ಶ್ರೀಮದ್ವಾಲ್ಮೀಕೀಯ ರಾಮಾಯಣೇ ಯುದ್ಧಕಾಣ್ಡಮ್ ।
ಅಥ ಏಕಾದಶಾಧಿಕಶತತಮಸ್ಸರ್ಗಃ ।
ಅಥಸಂಸ್ಮಾರಯಾಮಾಸಮಾತಲಿರಾಘವನ್ತದಾ ।
ಅಜಾನನ್ನಿವಕಿಂವೀರತ್ವಮೇನಮನುವರ್ತಸೇ ॥ 1 ॥
ವಿಸೃಜಾಸ್ಮೈವಧಾಯತ್ವಮಸ್ತ್ರಮ್ಪೈತಾಮಹಮ್ಪ್ರಭೋ ।
ವಿನಾಶಕಾಲಃಕಥಿತೋಃಯಃಸುರೈಃಸೋಽದ್ಯವರ್ತತೇ ॥ 2 ॥
ತತಃಸಂಸ್ಮಾರಿತೋರಾಮಸ್ತೇನವಾಕ್ಯೇನಮಾತಲೇಃ ।
ಜಗ್ರಾಹ ಸ ಶರನ್ದೀಪ್ತನ್ನಿಃಶ್ವಸನ್ತಮಿವೋರಗಮ್ ॥ 3 ॥
ಯನ್ತಸ್ಮೈಪ್ರಥಮಮ್ಪ್ರಾದಾದಗಸ್ತ್ಯೋಭಗವಾನೃಷಿಃ ।
ಬ್ರಹ್ಮದತ್ತಮ್ಮಹಾಬಾಣಮಮೋಘಂಯುಧಿವೀರ್ಯವಾನ್ ॥ 4 ॥
ಬ್ರಹ್ಮಣಾನಿರ್ಮಿತಮ್ಪೂರ್ವಮಿನ್ದ್ರಾರ್ಥಮಮಿತೌಜಸಾ ।
ದತ್ತಂಸುರಪತೇಃಪೂರ್ವನ್ತ್ರಿಲೋಕಜಯಕಾಙ್ಕ್ಷಿಣಃ ॥ 5 ॥
ಯಸ್ಯವಾಜೇಷುಪವನಃಫಲೇಪಾವಕಭಾಸ್ಕರೌ ।
ಶರೀರಮಾಕಾಶಮಯಙ್ಗೌರವೇಮೇರುಮನ್ದರೌ ॥ 6 ॥
ಜಾಜ್ವಲ್ಯಮಾನಂವಪುಷಾಸುಪುಙ್ಖಂಹೇಮಭೂಷಿತಮ್ ।
ತೇಜಸಾಸರ್ವಭೂತಾನಾಙ್ಕೃತಮ್ಭಾಸ್ಕರವರ್ಚಸಮ್ ॥ 7 ॥
ಸಧೂಮಮಿವಕಾಲಾನಗಿನ್ದೀಪ್ತಮಾಶೀವಿಷೋಪಮಮ್ ।
ನರನಾಗಾಶ್ವವೃದ್ಧಾನಾಮ್ಭೇದನಙ್ಕ್ಷಿಪ್ರಕಾರಿಣಮ್ ॥ 8 ॥
ದ್ವಾರಾಣಾಮ್ಪರಿಘಾಣಾಂ ಚ ಗಿರೀಣಾಞ್ಚಾಪಿಭೇದನಮ್ ।
ನಾನಾರುಧಿರದಿಗ್ಧಾಙ್ಗಮ್ಮೇದೋದಿಗ್ಧಂಸುದಾರುಣಮ್ ॥ 9 ॥
ವಜ್ರಸಾರಮ್ಮಹಾನಾದನ್ನಾನಾಸಮಿತಿದಾರಣಮ್ ।
ಸರ್ವವಿತ್ರಾಸನಮ್ಭೀಮಂಶ್ವಸನ್ತಮಿವಪನ್ನಗಮ್ ॥ 10 ॥
ಕಙ್ಕಗೃಧ್ರಬಕಾನಾಂ ಚ ಗೋಮಾಯುಗಣರಕ್ಷಸಾಮ್ ।
ನಿತ್ಯಮ್ಭಕ್ಷಪ್ರದಂಯುದ್ಧೇಯಮರೂಪಮ್ಭಯಾಪಹಮ್ ॥ 11 ॥
ನನ್ದನಂವಾನರೇನ್ದ್ರಾಣಾಂರಕ್ಷಸಾಮವಸಾದನಮ್ ।
