ശ്രീമദ്വാല്മീകീയ രാമായണേ യുദ്ധകാംഡമ് ।
അഥ ഏകാദശാധികശതതമസ്സര്ഗഃ ।
അഥസംസ്മാരയാമാസമാതലിരാഘവംതദാ ।
അജാനന്നിവകിംവീരത്വമേനമനുവര്തസേ ॥ 1 ॥
വിസൃജാസ്മൈവധായത്വമസ്ത്രംപൈതാമഹംപ്രഭോ ।
വിനാശകാലഃകഥിതോഃയഃസുരൈഃസോഽദ്യവര്തതേ ॥ 2 ॥
തതഃസംസ്മാരിതോരാമസ്തേനവാക്യേനമാതലേഃ ।
ജഗ്രാഹ സ ശരംദീപ്തംനിഃശ്വസംതമിവോരഗമ് ॥ 3 ॥
യംതസ്മൈപ്രഥമംപ്രാദാദഗസ്ത്യോഭഗവാനൃഷിഃ ।
ബ്രഹ്മദത്തംമഹാബാണമമോഘംയുധിവീര്യവാന് ॥ 4 ॥
ബ്രഹ്മണാനിര്മിതംപൂർവമിംദ്രാര്ഥമമിതൌജസാ ।
ദത്തംസുരപതേഃപൂർവംത്രിലോകജയകാംക്ഷിണഃ ॥ 5 ॥
യസ്യവാജേഷുപവനഃഫലേപാവകഭാസ്കരൌ ।
ശരീരമാകാശമയംഗൌരവേമേരുമംദരൌ ॥ 6 ॥
ജാജ്വല്യമാനംവപുഷാസുപുംഖംഹേമഭൂഷിതമ് ।
തേജസാസർവഭൂതാനാംകൃതംഭാസ്കരവര്ചസമ് ॥ 7 ॥
സധൂമമിവകാലാനഗിംദീപ്തമാശീവിഷോപമമ് ।
നരനാഗാശ്വവൃദ്ധാനാംഭേദനംക്ഷിപ്രകാരിണമ് ॥ 8 ॥
ദ്വാരാണാംപരിഘാണാം ച ഗിരീണാംചാപിഭേദനമ് ।
നാനാരുധിരദിഗ്ധാംഗംമേദോദിഗ്ധംസുദാരുണമ് ॥ 9 ॥
വജ്രസാരംമഹാനാദംനാനാസമിതിദാരണമ് ।
സർവവിത്രാസനംഭീമംശ്വസംതമിവപന്നഗമ് ॥ 10 ॥
കംകഗൃധ്രബകാനാം ച ഗോമായുഗണരക്ഷസാമ് ।
നിത്യംഭക്ഷപ്രദംയുദ്ധേയമരൂപംഭയാപഹമ് ॥ 11 ॥
നംദനംവാനരേംദ്രാണാംരക്ഷസാമവസാദനമ് ।
വാജിതംവിവിധൈർവാജൈശ്ചാരുചിത്രൈര്ഗരുത്മതഃ ॥ 12 ॥
തമുത്തമേഷുംലോകാനാമിക്ഷ്വാകുഭയനാശനമ് ।
ദ്വിഷതാംകീര്തിഹരണംപ്രഹര്ഷകരമാത്മനഃ ॥ 13 ॥
അഭിമ്നത്യതതോരാമസ്തംമഹേഷുംമഹാബലഃ ।
വേദപ്രോക്തേനവിധിനാസംദധേകാര്മുകേബലീ ॥ 14 ॥
തസ്മിന് സധനീയമാനേതുരാഘവേണശരോത്തമേ ।
സർവഭൂതാനിസംത്രേസുശ്ചചാല ച വസുംധരാ ॥ 15 ॥
സ രാവണായസങ്രുദ്ധോഭൃശമായമ്യകാര്മുകമ് ।
ചിക്ഷേപപരമായത്തഃശരംമര്മവിദാരണമ് ॥ 16 ॥
സർവലോകേശ്വരഃ ശ്രീമാന് ലോകാനാം ഹിതകാമ്യയാ ।
സരാക്ഷസ പരീവാരം ഹതവാംസ്ത്വാം മഹാദ്യുതിഃ ॥ 17 ॥
സ വിസൃഷ്ടോമഹാവേഗശ്ശരീരാംതകരശ്ശരഃ ।
ചിച്ഛേദഹൃദയംതസ്യരാവണസ്യദുരാത്മനഃ ॥ 18 ॥
