শ্রীমদ্বাল্মীকীয় রামাযণে যুদ্ধকাংডম্ ।
অথ একাদশাধিকশততমস্সর্গঃ ।
অথসংস্মারয়ামাসমাতলিরাঘবংতদা ।
অজানন্নিবকিংবীরত্বমেনমনুবর্তসে ॥ 1 ॥
বিসৃজাস্মৈবধাযত্বমস্ত্রংপৈতামহংপ্রভো ।
বিনাশকালঃকথিতোঃয়ঃসুরৈঃসোঽদ্যবর্ততে ॥ 2 ॥
ততঃসংস্মারিতোরামস্তেনবাক্য়েনমাতলেঃ ।
জগ্রাহ স শরংদীপ্তংনিঃশ্বসংতমিবোরগম্ ॥ 3 ॥
যংতস্মৈপ্রথমংপ্রাদাদগস্ত্য়োভগবানৃষিঃ ।
ব্রহ্মদত্তংমহাবাণমমোঘংয়ুধিবীর্যবান্ ॥ 4 ॥
ব্রহ্মণানির্মিতংপূর্বমিংদ্রার্থমমিতৌজসা ।
দত্তংসুরপতেঃপূর্বংত্রিলোকজযকাংক্ষিণঃ ॥ 5 ॥
যস্যবাজেষুপবনঃফলেপাবকভাস্করৌ ।
শরীরমাকাশময়ংগৌরবেমেরুমংদরৌ ॥ 6 ॥
জাজ্বল্যমানংবপুষাসুপুংখংহেমভূষিতম্ ।
তেজসাসর্বভূতানাংকৃতংভাস্করবর্চসম্ ॥ 7 ॥
সধূমমিবকালানগিংদীপ্তমাশীবিষোপমম্ ।
নরনাগাশ্ববৃদ্ধানাংভেদনংক্ষিপ্রকারিণম্ ॥ 8 ॥
দ্বারাণাংপরিঘাণাং চ গিরীণাংচাপিভেদনম্ ।
নানারুধিরদিগ্ধাংগংমেদোদিগ্ধংসুদারুণম্ ॥ 9 ॥
বজ্রসারংমহানাদংনানাসমিতিদারণম্ ।
সর্ববিত্রাসনংভীমংশ্বসংতমিবপন্নগম্ ॥ 10 ॥
কংকগৃধ্রবকানাং চ গোমায়ুগণরক্ষসাম্ ।
নিত্য়ংভক্ষপ্রদংয়ুদ্ধেযমরূপংভয়াপহম্ ॥ 11 ॥
নংদনংবানরেংদ্রাণাংরক্ষসামবসাদনম্ ।
বাজিতংবিবিধৈর্বাজৈশ্চারুচিত্রৈর্গরুত্মতঃ ॥ 12 ॥
তমুত্তমেষুংলোকানামিক্ষ্বাকুভযনাশনম্ ।
দ্বিষতাংকীর্তিহরণংপ্রহর্ষকরমাত্মনঃ ॥ 13 ॥
অভিম্নত্যততোরামস্তংমহেষুংমহাবলঃ ।
বেদপ্রোক্তেনবিধিনাসংদধেকার্মুকেবলী ॥ 14 ॥
তস্মিন্ সধনীযমানেতুরাঘবেণশরোত্তমে ।
সর্বভূতানিসংত্রেসুশ্চচাল চ বসুংধরা ॥ 15 ॥
স রাবণাযসঙ্রুদ্ধোভৃশমাযম্যকার্মুকম্ ।
চিক্ষেপপরমাযত্তঃশরংমর্মবিদারণম্ ॥ 16 ॥
সর্বলোকেশ্বরঃ শ্রীমান্ লোকানাং হিতকাম্যয়া ।
সরাক্ষস পরীবারং হতবাংস্ত্বাং মহাদ্য়ুতিঃ ॥ 17 ॥
স বিসৃষ্টোমহাবেগশ্শরীরাংতকরশ্শরঃ ।
চিচ্ছেদহৃদয়ংতস্যরাবণস্যদুরাত্মনঃ ॥ 18 ॥
