ଶ୍ରୀମଦ୍ଵାଲ୍ମୀକୀୟ ରାମାୟଣେ ୟୁଦ୍ଧକାଂଡମ୍ ।
ଅଥ ଏକାଦଶାଧିକଶତତମସ୍ସର୍ଗଃ ।
ଅଥସଂସ୍ମାରୟାମାସମାତଲିରାଘଵଂତଦା ।
ଅଜାନନ୍ନିଵକିଂଵୀରତ୍ଵମେନମନୁଵର୍ତସେ ॥ 1 ॥
ଵିସୃଜାସ୍ମୈଵଧାୟତ୍ଵମସ୍ତ୍ରଂପୈତାମହଂପ୍ରଭୋ ।
ଵିନାଶକାଲଃକଥିତୋଃୟଃସୁରୈଃସୋଽଦ୍ୟଵର୍ତତେ ॥ 2 ॥
ତତଃସଂସ୍ମାରିତୋରାମସ୍ତେନଵାକ୍ୟେନମାତଲେଃ ।
ଜଗ୍ରାହ ସ ଶରଂଦୀପ୍ତଂନିଃଶ୍ଵସଂତମିଵୋରଗମ୍ ॥ 3 ॥
ୟଂତସ୍ମୈପ୍ରଥମଂପ୍ରାଦାଦଗସ୍ତ୍ୟୋଭଗଵାନୃଷିଃ ।
ବ୍ରହ୍ମଦତ୍ତଂମହାବାଣମମୋଘଂୟୁଧିଵୀର୍ୟଵାନ୍ ॥ 4 ॥
ବ୍ରହ୍ମଣାନିର୍ମିତଂପୂର୍ଵମିଂଦ୍ରାର୍ଥମମିତୌଜସା ।
ଦତ୍ତଂସୁରପତେଃପୂର୍ଵଂତ୍ରିଲୋକଜୟକାଂକ୍ଷିଣଃ ॥ 5 ॥
ୟସ୍ୟଵାଜେଷୁପଵନଃଫଲେପାଵକଭାସ୍କରୌ ।
ଶରୀରମାକାଶମୟଂଗୌରଵେମେରୁମଂଦରୌ ॥ 6 ॥
ଜାଜ୍ଵଲ୍ୟମାନଂଵପୁଷାସୁପୁଂଖଂହେମଭୂଷିତମ୍ ।
ତେଜସାସର୍ଵଭୂତାନାଂକୃତଂଭାସ୍କରଵର୍ଚସମ୍ ॥ 7 ॥
ସଧୂମମିଵକାଲାନଗିଂଦୀପ୍ତମାଶୀଵିଷୋପମମ୍ ।
ନରନାଗାଶ୍ଵଵୃଦ୍ଧାନାଂଭେଦନଂକ୍ଷିପ୍ରକାରିଣମ୍ ॥ 8 ॥
ଦ୍ଵାରାଣାଂପରିଘାଣାଂ ଚ ଗିରୀଣାଂଚାପିଭେଦନମ୍ ।
ନାନାରୁଧିରଦିଗ୍ଧାଂଗଂମେଦୋଦିଗ୍ଧଂସୁଦାରୁଣମ୍ ॥ 9 ॥
ଵଜ୍ରସାରଂମହାନାଦଂନାନାସମିତିଦାରଣମ୍ ।
ସର୍ଵଵିତ୍ରାସନଂଭୀମଂଶ୍ଵସଂତମିଵପନ୍ନଗମ୍ ॥ 10 ॥
କଂକଗୃଧ୍ରବକାନାଂ ଚ ଗୋମାୟୁଗଣରକ୍ଷସାମ୍ ।
ନିତ୍ୟଂଭକ୍ଷପ୍ରଦଂୟୁଦ୍ଧେୟମରୂପଂଭୟାପହମ୍ ॥ 11 ॥
ନଂଦନଂଵାନରେଂଦ୍ରାଣାଂରକ୍ଷସାମଵସାଦନମ୍ ।
ଵାଜିତଂଵିଵିଧୈର୍ଵାଜୈଶ୍ଚାରୁଚିତ୍ରୈର୍ଗରୁତ୍ମତଃ ॥ 12 ॥
