ශ්රීමද්වාල්මීකීය රාමායණේ යුද්ධකාංඩම් ।
අථ ඒකාදශාධිකශතතමස්සර්ගඃ ।
අථසංස්මාරයාමාසමාතලිරාඝවංතදා ।
අජානන්නිවකිංවීරත්වමේනමනුවර්තසේ ॥ 1 ॥
විසෘජාස්මෛවධායත්වමස්ත්රංපෛතාමහංප්රභෝ ।
විනාශකාලඃකථිතෝඃයඃසුරෛඃසෝऽද්යවර්තතේ ॥ 2 ॥
තතඃසංස්මාරිතෝරාමස්තේනවාක්යේනමාතලේඃ ।
ජග්රාහ ස ශරංදීප්තංනිඃශ්වසංතමිවෝරගම් ॥ 3 ॥
යංතස්මෛප්රථමංප්රාදාදගස්ත්යෝභගවානෘෂිඃ ।
බ්රහ්මදත්තංමහාබාණමමෝඝංයුධිවීර්යවාන් ॥ 4 ॥
බ්රහ්මණානිර්මිතංපූර්වමිංද්රාර්ථමමිතෞජසා ।
දත්තංසුරපතේඃපූර්වංත්රිලෝකජයකාංක්ෂිණඃ ॥ 5 ॥
යස්යවාජේෂුපවනඃඵලේපාවකභාස්කරෞ ।
ශරීරමාකාශමයංගෞරවේමේරුමංදරෞ ॥ 6 ॥
ජාජ්වල්යමානංවපුෂාසුපුංඛංහේමභූෂිතම් ।
තේජසාසර්වභූතානාංකෘතංභාස්කරවර්චසම් ॥ 7 ॥
සධූමමිවකාලානගිංදීප්තමාශීවිෂෝපමම් ।
නරනාගාශ්වවෘද්ධානාංභේදනංක්ෂිප්රකාරිණම් ॥ 8 ॥
ද්වාරාණාංපරිඝාණාං ච ගිරීණාංචාපිභේදනම් ।
නානාරුධිරදිග්ධාංගංමේදෝදිග්ධංසුදාරුණම් ॥ 9 ॥
වජ්රසාරංමහානාදංනානාසමිතිදාරණම් ।
සර්වවිත්රාසනංභීමංශ්වසංතමිවපන්නගම් ॥ 10 ॥
කංකගෘධ්රබකානාං ච ගෝමායුගණරක්ෂසාම් ।
නිත්යංභක්ෂප්රදංයුද්ධේයමරූපංභයාපහම් ॥ 11 ॥
නංදනංවානරේංද්රාණාංරක්ෂසාමවසාදනම් ।
වාජිතංවිවිධෛර්වාජෛශ්චාරුචිත්රෛර්ගරුත්මතඃ ॥ 12 ॥
තමුත්තමේෂුංලෝකානාමික්ෂ්වාකුභයනාශනම් ।
ද්විෂතාංකීර්තිහරණංප්රහර්ෂකරමාත්මනඃ ॥ 13 ॥
අභිම්නත්යතතෝරාමස්තංමහේෂුංමහාබලඃ ।
වේදප්රෝක්තේනවිධිනාසංදධේකාර්මුකේබලී ॥ 14 ॥
තස්මින් සධනීයමානේතුරාඝවේණශරෝත්තමේ ।
සර්වභූතානිසංත්රේසුශ්චචාල ච වසුංධරා ॥ 15 ॥
ස රාවණායසඞ්රුද්ධෝභෘශමායම්යකාර්මුකම් ।
චික්ෂේපපරමායත්තඃශරංමර්මවිදාරණම් ॥ 16 ॥
සර්වලෝකේශ්වරඃ ශ්රීමාන් ලෝකානාං හිතකාම්යයා ।
සරාක්ෂස පරීවාරං හතවාංස්ත්වාං මහාද්යුතිඃ ॥ 17 ॥
ස විසෘෂ්ටෝමහාවේගශ්ශරීරාංතකරශ්ශරඃ ।
චිච්ඡේදහෘදයංතස්යරාවණස්යදුරාත්මනඃ ॥ 18 ॥