রুধিরাক্তস্সবেগেনশরীরাংতকরঃশরঃ ।
রাবণস্যহরন্প্রাণান্বিবেশধরণীতলম্ ॥ 19 ॥
স শরোরাবণংহত্বারুধিরার্দ্রীকৃতচ্ছবিঃ ।
কৃতকর্মানিভৃতবত্স্বতূণীংপুনরাবিশত্ ॥ 20 ॥
তস্যহস্তাদ্ধতস্য়াশুকার্মুকং চ সসাযকম্ ।
নিপপাতসহপ্রাণৈর্ভ্রশ্যমানস্যজীবিতাত্ ॥ 21 ॥
গতাসুর্ভীমবেগস্তুনৈরৃতেংদ্রোমহাদ্য়ুতিঃ ।
পপাতস্য়ংদনাদ্ভূমৌবৃত্রোবজ্রহতোযথা ॥ 22 ॥
তংদৃষ্টবাপতিতংভূমৌহতশেষানিশাচরাঃ ।
হতনাধাভযত্রস্তাস্সর্বতস্সংপ্রদুদ্রুবুঃ ॥ 23 ॥
সর্বতশ্চাভিপেতুস্তান্বানরাদ্রুময়োধিনঃ ।
দশগ্রীববধংদৃষ্টবাবানরাজিতকাশিনঃ ॥ 24 ॥
অর্দিতাবানরৈর্ভ্রষ্টালংকামভ্যপতন্ ভয়াত্ ।
হতাশ্রয়াত্বাত্করুণৈর্ভাষ্পপ্রস্রবণৈর্মুখৈঃ ॥ 25 ॥
ততোবিনেদুঃসম্হৃষ্টাবানরাঃজিতকাশিনঃ ।
বদংতোরাঘবজয়ংরাবণস্য় জ তদ্বধম্ ॥ 26 ॥
অথাংতরিক্ষেব্যনদত্সৌম্যস্ত্রিদশদুংধুভিঃ ।
দিব্যগংধশহস্তত্রমারুতস্সুসুকোববৌ ॥ 27 ॥
নিপপাতাংতরিক্ষাচ্চপুষ্পবৃষ্টিস্তদাভুবি ।
কিরংতীরাঘবরথংদুরবাপামনোহরা ॥ 28 ॥
রাঘবস্তবসংয়ুক্তাগগনে চ বিশুশ্রুবে ।
সাধুসাধ্বিতিবাগগ্য়্রাদেবতানাংমহাত্মনাম্ ॥ 29 ॥
অবিবেশমহান্ হর্ষোদেবানাংচারণৈঃসহ ।
রাবণেনিহতেরৌদ্রেসর্বলোকভয়ংকরে ॥ 30 ॥
ততঃসকামংসুগ্রীবমংগদং চ বিভীষণম্ ।
চকাররাঘবঃপ্রীতোহত্বারাক্ষসপুংগবম্ ॥ 31 ॥
ততঃপ্রজগ্মুঃপ্রশমংমরুদ্গণাদিশঃপ্রসেদুর্বিমলংনভোঽভবত্ ।
মহীচকংপে ন চ মারুতোববৌস্থিরপ্রভশ্চাপ্যভবদ্দিবাকরঃ ॥ 32 ॥
ততস্তুসুগ্রীববিভীষণাংগদাঃসুহৃদ্বিশিষ্টাস্সহলক্ষ্মণাস্তদা ।
সমেত্যহৃষ্টাবিজয়েনরাঘবংরণেঽভিরামংবিধিনাভ্যপূজযন্ ॥ 33 ॥
স তুনিহতরিপুস্স্থিরপ্রতিজ্ঞঃস্বজনবলাভিবৃতোরণেররাজ ।
রঘুকুলনৃপনংদনোমহৌজাস্ত্রিদশগণৈরভিসংবৃতোযথেংদ্রঃ ॥ 34 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে যুদ্ধকাংডে একাদশাধিকশততমস্সর্গঃ ॥
