శ్రీమద్వాల్మీకీయ రామాయణే యుద్ధకాండమ్ ।
అథ ఏకాదశాధికశతతమస్సర్గః ।
అథసంస్మారయామాసమాతలిరాఘవంతదా ।
అజానన్నివకింవీరత్వమేనమనువర్తసే ॥ 1 ॥
విసృజాస్మైవధాయత్వమస్త్రంపైతామహంప్రభో ।
వినాశకాలఃకథితోఃయఃసురైఃసోఽద్యవర్తతే ॥ 2 ॥
తతఃసంస్మారితోరామస్తేనవాక్యేనమాతలేః ।
జగ్రాహ స శరందీప్తంనిఃశ్వసంతమివోరగమ్ ॥ 3 ॥
యంతస్మైప్రథమంప్రాదాదగస్త్యోభగవానృషిః ।
బ్రహ్మదత్తంమహాబాణమమోఘంయుధివీర్యవాన్ ॥ 4 ॥
బ్రహ్మణానిర్మితంపూర్వమింద్రార్థమమితౌజసా ।
దత్తంసురపతేఃపూర్వంత్రిలోకజయకాంక్షిణః ॥ 5 ॥
యస్యవాజేషుపవనఃఫలేపావకభాస్కరౌ ।
శరీరమాకాశమయంగౌరవేమేరుమందరౌ ॥ 6 ॥
జాజ్వల్యమానంవపుషాసుపుంఖంహేమభూషితమ్ ।
తేజసాసర్వభూతానాంకృతంభాస్కరవర్చసమ్ ॥ 7 ॥
సధూమమివకాలానగిందీప్తమాశీవిషోపమమ్ ।
నరనాగాశ్వవృద్ధానాంభేదనంక్షిప్రకారిణమ్ ॥ 8 ॥
ద్వారాణాంపరిఘాణాం చ గిరీణాంచాపిభేదనమ్ ।
నానారుధిరదిగ్ధాంగంమేదోదిగ్ధంసుదారుణమ్ ॥ 9 ॥
వజ్రసారంమహానాదంనానాసమితిదారణమ్ ।
సర్వవిత్రాసనంభీమంశ్వసంతమివపన్నగమ్ ॥ 10 ॥
కంకగృధ్రబకానాం చ గోమాయుగణరక్షసామ్ ।
నిత్యంభక్షప్రదంయుద్ధేయమరూపంభయాపహమ్ ॥ 11 ॥
నందనంవానరేంద్రాణాంరక్షసామవసాదనమ్ ।
వాజితంవివిధైర్వాజైశ్చారుచిత్రైర్గరుత్మతః ॥ 12 ॥
తముత్తమేషుంలోకానామిక్ష్వాకుభయనాశనమ్ ।
ద్విషతాంకీర్తిహరణంప్రహర్షకరమాత్మనః ॥ 13 ॥
అభిమ్నత్యతతోరామస్తంమహేషుంమహాబలః ।
వేదప్రోక్తేనవిధినాసందధేకార్ముకేబలీ ॥ 14 ॥
తస్మిన్ సధనీయమానేతురాఘవేణశరోత్తమే ।
సర్వభూతానిసంత్రేసుశ్చచాల చ వసుంధరా ॥ 15 ॥
స రావణాయసఙ్రుద్ధోభృశమాయమ్యకార్ముకమ్ ।
చిక్షేపపరమాయత్తఃశరంమర్మవిదారణమ్ ॥ 16 ॥
సర్వలోకేశ్వరః శ్రీమాన్ లోకానాం హితకామ్యయా ।
సరాక్షస పరీవారం హతవాంస్త్వాం మహాద్యుతిః ॥ 17 ॥
స విసృష్టోమహావేగశ్శరీరాంతకరశ్శరః ।
చిచ్ఛేదహృదయంతస్యరావణస్యదురాత్మనః ॥ 18 ॥
రుధిరాక్తస్సవేగేనశరీరాంతకరఃశరః ।
రావణస్యహరన్ప్రాణాన్వివేశధరణీతలమ్ ॥ 19 ॥
స శరోరావణంహత్వారుధిరార్ద్రీకృతచ్ఛవిః ।
కృతకర్మానిభృతవత్స్వతూణీంపునరావిశత్ ॥ 20 ॥
తస్యహస్తాద్ధతస్యాశుకార్ముకం చ ససాయకమ్ ।
నిపపాతసహప్రాణైర్భ్రశ్యమానస్యజీవితాత్ ॥ 21 ॥
గతాసుర్భీమవేగస్తునైరృతేంద్రోమహాద్యుతిః ।
పపాతస్యందనాద్భూమౌవృత్రోవజ్రహతోయథా ॥ 22 ॥
తందృష్టవాపతితంభూమౌహతశేషానిశాచరాః ।
హతనాధాభయత్రస్తాస్సర్వతస్సంప్రదుద్రువుః ॥ 23 ॥
సర్వతశ్చాభిపేతుస్తాన్వానరాద్రుమయోధినః ।
దశగ్రీవవధందృష్టవావానరాజితకాశినః ॥ 24 ॥
అర్దితావానరైర్భ్రష్టాలంకామభ్యపతన్ భయాత్ ।
హతాశ్రయాత్వాత్కరుణైర్భాష్పప్రస్రవణైర్ముఖైః ॥ 25 ॥
తతోవినేదుఃసమ్హృష్టావానరాఃజితకాశినః ।
వదంతోరాఘవజయంరావణస్య జ తద్వధమ్ ॥ 26 ॥
అథాంతరిక్షేవ్యనదత్సౌమ్యస్త్రిదశదుంధుభిః ।
దివ్యగంధశహస్తత్రమారుతస్సుసుకోవవౌ ॥ 27 ॥
నిపపాతాంతరిక్షాచ్చపుష్పవృష్టిస్తదాభువి ।
కిరంతీరాఘవరథందురవాపామనోహరా ॥ 28 ॥
రాఘవస్తవసంయుక్తాగగనే చ విశుశ్రువే ।
సాధుసాధ్వితివాగగ్య్రాదేవతానాంమహాత్మనామ్ ॥ 29 ॥
అవివేశమహాన్ హర్షోదేవానాంచారణైఃసహ ।
రావణేనిహతేరౌద్రేసర్వలోకభయంకరే ॥ 30 ॥
తతఃసకామంసుగ్రీవమంగదం చ విభీషణమ్ ।
చకారరాఘవఃప్రీతోహత్వారాక్షసపుంగవమ్ ॥ 31 ॥
తతఃప్రజగ్ముఃప్రశమంమరుద్గణాదిశఃప్రసేదుర్విమలంనభోఽభవత్ ।
మహీచకంపే న చ మారుతోవవౌస్థిరప్రభశ్చాప్యభవద్దివాకరః ॥ 32 ॥
తతస్తుసుగ్రీవవిభీషణాంగదాఃసుహృద్విశిష్టాస్సహలక్ష్మణాస్తదా ।
సమేత్యహృష్టావిజయేనరాఘవంరణేఽభిరామంవిధినాభ్యపూజయన్ ॥ 33 ॥
స తునిహతరిపుస్స్థిరప్రతిజ్ఞఃస్వజనబలాభివృతోరణేరరాజ ।
రఘుకులనృపనందనోమహౌజాస్త్రిదశగణైరభిసంవృతోయథేంద్రః ॥ 34 ॥
ఇత్యార్షే శ్రీమద్రామాయణే వాల్మీకీయ ఆదికావ్యే యుద్ధకాండే ఏకాదశాధికశతతమస్సర్గః ॥
