ஶ்ரீமத்³வால்மீகீய ராமாயணே யுத்³த⁴காண்ட³ம் ।
அத² ஏகாத³ஶாதி⁴கஶததமஸ்ஸர்க:³ ।
அத²ஸம்ஸ்மாரயாமாஸமாதலிராக⁴வந்ததா³ ।
அஜானந்னிவகிம்வீரத்வமேனமனுவர்தஸே ॥ 1 ॥
விஸ்ருஜாஸ்மைவதா⁴யத்வமஸ்த்ரம்பைதாமஹம்ப்ரபோ⁴ ।
வினாஶகால:கதி²தோ:ய:ஸுரை:ஸோத்³யவர்ததே ॥ 2 ॥
தத:ஸம்ஸ்மாரிதோராமஸ்தேனவாக்யேனமாதலே: ।
ஜக்³ராஹ ஸ ஶரந்தீ³ப்தம்னி:ஶ்வஸந்தமிவோரக³ம் ॥ 3 ॥
யந்தஸ்மைப்ரத²மம்ப்ராதா³த³க³ஸ்த்யோப⁴க³வான்ருஷி: ।
ப்³ரஹ்மத³த்தம்மஹாபா³ணமமோக⁴ம்யுதி⁴வீர்யவான் ॥ 4 ॥
ப்³ரஹ்மணானிர்மிதம்பூர்வமிந்த்³ரார்த²மமிதௌஜஸா ।
த³த்தம்ஸுரபதே:பூர்வந்த்ரிலோகஜயகாங்க்ஷிண: ॥ 5 ॥
யஸ்யவாஜேஷுபவன:ப²லேபாவகபா⁴ஸ்கரௌ ।
ஶரீரமாகாஶமயங்கௌ³ரவேமேருமந்த³ரௌ ॥ 6 ॥
ஜாஜ்வல்யமானம்வபுஷாஸுபுங்க²ம்ஹேமபூ⁴ஷிதம் ।
தேஜஸாஸர்வபூ⁴தானாங்க்ருதம்பா⁴ஸ்கரவர்சஸம் ॥ 7 ॥
ஸதூ⁴மமிவகாலானகி³ந்தீ³ப்தமாஶீவிஷோபமம் ।
நரனாகா³ஶ்வவ்ருத்³தா⁴னாம்பே⁴த³னங்க்ஷிப்ரகாரிணம் ॥ 8 ॥
த்³வாராணாம்பரிகா⁴ணாம் ச கி³ரீணாஞ்சாபிபே⁴த³னம் ।
நானாருதி⁴ரதி³க்³தா⁴ங்க³ம்மேதோ³தி³க்³த⁴ம்ஸுதா³ருணம் ॥ 9 ॥
வஜ்ரஸாரம்மஹானாத³ம்னானாஸமிதிதா³ரணம் ।
ஸர்வவித்ராஸனம்பீ⁴மம்ஶ்வஸந்தமிவபன்னக³ம் ॥ 1௦ ॥
கங்கக்³ருத்⁴ரப³கானாம் ச கோ³மாயுக³ணரக்ஷஸாம் ।
நித்யம்ப⁴க்ஷப்ரத³ம்யுத்³தே⁴யமரூபம்ப⁴யாபஹம் ॥ 11 ॥
நந்த³னம்வானரேந்த்³ராணாம்ரக்ஷஸாமவஸாத³னம் ।
வாஜிதம்விவிதை⁴ர்வாஜைஶ்சாருசித்ரைர்க³ருத்மத: ॥ 12 ॥
தமுத்தமேஷும்லோகானாமிக்ஷ்வாகுப⁴யனாஶனம் ।
த்³விஷதாங்கீர்திஹரணம்ப்ரஹர்ஷகரமாத்மன: ॥ 13 ॥
அபி⁴ம்னத்யததோராமஸ்தம்மஹேஷும்மஹாப³ல: ।
வேத³ப்ரோக்தேனவிதி⁴னாஸந்த³தே⁴கார்முகேப³லீ ॥ 14 ॥
தஸ்மின் ஸத⁴னீயமானேதுராக⁴வேணஶரோத்தமே ।
ஸர்வபூ⁴தானிஸந்த்ரேஸுஶ்சசால ச வஸுந்த⁴ரா ॥ 15 ॥
ஸ ராவணாயஸங்ருத்³தோ⁴ப்⁴ருஶமாயம்யகார்முகம் ।
சிக்ஷேபபரமாயத்த:ஶரம்மர்மவிதா³ரணம் ॥ 16 ॥
ஸர்வலோகேஶ்வர: ஶ்ரீமான் லோகானாம் ஹிதகாம்யயா ।
ஸராக்ஷஸ பரீவாரம் ஹதவாம்ஸ்த்வாம் மஹாத்³யுதி: ॥ 17 ॥
ஸ விஸ்ருஷ்டோமஹாவேக³ஶ்ஶரீராந்தகரஶ்ஶர: ।
சிச்சே²த³ஹ்ருத³யந்தஸ்யராவணஸ்யது³ராத்மன: ॥ 18 ॥