ତମୁତ୍ତମେଷୁଂଲୋକାନାମିକ୍ଷ୍ଵାକୁଭୟନାଶନମ୍ ।
ଦ୍ଵିଷତାଂକୀର୍ତିହରଣଂପ୍ରହର୍ଷକରମାତ୍ମନଃ ॥ 13 ॥
ଅଭିମ୍ନତ୍ୟତତୋରାମସ୍ତଂମହେଷୁଂମହାବଲଃ ।
ଵେଦପ୍ରୋକ୍ତେନଵିଧିନାସଂଦଧେକାର୍ମୁକେବଲୀ ॥ 14 ॥
ତସ୍ମିନ୍ ସଧନୀୟମାନେତୁରାଘଵେଣଶରୋତ୍ତମେ ।
ସର୍ଵଭୂତାନିସଂତ୍ରେସୁଶ୍ଚଚାଲ ଚ ଵସୁଂଧରା ॥ 15 ॥
ସ ରାଵଣାୟସଙ୍ରୁଦ୍ଧୋଭୃଶମାୟମ୍ୟକାର୍ମୁକମ୍ ।
ଚିକ୍ଷେପପରମାୟତ୍ତଃଶରଂମର୍ମଵିଦାରଣମ୍ ॥ 16 ॥
ସର୍ଵଲୋକେଶ୍ଵରଃ ଶ୍ରୀମାନ୍ ଲୋକାନାଂ ହିତକାମ୍ୟୟା ।
ସରାକ୍ଷସ ପରୀଵାରଂ ହତଵାଂସ୍ତ୍ଵାଂ ମହାଦ୍ୟୁତିଃ ॥ 17 ॥
ସ ଵିସୃଷ୍ଟୋମହାଵେଗଶ୍ଶରୀରାଂତକରଶ୍ଶରଃ ।
ଚିଚ୍ଛେଦହୃଦୟଂତସ୍ୟରାଵଣସ୍ୟଦୁରାତ୍ମନଃ ॥ 18 ॥
ରୁଧିରାକ୍ତସ୍ସଵେଗେନଶରୀରାଂତକରଃଶରଃ ।
ରାଵଣସ୍ୟହରନ୍ପ୍ରାଣାନ୍ଵିଵେଶଧରଣୀତଲମ୍ ॥ 19 ॥
ସ ଶରୋରାଵଣଂହତ୍ଵାରୁଧିରାର୍ଦ୍ରୀକୃତଚ୍ଛଵିଃ ।
କୃତକର୍ମାନିଭୃତଵତ୍ସ୍ଵତୂଣୀଂପୁନରାଵିଶତ୍ ॥ 20 ॥
ତସ୍ୟହସ୍ତାଦ୍ଧତସ୍ୟାଶୁକାର୍ମୁକଂ ଚ ସସାୟକମ୍ ।
ନିପପାତସହପ୍ରାଣୈର୍ଭ୍ରଶ୍ୟମାନସ୍ୟଜୀଵିତାତ୍ ॥ 21 ॥
ଗତାସୁର୍ଭୀମଵେଗସ୍ତୁନୈରୃତେଂଦ୍ରୋମହାଦ୍ୟୁତିଃ ।
ପପାତସ୍ୟଂଦନାଦ୍ଭୂମୌଵୃତ୍ରୋଵଜ୍ରହତୋୟଥା ॥ 22 ॥
ତଂଦୃଷ୍ଟଵାପତିତଂଭୂମୌହତଶେଷାନିଶାଚରାଃ ।
ହତନାଧାଭୟତ୍ରସ୍ତାସ୍ସର୍ଵତସ୍ସଂପ୍ରଦୁଦ୍ରୁଵୁଃ ॥ 23 ॥
ସର୍ଵତଶ୍ଚାଭିପେତୁସ୍ତାନ୍ଵାନରାଦ୍ରୁମୟୋଧିନଃ ।
ଦଶଗ୍ରୀଵଵଧଂଦୃଷ୍ଟଵାଵାନରାଜିତକାଶିନଃ ॥ 24 ॥