രുധിരാക്തസ്സവേഗേനശരീരാംതകരഃശരഃ ।
രാവണസ്യഹരന്പ്രാണാന്വിവേശധരണീതലമ് ॥ 19 ॥
സ ശരോരാവണംഹത്വാരുധിരാര്ദ്രീകൃതച്ഛവിഃ ।
കൃതകര്മാനിഭൃതവത്സ്വതൂണീംപുനരാവിശത് ॥ 20 ॥
തസ്യഹസ്താദ്ധതസ്യാശുകാര്മുകം ച സസായകമ് ।
നിപപാതസഹപ്രാണൈര്ഭ്രശ്യമാനസ്യജീവിതാത് ॥ 21 ॥
ഗതാസുര്ഭീമവേഗസ്തുനൈരൃതേംദ്രോമഹാദ്യുതിഃ ।
പപാതസ്യംദനാദ്ഭൂമൌവൃത്രോവജ്രഹതോയഥാ ॥ 22 ॥
തംദൃഷ്ടവാപതിതംഭൂമൌഹതശേഷാനിശാചരാഃ ।
ഹതനാധാഭയത്രസ്താസ്സർവതസ്സംപ്രദുദ്രുവുഃ ॥ 23 ॥
സർവതശ്ചാഭിപേതുസ്താന്വാനരാദ്രുമയോധിനഃ ।
ദശഗ്രീവവധംദൃഷ്ടവാവാനരാജിതകാശിനഃ ॥ 24 ॥
അര്ദിതാവാനരൈര്ഭ്രഷ്ടാലംകാമഭ്യപതന് ഭയാത് ।
ഹതാശ്രയാത്വാത്കരുണൈര്ഭാഷ്പപ്രസ്രവണൈര്മുഖൈഃ ॥ 25 ॥
തതോവിനേദുഃസമ്ഹൃഷ്ടാവാനരാഃജിതകാശിനഃ ।
വദംതോരാഘവജയംരാവണസ്യ ജ തദ്വധമ് ॥ 26 ॥
അഥാംതരിക്ഷേവ്യനദത്സൌമ്യസ്ത്രിദശദുംധുഭിഃ ।
ദിവ്യഗംധശഹസ്തത്രമാരുതസ്സുസുകോവവൌ ॥ 27 ॥
നിപപാതാംതരിക്ഷാച്ചപുഷ്പവൃഷ്ടിസ്തദാഭുവി ।
കിരംതീരാഘവരഥംദുരവാപാമനോഹരാ ॥ 28 ॥
രാഘവസ്തവസംയുക്താഗഗനേ ച വിശുശ്രുവേ ।
സാധുസാധ്വിതിവാഗഗ്യ്രാദേവതാനാംമഹാത്മനാമ് ॥ 29 ॥
അവിവേശമഹാന് ഹര്ഷോദേവാനാംചാരണൈഃസഹ ।
രാവണേനിഹതേരൌദ്രേസർവലോകഭയംകരേ ॥ 30 ॥
തതഃസകാമംസുഗ്രീവമംഗദം ച വിഭീഷണമ് ।
ചകാരരാഘവഃപ്രീതോഹത്വാരാക്ഷസപുംഗവമ് ॥ 31 ॥
തതഃപ്രജഗ്മുഃപ്രശമംമരുദ്ഗണാദിശഃപ്രസേദുർവിമലംനഭോഽഭവത് ।
മഹീചകംപേ ന ച മാരുതോവവൌസ്ഥിരപ്രഭശ്ചാപ്യഭവദ്ദിവാകരഃ ॥ 32 ॥
തതസ്തുസുഗ്രീവവിഭീഷണാംഗദാഃസുഹൃദ്വിശിഷ്ടാസ്സഹലക്ഷ്മണാസ്തദാ ।
സമേത്യഹൃഷ്ടാവിജയേനരാഘവംരണേഽഭിരാമംവിധിനാഭ്യപൂജയന് ॥ 33 ॥
സ തുനിഹതരിപുസ്സ്ഥിരപ്രതിജ്ഞഃസ്വജനബലാഭിവൃതോരണേരരാജ ।
രഘുകുലനൃപനംദനോമഹൌജാസ്ത്രിദശഗണൈരഭിസംവൃതോയഥേംദ്രഃ ॥ 34 ॥
ഇത്യാര്ഷേ ശ്രീമദ്രാമായണേ വാല്മീകീയ ആദികാവ്യേ യുദ്ധകാംഡേ ഏകാദശാധികശതതമസ്സര്ഗഃ ॥