ವಾಜಿತಂವಿವಿಧೈರ್ವಾಜೈಶ್ಚಾರುಚಿತ್ರೈರ್ಗರುತ್ಮತಃ ॥ 12 ॥
ತಮುತ್ತಮೇಷುಂಲೋಕಾನಾಮಿಕ್ಷ್ವಾಕುಭಯನಾಶನಮ್ ।
ದ್ವಿಷತಾಙ್ಕೀರ್ತಿಹರಣಮ್ಪ್ರಹರ್ಷಕರಮಾತ್ಮನಃ ॥ 13 ॥
ಅಭಿಮ್ನತ್ಯತತೋರಾಮಸ್ತಮ್ಮಹೇಷುಮ್ಮಹಾಬಲಃ ।
ವೇದಪ್ರೋಕ್ತೇನವಿಧಿನಾಸನ್ದಧೇಕಾರ್ಮುಕೇಬಲೀ ॥ 14 ॥
ತಸ್ಮಿನ್ ಸಧನೀಯಮಾನೇತುರಾಘವೇಣಶರೋತ್ತಮೇ ।
ಸರ್ವಭೂತಾನಿಸನ್ತ್ರೇಸುಶ್ಚಚಾಲ ಚ ವಸುನ್ಧರಾ ॥ 15 ॥
ಸ ರಾವಣಾಯಸಙ್ರುದ್ಧೋಭೃಶಮಾಯಮ್ಯಕಾರ್ಮುಕಮ್ ।
ಚಿಕ್ಷೇಪಪರಮಾಯತ್ತಃಶರಮ್ಮರ್ಮವಿದಾರಣಮ್ ॥ 16 ॥
ಸರ್ವಲೋಕೇಶ್ವರಃ ಶ್ರೀಮಾನ್ ಲೋಕಾನಾಂ ಹಿತಕಾಮ್ಯಯಾ ।
ಸರಾಕ್ಷಸ ಪರೀವಾರಂ ಹತವಾಂಸ್ತ್ವಾಂ ಮಹಾದ್ಯುತಿಃ ॥ 17 ॥
ಸ ವಿಸೃಷ್ಟೋಮಹಾವೇಗಶ್ಶರೀರಾನ್ತಕರಶ್ಶರಃ ।
ಚಿಚ್ಛೇದಹೃದಯನ್ತಸ್ಯರಾವಣಸ್ಯದುರಾತ್ಮನಃ ॥ 18 ॥
ರುಧಿರಾಕ್ತಸ್ಸವೇಗೇನಶರೀರಾನ್ತಕರಃಶರಃ ।
ರಾವಣಸ್ಯಹರನ್ಪ್ರಾಣಾನ್ವಿವೇಶಧರಣೀತಲಮ್ ॥ 19 ॥
ಸ ಶರೋರಾವಣಂಹತ್ವಾರುಧಿರಾರ್ದ್ರೀಕೃತಚ್ಛವಿಃ ।
ಕೃತಕರ್ಮಾನಿಭೃತವತ್ಸ್ವತೂಣೀಮ್ಪುನರಾವಿಶತ್ ॥ 20 ॥
ತಸ್ಯಹಸ್ತಾದ್ಧತಸ್ಯಾಶುಕಾರ್ಮುಕಂ ಚ ಸಸಾಯಕಮ್ ।
ನಿಪಪಾತಸಹಪ್ರಾಣೈರ್ಭ್ರಶ್ಯಮಾನಸ್ಯಜೀವಿತಾತ್ ॥ 21 ॥
ಗತಾಸುರ್ಭೀಮವೇಗಸ್ತುನೈರೃತೇನ್ದ್ರೋಮಹಾದ್ಯುತಿಃ ।
ಪಪಾತಸ್ಯನ್ದನಾದ್ಭೂಮೌವೃತ್ರೋವಜ್ರಹತೋಯಥಾ ॥ 22 ॥
ತನ್ದೃಷ್ಟವಾಪತಿತಮ್ಭೂಮೌಹತಶೇಷಾನಿಶಾಚರಾಃ ।
ಹತನಾಧಾಭಯತ್ರಸ್ತಾಸ್ಸರ್ವತಸ್ಸಮ್ಪ್ರದುದ್ರುವುಃ ॥ 23 ॥
ಸರ್ವತಶ್ಚಾಭಿಪೇತುಸ್ತಾನ್ವಾನರಾದ್ರುಮಯೋಧಿನಃ ।
ದಶಗ್ರೀವವಧನ್ದೃಷ್ಟವಾವಾನರಾಜಿತಕಾಶಿನಃ ॥ 24 ॥
