śrīmadvālmīkīya rāmāyaṇē yuddhakāṇḍam ।
atha ēkādaśādhikaśatatamassargaḥ ।
athasaṃsmārayāmāsamātalirāghavantadā ।
ajānannivakiṃvīratvamēnamanuvartasē ॥ 1 ॥
visṛjāsmaivadhāyatvamastrampaitāmahamprabhō ।
vināśakālaḥkathitōḥyaḥsuraiḥsō'dyavartatē ॥ 2 ॥
tataḥsaṃsmāritōrāmastēnavākyēnamātalēḥ ।
jagrāha sa śarandīptanniḥśvasantamivōragam ॥ 3 ॥
yantasmaiprathamamprādādagastyōbhagavānṛṣiḥ ।
brahmadattammahābāṇamamōghaṃyudhivīryavān ॥ 4 ॥
brahmaṇānirmitampūrvamindrārthamamitaujasā ।
dattaṃsurapatēḥpūrvantrilōkajayakāṅkṣiṇaḥ ॥ 5 ॥
yasyavājēṣupavanaḥphalēpāvakabhāskarau ।
śarīramākāśamayaṅgauravēmērumandarau ॥ 6 ॥
jājvalyamānaṃvapuṣāsupuṅkhaṃhēmabhūṣitam ।
tējasāsarvabhūtānāṅkṛtambhāskaravarchasam ॥ 7 ॥
sadhūmamivakālānagindīptamāśīviṣōpamam ।
naranāgāśvavṛddhānāmbhēdanaṅkṣiprakāriṇam ॥ 8 ॥
dvārāṇāmparighāṇāṃ cha girīṇāñchāpibhēdanam ।
nānārudhiradigdhāṅgammēdōdigdhaṃsudāruṇam ॥ 9 ॥
vajrasārammahānādannānāsamitidāraṇam ।
sarvavitrāsanambhīmaṃśvasantamivapannagam ॥ 10 ॥
kaṅkagṛdhrabakānāṃ cha gōmāyugaṇarakṣasām ।
nityambhakṣapradaṃyuddhēyamarūpambhayāpaham ॥ 11 ॥
nandanaṃvānarēndrāṇāṃrakṣasāmavasādanam ।
vājitaṃvividhairvājaiśchāruchitrairgarutmataḥ ॥ 12 ॥
tamuttamēṣuṃlōkānāmikṣvākubhayanāśanam ।
dviṣatāṅkīrtiharaṇampraharṣakaramātmanaḥ ॥ 13 ॥
abhimnatyatatōrāmastammahēṣummahābalaḥ ।
vēdaprōktēnavidhināsandadhēkārmukēbalī ॥ 14 ॥
tasmin sadhanīyamānēturāghavēṇaśarōttamē ।
sarvabhūtānisantrēsuśchachāla cha vasundharā ॥ 15 ॥
sa rāvaṇāyasaṅruddhōbhṛśamāyamyakārmukam ।
chikṣēpaparamāyattaḥśarammarmavidāraṇam ॥ 16 ॥
sarvalōkēśvaraḥ śrīmān lōkānāṃ hitakāmyayā ।
sarākṣasa parīvāraṃ hatavāṃstvāṃ mahādyutiḥ ॥ 17 ॥
sa visṛṣṭōmahāvēgaśśarīrāntakaraśśaraḥ ।
chichChēdahṛdayantasyarāvaṇasyadurātmanaḥ ॥ 18 ॥
rudhirāktassavēgēnaśarīrāntakaraḥśaraḥ ।
rāvaṇasyaharanprāṇānvivēśadharaṇītalam ॥ 19 ॥
sa śarōrāvaṇaṃhatvārudhirārdrīkṛtachChaviḥ ।
kṛtakarmānibhṛtavatsvatūṇīmpunarāviśat ॥ 20 ॥
tasyahastāddhatasyāśukārmukaṃ cha sasāyakam ।
nipapātasahaprāṇairbhraśyamānasyajīvitāt ॥ 21 ॥
gatāsurbhīmavēgastunairṛtēndrōmahādyutiḥ ।
papātasyandanādbhūmauvṛtrōvajrahatōyathā ॥ 22 ॥
tandṛṣṭavāpatitambhūmauhataśēṣāniśācharāḥ ।
hatanādhābhayatrastāssarvatassampradudruvuḥ ॥ 23 ॥
sarvataśchābhipētustānvānarādrumayōdhinaḥ ।
daśagrīvavadhandṛṣṭavāvānarājitakāśinaḥ ॥ 24 ॥
arditāvānarairbhraṣṭālaṅkāmabhyapatan bhayāt ।
hatāśrayātvātkaruṇairbhāṣpaprasravaṇairmukhaiḥ ॥ 25 ॥
tatōvinēduḥsamhṛṣṭāvānarāḥjitakāśinaḥ ।
vadantōrāghavajayaṃrāvaṇasya ja tadvadham ॥ 26 ॥
athāntarikṣēvyanadatsaumyastridaśadundhubhiḥ ।
divyagandhaśahastatramārutassusukōvavau ॥ 27 ॥
nipapātāntarikṣāchchapuṣpavṛṣṭistadābhuvi ।
kirantīrāghavarathanduravāpāmanōharā ॥ 28 ॥
rāghavastavasaṃyuktāgaganē cha viśuśruvē ।
sādhusādhvitivāgagyrādēvatānāmmahātmanām ॥ 29 ॥
avivēśamahān harṣōdēvānāñchāraṇaiḥsaha ।
rāvaṇēnihatēraudrēsarvalōkabhayaṅkarē ॥ 30 ॥
tataḥsakāmaṃsugrīvamaṅgadaṃ cha vibhīṣaṇam ।
chakārarāghavaḥprītōhatvārākṣasapuṅgavam ॥ 31 ॥
tataḥprajagmuḥpraśamammarudgaṇādiśaḥprasēdurvimalannabhō'bhavat ।
mahīchakampē na cha mārutōvavausthiraprabhaśchāpyabhavaddivākaraḥ ॥ 32 ॥
tatastusugrīvavibhīṣaṇāṅgadāḥsuhṛdviśiṣṭāssahalakṣmaṇāstadā ।
samētyahṛṣṭāvijayēnarāghavaṃraṇē'bhirāmaṃvidhinābhyapūjayan ॥ 33 ॥
sa tunihataripussthirapratijñaḥsvajanabalābhivṛtōraṇērarāja ।
raghukulanṛpanandanōmahaujāstridaśagaṇairabhisaṃvṛtōyathēndraḥ ॥ 34 ॥
ityārṣē śrīmadrāmāyaṇē vālmīkīya ādikāvyē yuddhakāṇḍē ēkādaśādhikaśatatamassargaḥ ॥