ருதி⁴ராக்தஸ்ஸவேகே³னஶரீராந்தகர:ஶர: ।
ராவணஸ்யஹரன்ப்ராணான்விவேஶத⁴ரணீதலம் ॥ 19 ॥
ஸ ஶரோராவணம்ஹத்வாருதி⁴ரார்த்³ரீக்ருதச்ச²வி: ।
க்ருதகர்மானிப்⁴ருதவத்ஸ்வதூணீம்புனராவிஶத் ॥ 2௦ ॥
தஸ்யஹஸ்தாத்³த⁴தஸ்யாஶுகார்முகம் ச ஸஸாயகம் ।
நிபபாதஸஹப்ராணைர்ப்⁴ரஶ்யமானஸ்யஜீவிதாத் ॥ 21 ॥
க³தாஸுர்பீ⁴மவேக³ஸ்துனைர்ருதேந்த்³ரோமஹாத்³யுதி: ।
பபாதஸ்யந்த³னாத்³பூ⁴மௌவ்ருத்ரோவஜ்ரஹதோயதா² ॥ 22 ॥
தந்த்³ருஷ்டவாபதிதம்பூ⁴மௌஹதஶேஷானிஶாசரா: ।
ஹதனாதா⁴ப⁴யத்ரஸ்தாஸ்ஸர்வதஸ்ஸம்ப்ரது³த்³ருவு: ॥ 23 ॥
ஸர்வதஶ்சாபி⁴பேதுஸ்தான்வானராத்³ருமயோதி⁴ன: ।
த³ஶக்³ரீவவத⁴ந்த்³ருஷ்டவாவானராஜிதகாஶின: ॥ 24 ॥
அர்தி³தாவானரைர்ப்⁴ரஷ்டாலங்காமப்⁴யபதன் ப⁴யாத் ।
ஹதாஶ்ரயாத்வாத்கருணைர்பா⁴ஷ்பப்ரஸ்ரவணைர்முகை²: ॥ 25 ॥
ததோவினேது³:ஸம்ஹ்ருஷ்டாவானரா:ஜிதகாஶின: ।
வத³ந்தோராக⁴வஜயம்ராவணஸ்ய ஜ தத்³வத⁴ம் ॥ 26 ॥
அதா²ந்தரிக்ஷேவ்யனத³த்ஸௌம்யஸ்த்ரித³ஶது³ந்து⁴பி⁴: ।
தி³வ்யக³ந்த⁴ஶஹஸ்தத்ரமாருதஸ்ஸுஸுகோவவௌ ॥ 27 ॥
நிபபாதாந்தரிக்ஷாச்சபுஷ்பவ்ருஷ்டிஸ்ததா³பு⁴வி ।
கிரந்தீராக⁴வரத²ந்து³ரவாபாமனோஹரா ॥ 28 ॥
ராக⁴வஸ்தவஸம்யுக்தாக³க³னே ச விஶுஶ்ருவே ।
ஸாது⁴ஸாத்⁴விதிவாக³க்³ய்ராதே³வதானாம்மஹாத்மனாம் ॥ 29 ॥
அவிவேஶமஹான் ஹர்ஷோதே³வானாஞ்சாரணை:ஸஹ ।
ராவணேனிஹதேரௌத்³ரேஸர்வலோகப⁴யங்கரே ॥ 3௦ ॥
தத:ஸகாமம்ஸுக்³ரீவமங்க³த³ம் ச விபீ⁴ஷணம் ।
சகாரராக⁴வ:ப்ரீதோஹத்வாராக்ஷஸபுங்க³வம் ॥ 31 ॥
தத:ப்ரஜக்³மு:ப்ரஶமம்மருத்³க³ணாதி³ஶ:ப்ரஸேது³ர்விமலம்னபோ⁴ப⁴வத் ।
மஹீசகம்பே ந ச மாருதோவவௌஸ்தி²ரப்ரப⁴ஶ்சாப்யப⁴வத்³தி³வாகர: ॥ 32 ॥
ததஸ்துஸுக்³ரீவவிபீ⁴ஷணாங்க³தா³:ஸுஹ்ருத்³விஶிஷ்டாஸ்ஸஹலக்ஷ்மணாஸ்ததா³ ।
ஸமேத்யஹ்ருஷ்டாவிஜயேனராக⁴வம்ரணேபி⁴ராமம்விதி⁴னாப்⁴யபூஜயன் ॥ 33 ॥
ஸ துனிஹதரிபுஸ்ஸ்தி²ரப்ரதிஜ்ஞ:ஸ்வஜனப³லாபி⁴வ்ருதோரணேரராஜ ।
ரகு⁴குலன்ருபனந்த³னோமஹௌஜாஸ்த்ரித³ஶக³ணைரபி⁴ஸம்வ்ருதோயதே²ந்த்³ர: ॥ 34 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே யுத்³த⁴காண்டே³ ஏகாத³ஶாதி⁴கஶததமஸ்ஸர்க:³ ॥