ಅರ್ದಿತಾವಾನರೈರ್ಭ್ರಷ್ಟಾಲಙ್ಕಾಮಭ್ಯಪತನ್ ಭಯಾತ್ ।
ಹತಾಶ್ರಯಾತ್ವಾತ್ಕರುಣೈರ್ಭಾಷ್ಪಪ್ರಸ್ರವಣೈರ್ಮುಖೈಃ ॥ 25 ॥
ತತೋವಿನೇದುಃಸಮ್ಹೃಷ್ಟಾವಾನರಾಃಜಿತಕಾಶಿನಃ ।
ವದನ್ತೋರಾಘವಜಯಂರಾವಣಸ್ಯ ಜ ತದ್ವಧಮ್ ॥ 26 ॥
ಅಥಾನ್ತರಿಕ್ಷೇವ್ಯನದತ್ಸೌಮ್ಯಸ್ತ್ರಿದಶದುನ್ಧುಭಿಃ ।
ದಿವ್ಯಗನ್ಧಶಹಸ್ತತ್ರಮಾರುತಸ್ಸುಸುಕೋವವೌ ॥ 27 ॥
ನಿಪಪಾತಾನ್ತರಿಕ್ಷಾಚ್ಚಪುಷ್ಪವೃಷ್ಟಿಸ್ತದಾಭುವಿ ।
ಕಿರನ್ತೀರಾಘವರಥನ್ದುರವಾಪಾಮನೋಹರಾ ॥ 28 ॥
ರಾಘವಸ್ತವಸಂಯುಕ್ತಾಗಗನೇ ಚ ವಿಶುಶ್ರುವೇ ।
ಸಾಧುಸಾಧ್ವಿತಿವಾಗಗ್ಯ್ರಾದೇವತಾನಾಮ್ಮಹಾತ್ಮನಾಮ್ ॥ 29 ॥
ಅವಿವೇಶಮಹಾನ್ ಹರ್ಷೋದೇವಾನಾಞ್ಚಾರಣೈಃಸಹ ।
ರಾವಣೇನಿಹತೇರೌದ್ರೇಸರ್ವಲೋಕಭಯಙ್ಕರೇ ॥ 30 ॥
ತತಃಸಕಾಮಂಸುಗ್ರೀವಮಙ್ಗದಂ ಚ ವಿಭೀಷಣಮ್ ।
ಚಕಾರರಾಘವಃಪ್ರೀತೋಹತ್ವಾರಾಕ್ಷಸಪುಙ್ಗವಮ್ ॥ 31 ॥
ತತಃಪ್ರಜಗ್ಮುಃಪ್ರಶಮಮ್ಮರುದ್ಗಣಾದಿಶಃಪ್ರಸೇದುರ್ವಿಮಲನ್ನಭೋಽಭವತ್ ।
ಮಹೀಚಕಮ್ಪೇ ನ ಚ ಮಾರುತೋವವೌಸ್ಥಿರಪ್ರಭಶ್ಚಾಪ್ಯಭವದ್ದಿವಾಕರಃ ॥ 32 ॥
ತತಸ್ತುಸುಗ್ರೀವವಿಭೀಷಣಾಙ್ಗದಾಃಸುಹೃದ್ವಿಶಿಷ್ಟಾಸ್ಸಹಲಕ್ಷ್ಮಣಾಸ್ತದಾ ।
ಸಮೇತ್ಯಹೃಷ್ಟಾವಿಜಯೇನರಾಘವಂರಣೇಽಭಿರಾಮಂವಿಧಿನಾಭ್ಯಪೂಜಯನ್ ॥ 33 ॥
ಸ ತುನಿಹತರಿಪುಸ್ಸ್ಥಿರಪ್ರತಿಜ್ಞಃಸ್ವಜನಬಲಾಭಿವೃತೋರಣೇರರಾಜ ।
ರಘುಕುಲನೃಪನನ್ದನೋಮಹೌಜಾಸ್ತ್ರಿದಶಗಣೈರಭಿಸಂವೃತೋಯಥೇನ್ದ್ರಃ ॥ 34 ॥
ಇತ್ಯಾರ್ಷೇ ಶ್ರೀಮದ್ರಾಮಾಯಣೇ ವಾಲ್ಮೀಕೀಯ ಆದಿಕಾವ್ಯೇ ಯುದ್ಧಕಾಣ್ಡೇ ಏಕಾದಶಾಧಿಕಶತತಮಸ್ಸರ್ಗಃ ॥
