୟକାନ୍ରଣମୂର୍ଧନି ।
ସଃକୃତ୍ଵାଭ୍ରୁକୁଟିଂକ୍ରୁଦ୍ଧଃକିଂଚିତ୍ସମ୍ରକ୍ତଲୋଚନଃ ॥ 39 ॥
ଇତ୍ୟାର୍ଷେ ଶ୍ରୀମଦ୍ରାମାୟଣେ ଵାଲ୍ମୀକୀୟ ଆଦିକାଵ୍ୟେ ୟୁଦ୍ଧକାଂଡେ ତ୍ର୍ୟଧିକଶତତମସ୍ସର୍ଗଃ ॥