ଅର୍ଦିତାଵାନରୈର୍ଭ୍ରଷ୍ଟାଲଂକାମଭ୍ୟପତନ୍ ଭୟାତ୍ ।
ହତାଶ୍ରୟାତ୍ଵାତ୍କରୁଣୈର୍ଭାଷ୍ପପ୍ରସ୍ରଵଣୈର୍ମୁଖୈଃ ॥ 25 ॥
ତତୋଵିନେଦୁଃସମ୍ହୃଷ୍ଟାଵାନରାଃଜିତକାଶିନଃ ।
ଵଦଂତୋରାଘଵଜୟଂରାଵଣସ୍ୟ ଜ ତଦ୍ଵଧମ୍ ॥ 26 ॥
ଅଥାଂତରିକ୍ଷେଵ୍ୟନଦତ୍ସୌମ୍ୟସ୍ତ୍ରିଦଶଦୁଂଧୁଭିଃ ।
ଦିଵ୍ୟଗଂଧଶହସ୍ତତ୍ରମାରୁତସ୍ସୁସୁକୋଵଵୌ ॥ 27 ॥
ନିପପାତାଂତରିକ୍ଷାଚ୍ଚପୁଷ୍ପଵୃଷ୍ଟିସ୍ତଦାଭୁଵି ।
କିରଂତୀରାଘଵରଥଂଦୁରଵାପାମନୋହରା ॥ 28 ॥
ରାଘଵସ୍ତଵସଂୟୁକ୍ତାଗଗନେ ଚ ଵିଶୁଶ୍ରୁଵେ ।
ସାଧୁସାଧ୍ଵିତିଵାଗଗ୍ୟ୍ରାଦେଵତାନାଂମହାତ୍ମନାମ୍ ॥ 29 ॥
ଅଵିଵେଶମହାନ୍ ହର୍ଷୋଦେଵାନାଂଚାରଣୈଃସହ ।
ରାଵଣେନିହତେରୌଦ୍ରେସର୍ଵଲୋକଭୟଂକରେ ॥ 30 ॥
ତତଃସକାମଂସୁଗ୍ରୀଵମଂଗଦଂ ଚ ଵିଭୀଷଣମ୍ ।
ଚକାରରାଘଵଃପ୍ରୀତୋହତ୍ଵାରାକ୍ଷସପୁଂଗଵମ୍ ॥ 31 ॥
ତତଃପ୍ରଜଗ୍ମୁଃପ୍ରଶମଂମରୁଦ୍ଗଣାଦିଶଃପ୍ରସେଦୁର୍ଵିମଲଂନଭୋଽଭଵତ୍ ।
ମହୀଚକଂପେ ନ ଚ ମାରୁତୋଵଵୌସ୍ଥିରପ୍ରଭଶ୍ଚାପ୍ୟଭଵଦ୍ଦିଵାକରଃ ॥ 32 ॥
ତତସ୍ତୁସୁଗ୍ରୀଵଵିଭୀଷଣାଂଗଦାଃସୁହୃଦ୍ଵିଶିଷ୍ଟାସ୍ସହଲକ୍ଷ୍ମଣାସ୍ତଦା ।
ସମେତ୍ୟହୃଷ୍ଟାଵିଜୟେନରାଘଵଂରଣେଽଭିରାମଂଵିଧିନାଭ୍ୟପୂଜୟନ୍ ॥ 33 ॥
ସ ତୁନିହତରିପୁସ୍ସ୍ଥିରପ୍ରତିଜ୍ଞଃସ୍ଵଜନବଲାଭିଵୃତୋରଣେରରାଜ ।
ରଘୁକୁଲନୃପନଂଦନୋମହୌଜାସ୍ତ୍ରିଦଶଗଣୈରଭିସଂଵୃତୋୟଥେଂଦ୍ରଃ ॥ 34 ॥
ଇତ୍ୟାର୍ଷେ ଶ୍ରୀମଦ୍ରାମାୟଣେ ଵାଲ୍ମୀକୀୟ ଆଦିକାଵ୍ୟେ ୟୁଦ୍ଧକାଂଡେ ଏକାଦଶାଧିକଶତତମସ୍ସର୍ଗଃ ॥