රුධිරාක්තස්සවේගේනශරීරාංතකරඃශරඃ ।
රාවණස්යහරන්ප්රාණාන්විවේශධරණීතලම් ॥ 19 ॥
ස ශරෝරාවණංහත්වාරුධිරාර්ද්රීකෘතච්ඡවිඃ ।
කෘතකර්මානිභෘතවත්ස්වතූණීංපුනරාවිශත් ॥ 20 ॥
තස්යහස්තාද්ධතස්යාශුකාර්මුකං ච සසායකම් ।
නිපපාතසහප්රාණෛර්භ්රශ්යමානස්යජීවිතාත් ॥ 21 ॥
ගතාසුර්භීමවේගස්තුනෛරෘතේංද්රෝමහාද්යුතිඃ ।
පපාතස්යංදනාද්භූමෞවෘත්රෝවජ්රහතෝයථා ॥ 22 ॥
තංදෘෂ්ටවාපතිතංභූමෞහතශේෂානිශාචරාඃ ।
හතනාධාභයත්රස්තාස්සර්වතස්සංප්රදුද්රුවුඃ ॥ 23 ॥
සර්වතශ්චාභිපේතුස්තාන්වානරාද්රුමයෝධිනඃ ।
දශග්රීවවධංදෘෂ්ටවාවානරාජිතකාශිනඃ ॥ 24 ॥
අර්දිතාවානරෛර්භ්රෂ්ටාලංකාමභ්යපතන් භයාත් ।
හතාශ්රයාත්වාත්කරුණෛර්භාෂ්පප්රස්රවණෛර්මුඛෛඃ ॥ 25 ॥
තතෝවිනේදුඃසම්හෘෂ්ටාවානරාඃජිතකාශිනඃ ।
වදංතෝරාඝවජයංරාවණස්ය ජ තද්වධම් ॥ 26 ॥
අථාංතරික්ෂේව්යනදත්සෞම්යස්ත්රිදශදුංධුභිඃ ।
දිව්යගංධශහස්තත්රමාරුතස්සුසුකෝවවෞ ॥ 27 ॥
නිපපාතාංතරික්ෂාච්චපුෂ්පවෘෂ්ටිස්තදාභුවි ।
කිරංතීරාඝවරථංදුරවාපාමනෝහරා ॥ 28 ॥
රාඝවස්තවසංයුක්තාගගනේ ච විශුශ්රුවේ ।
සාධුසාධ්විතිවාගග්ය්රාදේවතානාංමහාත්මනාම් ॥ 29 ॥
අවිවේශමහාන් හර්ෂෝදේවානාංචාරණෛඃසහ ।
රාවණේනිහතේරෞද්රේසර්වලෝකභයංකරේ ॥ 30 ॥
තතඃසකාමංසුග්රීවමංගදං ච විභීෂණම් ।
චකාරරාඝවඃප්රීතෝහත්වාරාක්ෂසපුංගවම් ॥ 31 ॥
තතඃප්රජග්මුඃප්රශමංමරුද්ගණාදිශඃප්රසේදුර්විමලංනභෝऽභවත් ।
මහීචකංපේ න ච මාරුතෝවවෞස්ථිරප්රභශ්චාප්යභවද්දිවාකරඃ ॥ 32 ॥
තතස්තුසුග්රීවවිභීෂණාංගදාඃසුහෘද්විශිෂ්ටාස්සහලක්ෂ්මණාස්තදා ।
සමේත්යහෘෂ්ටාවිජයේනරාඝවංරණේऽභිරාමංවිධිනාභ්යපූජයන් ॥ 33 ॥
ස තුනිහතරිපුස්ස්ථිරප්රතිජ්ඤඃස්වජනබලාභිවෘතෝරණේරරාජ ।
රඝුකුලනෘපනංදනෝමහෞජාස්ත්රිදශගණෛරභිසංවෘතෝයථේංද්රඃ ॥ 34 ॥
ඉත්යාර්ෂේ ශ්රීමද්රාමායණේ වාල්මීකීය ආදිකාව්යේ යුද්ධකාංඩේ ඒකාදශාධිකශතතමස්සර්ගඃ ॥
